JEREMI 32:29 - Bible sar

²⁹ Kalde gə̄ ń ənīn̄ ɓē ń toō rɔ̄ɔ̄ ní a udən̄ kemeé. A əlan̄ hor dɔ tə́ yā róōnəń naā tə́ kə kújə gə̄ ń de gə̄ róōn̄ *yá̰a̰ ndējə̄ gə̄ kə́ tām̄ yā *Baal tə́ ō, tə́ten̄ kasə adə̄n̄ nə́ɓā kə́ rang gə̄ ō, dɔ tə́ dɔɔ́ adə̄ wōn̄g rāām̄ ní. Kɔ́ɔ̄ɓē ɔr̄ najə̄ i tītə̄ ń noō.

Bibəl ta Sar̄

²⁹ Kalde gə̄ ń ənīn̄ ɓē ń toō rɔ̄ɔ̄ ní a udən̄ kemeé. A əlan̄ hor dɔ tə́ yā róōnəń naā tə́ kə kújə gə̄ ń de gə̄ róōn̄ yá̰a̰ ndējə̄ gə̄ kə́ tām̄ yā Baal tə́ ō, tə́ten̄ kasə adə̄n̄ nə́ɓā kə́ rang gə̄ ō, dɔ tə́ dɔɔ́ adə̄ wōn̄g rāām̄ ní. Kɔ́ɔ̄ɓē ɔr̄ najə̄ i tītə̄ ń noō.

JEREMI 32:29 Referans Kwoze

JEREMI 21:10

Kə́ rɔ̄kum tə́ ní, m-ā m̄-tūr̄ rɔ̄ḿ kə̄ rɔ̄ ɓē ń toō tə́ yā rāā yá̰á̰ kə́ majaĺ seneé, ba i yā yá̰á̰ kə́ majə seneé alé. A əlanən̄ jī mban̄g kə́ *Babilon tə́ kadə̄ əla hor dɔn tə́. Najə̄ ń Kɔ́ɔ̄ɓē əda ní n noó.

JEREMI 19:13

Kújə́ kə́ Jerusalem tə́ gə̄ ō, *Juda tə́ gə̄ ō, a télən̄ yá̰á̰ kə́ yḛr tītə̄ loo kə́ Topet tə́. Rɔ̄kum, kújə gə̄ ń noō malang ń de gə̄ róōn̄ *yá̰a̰ ndējə̄ gə̄ ndágə loo gə̄ kə́ dɔ tə́ tə́ adə̄n̄ tə́yō̰ gə̄ ō, tə́ten̄ kasə nang tə́ tū tə́ adə̄n̄ nə́ɓā kə́ rang gə̄ ō ní, a télən̄ yá̰á̰ kə́ yḛr.

JEREMI 52:13

Ni-əla hor dɔ *kújə yā Kɔ́ɔ̄ɓē tə́ ō, kújə yā mban̄g tə́ ō, dɔ kújə gə̄ malang kə́ kem ɓē kə́ Jerusalem tə́ tə́ ō. Mandang ní, ni tə́la hor i dɔ kújə yā de kə́ bo gə̄ tə́.

2 YÁ̰A̰ GƏ̄ 36:19

De kə́ Babilon gə̄ əlan̄ hor dɔ kújə yā Nə́ɓā tə́ ō, tetən̄ ndogə̄ mbal̄ kə́ Jerusalem nang tə́ ō, tə́lan̄ hor dɔ kújə mban̄g gə̄ kə́ kemeé tə́ kɔ̄ɔ́ ō. yá̰á̰ kə́ gātə̄də́ i ngá̰ý gə̄ ní nujən̄neé kɔ̄ɔ́ malang ō.

JEREMI 44:25

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel, ɔr̄ najə̄ i tītə̄ ń toō beē: Sḭḭ̄ ō, nə̄yá̰sí gə̄ ō, ɔ̄rī najə̄ ré tasí a̰ȳ aĺ ɓáý anī ī-rāāī yá̰á̰ ń ə́daī ní kɔ̄ɔ́ ɓá. Sḭḭ̄ ə́daī na j-a jə-rāā yá̰á̰ ń j-ənī ndūjí yā rāā ní. J-a jə-róō *yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, j-a jə-tə́te kasə tə́ nang tə́ yā kadə̄n ō. Tā anī ī-rāāī yá̰a̰ gə̄ ń ə̄nīī ndūsí yā rāā ní ī-tɔ̄lī ta ō, ī-tə́teī kasə yāsí gə̄ nang tə́ ō.

JEREMI 39:8

Kalde gə̄ əlan̄ hor dɔ kújə yā mban̄g tə́ ō, dɔ kújə gə̄ yā de kə́ kem ɓēé gə̄ tə́ ō, tɔ̄ɔ̄n̄ ndogə̄ mbal̄ gə̄ kə́ Jerusalem tə́ nang tə́ ō.

JEREMI 7:18

Ngán gə̄ ɔyn̄ kīr̄ ō, bɔbə̄də́ gə̄ unjə̄n̄ hor ō, dəyá̰ gə̄ ló̰ȳn̄ ndujə̄ ō yā rāań mápá kə́ kə yibīí yā kadə̄ Mban̄g kə́ dəyá̰ kə́ dɔ rā̰ tə́. Sḭḭ̄ ī-téteī kasə nang tə́ ādī nə́ɓā kə́ rang gə̄ ādə̄mīneé wōn̄g.

MATIYE 22:7

Wōn̄g rāā mban̄g ní, adə̄ əla ɓūtə̄ áskar yān gə̄ kadə̄ aw̄ tɔ̄lə̄n̄ ngé tɔ̄l̄ de gə̄ ní kɔ̄ɔ́ ba əlan̄ hor dɔ ɓē yādə́ tə́.

NŌŌ RƆ̄ 4:11

Wōn̄g rāā Kɔ́ɔ̄ɓē al̄ naā, adə̄ bə̄gā wōn̄g kə́ ngá̰ý ní dɔ ɓē kə́ *Siyo̰ tə́. Ni-əla hor dɔ tə́ adə̄ o̰o̰ gír gisə ɓē.

JEREMI 17:27

Banī ré sḭḭ̄ ī-mbātíī koō najə̄ yāḿ, adə̄ ɔ̄rī kam̄ ndɔ̄ *sabat aĺ ō, ə̄tōī yá̰á̰ kə́ kɔȳ gə̄ ō, údiī kə ta róbə́ kə́ Jerusalem tə́ gə̄ ndɔ̄ sabat tə́ ō anī, m-ā m̄-rāā hor ta róbə ɓē gə̄ tə́ kadə̄ a o̰o̰ kújə́ kə́ majə ngá̰ý kə́ Jerusalem tə́ gə̄ ō, a oy aĺ ō.

2 MBAN̄G 25:9

Ni-əla hor dɔ *kújə yā Kɔ́ɔ̄ɓē tə́ ō, kújə yā mban̄g tə́ ō, kújə gə̄ kə́ kem ɓēé tə́ ō, ba mandang ní ni tə́la hor i dɔ kújə yā de kə́ bo gə̄ tə́ malang.

KƏLA RĀĀ 10:9

Teē kə ndɔ̄ kə́ noō dan ń nin̄ i róbó ɓáý á əndān̄ dɔ ɓē kə́ Jope ngɔr ní anī, Piyer al̄ dɔ kújə́ dúŕ duruú dɔɔ́ dan kadə ndaá yā ndɔ̄ȳ Nə́ɓā.

HEBƏRO 3:16

De gə̄ ń oōn̄ ndū Nə́ɓā ba əsōn̄ wōn̄g tan tə́ ní i náā gə̄. I de gə̄ malang ń Moijə teē sedə́ kɔ̄ɔ́ kem ɓē kə́ Ejiptə tə́ ní.

NEHEMI 8:16

Loo ń noō tə́ ngán *Israel gə̄ teē aw̄ sāān̄ ta jī kāgə̄ gə̄ yā reē rāań kújə́ kámbə gə̄. Ngé kə́rēý gə̄ rāān̄ kújə́ kámbə yādə́ gə̄ i dɔ kújə́ dúŕ dur yādə́ gə̄ tə́ ō, kə́rēý gə̄ rāān̄ yādə́ gə̄ i ndágə loo kə́ ta kújə yādə́ gə̄ tə́ ō, kə́rēý gə̄ rāān̄ yādə́ gə̄ i ndágə loo kə́ ta *kújə yā Kɔ́ɔ̄ɓē tə́ ō, kə́rēý gə̄ rāān̄ yādə́ gə̄ i ndágə loo kə́ ta róbə yā man̄ tə́ ō, ndágə loo kə́ ta róbə yā *Epəraim tə́ ō.

JEREMI 11:17

I Kɔ́ɔ̄ɓē kə́ bo kə́ tɔ́gən i ngá̰ý ń əndāī ní n, ɓāŕ yá̰á̰ kə́ yá̰á̰ kə́ to kum kaȳ aĺ kadə̄ reē dɔí tə́, najə̄ majaĺ ń de kə́ *Israel tə́ gə̄ ō, kə́ *Juda gə̄ ō rāān̄ tə́ ní. Nin̄ rāān̄ yá̰á̰ kə́ majaĺ seneé tɔdɔ̄ róōn̄ yá̰á̰ kə́ tun̄ gə̄ adə̄n̄ *Baal.

JEREMI 32:3

Sedekias, mban̄g kə́ Juda əhɔn dəngáy adə̄ ndi i loo ń noō tə́ tɔdɔ̄ əda na: I tām̄ rí tə́ á ɔ̄r̄ najə̄ gə̄ ń toō ə́da na: Kɔ́ɔ̄ɓē ɔr̄ najə̄ i tītə̄ ń toō beé: M-ā m-ə́la ɓē ń toō gíŕ tɔ́gə yā mban̄g kə́ Babilon tə́, ni a taā ɓē ní kɔ̄ɔ́ ní?

JEREMI 34:2

Najə̄ ń Kɔ́ɔ̄ɓē, Nə́ɓā yā *Israel əda ní n toó: Āw̄ ɔ̄r̄ najə̄ kə Sedekias mban̄g kə́ *Juda tə́, ə́dan na: M-ā m-ə́la ɓē ń toō kem jī mban̄g kə́ *Babilon tə́ kadə̄ a əla hor dɔ tə́.

IJAI 22:1

Najə̄ yā wól loo kə́ deē a̰a̰ yá̰a̰ tū tə́. Sḭḭ̄ de kə́ Jerusalem gə̄, i tām̄ rí tə́ á sḭḭ̄ malang ālī dɔ kújə gə̄ tə́ dɔɔ́ ní?

JEREMI 7:17

Á̰á̰ yá̰á̰ ń nin̄ a rāān̄ kem ɓē gə̄ kə́ *Juda tə́ ō, kum róbə kɔsə gə̄ kə́ Jerusalem tə́ ō ní aĺ a?

JEREMI 30:14

Dɔ ngé sāāí gə̄ malang ndigə̄nalií kɔ̄ɔ́. Gírə̄n̄ dɔí tə́ to̰ alé. M-ə́ndaī tītə̄ ń madə̄ ba̰ā̰í ḭ̄ deē a əndaīneé ní. I yá̰á̰ kə́ tōr̄ ngá̰ý n m̄-rāā seí ní, kadə̄ ī-gerə̄ń gō majaĺ yāí kə́ ngá̰ý gə̄ ō, yá̰á̰ kə́ gōtə́ aĺ yāí kə́ ngá̰ý gə̄ ō.

JEREMI 52:12

Kem ɓāl̄ kə́ nge ko̰ kutə gidə i ndōhó ń Nabukodonosor ndiń mban̄g *Babilon tə́ ní, kə ndɔ̄ kə́ nge ko̰ sīrí yā nāā kə́ nge ko̰ mí anī, Nebujaradan ngol ngé ngɔ̄m̄ mban̄g gə̄ ń i nge kəla yā mban̄g kə́ Babilon ní, udə kem ɓē kə́ Jerusalem tə́.

EJEKIEL 23:47

Ī-tə́nīdə́ kə mbalá gēé ō, ī-tɔ̄līdə́ kə kaskaraá ō! Ī-tɔ̄lī ngáńdə́ kə́ dəngam gə̄ ō, ngáńdə́ kə́ dəyá̰ gə̄ ō, ī-tə́laī hor dɔ kújə yādə́ gə̄ tə́ ō!