JEREMI 32:23 - Bible sar

²³ Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń *ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.

Bibəl ta Sar̄

²³ Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.

JEREMI 32:23 Referans Kwoze

ESDRAS 9:7

Əla gír ɓāl̄ yā kaají gə̄ tə́ bátə́ ɓōólaā ní, gír deē yājí gə̄ rāān̄ yá̰á̰ kə́ gōtə́ aĺ gə̄ ngá̰ý. I tām̄ najə̄ ń noō tə́ n mban̄g kə́ tə̄rā gə̄ ndin̄neé dɔjí tə́ ō, dɔ mban̄g yājí gə̄ tə́ ō, dɔ *ngé tun̄ yá̰a̰ yājí gə̄ tə́ ō, rɔ̄ɔ̄n̄neéjí ō, aw̄n̄neé sejí ɓəloó ō, ɔyn̄neé yá̰a̰ kənge yājí gə̄ ō, əlan̄neé rɔ̄sɔl̄ dɔjí tə́ ō tītə̄ ń rāān̄neé ɓōólaā ɓáý ní.

NŌŌ RƆ̄ 1:18

Kɔ́ɔ̄ɓē rāā i yá̰á̰ kə́ gōtə́, tɔdɔ̄ m̄-mbātə́ rāā yá̰a̰ gə̄ ń ni ədam̄ kadə̄ m̄-rāā ní. Ōōī, sḭḭ̄ gír de gə̄ malang, á̰a̰ī wur kɔl yāḿ, əhɔn̄ ngámandə yāḿ gə̄ ō, balsáa yāḿ gə̄ ō aw̄n̄ sedə́ dɔ nang kə́ rang tə́.

JAKƏ 2:10

Tɔdɔ̄ ré deē kógə̄ḿ ngɔ̄m̄ gotə *ndū najə̄ gə̄ malang ba əya̰ kógə̄ḿ kɔ̄ɔ́ anī, sarya yā ndū najə̄ gə̄ malang əhɔn.

GALATƏ 3:10

Ba ngé gə̄ ń əndān̄ tɔ́gə́də́ i dɔ rāā yá̰á̰ ń *ndū najə̄ əda tə́ ní, ndɔ̄ĺ i dɔdə́ tə́. Tɔdɔ̄ i kə́ ndang na: Náā nəkɔ́ ń rāā yá̰a̰ malang ń ndangən̄ kem makətūbə̄ ndū najə̄ tə́ ní aĺ ní i de kə́ ndɔ̄ĺ i dɔn tə́.

JA̰A̰ 15:14

Ré ī-rāāī yá̰a̰ kə gō míndə́ḿ anī, sḭḭ̄ i madə̄ kə́ráḿ gə̄.

Najə̄ kə́ Majə yā Jeju ń Luk ndang ní 17:10

Yāsí sḭḭ̄ i tītə̄ ń noō ō, adə̄ dan ń ī-rāāī yá̰a̰ gə̄ ń Nə́ɓā əndā dɔsí tə́ kadə̄ ī-rāāī ní malang oy anī, majə kadə̄ ə́daī tītə̄ ń toō na: Jḭḭ̄ i ngáń ngé kəla gə̄ karī, adə̄ jə-rāāī i yá̰á̰ ń sɔɔ̄ kadə̄ jə-rāāī ní ngóy.

EJEKIEL 20:21

Banī ngáńdə́ gə̄ rāān̄ dɔ ngan̄g seḿ. Nin̄ rāān̄ yá̰a̰ gə̄ ń *ndū najə̄ yāḿ əda ní aĺ ō, unən̄ gō jī bēl̄ loo rāā yá̰a̰ yāḿ gə̄ aĺ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ *sabat. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ kem dəla loo tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

EJEKIEL 20:18

M-ə́da ngáńdə́ gə̄ kem dəla loo tə́ na: Ī-mbātíī rāā yá̰a̰ gə̄ ń *ndū najə̄ gə̄ yā bɔbə̄sí əndan̄ ní ō, ī-lōōī kun gō jī bēl̄ loo rāā yá̰a̰ yādə́ gə̄ ō. Ī-lōōī tél de kə́ yḛr gə̄ kə ta kūl̄ rɔȳ nə́ɓā yādə́ kə́ rɔ̄kum aĺ gə̄.

EJEKIEL 20:8

Banī kaasí gə̄ rāān̄ dɔ ngan̄g, nin̄ mbātə́n̄ koō najə̄ yāḿ. Ɓesə̄ kə́ majaĺ ngá̰ý gə̄ ń əsōn̄ kumdə́ ní, deē kógə̄ḿ dandə́ tə́ kə́ mbātə́də́ gətóo. Adə̄ ɓesə̄ gə̄ kə́ Ejiptə tə́ ní, deē kógə̄ḿ kə́ əya̰də́ kɔ̄ɔ́ gətóo. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ dɔ nang kə́ Ejiptə tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

NŌŌ RƆ̄ 1:8

Jerusalem rāā yá̰á̰ kə́ majaĺ adə̄ ni téĺ yá̰á̰ kə́ yḛr. Ngé gə̄ malang ń ɔsən̄ gɔnən ní kídə̄nən̄ kɔ̄ɔ́ dan ń a̰a̰n̄ kadə̄ gírən i karī ní. Nəkɔ́ gə̄gē a to̰ō̰ ō, tūr̄ gidən ō.

NEHEMI 9:15

Ādə̄də́ yá̰a̰ kəsa kə́ ḭḭ dɔ rā̰ tə́ adə̄ əsan̄ adə̄ tɔ̄l̄ ɓōdə́ ō, ī-rāā ādə̄ man̄ teē tū mbal̄ tə́ adə̄ a̰ȳn̄ adə̄ gān̄g kəndā ń rāādə́ ní ō. Ə́dádə́ na kə reē kə taān̄ ɓē ń ɔ́y jīí kə̄ dɔɔ́ ī-túbəń ə́da na ā ādə̄də́ ní.

JOJUE 23:16

Ré ī-mānī dɔ *ndū najə̄ ń Kɔ́ɔ̄ɓē Nə́ɓā yāsí rāań madə̄ naā sesí ní ba āw̄ ī-rāāī ɓesə̄ gə̄ ō, ə̄sōī kə̄ nang tə́ nodə́ tə́ ī-rɔyīńdə́ ō anī, wōn̄g yān a ḭḭ seneé, adə̄ a rāā kadə̄ ī-gətóoī kɔ̄ɔ́ láẃ ngá̰ý dɔ nang kə́ majə ń adə̄sí tə́ ní.

PĀ GƏ̄ 78:10

i tɔdɔ̄ nin̄ ngɔ̄mə̄n̄ *madə̄ naā yā Nə́ɓā alé, nin̄ mbātə́n̄ rāā yá̰á̰ ń *ndū najə̄ yān əda ní.

JEREMI 2:7

m̄-rāā adə̄ údiī kem ɓē kə́ kāgə̄ kə́ kəndā gə̄ i ngá̰ý tū tə́, yā kadə̄ sḭḭ̄ ī-nāī kan̄ kāgə̄ kə́ nel̄ gə̄. Banī dan ń sḭḭ̄ údiī kem ɓē nge ń toō tə́ kɔ̄ɔ́ anī, sḭḭ̄ ī-tákī ɓē yāḿ kə majaĺ ō, sḭḭ̄ ī-rāāī yá̰á̰ kə́ majaĺ ngá̰ý kə yá̰a̰ yāḿ ō.

JEREMI 26:4

Ā ə́dádə́ na: Najə̄ ń mā Kɔ́ɔ̄ɓē m-ə́dá ní n toó: Ré sḭḭ̄ ōōī najə̄ yāḿ aĺ ō, úniī gō yá̰á̰ ń m̄-ndóōsí ní aĺ ō,

JEREMI 44:10

Ɓōólaā gə̄gē ní nin̄ ndə̄ngān̄ rɔ̄də́ alé, ɓōlə́n̄ ndílə́ḿ alé. Nin̄ unən̄ gō róbə yāḿ gə̄ aĺ ō, unən̄ gō *ndū najə̄ yāḿ gə̄ ń m̄-ndang m-ādə̄sí sḭḭ̄ ō, kaasí gə̄ ō ní aĺ ō.

JOJUE 21:43

Kɔ́ɔ̄ɓē adə̄ ngán Israel gə̄ dɔ nang ń ni-ənī ndūn yā kadə̄ kaadə́ gə̄ ní malang. Nin̄ taān̄ dɔ nang ní ba ndin̄ tū tə́.

JEREMI 7:26

Banī nin̄ oōn̄ ndūḿ alé, nin̄ nēlə̄n̄ mbīdə́ alé, ba rāān̄ dɔ ngan̄g, kemdə́ ndul mān̄ yā kaadə́ gə̄.