JEREMI 32:22 - Bible sar

²² Ḭ̄ ādə̄də́ ɓē ń toō ń ə̄nī ndūí dɔ tə́ ō, ī-túbə ō yā kadə̄ kaadə́ gə̄ ní. I ɓē kə́ mba ō, yibə̄ tejə ō ngá̰ý tū tə́.

Bibəl ta Sar̄

²² Ḭ̄ ādə̄də́ ɓē ń toō ń ə̄nī ndūí dɔ tə́ ō, ī-túbə ō yā kadə̄ kaadə́ gə̄ ní. I ɓē kə́ mba ō, yibə̄ tejə ō ngá̰ý tū tə́.

JEREMI 32:22 Referans Kwoze

Teē Ngán Israel gə̄ 13:5

Loo ń Kɔ́ɔ̄ɓē aw̄ sesí adə̄ ūgī dɔ nang yā Kanaan gə̄ tə́ ō, Het gə̄ tə́ ō, *Amor gə̄ tə́ ō, Hibi gə̄ tə́ ō, Yebus gə̄ tə́ ō anī, ā ī-rāāī nāā yā kadə̄ əgań kemsí dɔ yá̰á̰ ń rāā yá̰a̰ kem nāā ń toō tə́ ní kə dɔ ɓāl̄ gə̄. Dɔ nang ní i dɔ nang ń ni-ənī míndən dɔ tə́ adə̄ kaasí gə̄ yā kadə̄sí ní. I dɔ nang kə́ mba ō, yibə̄ tejə ō i ngá̰ý tū tə́.

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, *Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

JEREMI 11:5

Ɓáa m-ā m̄-rāā yá̰á̰ ń m̄-túbə̄ njaḿ m-ādə̄ kaasí gə̄ á i kadə̄ m-ādə̄də́ ɓē kógə̄ḿ kə́ mba ō, yibə̄ tejə ō i ngá̰ý tū tə́ ní. Ngɔlaā ɓē ní i yāsí tə́ mámák. m̄-tél m-ə́da na rɔ̄kum, Kɔ́ɔ̄ɓē.

NDŪ NAJƏ̄ 1:8

Á̰a̰ī m-ādə̄sí do nang ń noō. Āw̄ ī-taāī tām̄ i dɔ nang kə́ mā Kɔ́ɔ̄ɓē m-ə̄nī ndūḿ kadə̄ m-ādə̄ kaasí gə̄ Abəraham ō, Isaak ō, Jakob ō, kadə̄ m-ādə̄ ngán kaadə́ gə̄ gotədə́ tə́ ō.

Teē Ngán Israel gə̄ 3:17

Adə̄ əda na n-a n-teē sedə́ kem ɓē ń na rāān̄ kumdə́ ndoō tə́ tū tə́ ní kɔ̄ɔ́, yā kaw̄ sedə́ dɔ nang yā Kanaan gə̄ tə́ ō, Het gə̄ tə́ ō, *Amor gə̄ tə́ ō, Periji gə̄ tə́ ō, Hibi gə̄ tə́ ō, Yebus gə̄ tə́ ō, adə̄ i dɔ nang ń mba ō, yibə̄ tejə ō, i ngá̰ý tū tə́ ní tə́.

EJEKIEL 20:15

Banī m̄-túbə m-ādə̄də́ kem dəla loo tə́ kadə̄ m-ɔ́ŕdə́ ta róbə m-āw̄ sedə́ dɔ nang ń m-ādə̄də́ tə́ ní alé. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

EJEKIEL 20:6

Ndɔ̄ ngeé ń noō tə́ ní, m̄-túbə m-ə́da na m-ā m̄-teē sedə́ kɔ̄ɔ́ kem ɓē kə́ Ejiptə tə́, yā kaw̄ sedə́ dɔ nang kə́ m-ə̄ndā ma̰ȳn tām̄ yādə́ tə́ tə́. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

NEHEMI 9:15

Ādə̄də́ yá̰a̰ kəsa kə́ ḭḭ dɔ rā̰ tə́ adə̄ əsan̄ adə̄ tɔ̄l̄ ɓōdə́ ō, ī-rāā ādə̄ man̄ teē tū mbal̄ tə́ adə̄ a̰ȳn̄ adə̄ gān̄g kəndā ń rāādə́ ní ō. Ə́dádə́ na kə reē kə taān̄ ɓē ń ɔ́y jīí kə̄ dɔɔ́ ī-túbəń ə́da na ā ādə̄də́ ní.

JOJUE 21:43

Kɔ́ɔ̄ɓē adə̄ ngán Israel gə̄ dɔ nang ń ni-ənī ndūn yā kadə̄ kaadə́ gə̄ ní malang. Nin̄ taān̄ dɔ nang ní ba ndin̄ tū tə́.

JOJUE 1:6

ə́hɔ rɔ̄í tɔgə ō, ī-ra dəngam ō. Tɔdɔ̄ i ḭ̄-n ā ādə̄ gír de gə̄ ń toō dɔ nang ń m-ə̄nī ndūḿ m-ādə̄ kaadə́ gə̄ yā kadə̄də́ ní.

NDŪ NAJƏ̄ 8:1

Gō míndə gə̄ malang ń m-ɔ́jə́sí ɓōólaā ní, ə̄ndāī kumsí gírí ī-rāāī, kadə̄ ī-ndiīneé kə kumsí ō, ī-téliīneé kósə de kə́ ngá̰ý gə̄ ō, ī-taāīneé dɔ nang ń Kɔ́ɔ̄ɓē ənī ndūn adə̄ kaasí gə̄ najə̄n tə́ ní ō.

NDŪ NAJƏ̄ 7:13

A táŕsí ō, a rāā majə sesí ō. A adə̄sí ngán gə̄ ngá̰ý ō, kōō gémē ō, kasə *nduú ō, yibə̄ ō. Loo ń ā ī-ndiī dɔ nang ń ənī míndən adə̄ kaasí gə̄ yā kadə̄sí tə́ ní anī, a rāā kadə̄ man̄g yāsí gə̄ kə batə̄ yāsí gə̄ ojən̄ naā ngá̰ý ō.

NDŪ NAJƏ̄ 6:23

ba teē sejí kɔ̄ɔ́ Ejiptə yā kaw̄ sejí dɔ nang ń ənī míndən dɔ tə́ adə̄ kaají gə̄ ní, yā kaw̄ kadə̄jí.

NDŪ NAJƏ̄ 6:18

Ī-rāāī yá̰á̰ kə́ súmūú ō, yá̰á̰ kə́ majə ō, ta kum Kɔ́ɔ̄ɓē tə́ yā kadə̄ rɔ̄sí nelə̄ńsí ō, ī-taāīneé dɔ nang ń Kɔ́ɔ̄ɓē túbə ənīń míndən yā kadə̄ kaasí gə̄ ní ō.

NDŪ NAJƏ̄ 6:10

Ré Kɔ́ɔ̄ɓē Nə́ɓā yāsí aw̄ sesí dɔ nang ń ənī míndən adə̄ kaasí Abəraham ō, Isaak ō, Jakob ō, yā kadə̄sí tə́ ní anī, ā ə́ngeī ɓē bo kə́ majə gə̄ kə́ sḭḭ̄ ī-rāāī aĺ gə̄ ō,

NDŪ NAJƏ̄ 1:35

De kə́ tɔgə gə̄ ń i de kə́ majaĺ gə̄ ní, deē kógə̄ḿ dandə́ tə́ kə́ yā ka̰a̰ dɔ nang kə́ majə ń m-ə̄nī ndūḿ yā kadə̄ kaadə́ gə̄ ní a gətóo.

TƏ́DA 14:30

Dɔ nang ń m-ə̄nī míndə́ḿ yā kadə̄sí kadə̄ ī-ndiī tū tə́ ní, ā ūgī tū tə́ aĺ bátə́, ba i Kaleb ngōn̄ Yepune ō, Jojue ngōn̄ Nun ō, ngóy n a ugə̄n̄ tū tə́ ní.

TƏ́DA 14:16

tɔ́gə́ Kɔ́ɔ̄ɓē na asə kaw̄ sedə́ kem ɓē ń ənī mindən dɔ tə́ yā kadədə́ ní tə́ alé, i tām̄ noō tə́ n tɔ̄ləńdə́ kɔ̄ɔ́ malang kem dəla loo tə́ ní.

TA KƏLA 50:24

Jəjep əda ngákó̰o̰n gə̄ na n-a n-oy ba Nə́ɓā na a dḭḭ̄də́, na a teē sedə́ kɔ̄ɔ́ kem ɓē ń toō tə́ yā kaw̄ sedə́ dɔ nang ń na ənī ndūn yā kadə̄ Abəraham ō, Isaak ō, Jakob ō ní tə́.

TA KƏLA 24:7

Kɔ́ɔ̄ɓē Nə́ɓā kə́ dɔ rā̰ tə́ ń teē seḿ kɔ̄ɔ́ ɓē bɔbə́ḿ ō, ɓē ngééḿ gēé ō ní, ɔr̄ najə̄ seḿ ō, ənī míndən adə̄m̄ ō, əda na dɔ nang ń toō n-a n-adə̄ ngán kaaḿ gə̄. Ní, nəkɔ́ a əla deē yān kə́ dɔ rā̰ tə́ kété noí tə́, adə̄ ā ī-taā dəyá̰ i nú tām̄ yā ngōnə̄ḿ tə́.

TA KƏLA 13:15

Dɔ nang malang ń á̰a̰ā̰ noó, m-ā m-ādə̄sí sḭḭ̄ kə ngán kaaí gēé, kadə̄ i yá̰a̰ yāsí njɔ́ḿ.