JEREMI 31:25 - Bible sar

²⁵ Ngé gə̄ ń kəndā man̄ taā tɔ́gə́də́ ní, m-ā m̄-tɔ̄l̄ kəndā dɔdə́ tə́ ō. Ngé gə̄ ń tél sɔlə̄n̄ yélélé ní m-ā m-ādə̄də́ tɔ́gə ō.

Bibəl ta Sar̄

²⁵ Ngé gə̄ ń kəndā man̄ taā tɔ́gə́də́ ní, m-ā m̄-tɔ̄l̄ kəndā dɔdə́ tə́ ō. Ngé gə̄ ń tél sɔlə̄n̄ yélélé ní m-ā m-ādə̄də́ tɔ́gə ō.

JEREMI 31:25 Referans Kwoze

MATIYE 5:6

Rɔ̄nel̄ i kə ngé gə̄ ń ɓō yá̰á̰ kə́ gōtə́ rāādə́ ō, kəndā yá̰á̰ kə́ gōtə́ rāādə́ ō ní, tɔdɔ̄ Nə́ɓā a rāā kadə̄ a ndānə̄n̄.

JA̰A̰ 4:14

Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

MATIYE 11:28

Sḭḭ̄ gə̄ ń kɔr rāāsí tām̄ yá̰á̰ kə́ ɔȳ gə̄ ń ə̄tōī tə́ ní, ī-reēī kə̄ rɔ̄ḿ tə́ malang, anī m-ā m-ādə̄ ā ɔ̄rī koō.

PĀ GƏ̄ 107:9

Tɔdɔ̄ ngé gə̄ ń míndə́də́ tutə kákə́rá kákə́rá ní, ni-adə̄də́ man̄ adə̄ a̰ȳn̄. Ngé gə̄ ń ɓō asədə́ nák ní, ni-adə̄də́ yá̰a̰ kəsa adə̄ əsa ndānə̄n̄ ō.

JEREMI 31:14

M-ā m̄-rāā kadə̄ *ngé tun̄ yá̰a̰ gə̄ əsan̄ dā̰ kə́ yḛmbə gə̄ kadə̄ ndān̄ kemdə́ ō, kadə̄ gír deē yāḿ gə̄ əngen̄ yá̰a̰ yāḿ gə̄ kadə̄ asə jīdə́ ō.

2 KORḚNTƏ 7:6

Ba Nə́ɓā ń i nge sɔl̄ kem ngé gə̄ ń tɔ́gə́də́ ur̄ wak kɔ̄ɔ́ ní, sɔl̄ kemjí kə ta kūl̄ reē ń Titə reē ugə̄ ní.

IJAI 50:4

Kɔ́ɔ̄ɓē Nə́ɓā ndóōm̄ yá̰á̰ ń sɔɔ̄ kadə̄ m-ə́da yā kəlań go̰ kem deē ń tɔ́gən gətóo kɔ̄ɔ́ tə́ ní. Ni ndólə̄m̄ dɔ ɓīī tə́ dəloí kə dɔ ndɔ̄ gə̄, yā kadə̄ m-ōō loo tītə̄ ngōn̄ nge ndoō kə́ majə beé.

Najə̄ kə́ Majə yā Jeju ń Luk ndang ní 1:53

Ngé gə̄ ń ɓō rāādə́ ní, ni-adə̄də́ yá̰a̰ kəsa kə́ majə gə̄ ādə̄ əsa ndānə̄n̄, ba tə̄ɓā ngé kənge yá̰a̰ gə̄ ādə̄ ɔtə aw̄n̄ jīdə́ karī.

IJAI 32:2

Nin̄ kógə̄ḿ kógə̄ḿ a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā néĺ tə́ beē, a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā man̄ kə́ a edə tə́ beē, a ton̄ i tītə̄ man̄ kə́ a nūgə́ dəla loo tə́ beē, a ton̄ i tītə̄ ndíl mbal̄ kə́ bo kə́ kem ɓē kə́ loo təngā tū tə́ beē.

IJAI 40:29

Deē ń tɔ́gən gətóó ní, ni-adə̄n tɔ́gə gogə́, deē ń tɔ́gən təgā kɔ̄ɔ́ ní, ni-adə̄n kəhɔ rɔ̄ tɔgə.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ *Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə *nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

EJEKIEL 34:14

M-ā m-āw̄ sedə́ dɔ mu kə́ majə tə́ ō, nin̄ a əngen̄ loo kəsa mu yādə́ dɔ mbal̄ bo gə̄ kə́ dɔ nang kə́ *Israel tə́ tə́ ō. Batə̄ yāḿ gə̄ a asən̄ kɔr̄ koō loo ngeé ń noō tə́, loo kə́ majə kə́ mu i tū tə́ tə́. Nin̄ a əsan̄ yá̰a̰ dɔ nang kə́ teē yá̰a̰ gə̄ tə́ tə́, dɔ mbal̄ bo gə̄ kə́ Israel tə́ tə́.

PĀ GƏ̄ 23:3

Rāām̄ adə̄ m̄-tél m̄-ngan̄g májə́ májə́. Njə̄rā seḿ dɔ róbə́ kə́ gōtə́ gə̄ tə́ i tām̄ yā rīn kə́ bo tə́.

IJAI 41:17

Ngé rɔ̄ tō ndoō gə̄ ō, ngé ndoō gə̄ ō, sāān̄ man̄ banī əngen̄ alé. Kəndā man̄ rāā ndo̰də́ adə̄ tutə. I beé ní, mā Kɔ́ɔ̄ɓē m-ā m̄-daldə́, mā Nə́ɓā yā *Israel, m-ā m-ə́yá̰də́ kɔ̄ɔ́ alé.