JEREMI 31:21 - Bible sar

²¹ Ī-túdə̄ yá̰a̰ gə̄ kə́ yā kɔjəń yá̰a̰ dɔ róbə yāí tə́. Ī-túdə̄ yá̰a̰ gə̄ kə́ yā kɔjəń bəlo gə̄ ō, kūngə́ loo gə̄ ō, kə́ dɔ róbə njə̄rāí tə́. Ə̄ndā ma̰ȳ róbə́ ń ā ún gō ō, ā ī-njə̄rā dɔ tə́ ō ní majə. Ngōmandə *Israel, ī-tél ī-reē. Ī-tél ī-reē laā, kum kə̄ rɔ̄ ɓē yāí gə̄ tə́.

Bibəl ta Sar̄

²¹ Ī-túdə̄ yá̰a̰ gə̄ kə́ yā kɔjəń yá̰a̰ dɔ róbə yāí tə́. Ī-túdə̄ yá̰a̰ gə̄ kə́ yā kɔjəń bəlo gə̄ ō, kūngə́ loo gə̄ ō, kə́ dɔ róbə njə̄rāí tə́. Ə̄ndā ma̰ȳ róbə́ ń ā ún gō ō, ā ī-njə̄rā dɔ tə́ ō ní majə. Ngōmandə Israel, ī-tél ī-reē. Ī-tél ī-reē laā, kum kə̄ rɔ̄ ɓē yāí gə̄ tə́.

JEREMI 31:21 Referans Kwoze

JEREMI 50:5

Nin̄ a dəjen̄ róbə́ kə́ ta kaw̄ kə̄ *Siyo̰ ō, tūrə̄n̄ kumdə́ i kə̄ noó ō. Nin̄ reē ɓoon̄ rɔ̄də́ tū yā Kɔ́ɔ̄ɓē tə́, kə ta kūl̄ *madə̄ naā kə́ ngándáńg kə́ dɔdə́ a ndígə̄nal aĺ bátə́.

IJAI 62:10

De kə́ Jerusalem gə̄, ī-teēī, ī-teēī láẃ kɔ̄ɔ́ kem ɓēé! Ī-njariī róbə ādī gír deē yāḿ gə̄. Ī-rāāī róbə ādī majə, ī-ró̰yī mbal̄ gə̄ kɔ̄ɔ́, údiī yá̰á̰ kógə̄ḿ dɔɔ́ yā taāń gír de gə̄.

IJAI 48:20

Ī-teēī kɔ̄ɔ́ kem ɓē kə́ *Babilon tə́, ā̰yī ɓē ń toō kɔ̄ɔ́. Ə̄nīī mbēr̄ najə̄ kə́ kijə ń toō kə rɔ̄nelēé, ī-selíī najə̄ ní bátə́ ta ngóy dɔ nang tə́. Ə́daī na: Kɔ́ɔ̄ɓē ɔr̄ Jakob nge kəla yān ɓəloó kɔ̄ɔ́.

Makətūbə̄ yā Aje 1:5

Ngɔlaā ní, Kɔ́ɔ̄ɓē kə́ bo kə́ tɔ́gən i ngá̰ý dəjesí kadə̄ ī-gírī yá̰á̰ ń ī-rāāī ní.

EJEKIEL 40:4

Ni ədam̄ na: Ḭ̄ ngōn̄ deē, ī-teē kumií majə ō, ī-teē mbīí majə ō. Yá̰a̰ malang ń m-ā m-ɔ́jiī kadə̄ á̰a̰ā̰ ní, ə̄ndā kumií majə gírí. Tām̄ reēn̄ seí laā i yā kadə̄ á̰á̰ yá̰á̰ ní. Gō tə́ anī, ā ə̄nī *Israel gə̄ gotə yá̰a̰ malang ń á̰a̰ā̰ ní.

JEREMI 51:50

Sḭḭ̄ ngé teē ta yo kaskar tə́ gə̄, ə̄sōī róbó āwī. Ī-lōōī dəba. Ī-gírī dɔ Kɔ́ɔ̄ɓē tə́ loo kə́ sa̰y nəkɔ́ ń ī-ndiī tū tə́ noō ō, ādə̄ əga kemsí dɔ Jerusalem tə́ ō.

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.

JEREMI 3:14

Ngáń kə́ ngé túy taā kem gə̄ ī-tél ī-reēī! Tɔdɔ̄ i mā n i Kɔ́ɔ̄ɓē ní. Najə̄ ń Kɔ́ɔ̄ɓē əda ní n noó. M-ā m-ɔ́ýsí kógə̄ḿ, kógə̄ḿ kə dɔ ɓē gēé ō, jōó jōó kə dɔ gír kaa gēé ō, yā kaw̄ sesí *Siyo̰.

IJAI 57:14

Kɔ́ɔ̄ɓē əda na: Ī-rāāī róbə ādə̄ tél majə gogə́, ī-njariī róbə́ láẃ, yá̰a̰ gə̄ kə́ dɔ róbə yā gír deē yāḿ gə̄ tə́ kə́ a ɔgə̄ deē mān̄ gə̄ ní, ī-ró̰yīdə́ kɔ̄ɔ́.

PĀ GƏ̄ 84:5

Rɔ̄ de kə́ kem kújə yāí tə́ gə̄ nel̄də́, nin̄ ɓōkə́nī tɔ̄ȳ kanjə̄ kɔr ta tə́!

JAKARI 10:9

Kété ní, m̄-tə̄ndā m̄-tḭ̄ḭ̄də́ kə̄ loo gə̄ tə́ dan nápar de gə̄ tə́, tītə̄ loo dubə̄ kum yá̰a̰ beé. Ba loo ń nin̄ i kem ɓē kə́ sa̰y gə̄ tə́ anī, a əga kemdə́ dɔḿ tə́. Nin̄ a ndin̄ nú kə ngáńdə́ gēé, ba gō tə́ anī, a télən̄ yā reē.

JEREMI 51:6

Ī-teē ā̰yī naā kɔ̄ɔ́ *Babilon, ādə̄ náā nəkɔ́ ɓáa njan adə̄n. Ré i beé aĺ anī, ā óyiī dan ń a əndanən̄neé najə̄ yá̰a̰ rāān kə́ gotə aĺ gə̄ tə́ ní. I kum mbang dal ba̰ā̰ yā Kɔ́ɔ̄ɓē. Ni əgān i kərā yá̰a̰ gə̄ ń rāā ní.

Gōsə̄ najə̄ gə̄ 24:32

Yá̰á̰ ń m-á̰a̰ā̰ ní m̄-gír̄ yá̰a̰ dɔ tə́ ō, m-ə́ngé yá̰á̰ ndóō kógə̄ḿ tū tə́ ō. Yá̰á̰ ní n toó:

PĀ GƏ̄ 62:10

A̰á̰ā̰, de gə̄ i nél karī ō, ngé rī ɓār̄ gə̄ i sor̄ karī ō. Ré deē mbɔ̄jə́də́ malang naā tə́ anī, nél ɔȳ tɔȳdə́.

2 YÁ̰A̰ GƏ̄ 20:3

Ɓōĺ rāā Josapat adə̄ ni gḛy sāā Kɔ́ɔ̄ɓē. Ni-ənī mbēr̄ kadə̄ de gə̄ *ndin̄ ɓō tām̄ yā Nə́ɓā tə́ gō nang kə́ *Juda tə́ malang.

2 YÁ̰A̰ GƏ̄ 11:16

De gə̄ malang kə́ gír ɓē gə̄ yā ngán *Israel gə̄ tə́ ní, ngé gə̄ ń kemdə́ gḛy rɔȳ Kɔ́ɔ̄ɓē Nə́ɓā yā Israel ní, aw̄n̄ Jerusalem gō *ngán Lebi gə̄ tə́ yā ndējə̄ Kɔ́ɔ̄ɓē Nə́ɓā yā kaadə́ gə̄ yá̰á̰ kə́ tun̄ gə̄.

1 YÁ̰A̰ GƏ̄ 29:3

Yá̰a̰ malang ń m-ɔ́sə dɔ naā tə́ yā rāań kújə́ kə́ táĺ ngeé ń toō ní, m-ādə̄ lɔ́r yāḿ mə̄kɔ́ ō, gində̄ arjā̰a̰ yāḿ mə̄kɔ́ ō, dɔ tə́ ɓáý to̰, tām̄ nel̄ kə́ nelə̄m̄ kə kújə yā Nə́ɓā yāḿ ngá̰ý.

NDŪ NAJƏ̄ 32:46

ni ədadə́ na: Yá̰á̰ kə́ yā rāā gə̄ ń ɓōólaā m-ɔ́jə́sí kadə̄ ī-rāāī ní, ī-lōōī rāā yá̰á̰ kógə̄ naā tə́. Ba ɔ́jiī ngáńsí gə̄ ō, ngán kaasí gə̄ ō, ādə̄ əndān̄ kumdə́ gíŕ yá̰a̰ malang ń *ndū najə̄ yā Nə́ɓā əda kadə̄ yā rāā tə́ ní ba rāān̄.

JEREMI 6:16

Najə̄ ń Kɔ́ɔ̄ɓē əda ní n toó: Ī-dəbaī kum róbə gə̄ tə́, ba á̰a̰ī loo, ī-dəjeī najə̄ kə́ dɔ róbə́ kə́ jóó ngá̰ý gə̄ tə́. I róbə́ kə́ rá n i róbə́ kə́ majə ní? Ī-njə̄rāī tū tə́ anī, ā ə́ngeī loo kə́ kadə̄ ī-taāīneé koō. Ba nin̄ ədan̄ na: J-a jə-njə̄rā tū tə́ alé.

JEREMI 46:11

Ngōmandə kə́ Ejiptə, āw̄ Galaad ī-sāā bəto kāgə̄ kə́ yā rāā ta do tə́. Ī-rɔ̄ɔ̄ dɔ rɔ̄í tə́ kə kḭ̄ḭ̄ gə̄ kə́ gíŕdə́ i ngá̰ý ɓá tā, ba i ndańg karī, yá̰á̰ kógə̄ḿ kə́ asə kadī rɔ̄ ngān̄g gətóo.

JEREMI 3:12

Āw̄, ə̄nī mbēr̄ ń toō dām̄ mbɔ́r ɓē kə́ ko̰ó̰ tə́ ə́da na: *Israel kə́ nge túy taā kem yān, ī-tél ī-reē tā. Najə̄ ń Kɔ́ɔ̄ɓē əda ní n noó. Ndíĺsí a a̰ȳ ta kumḿ tə́ to̰ alé. Rɔ̄kum, mā i de kə́ sew. M-ā m̄-rāā wōn̄g sesí kə́ njɔ́ḿ gə̄ tə́ alé. Najə̄ ń Kɔ́ɔ̄ɓē əda ní n noó.