JEREMI 31:14 - Bible sar

¹⁴ M-ā m̄-rāā kadə̄ *ngé tun̄ yá̰a̰ gə̄ əsan̄ dā̰ kə́ yḛmbə gə̄ kadə̄ ndān̄ kemdə́ ō, kadə̄ gír deē yāḿ gə̄ əngen̄ yá̰a̰ yāḿ gə̄ kadə̄ asə jīdə́ ō.

Bibəl ta Sar̄

¹⁴ M-ā m̄-rāā kadə̄ ngé tun̄ yá̰a̰ gə̄ əsan̄ dā̰ kə́ yḛmbə gə̄ kadə̄ ndān̄ kemdə́ ō, kadə̄ gír deē yāḿ gə̄ əngen̄ yá̰a̰ yāḿ gə̄ kadə̄ asə jīdə́ ō.

JEREMI 31:14 Referans Kwoze

JEREMI 31:25

Ngé gə̄ ń kəndā man̄ taā tɔ́gə́də́ ní, m-ā m̄-tɔ̄l̄ kəndā dɔdə́ tə́ ō. Ngé gə̄ ń tél sɔlə̄n̄ yélélé ní m-ā m-ādə̄də́ tɔ́gə ō.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i *ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

JEREMI 33:9

Ɓē ń toō a tél yá̰a̰ rāā rɔ̄nel̄ ō, yá̰a̰ tɔ̄ȳ ō, yá̰á̰ súū rɔ̄ ō, tām̄ yāḿ mā tə́, dɔ dáń nápar de gə̄ malang kə́ dɔ nang tə́ ń a oōn̄ kōō yá̰á̰ kə́ majə gə̄ malang ń m̄-rāā tām̄ yā *Juda tə́ ō *Israel tə́ ō ní. M-ā m-ādə̄ a ndin̄ majə ō, m-ā m-ādə̄də́ yá̰á̰ ngá̰ý ō, adə̄ a ɔr kumdə́ ō, a ndewn̄ ō.

JEJU TEĒ KUM JA̰A̰ 5:10

Ī-rāādə́ adə̄ télən̄ de kə́ kem ɓē ko̰o̰ tə́ gə̄ ō, télən̄ *ngé tun̄ yá̰a̰ gə̄ ō, tām̄ yā Nə́ɓā yājí tə́. Adə̄ nin̄ a o̰ō̰n̄ ɓē dɔ nang tə́.

EPEJƏ 3:19

Ā ī-gerī tár yā Kərist kə́ tɔȳ yá̰a̰ gə̄ malang, loo ń noō tə́ Nə́ɓā a ndi kemsí tə́ kə taá kə ta kūl̄ Ndílneé.

PĀ KƏ́ MAJƏ 5:1

Ngōkó̰ó̰ḿ kə́ dəyá̰, nge *nong yāḿ, m̄-reē kem ndɔr̄ yāḿ tə́. M-ɔ̄r̄ nō kāgə̄ *mír yāḿ naā tə́ kə nō kāgə̄ bomə yāḿ. M-ə́sa mbar̄ tejə yāḿ ō, m-ó̰o̰ yibə̄ tejə yāḿ ō. M-ā̰ȳ kasə *nduú yāḿ ō, m-ā̰ȳ mba yāḿ ō! Madə̄ḿ gə̄, ə́saī yá̰a̰ ō, ā̰yī ō, ādī tár rāāsí kə́ kasə tə́!

PĀ GƏ̄ 107:9

Tɔdɔ̄ ngé gə̄ ń míndə́də́ tutə kákə́rá kákə́rá ní, ni-adə̄də́ man̄ adə̄ a̰ȳn̄. Ngé gə̄ ń ɓō asədə́ nák ní, ni-adə̄də́ yá̰a̰ kəsa adə̄ əsa ndānə̄n̄ ō.

EPEJƏ 1:3

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju *Kərist. Tɔdɔ̄ ni-adə̄jí yá̰a̰ malang kə́ dɔ rā̰ tə́ yā Ndíl kə ta kūl̄ Jeju Kərist.

MATIYE 5:6

Rɔ̄nel̄ i kə ngé gə̄ ń ɓō yá̰á̰ kə́ gōtə́ rāādə́ ō, kəndā yá̰á̰ kə́ gōtə́ rāādə́ ō ní, tɔdɔ̄ Nə́ɓā a rāā kadə̄ a ndānə̄n̄.

IJAI 61:6

Ba sḭḭ̄, a əndān̄ rīsí na i *ngé tun̄ yá̰a̰ gə̄ yā Kɔ́ɔ̄ɓē. A ɓārə́n̄sí na i ngé rāā kəla gə̄ yā Nə́ɓā yājí. Yá̰a̰ kənge yā nápar de gə̄ a rāā majə sesí ō, ā ɔ́jiī rɔ̄sí kə yá̰a̰ kənge yādə́ ō.

IJAI 25:6

Kɔ́ɔ̄ɓē kə́ bo kə́ tɔ́gən i ngá̰ý a tə́ngā dā̰ kə́ yḛmbə tām̄ yā gír de gə̄ tə́ malang ō, a adə̄də́ kasə *nduú kə́ majə dɔ tə́ ō, a əsan̄ i dā̰ kə́ ngəra aĺ ō, yḛmbə ō, a a̰ȳn̄ i kasə nduú kə́ kumən unjə̄ yáŕ yáŕ ō.

PĀ GƏ̄ 132:16

M-ā m-ə́la kajə rɔ̄ *ngé tun̄ yá̰a̰ yān gə̄ tə́ tītə̄ kūbə̄ beé ō, deē yān gə̄ a túrə̄n̄ kɔĺ rɔ̄nel̄ ō.

PĀ GƏ̄ 132:9

Ādə̄ *ngé tun̄ yá̰a̰ yāí gə̄ əlan̄ háĺ kə́ gōtə́ kūbə̄ tə́ rɔ̄də́ tə́ ō, ādə̄ deē yāí gə̄ túrə̄n̄ kɔĺ rɔ̄nel̄ ō!

PĀ GƏ̄ 65:4

Yá̰á̰ kə́ gōtə́ aĺ gə̄ tɔyn̄ tɔ́gə́ḿ, banī ḭ̄ ásə kɔr̄ majaĺ yājí gə̄ kɔ̄ɔ́.

PĀ GƏ̄ 63:5

M-ā m̄-ɓōkíī tɔ̄ȳ bátə́ kadə̄ m-óyń ō, m-ā m-ɔ́y jīḿ kə̄ dɔɔ́ tām̄ yā rīí tə́ ō.

PĀ GƏ̄ 36:8

Nə́ɓā, kem majə yāí i yá̰á̰ kə́ majə ngá̰ý! De gə̄ sāān̄ loo ɓɔ̄ɔ̄ rɔ̄ yādə́ i gír bɔ̄gīí tə́.

NEHEMI 10:39

Dan ń a taān̄ anī *nge tun̄ yá̰á̰ kógə̄ḿ kə́ ngōn̄ *Aaro̰ a ra loo taān tə́ sedə́ ō, ré dɔ yá̰á̰ kə́ kɔr̄ kógə̄ḿ dan kə́ kutə gə̄ tə́ ní ugə̄ kutə anī, nin̄ a ɔrə̄n̄ kógə̄ḿ tām̄ yā *kújə yā Nə́ɓā yājí tə́ ō, ba a aw̄n̄neé i kem kújə ngɔ̄m̄ yá̰a̰ kənge tə́.

2 YÁ̰A̰ GƏ̄ 6:41

Ba ngɔlaā ní Kɔ́ɔ̄ɓē Nə́ɓā, ḭ́ḭ dɔɔ́ ī-reē loo kɔr̄ koō yāí tə́, ḭ̄ ō, sandúkə ń tɔ́gə yāí i kemeé ní ō. Kɔ́ɔ̄ɓē Nə́ɓā, ādə̄ əlan̄ kūbə̄ kajə rɔ̄ *ngé tun̄ yá̰a̰ yāí gə̄ tə́ ō, ādə̄ deē yāí gə̄ ń ran̄ dɔ ndūdə́ tə́ ní ndin̄ majə kə rɔ̄nelēé ō.

PĀ GƏ̄ 17:15

Ba mā m-ā m-á̰a̰ kumií, tɔdɔ̄ i yá̰á̰ kə́ gōtə́. Dan ń m-ā m̄-ndól̄ dɔ ɓīī tə́ anī, m-ā m-á̰á̰ ndílí kadə̄ tɔ̄l̄ ɓōḿ.

PĀ GƏ̄ 90:14

Ī-rāā kem majə sejí ngá̰ý, ādə̄ tɔ̄l̄ ɓōn kə́ kemjí tə́ dəloí ɓatə. Loo ń noō tə́ j-a j-əga kɔŕ rɔ̄nel̄ kə dɔ ndɔ̄ gə̄ malang ń j-a jə-ndiń kə kumjí ní.

JEREMI 50:19

M-ā m̄-tél yā reē kə Israel dɔ mu kə́ mból̄ yān tə́. Ni a əsa mu kə́ Karmel ō, kə́ Basan ō, kə́ dɔ mbal̄ gə̄ kə́ *Epəraim tə́ ō, kə́ Galaad tə́ ō, kadə̄ tɔ̄l̄ ɓōn.

Makətūbə̄ yā Aje 2:19

Njár̄ kōō na̰y kem mō̰yō̰ó̰ to̰ alé. *Kāgə̄ nduú gə̄ ō, kāgə̄ kótə̄ gə̄ ō, kāgə̄ gərenadə gə̄ ō, *kāgə̄ olibə gə̄ ō, anə̄n̄ alé. I beé ní, əla gír ɓōólaā ní, m-ā m̄-rāā majə sesí ngá̰ý al̄ naā.

NDŪ NAJƏ̄ 33:23

Yá̰á̰ ń Moijə əda dɔ Nepətali tə́ ní n toó: Kɔ́ɔ̄ɓē rāā majə kə Nepətalií ngá̰ý. Ni-adə̄n yá̰á̰ ngá̰ý. Ādə̄ Nepətali ɔr̄ kem dɔ nang yān kə̄ gogə́, kum kə̄ no ɓē tə́ ō, mbɔ́r ɓē kə́ geleé tə́ ō.

PĀ GƏ̄ 63:2

Nə́ɓā, ḭ̄ i Nə́ɓā yāḿ, ngurií rāām̄ ta gír loo tə́, kəndāí rāām̄. Rɔ̄ḿ malang kə taá gḛyiī tītə̄ dɔ nang kə́ ɔr kɔ̄ɔ́ ō, tutə ō, man̄ gətóo tū tə́ ō.

PĀ GƏ̄ 63:6

M-ā m̄-ndān̄ tītə̄ kə́ m-ə́sa i mból dā̰ ō, yibə̄n ō beé. M-ā m-ə̄nī pā kə rɔ̄nelēé yā kɔsəń gɔnií.

PĀ GƏ̄ 85:13

Kɔ́ɔ̄ɓē nəkɔ́ i nge rāā kadə̄ deē ndi majə ō, nge rāā kadə̄ dɔ nang yājí teē kōō ō.

EJEKIEL 34:14

M-ā m-āw̄ sedə́ dɔ mu kə́ majə tə́ ō, nin̄ a əngen̄ loo kəsa mu yādə́ dɔ mbal̄ bo gə̄ kə́ dɔ nang kə́ *Israel tə́ tə́ ō. Batə̄ yāḿ gə̄ a asən̄ kɔr̄ koō loo ngeé ń noō tə́, loo kə́ majə kə́ mu i tū tə́ tə́. Nin̄ a əsan̄ yá̰a̰ dɔ nang kə́ teē yá̰a̰ gə̄ tə́ tə́, dɔ mbal̄ bo gə̄ kə́ Israel tə́ tə́.