JEREMI 3:6 - Bible sar

⁶ Ɓāl̄ ko̰o̰ ɓē yā mban̄g Josias tə́ ní Kɔ́ɔ̄ɓē ədam̄ na: Yá̰á̰ ń *Israel nge túy taā kem rāā ní á̰a̰ā̰ a? Ni al̄ aw̄ rāā ájə́ba dɔ mbal̄ malang kə́ ngāl̄ gə̄ tə́ ō, gír kāgə̄ malang kə́ to mbōl̄ gə̄ tə́ ō.

Bibəl ta Sar̄

⁶ Ɓāl̄ ko̰o̰ ɓē yā mban̄g Josias tə́ ní Kɔ́ɔ̄ɓē ədam̄ na: Yá̰á̰ ń Israel nge túy taā kem rāā ní á̰a̰ā̰ a? Ni al̄ aw̄ rāā ájə́ba dɔ mbal̄ malang kə́ ngāl̄ gə̄ tə́ ō, gír kāgə̄ malang kə́ to mbōl̄ gə̄ tə́ ō.

JEREMI 3:6 Referans Kwoze

EJEKIEL 23:11

Ngōkó̰o̰n kə́ dəyá̰ ń rīn na i Oholiba ní, a̰a̰ yá̰a̰ gə̄ ń noō malang ɓá tā, ba dan ń ngur dəngam rāān ngá̰ý ní, ni-rāā kə́ majaĺ mān̄ yā Ohola ɓáý. Ájə́ba yān ni mān̄ yā ngōkó̰o̰n kə́ dəyá̰ ɓáý.

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ *yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə *nduú gə̄ ō loo gə̄ ní tə́ adə̄mə̄n̄neé wōn̄g.

EJEKIEL 16:31

Ḭ̄ ī-rāā loo kə́ kḭḭ kə̄ dɔɔ́ ta gajə róbə gə̄ tə́ malang tām̄ yāí tə́ ō, ḭ̄ ī-rāā loo kə́ kadə̄ kum de gə̄ malang i dɔ tə́ ndágə loo gə̄ tə́ tām̄ yāí tə́ ō. Banī ḭ̄ n ī-ndējə̄ nar gírí tītə̄ ń gotə ájə́ba kə́ rang gə̄ a rāānəń ní alé.

JEREMI 17:2

*Loo tun̄ yá̰a̰ yādə́ gə̄ ō, kāgə̄ kə́ yā ɓōĺ gidə yādə́ gə̄ ń ran̄ ngɔr kadə ngé gə̄ ń ton̄ mbōl̄ ngándáńg tə́ dɔ ngán mbal̄ kə́ ngāl̄ gə̄ tə́ ō, ní a ɔrə̄n̄ najə̄də́ i tītə̄ loo kɔr̄ najə̄ ngáńdə́ gə̄.

JEREMI 7:24

Banī nin̄ oōn̄ ndūḿ alé. Nin̄ nēlə̄n̄ mbīdə́ aĺ ō, ba rāān̄ yá̰a̰ kə gō kemdə́ ɔjəń dɔ dɔ ngan̄g yādə́ kə́ al̄ naā ngá̰ý ō, tūrə̄n̄ gidədə́ taḿ tə́ kɔ̄ɔ́ ō.

JEREMI 3:8

mā m-á̰a̰ā̰ ō. Kə́ rɔ̄kum tə́ m̄-mbātə́ Israel kə́ nge túy taā kem yān ō, m-ādə̄n makətūbə̄ mbātə́ naā ō i najə̄ rāā rāȳ yān tə́. Banī yá̰á̰ ń toō əla ɓōĺ kem ngōkó̰o̰n kə́ dəyá̰ ń i Juda kə́ sew aĺ tə́ ní sḛ́ý aĺ bátə́. Adə̄ ni yḛr loo kə́ dɔ nang tə́ tɔdɔ̄ ni-əndā kum kedə̄ dɔ rɔ̄n tə́ alé, ba əla gír rāā ájə́ba ō. Ni-rāā rāȳ tɔdɔ̄ ndɔ̄ȳ mbal̄ ō ndɔ̄ȳ kāgə̄ ō.

IJAI 57:7

Ḭ̄ ī-rāā loo kəto kə́ tām̄ yāí tə́ dɔ loo malang kə́ kḭḭ kə̄ dɔɔ́ tə́. Ḭ̄ ā āw̄ ā ī-ndējə̄ yá̰á̰ kə́ tun̄ gə̄ i loo ń noō tə́.

1 MBAN̄G GƏ̄ 14:23

Rāān̄ loo ndɔ̄ȳ gə̄ tītə̄ yā kaadə́ gə̄ ō, túdə̄n̄ mbal̄ gə̄ kə nja kə́ dɔɔ́ ō, túdə̄n̄ kāgə̄ ɓesə̄ kə́ yā ɓōĺ gidə gə̄ kə̄ dɔ ngán mbal̄ gə̄ tə́ malang ō, gír kāgə̄ gə̄ kə́ mbīdə́ əga ku gə̄ tə́ malang ō.

2 YÁ̰A̰ GƏ̄ 34:1

Dan ń Josias ndi mban̄g ní ɓālə̄n i sɔ́sɔ́. Ni o̰o̰ ɓē Jerusalem ɓāl̄ kutə mətá gidə i kógə̄ḿ.

JEREMI 1:2

I gō nang ń noō tə́ n Kɔ́ɔ̄ɓē ɔr̄ najə̄ seneé ní, i ɓāl̄ ko̰o̰ ɓē kə́ nge ko̰ kutə gidə i mətá yā Josias kə́ ngōn̄ Amon, mban̄g kə́ *Juda tə́.

JEREMI 5:11

Rɔ̄kum, de kə́ gír yā *Israel tə́ gə̄ ō, kə́ gír yā *Juda tə́ gə̄ ō ran̄ dɔ ndūdə́ ń ənī adə̄mə̄n̄ tə́ ní alé. Najə̄ ń Kɔ́ɔ̄ɓē əda ní n noó.

JEREMI 11:10

Nin̄ tél rāān̄ majaĺ yā kaadə́ gə̄ ń mbātə́n̄ koō najə̄ yāḿ gə̄ ní. Ngɔ̄də̄n̄ gō nə́ɓā kə́ rang gə̄ tə́ ō, ndɔ̄ȳn̄də́ ō. I beé n de gə̄ kə́ *Israel tə́ ō, kə́ *Juda tə́ gə̄ ō gāngə̄n̄neé *madə̄ naā ń m-ə́hɔ kə kaadə́ gēé ní.

JEREMI 31:22

Ngōmandə kə́ nge túy taā kem yān, ā ɔ̄r̄ rɔ̄í kə̄ gogə́ yā ndi kə kérí tītə̄ de kə́ mbóo i bátə́ rə́ngáý tə́? Kɔ́ɔ̄ɓē əndā yá̰á̰ kə́ kijə dɔ nang tə́. De kə́ dəyá̰ *nong dəngam.

EJEKIEL 23:4

Rī ni kə́ nga tɔ́gə na i Ohola, banī rī gidən na i Oholiba. Ni kə́ nga tɔ́gə i Samari, banī gidən i Jerusalem. Nin̄ i yāḿ gə̄ mbak ō, ojən̄ ngáń kə́ dəngam gə̄ ō, ngáń kə́ dəyá̰ gə̄ ō.

OJEE 4:13

Nin̄ rāān̄ yá̰a̰ kəsa kə́ yā ɓōĺ gidə gə̄ dɔ mbal̄ gə̄ tə́ ō, róōn̄ ndujə̄ yá̰á̰ kə́ kotə majə gə̄ dɔ ngán mbal̄ gə̄ tə́ ō, gír kāgə̄ gə̄ kə́ ndíĺdə́ majə tə́ ō. I tām̄ najə̄ ń noō tə́ n ngáńsí kə́ dəyá̰ gə̄ a rāān̄ ájə́ba ō, umsí kə́ dəyá̰ gə̄ a gólə̄n̄ ngaadə́ gə̄ ō ní.

OJEE 11:7

Gír deē yāḿ gə̄ mbātə́mə̄n̄ kɔ̄ɔ́ ō, nel̄də́ ra dɔ ndūdə́ tə́ aĺ ngá̰ý ō. Ɓārə́n̄də́ kadə̄ ḭḭ ran̄ kə njadə́ dɔɔ́, banī nge ń noō a rāā yá̰á̰ kógə̄ḿ alé.

NGÉ SARYA 2:17

Banī ngé sarya yādə́ gə̄gē ngán *Israel gə̄ oōn̄ tadə́ alé. Nin̄ əsōn̄ kə̄ nang tə́ no ɓesə̄ gə̄ tə́ rɔȳn̄də́. Nin̄ tɔ̄ɔ̄n̄ kɔ̄ɔ́ láẃ ngá̰ý gō róbə́ ń kaadə́ gə̄ unən̄ tə́ ní. Ndájə̄n̄ kaadə́ gə̄ ń i ngé ngɔ̄m̄ gō míndə́ Kɔ́ɔ̄ɓē ní alé.

PĀ GƏ̄ 106:39

Télən̄ de kə́ majaĺ tákə̄də́ gə̄ kə gō kəla rāādə́ gə̄ ō, télən̄ ájə́ba gə̄ kə gō yá̰a̰ rāādə́ gə̄ ō.

IJAI 57:3

Sḭḭ̄ ngán dəyá̰ kə́ nge rāā kəga, ī-reēī kə̄ ngɔr. Sḭḭ̄ i ɓūtə̄ de kə́ ngé rāā rāȳ gə̄ ngóy ō, ɓūtə̄ de kə́ ngé rāā ájə́ba gə̄ ngóy ō.

EJEKIEL 16:35

I beé ní, ḭ̄ Jerusalem ń i dəyá̰ ájə́ba ní, ōō najə̄ yā Kɔ́ɔ̄ɓē.