JEREMI 3:25 - Bible sar

²⁵ Ādə̄ jə-laaī kemjí nang tə́ kə rɔ̄sɔlɔ̄ɔ́, ādə̄ yá̰á̰ kə́ to rɔ̄sɔl̄ yājí taā loo dɔjí tə́, tɔdɔ̄ jə-rāāī yá̰á̰ kə́ gōtə́ aĺ kə Kɔ́ɔ̄ɓē Nə́ɓā yājí, jḭḭ̄ ō, bɔbə̄jí gə̄ ō, i kə ngōn̄ dūújí nú bátə́ ɓōólaā. Jə-mbātíī koō ndū Kɔ́ɔ̄ɓē Nə́ɓā yājí kɔ̄ɔ́.

Bibəl ta Sar̄

²⁵ Ādə̄ jə-laaī kemjí nang tə́ kə rɔ̄sɔlɔ̄ɔ́, ādə̄ yá̰á̰ kə́ to rɔ̄sɔl̄ yājí taā loo dɔjí tə́, tɔdɔ̄ jə-rāāī yá̰á̰ kə́ gōtə́ aĺ kə Kɔ́ɔ̄ɓē Nə́ɓā yājí, jḭḭ̄ ō, bɔbə̄jí gə̄ ō, i kə ngōn̄ dūújí nú bátə́ ɓōólaā. Jə-mbātíī koō ndū Kɔ́ɔ̄ɓē Nə́ɓā yājí kɔ̄ɔ́.

JEREMI 3:25 Referans Kwoze

JEREMI 22:21

M-ɔ̄r̄ najə̄ seí dan ń usiīneé dɔ yá̰a̰ tə́ aĺ ní. ba ī-tél ə́da na: m̄-gḛy koō ngōn̄ najə̄ sḛ́ý aĺ bátə́. I yá̰á̰ ń noō n ī-rāā kə ngōn̄ dūúí bátə́ ɓōólaā ní. Ḭ̄ ōō najə̄ yāḿ nja kógə̄ḿ alé.

JEREMI 2:26

Tītə̄ ń rɔ̄ nge ɓogə kə́ əhɔnən̄ dɔ ɓogə yá̰á̰ tə́ sɔlə̄n ní, de kə́ *Israel tə́ gə̄ rɔ̄də́ sɔl̄də́ i beé ō, nin̄ ō, mban̄g yādə́ gə̄ ō, de kə́ bo yādə́ gə̄ ō, *ngé tun̄ yá̰a̰ yādə́ gə̄ ō.

Makətūbə̄ ń Pol ndang adə̄ Rom gə̄ ní 6:21

Ní, nge ń noō teēsí i yá̰á̰ rí gə̄? Sḭḭ̄ i kə rɔ̄sɔlɔ̄ɔ́ tū tə́ ɓōólaā, tɔdɔ̄ yá̰a̰ gə̄ ń ə́ngeī ní ta tɔ̄l̄ tadə́ i yo.

DANIEL 12:2

De gə̄ ń to a ɓīīn̄ ɓádá ní, ngá̰ý gə̄ a ndólə̄n̄. Kə́rēý gə̄ ndólə̄n̄ i tām̄ yā ndi kə kumuú kə́ ndándáńg tə́ ō, kə́rēý gə̄ i tām̄ yā rɔ̄sɔl̄ kə́ ngá̰ý tə́ ō, yá̰á̰ kə́ majə ka̰ā̰ aĺ ngá̰ý kə́ a to ngándáńg tə́ ō.

EJEKIEL 36:32

Majə kadə̄ ī-gerī na m-ā m̄-rāā yá̰á̰ ní i najə̄ yāsí sḭḭ̄ tə́ alé. Mā Kɔ́ɔ̄ɓē Nə́ɓā m-ə́da najə̄ ń noō. *Israel gə̄, majə kadə̄ rɔ̄sí sɔl̄sí ō, ī-ndə̄ngāī rɔ̄sí najə̄ háĺsí tə́ ō!

EJEKIEL 7:18

Nin̄ a o̰o̰n̄ kūbə̄ kəhɔ ndoō ō, ɓōĺ a ndewdə́ ō. Ta kumdə́ i kə rɔ̄sɔlɔ̄ɔ́ ō, nin̄ malang a dəsān̄ dɔdə́ kɔ̄ɔ́ ō.

NŌŌ RƆ̄ 5:16

Jākā mbang kə́ dɔjí tə́ teē əsō kɔ̄ɔ́. Yá̰á̰ kə́ to kum kaȳ aĺ əsō dɔjí tə́, tɔdɔ̄ jə-rāā majaĺ.

NŌŌ RƆ̄ 5:7

Bɔbə̄jí gə̄ rāān̄ majaĺ, ba gətóon̄ kɔ̄ɔ́, adə̄ i jḭḭ n j-əgā kə̄rā yá̰á̰ kə́ gōtə́ aĺ yādə́ gə̄ ní.

JEREMI 6:26

Sḭḭ̄ gír deē yāḿ gə̄, ə́laī kūbə̄ kəhɔ ndoō rɔ̄sí tə́. Ī-wángə̄lāī kum bumbə́rú tə́. Əhɔī ndoō tītə̄ loo rāā ndoō ngōn̄ kə́ dəngam kə́ kal kógə̄ḿ beē kə́ oy. Ī-nōōī rɔ̄sí kə wur katāá. Tɔdɔ̄ nge nujə loo a teē sejí rétə́ gēé.

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

JEREMI 2:17

Majə yá̰á̰ ń noō kə́ tām̄ yāí tə́ i rí, Ré ngá̰ý a i mbātə́ kə́ ī-mbātə́ Kɔ́ɔ̄ɓē Nə́ɓā yāí, Kum mbang ń ni i nge ndɔ́rī ta róbə́ ní tə́ aláa?

JEREMI 2:2

Āw̄, ə́ga kɔŕ ta mbī de gə̄ kə́ Jerusalem tə́: Najə̄ ń Kɔ́ɔ̄ɓē əda ní n toó: m̄-ter̄ kemií dɔ kəhɔ kə́ ə́hɔ gō Kɔ́ɔ̄ɓē adə̄ gan̄g dan mandií tə́ ō, dɔ tár yāí tə́ dan taí ngaa kijə tə́ ō. Ḭ̄ ún gōḿ kem dəla loo tə́ ō, dɔ nang kə́ deē ndɔr̄ tū tə́ aĺ tə́ ō.

IJAI 50:11

Banī sḭḭ̄ malang ń ī-rāāī hor adə̄ o̰o̰ ní, sḭḭ̄ ń ī-túdī gərā kə́ hor i ta tə́ gə̄ ī-gīrīneé gidəsí ní, údiī kum ta ndo̰ hor yāsí tə́, dan gərā gə̄ ń ī-tə́ndāī hor tadə́ tə́ ní. I Kɔ́ɔ̄ɓē n i nge rāā kadə̄ ā óyiī dan yá̰á̰ kə́ tōr̄ ngá̰ý tə́ ní.

IJAI 48:8

Sḭḭ̄ ōōī alé, sḭḭ̄ ī-gerī yá̰á̰ kógə̄ḿ alé. Əla gír i jóó ngá̰ý n sḭḭ̄ ə̄ndāiń kumsí gíŕ yá̰á̰ tə́ to̰ aĺ ní. m̄-ger̄, sḭḭ̄ i ngé tél kɔ̄ɔ́ gō de gə̄ tə́ gə̄ ō, a ɓārə́n̄sí na i ngé kəsō wōn̄g gə̄ kə́ əlan̄ gír kəsō wōn̄g i ndɔ̄ kojədə́ tə́ ō.

Gōsə̄ najə̄ gə̄ 5:13

ké ōō najə̄ yā ngolií gə̄ aĺ i tām̄ rí tə́ wa, ké ī-nēl̄ mbīí ōoń najə̄ yā ngé ndóōí yá̰a̰ gə̄ aĺ i tām̄ rí tə́ wa,

PĀ GƏ̄ 109:29

Ādə̄ əlan̄ rɔ̄sɔl̄ kūbə̄ tə́ rɔ̄ ngé tétə̄ najə̄ dɔḿ tə́ gə̄ tə́, ādə̄ selə́n̄ rɔ̄sɔl̄ yādə́ dɔdə́ tə́ tītə̄ kūbə̄ kūl̄ beé!

PĀ GƏ̄ 106:7

Kété dan ń kaají gə̄ ndin̄ Ejiptə tə́ ní, nin̄ gerə̄n̄ kum yá̰á̰ kə́ yáā gə̄ yā Kɔ́ɔ̄ɓē alé. Kem majə ń ni-rāā sedə́ nja ngá̰ý ní dɔdə́ ndígə̄nal kɔ̄ɔ́. Nin̄ mbātə́n̄ najə̄ taí tə́ kadə bā bo tə́, bā tə̄ɓā gə̄ tə́.

NGÉ SARYA 2:2

sḭḭ̄ ā ə́hɔī madə̄ naā kə de gə̄ kə́ dɔ nang ń toō tə́ aĺ ō, ā ī-nujiī *loo tun̄ yá̰a̰ yādə́ gə̄ kɔ̄ɔ́ ō. Banī sḭḭ̄ ōōī taḿ alé, ní i rī n rāāī noó?

PĀ GƏ̄ 106:6

Jə-rāā majaĺ tītə̄ yā kaají gə̄, jə-tɔ̄ɔ̄ róbə gōí tə́ kɔ̄ɔ́ adə̄ najə̄ i dɔjí tə́.

JEREMI 3:13

Majə kadə̄ ī-gēr̄ gō majaĺ ń ī-rāā ní. I Kɔ́ɔ̄ɓē Nə́ɓā yāí n ī-mbātə́n ní. ī-ndi gotə kógə̄ḿ alé ba ī-tə́lá halí naā tə́ kə nə́ɓā kə́ mbā gēé kə gír kāgə̄ kə́ mbōl̄ gə̄ malang. Sḭḭ̄ ōōī ndūḿ alé. Najə̄ ń Kɔ́ɔ̄ɓē əda ní n noó.

JEREMI 8:14

I tām̄ rí tə́ á jə-ndiī kanjə̄ kɔdə rɔ̄jí ní? Ɔ́siī dɔsí naā tə́. J-udiī kem loo ndi kə́ ngan̄g gə̄ tə́, ba j-awī loo alé. Tɔdɔ̄ Kɔ́ɔ̄ɓē Nə́ɓā yājí ɔgə̄jí ndɔ́tə̄ loo. Ni-adə̄jí man̄ kə́ yḛl kum adə̄ j-a̰ȳī. Kə́ rɔ̄kum tə́ ní, jə-rāāī majaĺ kə Kɔ́ɔ̄ɓēé.

JEREMI 14:7

Ré majaĺ yājí gə̄ ənīn̄ najə̄ dɔjí tə́ anī, ī-rāā yá̰á̰ ń sɔɔ̄ kadə̄ ī-rāā ní ādə̄ de gə̄ tɔ̄ȳn̄neé rīí. jə-mbātíī kə̄ nja naā tə́, adə̄ kə́ rɔ̄kum tə́ ní, jə-rāā yá̰á̰ kə́ gōtə́ aĺ seí.

JEREMI 14:20

Kɔ́ɔ̄ɓē, jə-ger̄ majə kadə̄ jḭḭ i kə najá dɔjí tə́ ō, jə-ger̄ gō yá̰á̰ kə́ gōtə́ aĺ gə̄ ń kaají gə̄ rāān̄ ní ō.

JEREMI 20:18

I tām̄ rí tə́ á m̄-teē kem kó̰ó̰ḿ tə́, yā kadə̄ m-á̰á̰ tápə̄ ō, kadə̄ wurəḿ ɔləm̄ ō, yā kadə̄ m̄-ndi i kə rɔ̄sɔlɔ̄ɔ́ kə dɔ ndɔ̄ gə̄ ń noō malang ō ní?

JEREMI 31:19

Dan ń m-ə́lá gír reē kə̄ rɔ̄í tə́ anī, m̄-ndə̄ngā rɔ̄ḿ ngá̰ý, najə̄ yā tūr̄ ń m̄-tūr̄ gidəḿ taí tə́ kɔ̄ɔ́ ní. tá dan ń kumḿ teē dɔ yá̰a̰ gə̄ ń m̄-rāā tə́ ní anī, kemḿ rāām̄ sarya. Rɔ̄ḿ sɔlə̄m̄ ō, m̄-ger̄ yá̰á̰ kə́ yā rāā aĺ ō, i yá̰á̰ kə́ to rɔ̄sɔl̄ gə̄ ń m̄-rāā kə ngōn̄ dūúḿ ní n m-ā m-ə́ngá ndéyn toó.

EJEKIEL 2:3

Ni ədam̄ na: Ḭ̄ ń i ngōn̄ deē ní, m-ā m-ə́laī kə̄ rɔ̄ ngán *Israel gə̄ tə́. Nin̄ i ɓūtə̄ de kə́ ngé mbātə́ najə̄ gə̄ kə́ mbātə́mə̄n̄ kɔ̄ɔ́. Nin̄ gə̄gē, kaadə́ gə̄gē, mbātə́mə̄n̄ bátə́ ɓōólaā.

Gōsə̄ najə̄ gə̄ 13:18

Deē ń mbātə́ kɔjə̄ ní yá̰á̰ kə́ to kum tɔ̄ɔ̄ ndoō a rāān ō, rɔ̄n a sɔlə̄n ō. Deē ń əga kemən dɔ ndán̄g kə́ ndángə̄nən̄ tə́ ní a rɔȳnən̄.

JEREMI 7:19

I mā n ādə̄mī wōn̄g ní a? I nin̄ kɔ́ gə̄ aláa? I tām̄ rɔ̄sɔl̄ yādə́ nin̄ kɔ́ gə̄ tə́. Najə̄ ń Kɔ́ɔ̄ɓē əda ní n noó.

JEREMI 9:18

De kə́ *Siyo̰ gə̄ oōn̄ ndū de kə́ a nōō rɔ̄n. Aa! De gə̄ nujən̄ sejí sák sák kɔ̄ɔ́ ō, rɔ̄sɔl̄ taā tɔ́gə́jí kɔ̄ɔ́ ō, De gə̄ bótə̄yō̰n̄ kújə yājí gə̄ kɔ̄ɔ́ adə̄ j-a j-əya̰ī ɓē kɔ̄ɔ́.

JEREMI 11:13

Ḭ̄ Juda, kutə nə́ɓā yāí gə̄ asə naā kə kutə ɓē yāí gə̄ ō, kutə *loo tun̄ yá̰a̰ kə́ to rɔ̄sɔl̄ ń i *loo róō yá̰á̰ kə́ tun̄ gə̄ yā kadə̄ *Baal ní asə naā kə kutə kəla róbə gə̄ kə́ Jerusalem tə́ ō.

JEREMI 12:13

De gə̄ dubə̄n̄ gémē, ba əjan̄ i kōn̄ ngar̄. De gə̄ rāān̄ kəla ɔrən̄, ba yá̰á̰ kə́ teēdə́ yá̰á̰ tə́ gətóó bátə́. Ādə̄ rɔ̄sí sɔl̄sí tām̄ kɔr kə́ to kə̄ dɔsí tə́. I wōn̄g kə́ ngá̰ý yā Kɔ́ɔ̄ɓē n rāā yá̰á̰ ní.

EJEKIEL 44:13

Nin̄ a reēn̄ rɔ̄ḿ tə́ yā téĺ *ngé tun̄ yá̰a̰ yāḿ gə̄ alé. Yá̰á̰ kə́ kəndā tām̄ yāḿ tə́ gə̄ ní, nin̄ a aw̄n̄ kadə tə́ aĺ ō, nin̄ a aw̄n̄ kadə *loo kə́ táĺ ngá̰ý tə́ aĺ ō. I beé ní, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ to rɔ̄sɔl̄ gə̄ ō, kə́ majaĺ ngá̰ý gə̄ ō, a reēń dɔdə́ tə́ ní.

OJEE 9:10

Kɔ́ɔ̄ɓē əda na: Kété ní *Israel gə̄ nelə̄n̄ taḿ tītə̄ kan̄ nduú kə́ kem dəla loo tə́ beé. m̄-teē dɔ kaasí gə̄ tə́ i kə rɔ̄nelēé tītə̄ ń deē a teēń dɔ kan̄ kótə̄ kə́ ta kəga dɔ tə́ dɔ kāgə̄ kótə̄ tə́ ní beē. Banī dan nəkɔ́ ń nin̄ reē ɔtə̄n̄ Bet Peor anī, unən̄ rɔ̄də́ adə̄n̄ ɓesə̄ *Baal rɔ̄sɔl̄ i kə́ njɔ́ḿ gə̄ tə́. Adə̄ nin̄ télən̄ i de gə̄ kə́ nelə̄m̄ sedə́ aĺ ngá̰ý, tītə̄ ń nel̄məń aĺ ngá̰ý kə ɓesə̄ ń nin̄ tárnən̄ ní beē.

SOPONI 1:17

Kɔ́ɔ̄ɓē əda na: De gə̄ mānə̄n̄ dɔ ndūḿ. Ní, m-ā m-ə́la tadə́ kum wur kɔl tə́, adə̄ nin̄ a hə́yān̄ loo njə̄rā tə́ tītə̄ ngé kum tɔ̄ɔ̄ gə̄ beé. A ɓōkə́n̄ mósə́də́ tītə̄ loo ɓōkə́ bumbə́ru beé ō, nīńdə́ a ndum tītə̄ loo kə́ yḛr beé ō.