JEREMI 3:23 - Bible sar

²³ Kə́ rɔ̄kum gə̄ tə́ ní, yá̰á̰ kə́ ḭḭ dɔ ngán mbal̄ gə̄ tə́ i yá̰á̰ kə́ rɔ̄kum alé. De gə̄ rāān̄ adə̄ i kōōdə́ ngóy n ɓār̄ dɔ mbal̄ gə̄ tə́ ní. Kə́ rɔ̄kum gə̄ tə́ ní, *Israel ənge kajə i kem Kɔ́ɔ̄ɓē Nə́ɓā yājí tə́ ngóy.

Bibəl ta Sar̄

²³ Kə́ rɔ̄kum gə̄ tə́ ní, yá̰á̰ kə́ ḭḭ dɔ ngán mbal̄ gə̄ tə́ i yá̰á̰ kə́ rɔ̄kum alé. De gə̄ rāān̄ adə̄ i kōōdə́ ngóy n ɓār̄ dɔ mbal̄ gə̄ tə́ ní. Kə́ rɔ̄kum gə̄ tə́ ní, Israel ənge kajə i kem Kɔ́ɔ̄ɓē Nə́ɓā yājí tə́ ngóy.

JEREMI 3:23 Referans Kwoze

PĀ GƏ̄ 3:8

Kɔ́ɔ̄ɓē, ḭ́ḭ dɔɔ́! Nə́ɓā yāḿ, ájəm̄! Ḭ̄ ń i nge kənda mbɔ́r madə̄ ba̰ā̰ḿ gə̄ ō, nge tétə̄ ngān̄g ngé kem ndul gə̄ ō ní.

IJAI 12:2

Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.

JA̰A̰ 4:22

Sḭḭ̄ ī-rɔyī Nə́ɓā i kanjə̄ gerə̄n, ba jḭḭ jə-rɔȳn ō, jə-gerə̄n ō. Tɔdɔ̄ de gə̄ a ajən̄ i kə ta kūl̄ *Jipə gə̄.

OJEE 1:7

Banī m-ā m̄-tár de kə́ *Juda gə̄ ngándáńg. Mā Kɔ́ɔ̄ɓē Nə́ɓā yādə́ m-ā m-ájə́də́, ba i kanjə̄ ga̰ gərā ō, kaskar ō, gotə yá̰a̰ rɔ̄ɔ̄ kə́ rang gə̄ ō, kanjə̄ sə́nda gə̄ ō, ngé kal̄ sə́nda gə̄ ō.

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ *yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə *nduú gə̄ ō loo gə̄ ní tə́ adə̄mə̄n̄neé wōn̄g.

JEREMI 17:14

Kɔ́ɔ̄ɓē ī-tɔ̄l̄ mo̰y dɔḿ tə́ anī rɔ̄ḿ a ngan̄g. Ī-gān̄g dɔḿ, anī m-ā m-ájə. Tɔdɔ̄ i ḭ̄ n i yá̰á̰ tɔ̄ȳ yāḿ ní.

JEREMI 14:8

Ḭ̄ ń *Israel əndā kemən dɔí tə́ ní, ḭ̄ ń ájən kum mbang ń wurən ɔlənneé tə́ ní, i tām̄ rí tə́ á ī-rāā rɔ̄í tītə̄ de kə́ mbā tə́ kem ɓēé ō, ī-rāā rɔ̄í tītə̄ nge njə̄rā mbā kə́ a əja dɔɔ́ adə̄ a ɓīī i ndɔ̄ kógə̄ḿ beé ō ní.

JEREMI 3:6

Ɓāl̄ ko̰o̰ ɓē yā mban̄g Josias tə́ ní Kɔ́ɔ̄ɓē ədam̄ na: Yá̰á̰ ń *Israel nge túy taā kem rāā ní á̰a̰ā̰ a? Ni al̄ aw̄ rāā ájə́ba dɔ mbal̄ malang kə́ ngāl̄ gə̄ tə́ ō, gír kāgə̄ malang kə́ to mbōl̄ gə̄ tə́ ō.

IJAI 63:16

Tá ḭ̄ i bɔbə̄jí. Kaají Abəraham ger̄ najə̄ yājí kógə̄ḿ alé, Jakob ger̄jí alé. Ba ḭ̄ Kɔ́ɔ̄ɓē ḭ̄ i bɔbə̄jí, nge gān̄g dɔjí, nəkɔ́ ń jóo toó rīí n noó ngándáńg.

IJAI 63:1

Deē ń ḭḭ dɔ nang kə́ Edom tə́, kem ɓē bo kə́ Bosra tə́ reē toó i náā? Man̄ yá̰á̰ kə́ kərē tákə̄ kūbə̄ yān gə̄. Ni o̰ō̰ i kūbə̄ kə́ majə ngá̰ý gə̄. Ni-njə̄rā kə̄ kété ba ənda kadən, ni-əndā kemən dɔ tɔ́gən tə́ mámák. Kɔ́ɔ̄ɓē əda na: I mā. Sarya gāngə̄ḿ i gōtə́, m-ásə kajəsí.

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

IJAI 45:17

Banī Kɔ́ɔ̄ɓē ajə gír de gə̄ yā *Israel, ni ajədə́ i kə́ njɔ́ḿ gə̄ tə́. A nujən̄də́ to̰ aĺ ō, a əlan̄ rɔ̄sɔl̄ dɔdə́ tə́ to̰ aĺ ō.

IJAI 45:15

Nə́ɓā yā *Israel, ḭ̄ ń i nge kajə deē ní, ḭ̄ i Nə́ɓā kə́ to loo ɓɔ̄ɔ̄ tə́ rɔ̄kum.

IJAI 44:9

Ngé tɔ́sə̄ yá̰a̰ rāā ɓesə̄ tə́ gə̄ ní, nin̄ i yá̰á̰ kógə̄ḿ aĺ ō, yá̰a̰ yādə́ kə́ majə gə̄ ní, deē a rāań yá̰á̰ kógə̄ḿ aĺ ō. Yá̰á̰ kə́ tɔ́sə̄ gə̄ ngeé ń toō i de kə́ kum tə́ yādə́ gə̄, banī i de kə́ kum tə́ gə̄ kə́ kumdə́ a̰a̰ yá̰á̰ kógə̄ḿ aĺ ō, nin̄ gerə̄n̄ yá̰á̰ kógə̄ḿ aĺ ō, nin̄ a əlan̄ i rɔ̄sɔl̄ kə́ ngá̰ý dɔdə́ tə́ ō.

IJAI 43:11

Kɔ́ɔ̄ɓē i mā ō, i mə̄kɔ́ kal kógə̄ḿ beē ngóy ō. Nge kajə de kə́ rang gətóo, i mā ngóy.

PĀ GƏ̄ 62:7

A̰á̰ā̰, ni i mbal̄ yāḿ ō, nge kajəḿ ō, loo ndiḿ kə́ ngan̄g ō. Adə̄ m-ā m̄-yéȳ alé.

Gōsə̄ najə̄ gə̄ 21:31

Rákən̄ yá̰a̰ rɔ̄ɔ̄ sə́nda gə̄ tə́ yā ngóoń ta rɔ̄ɔ̄, banī ta tɔ̄l̄ ta anī i Kɔ́ɔ̄ɓē n i nge tetə rɔ̄ɔ̄ kadə̄ deē ní.

JEREMI 17:2

*Loo tun̄ yá̰a̰ yādə́ gə̄ ō, kāgə̄ kə́ yā ɓōĺ gidə yādə́ gə̄ ń ran̄ ngɔr kadə ngé gə̄ ń ton̄ mbōl̄ ngándáńg tə́ dɔ ngán mbal̄ kə́ ngāl̄ gə̄ tə́ ō, ní a ɔrə̄n̄ najə̄də́ i tītə̄ loo kɔr̄ najə̄ ngáńdə́ gə̄.

JEREMI 31:7

Najə̄ ń Kɔ́ɔ̄ɓē əda ní n toó: Ə́gaī kɔŕ rɔ̄nel̄ dɔ Jakob tə́, ɔ́jiī no ngār yā nápar de gə̄ kə walya kə́ ngá̰ý. Úniī ndūsí kə̄ dɔɔ́ ō, ī-rāāī rɔ̄nel̄ ō, ba ə́daī na: Kɔ́ɔ̄ɓē, ajə gír deē yān gə̄ adə̄ i gá̰ ngán Israel gə̄ ń na̰yn̄ ní.

IJAI 10:20

Kem ndɔ̄ɔ́ ń noō tə́ ní, gotə *Israel gə̄, ngé teē ta yo tə́ gə̄ kə́ gír kojə yā Jakob tə́ a lōōn̄ gír kəndā tɔ́gə́də́ dɔ nge ń i nge kəndadə́ tə́ ní: Nin̄ a əndān̄ tɔ́gə́də́ rɔ̄kum i dɔ Kɔ́ɔ̄ɓē ń i kə́ *táĺ yā Israel ní tə́.