JEREMI 29:32 - Bible sar

³² Semaya kə́ Nehelam tə́ ō, ngánən gə̄ ō, ngán kaan gə̄ ō ní, deē kógə̄ḿ dandə́ tə́ kə́ kadə̄ ənge loo ndiń dan gír de gə̄ ń toō tə́ yā rāań rɔ̄nel̄ dɔ yá̰á̰ kə́ majə gə̄ ń m-ā m-ādə̄ gír deē yāḿ gə̄ ní a gətóo. Ni sə̄lā i de gə̄ kadə̄ mbātə́n̄ najə̄ ta Kɔ́ɔ̄ɓē tə́ aĺ a? Najə̄ ń Kɔ́ɔ̄ɓē əda ní n noó.

Bibəl ta Sar̄

³² Semaya kə́ Nehelam tə́ ō, ngánən gə̄ ō, ngán kaan gə̄ ō ní, deē kógə̄ḿ dandə́ tə́ kə́ kadə̄ ənge loo ndiń dan gír de gə̄ ń toō tə́ yā rāań rɔ̄nel̄ dɔ yá̰á̰ kə́ majə gə̄ ń m-ā m-ādə̄ gír deē yāḿ gə̄ ní a gətóo. Ni sə̄lā i de gə̄ kadə̄ mbātə́n̄ najə̄ ta Kɔ́ɔ̄ɓē tə́ aĺ a? Najə̄ ń Kɔ́ɔ̄ɓē əda ní n noó.

JEREMI 29:32 Referans Kwoze

JEREMI 28:16

I tām̄ ń toō tə́ n Kɔ́ɔ̄ɓē ɔr̄ najə̄ əda na: M-ā m̄-tə̄ɓāī kɔ̄ɔ́ dɔ nang tə́ ní. Ā óy kem ɓāl̄ ń toō tə́ tɔdɔ̄ ī-sə̄lā de gə̄ kə najə̄ kə́ taí tə́ kadə̄ mbātə́n̄ koō ta Kɔ́ɔ̄ɓē.

JEREMI 17:6

Ni to i tītə̄ bɔkə́ káḿ kə́ ra kem loo kə́ man̄ gətóo tū tə́ tə́. Ni a ndi dan majə ń a reē tə́ ní alé, ba a rāā ɓē i kem dəla loo kə́ hor o̰o̰ malang tə́. I dɔ nang kə́ katə̄n tɔ̄l̄ yá̰á̰ kə́ kemeé malang adə̄ deē asə ndi ɓē tū tə́ alé.

JEREMI 22:30

Kɔ́ɔ̄ɓē ɔr̄ najə̄ i tītə̄ ń toō: Ī-ndangiī najə̄ kə́ dɔ deē ń toō tə́! I de kə́ nujə kɔ̄ɔ́. I ngōn̄ kə́ dəngam kə́ kəla rāān teēn yá̰á̰ tə́ aĺ bátə́ dan ń ndiń kə kumneé ní. Dan ngán kaaí gə̄ tə́ ní, nge kə́ kal kógə̄ḿ kə́ a asə ndi dɔ kōr̄ kāgə̄ mbang yā Dabid tə́ ō, kə́ a asə ko̰o̰ ɓē dɔ *Juda tə́ ō ní gətóo.

2 MBAN̄G 7:2

Nge kətō der yā mban̄g ń mban̄g ndə̄nā rɔ̄n dɔ jīn tə́ ní tél əda deē yā Nə́ɓā na: Ká ré Kɔ́ɔ̄ɓē mbútəń i ko̰rō̰ kújə gə̄ dɔ rā̰ tə́ gə̄gē anī, yá̰á̰ ń ə́da noō a reē yā kudə gíŕ nəkɔ́ a? Anī Elije tél ədan na: Majə, ā á̰a̰ā̰ kə kumií ba a ɔdə taí alé.

AMOS 7:17

I beé ní, najə̄ ń Kɔ́ɔ̄ɓē əda ní n toó: Nə̄yá̰í a téĺ ájə́ba kem ɓēé ō, a tɔ̄lə̄n̄ ngání kə́ dəngam gə̄ ō kə́ dəyá̰ gə̄ ō, a mbɔ̄jə́n̄ ngāl̄ dɔ nang yāí yā nə̄ɓō de kə́ rang gə̄ ō. Ba ḭ̄ ā óy kem ɓē kógə̄ḿ kə́ yḛr tə́ ō, a ɔyn̄ *Israel gə̄ yā kaw̄ sedə́ dɔ ɓē kə́ rang tə́ dɔ gúú tə́, kadə̄ nin̄ i sa̰y rɔ̄ ɓē yādə́ tə́ ō.

JEREMI 35:19

mā Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel m-ɔ̄r̄ najə̄ i tītə̄ ń toō beé: Yonadab, ngōn̄ Rekab a nal̄ de gə̄ kə́ yā kadə̄ ran̄ ta kumḿ tə́ kə dɔ ndɔ̄ gə̄ alé.

JEREMI 20:6

Banī ḭ̄ Pasəhur ō, de gə̄ malang ń ndin̄ kem kújə yāí tə́ ō ní, a əhɔn̄sí yā kaw̄ sesí dɔ ɓē kə́ rang tə́. Ā āw̄ yā kugə̄ Babilon ō, ā óy i noō ō. A dubə̄nī ḭ̄ ō, madí gə̄ malang ń ī-gól̄də́ kə najə̄ kɔrīí kə́ loo *nge koō ta kə́ rɔ̄kum aĺ tə́ ní ō i loo ń noō tə́.

IJAI 14:22

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: M-ā m-ḭ́ḭ yā rɔ̄ɔ̄ *Babilon gə̄. Rī ń na i Babilon ní ō, de kə́ kemeé gə̄ ń teēn̄ ta yo tə́ ní ō, ngáńdə́ gə̄ ō, ngán kaadə́ gə̄ ō ní, m-ā m̄-rāādə́ kadə̄ a gətóon̄ kɔ̄ɔ́.

IJAI 14:20

Banī a dubīn̄ naā tə́ sedə́ alé, tām̄ ḭ̄ ī-nujə ɓē yāí kɔ̄ɔ́, ḭ̄ ī-rāā adə̄ gír deē yāí gə̄ gətóon̄ kɔ̄ɔ́. Dɔ de gə̄ a ndígə̄nal gír de kə́ ngé tɔ̄l̄ de gə̄ i kə́ bátə́ gə̄ tə́.

2 MBAN̄G 5:27

Á̰a̰ā̰ bānjə̄ yā Naaman a əhɔ gōí ḭ̄ ō, gō ngání gə̄ ō, ngán kaaí gə̄ ō yā rāāsí bátə́ kə no tə́. Geaji əya̰ Elije ba aw̄. Rɔ̄ Geaji i bānjə̄ malang adə̄ tetə ndaa túĺ túĺ tītə̄ búy kūbə̄ beé.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

NDŪ NAJƏ̄ 13:5

I Kɔ́ɔ̄ɓē Nə́ɓā yāsí ngóy n ā úniī gōn ō, ā ī-ɓōlíī ndílən ō ní. I yá̰a̰ gə̄ ń ni ədasí kadə̄ ī-rāāī ní ngóy n ā ī-rāāī ní ō. Ā ōōī i ndūn ni ō, ā ī-rāāī i kəla yān ni ō, ā ī-tə́ya̰ī i gōn ni tə́ ō.

1 MBAN̄G GƏ̄ 13:18

Banī *nge koō ta kə́ tɔgə ní əda na: Mā i *nge koō ta madí, adə̄ *de kə́ dɔ rā̰ tə́ kógə̄ḿ ədam̄ na Kɔ́ɔ̄ɓē əda na kə m̄-tél kə m-āw̄ seí ɓēé looḿ kadə̄ ə́sá yá̰a̰ ō, ā̰ȳ man̄ ō. Nge koō ta kə́ tɔgə ní gólə̄n i mbée.

JEREMI 29:24

Ā ə́da Semaya kə́ Nehelam najə̄ ń toō: Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel ɔr̄ najə̄ i tītə̄ ń toō: Ḭ̄ ə́la kə makətūbə̄ gə̄ kə́ ndang kə rīí ādə̄ gír de gə̄ malang kə́ Jerusalem tə́ ō, *nge tun̄ yá̰a̰ Sepania, ngōn̄ Maseya ō, ngé tun̄ yá̰a̰ gə̄ malang ō. Najə̄ ń ɔ̄r̄ kem makətūbə̄ gə̄ ní tə́ ní n toó:

JEREMI 30:1

Kɔ́ɔ̄ɓē ɔr̄ najə̄ kə Jeremií ədan na:

JEREMI 36:31

M-ā m̄-rāān ni ō, de kə́ gír kojə yān tə́ gə̄ ō, ngé kəla yān gə̄ ō, yá̰á̰ kə́ tōr̄ najə̄ yá̰á̰ kə́ gōtə́ aĺ gə̄ ń rāān̄ tə́ ní. M-ā m̄-rāā kadə̄ yá̰á̰ kə́ to kum kaȳ aĺ ngá̰ý gə̄ malang ń m-ɔ̄r̄ najə̄n sedə́ á oōn̄ aĺ ní a əsō dɔdə́ tə́ ō, dɔ de gə̄ ń ndin̄ ɓē Jerusalem tə́ ní, dɔ de kə́ Juda tə́ gə̄ ō.

EJEKIEL 20:38

Ngé gə̄ ń rāān̄ dɔ ngan̄g ba mbātə́n̄ taḿ ní, m-ā m̄-tə̄ɓādə́ kɔ̄ɔ́ dɔ dáńsí tə́. M-ā m̄-teē sedə́ kɔ̄ɔ́ kem ɓē gə̄ ń ndin̄ tū tə́ ní tə́, banī nin̄ a udən̄ dɔ nang kə́ *Israel tə́ alé. I beé n ā ī-gerīiń kadə̄ Kɔ́ɔ̄ɓē i mā ní.

AMOS 9:10

De gə̄ malang kə́ dan gír deē yāḿ gə̄ tə́ a oyn̄ ta rɔ̄ɔ̄ tə́. Ɓá tā banī nin̄ ədan̄ na: Yá̰á̰ kə́ to kum kaȳ aĺ a reē alé, a ɔdə rɔ̄jí alé.