JEREMI 29:26 - Bible sar

²⁶ I Kɔ́ɔ̄ɓē n əndāī gotə *nge tun̄ yá̰a̰ Yehoyada tə́ yā kadə̄ ḭ̄ i ngol nge tun̄ yá̰á̰ kə́ ə̄ndā kumií gír de gə̄ malang ń tāmə̄n̄ mbitə mbitə ō, ɔrə̄n̄ najə̄ kə́ *ngé koō ta gə̄ tə́ ō kem *kújə yā Kɔ́ɔ̄ɓē tə́ ní, majə kadə̄ ī-do̰ō̰də́ kə súlú ō, kə kəlā gindīí ō.

Bibəl ta Sar̄

²⁶ I Kɔ́ɔ̄ɓē n əndāī gotə nge tun̄ yá̰a̰ Yehoyada tə́ yā kadə̄ ḭ̄ i ngol nge tun̄ yá̰á̰ kə́ ə̄ndā kumií gír de gə̄ malang ń tāmə̄n̄ mbitə mbitə ō, ɔrə̄n̄ najə̄ kə́ ngé koō ta gə̄ tə́ ō kem kújə yā Kɔ́ɔ̄ɓē tə́ ní, majə kadə̄ ī-do̰ō̰də́ kə súlú ō, kə kəlā gindīí ō.

JEREMI 29:26 Referans Kwoze

2 MBAN̄G 9:11

Yehu teē aw̄ rɔ̄ ngol ngé rɔ̄ɔ̄ gə̄ yā kɔ́ɔ̄n tə́, anī dəjenən̄ na ké i rí n rāā yá̰a̰ wa, ké nge kɔ̄r̄ ń noō reē rɔ̄n tə́ i najə̄ rí tə́ wa. Anī ni-tél ədadə́ na: Sḭḭ̄ kɔ́ gə̄ ī-gerī deē ń noō majə kə najə̄ kɔrə̄n gēé.

KƏLA RĀĀ 26:24

Pol ɔr̄ najə̄ dɔ rɔ̄n tə́ ugə̄ loo ń noō tə́, anī Pestus əga kɔŕ əda na: Pol, ā̰ȳ kɔ̄r̄ kɔ̄ɔ́! Yá̰á̰ ń ī-ndóō ngá̰ý ní rāāī adə̄ ā̰ȳ kɔ̄r̄ kɔ̄ɔ́!

JA̰A̰ 10:20

De gə̄ ngá̰ý dɔ dáńdə́ tə́ ədan̄ na: Ndíĺ kə́ majaĺ i kemən tə́ ō, kɔ̄r̄ rāān ō, ba ōōī najə̄ yān i tām̄ rí tə́?

OJEE 9:7

Kum mbang ń Kɔ́ɔ̄ɓē a rɔ̄ɔ̄ńsí ní n toó. A̰á̰ā̰, i kum mbang kə́ yā kadə̄ deē ɔjəń gíŕ yá̰a̰ rāān gə̄, majə kadə̄ *Israel ger̄ nge ń noō. Sḭḭ̄ ə́daī na *nge koō ta ń toō dɔn na ndi gōtə́ alé, ə́daī na nge kəda yá̰á̰ kə́ reē dɔn tə́ toō na a ɔr̄ i najə̄ kə̄ noó. I beé ɓá ní, ré dɔḿ ndi gōtə́ aĺ anī, i najə̄ yá̰a̰ rāāsí kə́ majaĺ ngá̰ý gə̄ kə́ i ngá̰ý tə́, i najə̄ kənī kə́ ə̄nīmī rɔ̄ɔ̄ kə ngangá ngá̰ý tə́.

KƏLA RĀĀ 16:24

Loo ń nge ngɔ̄m̄ dəngáy gə̄ oō beé anī, ənīdə́ kem kújə dəngáý kə́ gə́lé tə́, ba tə́nī hōŕ njadə́ tə́.

MARK 3:21

Loo ń ngéén gə̄ oōn̄ beé anī, teē aw̄n̄ kəhɔn tə́, tɔdɔ̄ nin̄ ədan̄ na dɔn na ndi kə gōó aĺ na i mbée.

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, *diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī *jākā mbang ń i ndi kə kumuú ní.

2 KORḚNTƏ 11:33

Banī de gə̄ əndāmə̄n̄ kem dōbə̄ kógə̄ḿ kə́ bo tə́ ba əlamə̄n̄ kum ko̰rō̰ kújə́ kə́ tū ndogə̄ mbal̄ tə́ kə̄ gidə tə́ ndágá. I tītə̄ ń noō n m̄-teēń ta jīn tə́ ní.

KƏLA RĀĀ 26:11

Mā m-ɔ̄r̄ gō kújə́ kán̄ naā gə̄ tḛ tḛ, m̄-rāā ngé taā kem gə̄ yá̰á̰ kə́ tōr̄ gə̄, ba m̄-ra sedə́ ta tájə̄ nge ń nin̄-taān̄ kemən ní. Tá wōn̄g yāḿ ń a rāām̄ i kə́ kɔ̄r̄ tə́ dɔdə́ tə́ ní, rāām̄ adə̄ m̄-ndəle njadə́ bátə́ ta kə́ dɔ ɓē kə́ rang gə̄ tə́ gə̄gē.

KƏLA RĀĀ 5:24

Loo ń ngār yā ngé ngɔ̄m̄ ta *kújə yā Kɔ́ɔ̄ɓē gə̄ ō, ngol gə̄ kə́ dɔ *ngé tun̄ yá̰a̰ gə̄ tə́ ō oōn̄ najə̄ gə̄ ń noō ní, nin̄-gírə̄n̄ yá̰á̰ sétə́ dɔ ngámbang kəla gə̄ tə́, ba dəjen̄ naā na ké i rí n rāā yá̰a̰ wa.

KƏLA RĀĀ 5:18

Nin̄-əhɔn̄ ngámbang kəla gə̄ ɓōkə́n̄də́ kem kújə dəngáý kə́ tām̄ yā de gə̄ malang tə́.

KƏLA RĀĀ 4:1

Piyer nin̄ kə Ja̰a̰ ra a ɔrə̄n̄ najə̄ kə ngán *Israel gēé kə̄ tadə́ tə́ ɓáý anī, *ngé tun̄ yá̰a̰ gə̄ ō, ngol ngé ngɔ̄m̄ *kújə yā Kɔ́ɔ̄ɓē ō, *Sadusiyḛ gə̄ ō, reē ugə̄n̄.

JA̰A̰ 10:33

*Jipə gə̄ tél ədanən̄ na: J-a jə-tə́nāī kə mbalá yā tɔ̄lī i tām̄ kəla kə́ majə kógə̄ḿ tə́ alé, banī i tām̄ tájə̄ kə́ ī-tájə̄ Nə́ɓā tə́. Tɔdɔ̄ ḭ̄ ń i deē ndul ní, ī-rāā rɔ̄í Nə́ɓā tə́.

JA̰A̰ 8:53

Ḭ̄ i kə́ bo tɔȳ kaají Abəraham ń oy ní a? Ngé koō ta gə̄ oyn̄ ō, ba ḭ̄ ī-rāā rɔ̄í i rí tə́?

MATIYE 21:23

Jeju udə *kújə yā Kɔ́ɔ̄ɓē tə́ a ndóō de gə̄ yá̰a̰. Anī ngol gə̄ kə́ dɔ *ngé tun̄ yá̰a̰ gə̄ tə́ ō, *kum kɔɔ̄ gə̄ yā ngán *Israel gə̄ ō, reēn̄ rɔ̄n tə́ ba dəjenən̄ na ké tɔ́gə́ ń a rāań yá̰a̰ gə̄ ní ké teēń i rá wa, ké i náā n-adə̄n tɔ́gə́ ní wa.

JEREMI 38:28

Jeremi ndi ndágə loo ngɔ̄m̄ ta kújə yā mban̄g tə́ bátə́ kadə̄ Kalde gə̄ taān̄neé ɓē kə́ Jerusalem.

JEREMI 38:6

Nin̄ əhɔn̄ Jeremi, ba ənīnən̄ kem bəlo taā man̄ yā Malkiya kə́ ngōn̄ ngār tə́. Bəlo ní i ndágə loo ngɔ̄m̄ ta kújə yā mban̄g tə́. Əlan̄ Jeremi bəloó i kə kəlaá. Man̄ gətóo kemeé, ba i bɔr ngóy, adə̄ Jeremi dubə̄ tū tə́.

JEREMI 29:27

I tām̄ rí tə́ á ī-rāā yá̰a̰ kə Jeremi kə́ Anatot tə́ ń ɔr̄ najə̄ kə́ *nge koō ta tə́ dɔ dáńsí tə́ ní aĺ ní.

2 YÁ̰A̰ GƏ̄ 18:26

Ba kə ədan̄də́ na mban̄g əda na kə ənīn̄ deē ń toō dəngáyá, ba kə a̰a̰n̄ gōn kə mápá kə́ sḛ́ý beē ō, kə man̄ kə́ sḛ́ý beé ō, bátə́ kadə̄ n-téləń ta rɔ̄ɔ̄ tə́ kə lápə́yaá.

2 YÁ̰A̰ GƏ̄ 16:10

Wōn̄g rāā Asa kə nge ka̰a̰ yá̰á̰ adə̄ əhɔ ənīn dəngáyá. Tɔdɔ̄ najə gə̄ ń ɔr̄ ní adə̄n wōn̄g ngá̰ý. Dan ngeé ń noō tə́ ní Asa rāā kum ngán *Israel kə́rēý gə̄ ndoō tə́.

2 MBAN̄G 11:18

Gō tə́ anī de kə́ gō nang kə́ *Juda tə́ gə̄ malang aw̄ tɔ̄ɔ̄n̄ kújə yā *Baal kɔ̄ɔ́, tɔ̄ɔ̄n̄ *loo tun̄ yá̰a̰ yān gə̄ kɔ̄ɔ́ ō, tétə̄n̄ yá̰á̰ kə́ tɔ́sə̄ ba kudə kum gotən gə̄ kɔ̄ɔ́ ō, ba tɔ̄lə̄n̄ Matan *nge tun̄ yá̰a̰ yā Baal ta *loo tun̄ yá̰a̰ gə̄ tə́. Gō tə́ anī Yoyada *nge tun̄ yá̰a̰ əndā de gə̄ kadə̄ ngɔ̄mə̄n̄ *kújə yā Kɔ́ɔ̄ɓē.

2 MBAN̄G 11:15

Banī Yoyada *nge tun̄ yá̰a̰ əda ngol áskar gə̄ na kə teēn̄ seneé dan de gə̄ tə́ kɔ̄ɔ́. Deē ń a aw̄ gōn tə́ ní kɔ́ɔ̄ a oy yo kaskar. Nge tun̄ yá̰a̰ əda na majə kadə̄ ni-oy kem *kújə yā Kɔ́ɔ̄ɓē tə́ alé.

KƏLA RĀĀ 26:25

Pol tél tūr̄ ədan na: Nge ko̰o̰ ɓē kə́ majə Pestus, m-ā̰ȳ kɔ̄r̄ alé. Najə̄ ń m-ɔ̄r̄ ní i najə̄ kə́ rɔ̄kum ō, najə̄ kɔr̄ de kə́ kur̄ dɔn ndi kə gōó majə ō.

JAKARI 13:1

Kum mbang ngeé ń noō tə́ ní, man̄ kógə̄ḿ kə́ əɓa nang tə́, a nūgə́ yā tə́goń yá̰a̰ rāā kə́ gōtə́ aĺ gə̄ ō, yá̰á̰ kə́ yḛr gə̄ ō, yā de gə̄ kə́ kem kojə yā Dabid tə́ ō, yā de kə́ Jerusalem gə̄ ō.