JEREMI 27:22 - Bible sar

²² A ɔyn̄ gotə yá̰a̰ rāā kəla gə̄ ní yā kaw̄ń *Babilon, kadə̄ a to noó bátə́ ndɔ̄ ń m-ā m̄-sāań nja yā tél reēń gogə́ loo ń toō tə́ ní. Najə̄ ń Kɔ́ɔ̄ɓē əda ní n noó.

Bibəl ta Sar̄

²² A ɔyn̄ gotə yá̰a̰ rāā kəla gə̄ ní yā kaw̄ń Babilon, kadə̄ a to noó bátə́ ndɔ̄ ń m-ā m̄-sāań nja yā tél reēń gogə́ loo ń toō tə́ ní. Najə̄ ń Kɔ́ɔ̄ɓē əda ní n noó.

JEREMI 27:22 Referans Kwoze

JEREMI 29:10

Kɔ́ɔ̄ɓē ɔr̄ najə̄ i tītə̄ ń toō beé: Ré ɓāl̄ ɓē ko̰o̰ kə́ *Babilon tə́ mān̄ asə kutə sīrí anī, m-ā m̄-gír̄ dɔsí tə́. M-ā m̄-rāā kadə̄ ndūḿ ń m-ə̄nī yā tél reē sesí gogə́ loo ń toō tə́ ní, a udə gírí majə.

JEREMI 32:5

Ə́da na, mban̄g kə́ *Babilon tə́ na a əhɔ Sedekias yā kaw̄ seneé Babilon tə́ ō, na a ndi na i noó bátə́ kadə̄ Kɔ́ɔ̄ɓē ədań najə̄ kə́ dɔn tə́ ō ní? Tá ə́da na ré jə-nā rɔ̄ɔ̄ de kə́ Kalde tə́ gə̄ anī, na j-a jə-tetə rɔ̄ɔ̄ aĺ ō, ə́da na najə̄ ń Kɔ́ɔ̄ɓē əda ní n noó ō ní?

ESDRAS 7:19

Ngáń gájə́ yá̰a̰ gə̄ ń adə̄nī yā rāań kəla kem *kújə yā Nə́ɓā yāí tə́ ní, ī-tə́ndādə́ ta kum Nə́ɓā yāí tə́ Jerusalem.

ESDRAS 1:11

Yá̰a̰ malang kə́ rāā kə lɔ́rɔ́ ō, kə arjā̰a̰á̰ ō, i 5 400. Sesəbasar ɔy malang aw̄ń Jerusalem dan ń ngán *Israel gə̄ teēn̄neé ɓəloó kɔ̄ɔ́ kem ɓē kə́ *Babilon tə́ ní.

Gōsə̄ najə̄ gə̄ 21:30

Kum kedə̄ yā deē, aláa ger̄ najə̄ yā deē, aláa najə̄ kə́ gír̄ yā de kə́ tetə Kɔ́ɔ̄ɓē rɔ̄ɔ̄ gətóo.

DANIEL 9:2

Anī kem ɓāl̄ ko̰o̰ ɓē yān kə́ ta kəga dɔ tə́ ní, mā Daniel m̄-tə́da kutə ɓāl̄ gə̄ ń ɓē kə́ *Jerusalem i kə́ nujə sák sák kɔ̄ɔ́ ní kə ta kūl̄ makətūbə̄ kə́ *táĺ gə̄, anī m-á̰a̰ kadə̄ ɓāl̄ i kutə sīrí tītə̄ ń Kɔ́ɔ̄ɓē ədań Jeremi *nge koō ta ní.

DANIEL 5:23

Ḭ̄ ī-tɔ́sə̄ gātə̄ Nə́ɓā kə́ dɔ rā̰ tə́, tām̄ ādə̄ reēn̄ kə ngáń gájə́ yá̰a̰ rāā kəla gə̄ kə́ kem kújə yān tə́ adə̄ ā̰yń kasə *nduú, ḭ̄ ō, de kə́ bo yāí gə̄ ō, də̄yá̰ gidə ndogə̄ yāí gə̄ ō, dəyá̰ kə́ ngé rāā kəla yāí gə̄ ō. Tá ɓáý to̰ ní ḭ̄ ī-tɔ̄ȳ nə́ɓā gə̄ kə́ rāān̄də́ kə gində̄ arjā̰a̰ ō, kə lɔ́r ō, kə gində̄ nə̄ngá kasə ō, kə gində̄ kə́ karī ō, kə kāgə̄ ō, kə mbal̄ ō. Adə̄ i nə́ɓā gə̄ kə́ a̰a̰n̄ loo aĺ ō, oōn̄ loo aĺ ō, gerə̄n̄ yá̰a̰ aĺ ō. Ba Nə́ɓā ń koōí ō, yá̰a̰ gə̄ ń a reēn̄ dɔí tə́ ndɔ̄n tə́ ō, i kem jīn tə́ ní, ḭ̄ ī-rɔȳn alé!

JEREMI 34:5

Ā óy i kə kem sɔl̄ lɔmɔɔ́. A róōn̄ yá̰á̰ kə́ kotə majə tām̄ yāí tə́ tītə̄ ń róōn̄neé adə̄n̄ kaaí gə̄ ń ndin̄ dɔ kōr̄ kāgə̄ mbang tə́ o̰o̰n̄neé ɓē kété noí tə́ ní ō. A unən̄ pā nōō yo dɔí tə́ a ədan̄ na: Kɔ́ɔ̄ḿ, i yá̰á̰ to kum kaȳ aĺ kə́ ba̰ý beé! Kə́ rɔ̄kum tə́ ní najə̄ kɔrə̄ḿ n noó. Najə̄ ń Kɔ́ɔ̄ɓē əda ní n noó.

ESDRAS 7:9

Ni-əndā ndɔ̄ kɔŕdə́ dɔɔ́ *Babilon i kə ndɔ̄ kə́ ta kəga dɔ yā nāā kə́ ta kəga dɔɔ́. Ba kə ndɔ̄ kə́ ta kəga dɔ yā nāā kə́ nge ko̰ mí anī ugə̄ Jerusalem. Tɔdɔ̄ Kɔ́ɔ̄ɓē Nə́ɓā yān ngɔ̄mən ta yá̰á̰ kə́ majaĺ gə̄ tə́.

2 YÁ̰A̰ GƏ̄ 36:21

Najə̄ ń Kɔ́ɔ̄ɓē əndā ta Jeremi *nge koō ta tə́ adə̄ əda ní rāā yá̰a̰ i tītə̄ ń noō. Jeremi əda kété na: A əya̰n̄ ɓē kɔ̄ɔ́ ɓāl̄ kutə sīrí kadə̄ dɔ nang ɔrə̄ń koō kum gotə ndɔ̄ *sabat gə̄ ń ngán *Israel gə̄ əndān̄ kumdə́ gírí aĺ ní tə́.

2 MBAN̄G 25:13

De kə́ Kalde gə̄ tɔ̄ɔ̄n̄ gində̄ nə̄ngá kasə kə́ ngāl̄ gə̄ kə́ ta kújə *yā Kɔ́ɔ̄ɓē tə́ kɔ̄ɔ́ ō, tétən̄ púsə gə̄ ō, tɔ̄ɔ̄n̄ bay kə́ bo kə́ rāā kə gində̄ nə̄ngá kasaá ō, kə́ ndágə́ kújə yā Kɔ́ɔ̄ɓē tə́ kɔ̄ɔ́, ba ɔyn̄ gində̄ nə̄ngá kasə gə̄ ń rāānəń yá̰a̰ gə̄ ń noō ní aw̄n̄neé Babilon.

JEREMI 20:5

Yá̰á̰ kə́ kəndā kon̄ tə́ gə̄ malang kə́ kem ɓē ń toō tə́ ō, yá̰a̰ gə̄ ń teēn̄ tū kəla rāān gə̄ tə́ malang ō, yá̰a̰ yān malang kə́ gātə̄də́ i ngá̰ý gə̄ ō, yá̰a̰ gə̄ malang kə́ kem kújə ngɔ̄m̄ yá̰a̰ kənge gə̄ yā mban̄g kə́ Juda tə́ gə̄ ō ní, m-ā m-ə́ya̰ m-ādə̄ madə̄ ba̰ā̰də́ gə̄ kadə̄ ɔyn̄ dɔ gúú tə́. A ɔyn̄ nánáḿ yā kaw̄ń Babilon.

JEREMI 27:7

Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

JEREMI 27:21

Ɓáa anī, ōōī najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel əda dɔ gotə yá̰a̰ rāā kəla gə̄ ń ton̄ kem *kújə yā Kɔ́ɔ̄ɓē tə́ ō, kem kújə yā mban̄g tə́ ō, Jerusalem tə́ ō ní:

JEREMI 34:2

Najə̄ ń Kɔ́ɔ̄ɓē, Nə́ɓā yā *Israel əda ní n toó: Āw̄ ɔ̄r̄ najə̄ kə Sedekias mban̄g kə́ *Juda tə́, ə́dan na: M-ā m-ə́la ɓē ń toō kem jī mban̄g kə́ *Babilon tə́ kadə̄ a əla hor dɔ tə́.

JEREMI 34:3

Ḭ̄ ā ī-teē jīn tə́ alé. A əhɔnī kadə̄ ni a rāā yá̰á̰ ń kemən ndigə ní seí. Tasí a a̰a̰ naā kə Babilon ō, ni a ɔr̄ najə̄ seí kə taneé ō, ā āw̄ Babilon ō.