JEREMI 27:21 - Bible sar

²¹ Ɓáa anī, ōōī najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel əda dɔ gotə yá̰a̰ rāā kəla gə̄ ń ton̄ kem *kújə yā Kɔ́ɔ̄ɓē tə́ ō, kem kújə yā mban̄g tə́ ō, Jerusalem tə́ ō ní:

Bibəl ta Sar̄

²¹ Ɓáa anī, ōōī najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda dɔ gotə yá̰a̰ rāā kəla gə̄ ń ton̄ kem kújə yā Kɔ́ɔ̄ɓē tə́ ō, kem kújə yā mban̄g tə́ ō, Jerusalem tə́ ō ní:

JEREMI 27:21 Referans Kwoze

JEREMI 20:5

Yá̰á̰ kə́ kəndā kon̄ tə́ gə̄ malang kə́ kem ɓē ń toō tə́ ō, yá̰a̰ gə̄ ń teēn̄ tū kəla rāān gə̄ tə́ malang ō, yá̰a̰ yān malang kə́ gātə̄də́ i ngá̰ý gə̄ ō, yá̰a̰ gə̄ malang kə́ kem kújə ngɔ̄m̄ yá̰a̰ kənge gə̄ yā mban̄g kə́ Juda tə́ gə̄ ō ní, m-ā m-ə́ya̰ m-ādə̄ madə̄ ba̰ā̰də́ gə̄ kadə̄ ɔyn̄ dɔ gúú tə́. A ɔyn̄ nánáḿ yā kaw̄ń Babilon.

JEREMI 27:20

dɔ yá̰a̰ gə̄ malang ń Nabukodonosor, mban̄g kə́ Babilon ɔy alé dan ń əhɔ Yekonia, ngōn̄ Joakim, mban̄g kə́ *Juda tə́ aw̄ seneé Babilon tə́, naā tə́ kə ngār kə́ Juda tə́ gə̄ malang ō, kə́ Jerusalem tə́ gə̄ ō ní.

JEREMI 27:22

A ɔyn̄ gotə yá̰a̰ rāā kəla gə̄ ní yā kaw̄ń *Babilon, kadə̄ a to noó bátə́ ndɔ̄ ń m-ā m̄-sāań nja yā tél reēń gogə́ loo ń toō tə́ ní. Najə̄ ń Kɔ́ɔ̄ɓē əda ní n noó.

2 MBAN̄G 20:17

Ndɔ̄ kógə̄ḿ tə́ anī a ɔyn̄ yá̰a̰ malang kə́ kem kújə yāí tə́ ō, yá̰a̰ gə̄ ń kaaí gə̄ kánə̄n̄ kə̄ dɔ naā tə́ kemeé ní ō, yā kaw̄ń *Babilon. Yá̰á̰ kógə̄ḿ a na̰y alé, i Kɔ́ɔ̄ɓē n əda ní.

2 YÁ̰A̰ GƏ̄ 36:18

Yá̰a̰ malang kə́ bo gə̄gē kə́ dūú gə̄gē, kə́ kem kújə yā Nə́ɓā tə́ gə̄gē, yá̰a̰ ɓɔ̄ɔ̄ gə̄ kə́ kem *kújə yā Kɔ́ɔ̄ɓē tə́ gə̄gē, yá̰a̰ ɓɔ̄ɔ̄ gə̄ yā mban̄g gə̄gē, yā de kə́ bo yān gə̄ gə̄gē ní mban̄g kə́ Babilon ɔy aw̄ń Babilon malang.

ESDRAS 1:7

Yá̰a̰ gə̄ kə́ kem *kújə yā Kɔ́ɔ̄ɓē tə́ ń Nabukodonosor ɔy Jerusalem aw̄ tə́ndā kem kújə yā nə́ɓā yān gə̄ ń i ɓesə̄ yān gə̄ ní tə́ ní, mban̄g Sirus adə̄ tél sāān̄ nja náḿ naḿ.

ESDRAS 1:11

Yá̰a̰ malang kə́ rāā kə lɔ́rɔ́ ō, kə arjā̰a̰á̰ ō, i 5 400. Sesəbasar ɔy malang aw̄ń Jerusalem dan ń ngán *Israel gə̄ teēn̄neé ɓəloó kɔ̄ɔ́ kem ɓē kə́ *Babilon tə́ ní.

IJAI 39:6

Ndɔ̄ kógə̄ḿ anī, yá̰a̰ malang kə́ kem kújə ngol yāí tə́, yá̰a̰ malang ń gə̄ ń mban̄g kə́ kété gə̄ kánə̄n̄ kemeé ní, a ɔyn̄ yá̰a̰ gə̄ ń noō malang yā kaw̄ń *Babilon. A̰á̰ā̰, Kɔ́ɔ̄ɓē əda na yá̰á̰ kógə̄ḿ kə́ a na̰y laā a gətóo.

NŌŌ RƆ̄ 1:10

Nge rɔ̄ɔ̄ḿ əla jīn ɔyń yá̰a̰ yāḿ kə́ majə ngá̰ý gə̄ malang kɔ̄ɔ́. Jerusalem a̰a̰ nápar de gə̄ ń ɔ̄gə̄də́ kaw̄ dan ngé kán̄ naā yāí gə̄ tə́ ní loo kudə tə́ kem *loo kə́ táĺ yān tə́.