JEREMI 27:18 - Bible sar

¹⁸ Ré nin̄ i *ngé koō ta gə̄ ō, ré Kɔ́ɔ̄ɓē əndā najə̄ tadə́ tə́ ō anī, ādə̄ rāān̄ Kɔ́ɔ̄ɓē kə́ bo kə́ tɔ́gən i ngá̰ý ɓɔ́ kə ngangá ngá̰ý najə̄ kadə̄ de gə̄ ɔyn̄ gotə yá̰a̰ rāā kəla gə̄ ń ton̄ kem *kújə yā Kɔ́ɔ̄ɓē tə́ ō, kem kújə yā mban̄g kə́ *Juda tə́ ō, kə́ Jerusalem tə́ ō ní aw̄n̄neé Babilon tə́.

Bibəl ta Sar̄

¹⁸ Ré nin̄ i ngé koō ta gə̄ ō, ré Kɔ́ɔ̄ɓē əndā najə̄ tadə́ tə́ ō anī, ādə̄ rāān̄ Kɔ́ɔ̄ɓē kə́ bo kə́ tɔ́gən i ngá̰ý ɓɔ́ kə ngangá ngá̰ý najə̄ kadə̄ de gə̄ ɔyn̄ gotə yá̰a̰ rāā kəla gə̄ ń ton̄ kem kújə yā Kɔ́ɔ̄ɓē tə́ ō, kem kújə yā mban̄g kə́ Juda tə́ ō, kə́ Jerusalem tə́ ō ní aw̄n̄neé Babilon tə́.

JEREMI 27:18 Referans Kwoze

1 SAMUEL 7:8

Nin̄ ədan̄ Samuel na: Ī-lōō ndi taí mbóo ō, kəya̰jí kɔ̄ɔ́ ō. Ī-nōō kə̄ dɔ Kɔ́ɔ̄ɓē Nə́ɓā yājí tə́ ādə̄ ajəjí jī Pilistin gə̄ tə́.

JEREMI 18:20

Deē a əga kə̄rā majə kə yá̰á̰ kə́ majaĺ a? Tɔdɔ̄ nin̄ ndērə̄n̄ bəlo kadə̄ m-ə̄sō kemeé kadə̄ gír yāḿ gān̄g. Ādə̄ əga kemií dɔḿ mā ń m̄-rā ta kumií tə́ m-ɔ̄r̄ najə̄ seí tām̄ yādə́ tə́ ō, m̄-tūr̄ ta wōn̄g yāí kə́ ngá̰ý dɔdə́ tə́ kɔ̄ɔ́ ō ní.

1 MBAN̄G GƏ̄ 18:24

Nin̄ a ɓārə́n̄ nə́ɓā yādə́ ō, mā m-ā m̄-ɓāŕ Kɔ́ɔ̄ɓē ō. Nə́ɓā ń a ndigə ɓār̄ ń ɓār̄nən̄ adə̄ a əla hor dɔ kīr̄ tə́ ní, i ni n i Nə́ɓā ní. De gə̄ malang ndigən̄ najə̄ ní, ədan̄ na i najə̄ kə́ majə.

1 SAMUEL 12:23

Mā tā a m-ā m̄-lōō gír rāā Kɔ́ɔ̄ɓē ɓɔ́ tə́ tām̄ yāsí tə́ alé. Tɔdɔ̄ ré m̄-lōō gírí anī m̄-rāā i majaĺ kə Kɔ́ɔ̄ɓēé. M-ā m̄-na̰y kə̄ loo kɔjəsí róbə́ kə́ majə tə́ ō, kə́ súmūú tə́ ō.

1 SAMUEL 12:19

Ədan̄ Samuel na: Ī-rāā Kɔ́ɔ̄ɓē Nə́ɓā yāí ɓɔ́ tām̄ yājí tə́ ādə̄ j-oy alé. Tɔdɔ̄ j-ənī yá̰á̰ kə́ majaĺ kə́ rang ń i dəje mban̄g kógə̄ḿ tām̄ yājí tə́ ní dɔ gotə yá̰á̰ kə́ majaĺ gə̄ malang ń jə-rāā tə́ ní.

MALASI 1:9

Ngɔlaā ní, ī-nāāī ndɔ̄ȳm̄ mā Nə́ɓā yāsí, yā kadə̄ kumḿ o̰o̰mə̄ń tām̄ yāsí tə́. Gō yá̰á̰ ń ī-rāāī tə́ ní, m-ā m-ə́wásí kə̄ rɔ̄ḿ tə́ majə a? Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-dəjesí najə̄ ń noō.

EJEKIEL 22:30

m̄-sāā deē kógə̄ḿ dandə́ tə́ kə́ əndā ndogə̄ mbal̄ yā rɔ̄ɔń dɔ rɔ̄n tə́, kə́ ra ta kumḿ tə́ a ngɔ̄məń ndogə̄ mbal̄ tām̄ majə yā ɓē tə́, tá kadə̄ m̄-nujəń ɓē alé. Banī m-ə́nge deē kógə̄ḿ alé.

EJEKIEL 14:14

Ká ré de kə́ mətá kə́ tītə̄ Noe ō, Danel ō, Job ō, nin̄ i dan de gə̄ kə́ kem ɓē ń toō tə́ gə̄ tə́ anī, ra dɔ ndū tə́ yādə́ a ajə i rɔ̄də́ nin̄ kɔ́ gə̄ ngóy. I mā Kɔ́ɔ̄ɓē Nə́ɓā n m-ə́da najə̄ ń noō ní.

JEREMI 42:2

kə̄ rɔ̄ Jeremi *nge koō ta tə́ ba ədanən̄ na: Jə-rāāī ɓɔ́ ba ī-nēl̄ mbīí ōoń najə̄ yājí. Ɔ̄r̄ najə̄ kə Kɔ́ɔ̄ɓē Nə́ɓā yāí tām̄ yājí jḭḭ gotə de kə́ séý beē gə̄ ń jə-na̰y tə́ toō. Rɔ̄kum, kété ní jḭḭ i de kə́ ngá̰ý gə̄ ba ń toō ɓáa jḭḭ ngé teē ta yo tə́ gə̄ i sḛ́ý beē, tītə̄ ń īkɔ́ á̰a̰ń kə kumií toō.

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

JEREMI 7:16

Ḭ̄ ī-lōō ndɔ̄ȳ tām̄ yā gír de gə̄ ń toō tə́. Ī-lōō nōō rɔ̄í ō, rāā ɓɔ́ ō tām̄ yādə́ tə́. Ī-lōō to dan kɔr̄ najə̄ seḿ tə́ tām̄ yādə́ tə́. Tɔdɔ̄ m-ā m-ōō ndūí alé.

2 YÁ̰A̰ GƏ̄ 32:20

Loo ń noō tə́ mban̄g Ejekias nin̄ kə Ijai *nge koō ta kə́ ngōn̄ Amots ndɔ̄ȳn̄ tām̄ yā najə̄ ń noō tə́ ō, əgan̄ kɔŕ kə̄ dɔɔ́ dɔ rā̰ tə́ ō.

1 MBAN̄G GƏ̄ 18:26

Nin̄ taān̄ man̄g kə́ bəra ń adə̄n̄də́ ní tɔ̄lə̄n̄ ba góriyōn̄ dā̰n ɓōkə́n̄ dɔ kīr̄ tə́ yā tun̄, ba ɓārə́n̄ Baal. Əlan̄ gír ɓārə́n dəloí bátə́ mbang ugə̄ dan ɓēé. Nin̄-ɓāŕnən̄ ədan̄ na: *Baal, ī-ndigəjí! Banī deē oō ndū deē aĺ ō, deē ndigə ɓār̄ ní aĺ ō. Nin̄ ndāmə̄n̄ gīrə̄n̄neé gidə *loo tun̄ yá̰á̰ ń rāān̄ ní.

TA KƏLA 20:17

Kɔ́ɔ̄ɓē rāā adə̄ dəyá̰ kə́ kem ndogə̄ yā Abimelek tə́ gə̄ malang ojən̄ ngán gə̄ to̰ alé najə̄ yā Sara nə̄yá̰ Abəraham tə́. Banī Abəraham ndɔ̄ȳ Nə́ɓā, adə̄ Nə́ɓā adə̄ rɔ̄ Abimelek ngáā ō, rɔ̄ nə̄yá̰n ngáā ō, rɔ̄ ngé kəla yān kə́ dəyá̰ gə̄ ngáā ō, adə̄ nin̄ tél ojən̄ ngán gə̄ gogə́.