JEREMI 26:9 - Bible sar

⁹ Tām̄ ɔ̄r̄ najə̄ kə rī Kɔ́ɔ̄ɓēé əda na: Kújə́ ń toō na a to tītə̄ *Silo ō, ɓē ń toō na a nujə sák sák ō, de kə́ kemeé gə̄ na a gətóon̄ kɔ̄ɔ́ ō. Loo ń noō tə́ de gə̄ malang kə́ kem ɓēé kánə̄n̄ naā kə̄ dɔ Jeremi tə́ kem *kújə yā Kɔ́ɔ̄ɓē tə́.

Bibəl ta Sar̄

⁹ Tām̄ ɔ̄r̄ najə̄ kə rī Kɔ́ɔ̄ɓēé əda na: Kújə́ ń toō na a to tītə̄ Silo ō, ɓē ń toō na a nujə sák sák ō, de kə́ kemeé gə̄ na a gətóon̄ kɔ̄ɔ́ ō. Loo ń noō tə́ de gə̄ malang kə́ kem ɓēé kánə̄n̄ naā kə̄ dɔ Jeremi tə́ kem kújə yā Kɔ́ɔ̄ɓē tə́.

JEREMI 26:9 Referans Kwoze

KƏLA RĀĀ 22:22

Kósə de gə̄ nə̄lə̄n̄ mbīdə́ oōn̄neé najə̄ kɔr̄ Pol bátə́ ugə̄ kum mbang ń ni ədań najə̄ gə̄ ń noō tə́ ní. Ba gō tə́ anī nin̄-ədan̄ kə̄ dɔɔ́ ngá̰ý na: De kə́ tītə̄ ń noō i de kə́ yā kadə̄ ni-ndi dɔ nang tə́ alé! Majə kadə̄ ni-ndi kə kumneé alé! Ī-tɔ̄l̄niī kɔ̄ɔ́!

KƏLA RĀĀ 21:30

Najə̄ ní taā loo kem ɓēé, adə̄ de gə̄ teēn̄ kə̄ ta loo gə̄ tə́ malang reēn̄. Nin̄-əhɔn̄ Pol, ndɔ́r̄ teēn̄ seneé kɔ̄ɔ́ kem *kújə yā Kɔ́ɔ̄ɓē tə́, ba utə̄n̄ ta kə̄ ta jī tə́ noō.

KƏLA RĀĀ 13:50

Banī *Jipə gə̄ sə̄lān̄ dəyá̰ kə́ ngáā ngáā kə́ kem ɓēé gə̄ kə́ ngé rɔȳ Nə́ɓā ō, sə̄lān̄ de kə́ bo bo kə́ kem ɓēé gə̄ ō, adə̄ rāān̄ Pol nin̄ kə Barnabas ndoō tə́ ō, tə̄ɓān̄də́ kɔ̄ɔ́ gō nang yādə́ tə́ ō.

KƏLA RĀĀ 6:14

Najə̄ ń ni-əda ní j-oō majə ngá̰ý, ni-əda na Jeju kə́ *Najaret ń noō na a nujə loo ń toō kɔ̄ɔ́ ō, na a tūr̄ gír jī bēl̄ loo rāā yá̰a̰ gə̄ ń Moijə ɔjəjí ní kɔ̄ɔ́ ō.

KƏLA RĀĀ 5:28

J-ɔgə̄sí ndóō de gə̄ yá̰a̰ kə rī deē ń noō ō, j-ədasí adə̄ unjə̄ ō. Ba ń toō ɓáa ī-ndóōī de gə̄ yá̰a̰ yāsí adə̄ taā kem ɓē kə́ *Jerusalem malang kɔ̄ɔ́ ō, ī-sāāī kadə̄ mósə deē ní tél əsō dɔjí tə́ ō!

JA̰A̰ 8:59

Loo ń noō tə́ nin̄-ɔyn̄ kūbə̄rū mbal̄ gə̄ yā tə́nīnneé. Banī Jeju ɓɔ̄ɔ̄ rɔ̄n ba teē kɔ̄ɔ́ kem *kújə yā Kɔ́ɔ̄ɓē tə́.

JA̰A̰ 8:20

Jeju ɔr̄ najə̄ ń toō i dan ń ni a ndóōń de gə̄ yá̰a̰ kem *kújə yā Kɔ́ɔ̄ɓē tə́, loo ń a ɓōkə́n̄ nar kə́ ndējə̄ Nə́ɓā tū tə́ ní. Ba deē kógə̄ḿ kə́ əhɔn gətóo, tām̄ kum mbang yān asə aĺ ɓáý.

MARK 15:11

Banī ngol gə̄ kə́ dɔ *ngé tun̄ yá̰a̰ gə̄ tə́ sə̄lān̄ kósə de gə̄ kadə̄ dəjen̄ kadə̄ Pilatə ɔr̄ Jeju dəngáyá adə̄də́ alé, ba kadə̄ ɔr̄ i Barabas tá.

MATIYE 27:20

Ngol gə̄ kə́ dɔ *ngé tun̄ yá̰a̰ gə̄ tə́ ō, *kum kɔɔ̄ gə̄ ō, sə̄lān̄ kósə de gə̄ kadə̄ dəjen̄ kadə̄ əya̰n̄ Barabas dɔɔ́, ba kadə̄ Jeju kə oy.

MATIYE 21:23

Jeju udə *kújə yā Kɔ́ɔ̄ɓē tə́ a ndóō de gə̄ yá̰a̰. Anī ngol gə̄ kə́ dɔ *ngé tun̄ yá̰a̰ gə̄ tə́ ō, *kum kɔɔ̄ gə̄ yā ngán *Israel gə̄ ō, reēn̄ rɔ̄n tə́ ba dəjenən̄ na ké tɔ́gə́ ń a rāań yá̰a̰ gə̄ ní ké teēń i rá wa, ké i náā n-adə̄n tɔ́gə́ ní wa.

MISE 2:6

De kə́rēý gə̄ ɔrə̄n̄ najə̄ seḿ, ədamə̄n̄ na: Asiī najə̄ yāí gə̄ ń noō. Kəda na a əlan̄ rɔ̄sɔl̄ dɔjí tə́ rɔ̄kum ní, nge ń noō i najə̄ kə́ yā kɔr̄ alé.

AMOS 5:10

Nge gɔŕyɔ̄ ngé rāā sarya gə̄ ní, nel̄sí sḭḭ̄ seneé aĺ ngá̰ý ō, nge kəda najə̄ kə́ rɔ̄kum ní, nel̄sí seneé aĺ ō.

JEREMI 9:11

Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

2 YÁ̰A̰ GƏ̄ 25:16

Dan ń a əda Amasia najə̄ ń noō ɓáý anī Amasia dəjen na ké əndānən̄ nge kadə̄ mban̄g kɔjə̄ wa. Ré gḛy kadə̄ əndanən̄ aĺ ɓáa kə lōō kaw̄ kə najə̄ ní kə̄ kété. Nge koō ta aw̄ kə najə̄ ní kə̄ kété to̰ alé banī əda na: Mā m̄-ger̄ kadə̄ Nə́ɓā gḛy rāā kadə̄ óy kɔ̄ɔ́ tām̄ ḭ̄ ī-rāā yá̰á̰ ń noō ō, ōō najə̄ yāḿ aĺ ō.

KƏLA RĀĀ 3:11

Deē ní əya̰ gō Piyer nin̄ kə Ja̰a̰ alé. Anī de gə̄ ɓə̄ngān̄ naā ɓuk kə ngɔ̄dɔ̄ɔ́ ta kaw̄ kə̄ rɔ̄də́ tə́ gír dabə yā Salomo̰ kə́ rāā kə mbalá tə́.

KƏLA RĀĀ 5:12

Yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, rāān̄ yá̰á̰ ngá̰ý dan ngán *Israel gə̄ tə́ kə ta kūl̄ ngámbang kəla gēé. Nin̄ malang ní kemdə́ i kógə̄ḿ ō, ran̄ naā tə́ loo kógə̄ḿ ō, gír dabə yā Salomo̰ kə́ rāā kə mbalá tə́.

JOJUE 18:1

Dan ń ngán *Israel gə̄ taān̄ ɓē malang oy anī, kánə̄n̄ naā *Silo, ba udən̄ *kújə kənge naā kemeé.

JEREMI 32:3

Sedekias, mban̄g kə́ Juda əhɔn dəngáy adə̄ ndi i loo ń noō tə́ tɔdɔ̄ əda na: I tām̄ rí tə́ á ɔ̄r̄ najə̄ gə̄ ń toō ə́da na: Kɔ́ɔ̄ɓē ɔr̄ najə̄ i tītə̄ ń toō beé: M-ā m-ə́la ɓē ń toō gíŕ tɔ́gə yā mban̄g kə́ Babilon tə́, ni a taā ɓē ní kɔ̄ɔ́ ní?

JEREMI 33:10

Kɔ́ɔ̄ɓē ɔr̄ najə̄ i tītə̄ ń toō beé: Loo ń toō ń sḭḭ̄ ə́daī na i ndəbā ɓē ō, i loo kə́ de gə̄ ō, dā̰ gə̄ ō na gətóon̄ kemeé ō, kem ɓē kə́ Juda tə́ gə̄ ō, kum kə̄lá róbə kə́ to kum ko̰ kə́ Jerusalem gə̄ ō ń ə́daī na i loo kə́ kanjə̄ de gə̄ ō, kanjə̄ ngé ndi ɓē gə̄ ō, kanjə̄ dā̰ gə̄ ō ní, de gə̄ a oōn̄ kōō

JEREMI 36:29

Ā ə́da Joakim, mban̄g kə́ Juda na najə̄ ń mā Kɔ́ɔ̄ɓē m-ə́dá ní n toó: Ī-róō ndāŕ ndang najə̄ kə́ ɓír̄ gidə naā tə́ ń toō ō, ī-gákə̄m̄ ə́da na ké i tām̄ rí tə́ á m̄-ndang najə̄ kemeé m-ə́da na mban̄g kə́ *Babilon tə́ na a reē yā nujə kə ɓē ń toō gáŕ ō, na a rāā kadə̄ de gə̄ ō, dā̰ gə̄ ō kə́ kemeé na a gətóon̄ kɔ̄ɔ́ ō ní wa?

NŌŌ RƆ̄ 4:13

Yá̰á̰ ń noō rāā yá̰a̰ i najə̄ majaĺ yā *ngé koō ta yān gə̄ tə́ ō, najə̄ yá̰á̰ kə́ gōtə́ aĺ gə̄ yā *ngé tun̄ yá̰a̰ yān gə̄ ń ɓōkə́n̄ mósə de kə́ gōtə́ gə̄ nang tə́ kem ɓēé ní ō.