JEREMI 26:8 - Bible sar

⁸ Dan ń Jeremi ɔr̄ najə̄ ń Kɔ́ɔ̄ɓē ədan kadə̄ əda de gə̄ malang kə́ kem ɓēé ní gír gān̄g anī, *ngé tun̄ yá̰a̰ gə̄ ō, *ngé koō ta gə̄ ō, de kə́ kem ɓēé gə̄ ō, əhɔn̄ Jeremi ba ədanən̄ na: I ḭ̄kɔ́ n ī-ndigə koy ní.

Bibəl ta Sar̄

⁸ Dan ń Jeremi ɔr̄ najə̄ ń Kɔ́ɔ̄ɓē ədan kadə̄ əda de gə̄ malang kə́ kem ɓēé ní gír gān̄g anī, ngé tun̄ yá̰a̰ gə̄ ō, ngé koō ta gə̄ ō, de kə́ kem ɓēé gə̄ ō, əhɔn̄ Jeremi ba ədanən̄ na: I ḭ̄kɔ́ n ī-ndigə koy ní.

JEREMI 26:8 Referans Kwoze

KƏLA RĀĀ 7:52

I *nge koō ta kə́ rá n kaasí gə̄ rāānən̄ ndoō tə́ aĺ ní? Ngé koō ta gə̄ ń ədan̄ najə̄ reē yā de kə́ súmūú kə́ kal kógə̄ḿ beē kété ní, nin̄-tɔ̄lə̄n̄də́ kɔ̄ɔ́. I de kə́ súmūú ní n sḭḭ̄ ə́hɔī gōn alé ba ə́ya̰niī kɔ̄ɔ́ ō, ī-tɔ̄l̄niī ō ní.

KƏLA RĀĀ 5:33

Dan ń nin̄-oōn̄ najə̄ gə̄ ń noō ní anī wōn̄g asədə́ nák, adə̄ sāān̄ tɔ̄l̄ ngámbang kəla gə̄ kɔ̄ɔ́.

MATIYE 22:6

gotə gə̄ əhɔn̄ ngé kəla gə̄ ní rāān̄də́ yá̰á̰ kə́ majaĺ ngá̰ý pá tá tɔ̄lə̄n̄də́ ō.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na *ndū najə̄ a nal̄ ta *ngé tun̄ yá̰a̰ gə̄ aĺ ō, Kɔjə̄ a nal ta *kum kɔɔ̄ gə̄ aĺ ō, najə̄ yā Nə́ɓā a nal̄ ta *ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

JEREMI 2:30

M-ə́ndá ngáńsí gə̄ i ndāńg karī, nin̄ ndigən̄ kɔjə̄ ní alé. Kaskar yāsí tɔ̄l̄ *ngé koō ta yāsí gə̄ tītə̄ ɓɔl kə́ nge kəhɔ yá̰a̰.

2 YÁ̰A̰ GƏ̄ 36:16

Banī nin̄ mbóon̄ kə ngámbang kəla yā Nə́ɓā gēé ō, kídə̄n̄ najə̄ gə̄ ń Nə́ɓā ɔr̄ sedə́ ní ō, ɓōlə́n̄ *ngé koō ta yān gə̄ aĺ ō, adə̄ wōn̄g ń rāā Kɔ́ɔ̄ɓē kə gír deē yān gēé ní dáwán gətóo.

JEJU TEĒ KUM JA̰A̰ 18:24

Ngé koō ta gə̄ ō, deē yā Nə́ɓā gə̄ ō, de kə́ dɔ nang tə́ gə̄ malang ń tɔ̄lə̄n̄də́ ō ní, mósə́də́ a̰ȳ nang tə́ i kem ɓē kə́ *Babilon tə́.

MATIYE 27:20

Ngol gə̄ kə́ dɔ *ngé tun̄ yá̰a̰ gə̄ tə́ ō, *kum kɔɔ̄ gə̄ ō, sə̄lān̄ kósə de gə̄ kadə̄ dəjen̄ kadə̄ əya̰n̄ Barabas dɔɔ́, ba kadə̄ Jeju kə oy.

JEREMI 18:23

Ḭ̄ Kɔ́ɔ̄ɓē ḭ̄ ī-ger̄ najə̄ kə́ asə yoḿ gə̄ malang ń tétə̄n̄ dɔḿ tə́ ní majə. Ɔ̄r̄ yá̰á̰ kə́ gōtə́ aĺ yādə́ ń rāān̄ ní kɔ̄ɔ́ alé. Ādə̄ majaĺ yādə́ gə̄ ń rāān̄ ta kumií tə́ ní gotə to karī alé. Ādə̄ tə́sōn̄ nang tə́ ta kumií tə́. Dan ń wōn̄g yāí a ḭḭ seí ní ɔ́jə́də́ kum.

JEREMI 32:3

Sedekias, mban̄g kə́ Juda əhɔn dəngáy adə̄ ndi i loo ń noō tə́ tɔdɔ̄ əda na: I tām̄ rí tə́ á ɔ̄r̄ najə̄ gə̄ ń toō ə́da na: Kɔ́ɔ̄ɓē ɔr̄ najə̄ i tītə̄ ń toō beé: M-ā m-ə́la ɓē ń toō gíŕ tɔ́gə yā mban̄g kə́ Babilon tə́, ni a taā ɓē ní kɔ̄ɔ́ ní?

JEREMI 43:1

Dan ń Jeremi əda gír de gə̄ malang yá̰a̰ gə̄ malang ń Kɔ́ɔ̄ɓē Nə́ɓā yādə́ ɔr̄ seneé ní, adə̄ i najə̄ gə̄ malang ń Kɔ́ɔ̄ɓē Nə́ɓā yādə́ mērən kədadə́ ní óy anī,

AMOS 7:10

Amasia ń i *nge tun̄ yá̰á̰ kə́ kem ɓē kə́ Betel tə́ ní, əla kəla rɔ̄ Jeroboam mban̄g kə́ *Israel tə́ tə́, ni ədan na: Amos sāā mbəreī kɔ̄ɔ́ dɔ kōr̄ kāgə̄ mbang kə́ Israel tə́ tə́. De kə́ kem ɓēé gə̄ asən̄ tə́gā tadə́ dɔ najə̄ kɔrə̄n gə̄ tə́ to̰ alé.

JEREMI 1:19

Nin̄ a rɔ̄ɔ̄nī, banī nin̄ a asən̄ rāā yá̰a̰ seí sḛ́ý aĺ bátə́. Mā i naā tə́ seí. I Kɔ́ɔ̄ɓē n ɔr̄ najə̄ yā gān̄g dɔí.