JEREMI 26:2 - Bible sar

² Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-ra ndágə loo kə́ gīr̄ gidə *kújə yā Kɔ́ɔ̄ɓē tə́, ba ə́da najə̄ gə̄ malang ń m-ə́daī dɔ de gə̄ ń ndin̄ kem ɓē gə̄ kə́ Juda tə́ á ɔsən̄ nodə́ nang tə́ kem kújə yā Kɔ́ɔ̄ɓē tə́ ní, kanjə̄ kɔr̄ kumən kógə̄ḿ kə̄ gogə́.

Bibəl ta Sar̄

² Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-ra ndágə loo kə́ gīr̄ gidə kújə yā Kɔ́ɔ̄ɓē tə́, ba ə́da najə̄ gə̄ malang ń m-ə́daī dɔ de gə̄ ń ndin̄ kem ɓē gə̄ kə́ Juda tə́ á ɔsən̄ nodə́ nang tə́ kem kújə yā Kɔ́ɔ̄ɓē tə́ ní, kanjə̄ kɔr̄ kumən kógə̄ḿ kə̄ gogə́.

JEREMI 26:2 Referans Kwoze

NDŪ NAJƏ̄ 4:2

Yá̰a̰ gə̄ ń Kɔ́ɔ̄ɓē Nə́ɓā yāsí əndā dɔsí tə́ kadə̄ ī-rāāī á m-ə́dásí ní, ā ə̄nīī kə́ rang dɔ tə́ aĺ ō, ā ə́ya̰ī kógə̄ḿ kɔ̄ɔ́ aĺ ō, ba ā ī-ngɔ̄mīdə́.

KƏLA RĀĀ 20:27

Tɔdɔ̄ m-ɔ́jə́sí yá̰a̰ malang ń Nə́ɓā əndā dɔ danaá kété kɔ̄ɔ́ ní kanjə̄ mundə̄sí yá̰á̰ kógə̄ḿ.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

JEREMI 19:14

Jeremi tél Topet ń Kɔ́ɔ̄ɓē əlan kadə̄ ɔr̄ najə̄ yān tū tə́ ní reē. Ni-ra ndágə loo kə́ gīr̄ gidə *kújə yā Kɔ́ɔ̄ɓē tə́ tə́ ba əda ngáń *Israel gə̄ malang na:

JEREMI 1:17

Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

KƏLA RĀĀ 20:20

Sḭḭ̄ ī-gerī kadə̄ mā m̄-ɓɔ̄ɔ̄sí dɔ yá̰á̰ kógə̄ḿ kə́ kadə̄ rāā majə sesí alé: M-ə́dásí yá̰a̰ malang ō, m-ɔ́jə́sí yá̰a̰ malang ō, i ndágə loo gə̄ tə́ ō, i kem kújə gə̄ tə́ ō.

KƏLA RĀĀ 5:42

Nin̄-ndóōn̄ de gə̄ yá̰a̰ ō, ɔjən̄ de gə̄ Najə̄ kə́ Majə yā Jeju *Kərist ō, kə dɔ ndɔ̄ gə̄ kem *kújə yā Kɔ́ɔ̄ɓē tə́ ō, kem kújə gə̄ tə́ ɓēé ō.

JA̰A̰ 18:20

Anī Jeju tél ədan na: M-ə́da de gə̄ najə̄ i wáńg. Mā m̄-ndóō de gə̄ yá̰á̰ ngándáńg i kem kújə́ kán̄ naā gə̄ tə́ ō, kem *kújə yā Kɔ́ɔ̄ɓē ń *Jipə gə̄ malang a kánə̄n̄ naā tū tə́ ní ō, m-ɔ̄r̄ najə̄ kógə̄ḿ loo mundə̄ tə́ aĺ ō.

EJEKIEL 3:10

Ni na̰y kə̄ loo kɔr̄ najə̄ tə́ seḿ ɓáý, əda na: Ḭ̄ ngōn̄ deē, ī-nēl̄ mbīí majə ōoń najə̄ ń m-ā m-ə́daī ní ō, ī-taā najə̄ yāḿ ə̄ndā ngarā̰ kemií tə́ ō.

JEREMI 36:10

Tā anī Baruk tə́da najə̄ gə̄ yā Jeremi kə́ kem makətūbūú ɓē Kɔ́ɔ̄ɓēé, kem kújə yā Gemariya, ngōn̄ Sapan kə́ nge ndang makətūbə̄ tə́. Ni-tə́da i ndágə loo kə́ gīr̄ gidə *kújə yā Kɔ́ɔ̄ɓē kə́ dɔɔ́ ta róbə kújə kə́ kijə yā Kɔ́ɔ̄ɓē tə́ ta kum kósə de gə̄ tə́ malang.

JEREMI 23:28

Ādə̄ *nge koō ta ń nī rāān ní, ənī gotə nī yān ní, ba ādə̄ deē ń m-ə̄ndā najə̄ yāḿ tan tə́ ní, ənī mbēr̄ dɔ ngarā̰ kum najə̄ ní tə́ kə ndū boó. Kádə́ yá̰á̰ ō, kumən ō ton̄ tītə̄ naā a? Najə̄ ń Kɔ́ɔ̄ɓē əda ní n noó.

JEREMI 7:2

Ī-ra ta *kújə yā Kɔ́ɔ̄ɓē tə́, ə̄nī mbēr̄ najə̄ ń toō ə́da na: Sḭḭ̄ de kə́ *Juda tə́ gə̄ malang ń údiī kə ta róbə gə̄ ń toō yā *kɔsə nosí nang tə́ rɔȳń Kɔ́ɔ̄ɓē ní, ōōī najə̄ yā Kɔ́ɔ̄ɓē.

JEJU TEĒ KUM JA̰A̰ 22:19

Najə̄ kə́ kem makətūbə̄ ń toō tə́ ń i najə̄ kə́ Nə́ɓā əndā ta *nge koō ta tə́ ní, ré deē kógə̄ḿ ɔr̄ yá̰á̰ kə́rēý tū tə́ kɔ̄ɔ́ anī, ndū kə́ kənī gə̄ ń ton̄ kem makətūbə̄ ń toō tə́ ní, Nə́ɓā a ɔr̄ dāmə̄n yā kɔ́ɔ̄ kɔ̄ɔ́ ō. Ni a əsa kan̄ kāgə̄ ndi kə kumuú ní aĺ ō, ni a udə kem ɓē yā Nə́ɓā tə́ aĺ ō.

KƏLA RĀĀ 5:25

Banī de kə́rēý reē ədadə́ na: De gə̄ ń ī-ɓōkíīdə́ dəngáyá ní ra a ndóōn̄ ngán *Israel gə̄ yá̰a̰ kem *kújə yā Kɔ́ɔ̄ɓē tə́ noō.

JA̰A̰ 8:2

Banī dəloí ɓatə anī, tél aw̄ kem *kújə yā Kɔ́ɔ̄ɓē tə́. Kósə de gə̄ malang reēn̄ rɔ̄n tə́, anī ni-ndi nang tə́ ba a ndóōdə́ yá̰a̰.

Najə̄ kə́ Majə yā Jeju ń Luk ndang ní 19:47

Ni ndóō de gə̄ yá̰a̰ kə dɔ ndɔ̄ gə̄ kem *kújə yā Kɔ́ɔ̄ɓē tə́. Ngol gə̄ kə́ dɔ *ngé tun̄ yá̰a̰ gə̄ tə́ ō, ngé ndóō de gə̄ *ndū najə̄ gə̄ ō, *kum kɔɔ̄ yā ngán *Israel gə̄ ō sāān̄ yā tɔ̄lə̄n,

JEREMI 42:4

Anī Jeremi *nge koō ta ədadə́ na: Majə, m-ā m̄-ɔ̄r̄ najə̄ kə Kɔ́ɔ̄ɓē Nə́ɓā yāsí tītə̄ ń ī-dəjemīnneé ní ō, m-ā m-ə́dásí najə̄ malang ń Kɔ́ɔ̄ɓē a tél yā kədasí ní ō, kanjə̄ ngɔ̄m̄ kumən kógə̄ḿ tām̄ yāḿ tə́.

NDŪ NAJƏ̄ 12:5

I loo ń Kɔ́ɔ̄ɓē Nə́ɓā yāsí a gə̄rā dɔ nang kə́ gír ɓē yāsí tə́ yā kəndā rīn dɔ tə́ ō, yā ndi tū tə́ ō ní ngóy n ā āwī tū tə́ yā ndɔ̄ȳn ní.

JEREMI 7:27

Ɔ́jə́də́ kum najə̄ gə̄ ń noō malang, ba oōn̄ ndūí alé. Ī-ɓāŕdə́, ba dalnī najə̄ tə́ alé.

EJEKIEL 33:7

Ejekiel, ḭ̄ ngōn̄ deē ní, m-ə̄ndāī nge kum̄ loo tə́ tām̄ yā ngán *Israel gə̄ tə́. A ōō najə̄ kɔrə̄ḿ ō, ā ī-tāā ngán Israel gə̄ ādə̄m̄ ō.

EJEKIEL 40:4

Ni ədam̄ na: Ḭ̄ ngōn̄ deē, ī-teē kumií majə ō, ī-teē mbīí majə ō. Yá̰a̰ malang ń m-ā m-ɔ́jiī kadə̄ á̰a̰ā̰ ní, ə̄ndā kumií majə gírí. Tām̄ reēn̄ seí laā i yā kadə̄ á̰á̰ yá̰á̰ ní. Gō tə́ anī, ā ə̄nī *Israel gə̄ gotə yá̰a̰ malang ń á̰a̰ā̰ ní.

JOJUE 8:35

Jojue tə́dá yá̰a̰ gə̄ ń Moijə əda kadə̄ rāān̄ ní ta kum ngán Israel gə̄ tə́ malang kanjə̄ kəya̰ yá̰á̰ kógə̄ḿ kɔ̄ɔ́. Dəyá̰ gə̄ ō, ngán gə̄ ō, tə̄rā gə̄ ń ndin̄ dan ngán Israel gə̄ tə́ ní ō, nin̄ i kum tə́.

JEREMI 1:7

Kɔ́ɔ̄ɓē ədam̄ na: Ī-lōō kəda na: Mā i ngōn̄ ngá̰ý ɓáý. Loo malang ń m-ə́laī tū tə́ ní, āw̄ tū tə́, yá̰a̰ malang ń m-ādī ndūḿ kadə̄ ə́dá ní, ā ə́dá yá̰á̰ ní.

JEREMI 25:2

I najə̄ ń Jeremi *nge koō ta ɔr̄ ɔjə dɔ de gə̄ malang kə́ Juda tə́ ō, de gə̄ malang ń ndin̄ Jerusalem tə́ ō ní.

JEREMI 28:5

Jeremi *nge koō ta tél əda Hanania *nge koō ta, ta kum *ngé tun̄ yá̰á̰ gə̄ tə́ ō, ta kum ngán *Juda gə̄ tə́ malang ń ran̄ kem *kújə yā Kɔ́ɔ̄ɓē tə́ ní ō