JEREMI 26:12 - Bible sar

¹² Jeremi əda de kə́ bo gə̄ ō, de gə̄ malang kə́ kem ɓēé ō na: Najə̄ gə̄ malang ń ōōī toō ní, i Kɔ́ɔ̄ɓē n əlam̄ kadə̄ m-ə́da dɔ kújə́ ń toō tə́ ō, dɔ ɓē ń toō tə́ ō ní.

Bibəl ta Sar̄

¹² Jeremi əda de kə́ bo gə̄ ō, de gə̄ malang kə́ kem ɓēé ō na: Najə̄ gə̄ malang ń ōōī toō ní, i Kɔ́ɔ̄ɓē n əlam̄ kadə̄ m-ə́da dɔ kújə́ ń toō tə́ ō, dɔ ɓē ń toō tə́ ō ní.

JEREMI 26:12 Referans Kwoze

KƏLA RĀĀ 5:29

Banī Piyer nin̄ kə ngámbang kəla gə̄ tél ədan̄ na: Koō ta Nə́ɓā i só tə́ tɔȳ koō ta deē ndul gə̄.

KƏLA RĀĀ 4:19

Banī Piyer nin̄ kə Ja̰a̰ ədan̄də́ na: Sḭḭ̄ kɔ́ gə̄ ī-gāngī sarya ń toō: I koō tasí sḭḭ̄ n i yá̰á̰ kə́ gōtə́ ta kum Nə́ɓā tə́ aké i koō ta Nə́ɓā ḿ?

JEREMI 26:15

Banī ōōī majə. Ré ī-tɔ̄l̄mī anī, najə̄ yā de kə́ najə̄ gətóo dɔn tə́ a əsō dɔsí sḭḭ̄ kɔ́ gə̄ tə́ ō, dɔ ɓē ń toō tə́ ō, dɔ de gə̄ ń ndin̄ kemeé tə́ ní ō, tɔdɔ̄ kə́ rɔ̄kum tə́ ní, i Kɔ́ɔ̄ɓē n əlam̄ kəda najə̄ gə̄ malang ń toō tə́ kadə̄ ōōī ní.

JEREMI 26:2

Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-ra ndágə loo kə́ gīr̄ gidə *kújə yā Kɔ́ɔ̄ɓē tə́, ba ə́da najə̄ gə̄ malang ń m-ə́daī dɔ de gə̄ ń ndin̄ kem ɓē gə̄ kə́ Juda tə́ á ɔsən̄ nodə́ nang tə́ kem kújə yā Kɔ́ɔ̄ɓē tə́ ní, kanjə̄ kɔr̄ kumən kógə̄ḿ kə̄ gogə́.

EJEKIEL 21:7

Ḭ̄ ngōn̄ deē, ī-tūr̄ kumií kə̄ Jerusalem. Ɔ̄r̄ najə̄ kə loo kə́ kɔr̄ kam̄ gēé kə ngangá ō, ə́da najə̄ kə́ Nə́ɓā əndā taí tə́ dɔ ɓē kə́ *Israel tə́ ō.

AMOS 3:8

Dan ń ɓɔl nōō ní, i náā n ɓōĺ aĺ ní? Dan ń Kɔ́ɔ̄ɓē Nə́ɓā ɔr̄ najə̄ ní, i náā n ɔjə najə̄ najə̄ yān aĺ ní?