JEREMI 25:27 - Bible sar

²⁷ Ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel əda ní n toó: Ā̰yī ādə̄ rāāsí ō, ī-tōmbī ō, ī-teē ī-tə́sōī kanjə̄ kadə̄ ḭ́ḭī dɔɔ́ ō, dan ń a á̰a̰ī kaskar ń m-ā m-ə́la dɔ dáńdə́ tə́ ní.

Bibəl ta Sar̄

²⁷ Ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ā̰yī ādə̄ rāāsí ō, ī-tōmbī ō, ī-teē ī-tə́sōī kanjə̄ kadə̄ ḭ́ḭī dɔɔ́ ō, dan ń a á̰a̰ī kaskar ń m-ā m-ə́la dɔ dáńdə́ tə́ ní.

JEREMI 25:27 Referans Kwoze

HABAKUK 2:16

Ba sḭḭ̄, a rāān̄sí kadə̄ rɔ̄sí a sɔl̄sí banī a rɔȳn̄sí i mbée alé! Ta i dɔsí tə́ kadə̄ sḭḭ̄ ā̰yī yá̰á̰ ní ba ɔ́jiīń de gə̄ rɔ̄sí kə́ karī! Kɔ́ɔ̄ɓē a ra sesí ta ka̰ȳ yá̰á̰ kə́ kem kópə wōn̄g yān tə́. Kadə̄ rɔȳ ń rɔȳn̄sí ní, tél i rɔ̄sɔl̄ kə́ əlan̄ dɔsí tə́.

JEREMI 25:16

A a̰ȳn̄ ō, a bḭ́ḭ̄n̄ ō, tāmə̄n̄ mbitə mbitə ō, dan ń a a̰a̰n̄ kaskar ń m-ə́la dɔ dáńdə́ tə́ ní.

NŌŌ RƆ̄ 4:21

Ngōmandə kə́ Edom, ī-rāā walya ō ī-rāā rɔ̄nel̄ ō, ḭ̄ ń ī-ndi dɔ nang kə́ Us tə́ ní. Kópə kasə *nduú a ɔdə jīí ō, ā ā̰ȳ kadə̄ rāāī ō, ā ī-ró̰ȳ kūbə̄ rɔ̄í tə́ yā njə̄rā gírí karī ō.

IJAI 51:21

I beé ní, ḭ̄ ɓē kə́ kumií tō ndoō, ōō najə̄ ń toō: Yá̰a̰ rāāí kə́ kasə tə́, banī i kasə *nduú n rāāī ní alé.

JEREMI 50:35

Ī-tə́gāī Kalde gə̄ kə kaskaraá, ādī kaskar ɔdə Babilon gə̄ ō, de kə́ bo gə̄ ō, ngé kum kedə̄ gə̄ ō kə́ Babilon tə́.

JEREMI 46:14

Yá̰á̰ ń a rāā yā rāā yá̰á̰ ní Ə̄nīī mbēr̄də́ Ejiptə tə́, ə́daī ādə̄ de gə̄ oōn̄ Migədol ō, Mempis ō, Tapanes ō. Ədaī na: Ɔ̄r̄ dɔí dɔɔ́! Ī-ndi dɔ rɔ̄í tə́! Á̰a̰ā̰, kaskar nujə loo kə gō gidií.

JEREMI 46:10

Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

JEREMI 12:12

Ngé nujə loo gə̄ a reēn̄ noó kə gō kə̄lá róbə gə̄ malang kə́ dəla loo tə́. Kaskar yā Kɔ́ɔ̄ɓē tɔ̄l̄ de gə̄ ta ngóy dɔ nang kógə̄ḿ tə́ bátə́ gān̄g kə́ noó tə́. De kógə̄ḿ kə́ ndi lɔm gə̄gē a gətóó bátə́.

IJAI 63:6

Dan ń wōn̄g rāām̄ ngá̰ý ní m̄-rējə̄ gír de gə̄. m̄-rāā adə̄ wōn̄g yāḿ rāādə́ kə́ kasə tə́ ō, m̄-ɓōkə́ mósə́də́ nang tə́ ō.

NDŪ NAJƏ̄ 32:42

Gərā yāḿ gə̄ a a̰ȳn̄ mósə kadə̄ rāādə́ kə́ kasə tə́ ō, kaskar yāḿ a əsa dā̰ yā ndān̄ ō. Adə̄ i mósə de gə̄ ń tɔ̄lə̄n̄də́ ní ō, de gə̄ ń əhɔn̄də́ ta rɔ̄ɔ̄ tə́ ní ō, ngol áskar gə̄ yā madə̄ ba̰ā̰ gə̄ ō.

JEJU TEĒ KUM JA̰A̰ 14:10

kɔ́ɔ̄ a a̰ȳ kasə *nduú wōn̄g yā Nə́ɓā ō. Ɓōkə́n̄ kasə nduú ní kem kópə wōn̄g yā Nə́ɓā tə́ i kanjə̄ yá̰á̰ kə́ rang kum tə́. Adə̄ yá̰á̰ kə́ tōr̄ a rāā kɔ́ɔ̄ kum hor tə́ ō, kum bursu tə́ ō, ta kum de kə́ dɔ rā̰ tə́ kə́ *táĺ gə̄ tə́ ō, ta kum Ngōn̄ batə̄ tə́ ō.

JEREMI 13:13

anī ā ə́dádə́ na: Najə̄ ń Kɔ́ɔ̄ɓē əda ní n toó: M-ā m̄-rāā kadə̄ kasə a rāā de gə̄ malang kə́ kem ɓē ń toō tə́ ō, a rāā mban̄g gə̄ kə́ gír yā Dabid tə́ ń ndin̄ dɔ kōr̄ kāgə̄ mbang yān tə́ ní ō, *ngé tun̄ yá̰a̰ gə̄ ō, *ngé koō ta gə̄ ō, de gə̄ malang kə́ kem ɓē kə́ Jerusalem tə́ ō.

JEREMI 22:10

Ī-nōōī deē ń oy kɔ̄ɔ́ ní alé. Əhɔī ndoō tām̄ yān tə́ alé. Ba deē ń a aw̄ i mbéé ní ī-nōōniī ba ī-tél ī-nōōniī ɓáý to̰. tɔdɔ̄ ni a tél yā reē gogə́ kem ɓē kojən tə́ to̰ alé.

JEREMI 51:39

rɔ̄də́ a əɓa təngā ō anī, m-ā m-ə̄ndā dɔ yá̰a̰ kəsa kə́ ngá̰ý naā tə́ tām̄ yādə́ tə́, m-ā m-ādə̄də́ kasə kadə̄ rāādə́ ngá̰ý ō, nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ bátə́ ō. Najə̄ ń Kɔ́ɔ̄ɓē əda ní n noó.

JEREMI 51:57

M-ādə̄ de kə́ bo yān gə̄ ō, kum kɔ̄ɔ́ yān gə̄ ō, ngé ko̰o̰ ɓē yān gə̄ ō, ngé rāā sarya yān gə̄ ō, go̰ rɔ̄ɔ̄ yān gə̄ ō, kasə *nduú adə̄ rāādə́. Nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ ō. I Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda najə̄ ń noō ní.

NAHUM 3:11

Ɓē kə́ Ninibə, ta i dɔí tə́ tā. Ka̰a̰ tápə̄ a rāāī kə́ kasə tə́ ō, ā ī-ɓɔ̄ɔ̄ rɔ̄í tām̄ rɔ̄í kə́ sɔlī tə́ ō. Ta i dɔí tə́ kadə̄ ī-sāā loo kə́ yā ɓɔ̄ɔń rɔ̄í najə̄ yā madə̄ ba̰ā̰í gə̄ tə́.

AMOS 8:14

Ngé kə́rēý gə̄ a ənīn̄ ndūdə́ kə ngagāá ngá̰ý kə ta kūl̄ nə́ɓā kə́ rɔ̄kum aĺ kə́ Samari. Nin̄ túbən̄ ədan̄ na: Dan, m̄-túbə kə ta kūl̄ nə́ɓā yāí! Aláa ədan̄ na: m̄-túbə kə ta kūl̄ róbə́ kə́ yā ɓōĺ gidə kə́ ta kaw̄ kə̄ Beer Seba! Loo ń noō tə́ ní, de gə̄ ngeé ń noō a əsōn̄ ō, a télən̄ yā kḭḭ dɔɔ́ gogə́ to̰ aĺ ō!