JEREMI 24:8 - Bible sar

⁸ Banī Kɔ́ɔ̄ɓē ɔr̄ najə̄ i tītə̄ ń toō beé: Yá̰á̰ ń m-ā m̄-rāā kə Sedekias, mban̄g kə́ Juda ō, kə de kə́ bo yān gēé ō, kə gotə de kə́ Jerusalem tə́ gə̄ ō, kə de gə̄ malang ń tél ndin̄ kem ɓē ń toō tə́ ō, kə de gə̄ malang ń ndin̄ kem ɓē kə́ Ejiptə tə́ ō ní, i yá̰á̰ ń a rāān̄ kə kan̄ kótə̄ kə́ majaĺ gə̄ ní. I yá̰á̰ ń a rāān̄ kə ngé kə́ nel aĺ bátə́ gə̄ adə̄ dum kəsa ní n m-ā m̄-rāā sedə́ ní.

Bibəl ta Sar̄

⁸ Banī Kɔ́ɔ̄ɓē ɔr̄ najə̄ i tītə̄ ń toō beé: Yá̰á̰ ń m-ā m̄-rāā kə Sedekias, mban̄g kə́ Juda ō, kə de kə́ bo yān gēé ō, kə gotə de kə́ Jerusalem tə́ gə̄ ō, kə de gə̄ malang ń tél ndin̄ kem ɓē ń toō tə́ ō, kə de gə̄ malang ń ndin̄ kem ɓē kə́ Ejiptə tə́ ō ní, i yá̰á̰ ń a rāān̄ kə kan̄ kótə̄ kə́ majaĺ gə̄ ní. I yá̰á̰ ń a rāān̄ kə ngé kə́ nel aĺ bátə́ gə̄ adə̄ dum kəsa ní n m-ā m̄-rāā sedə́ ní.

JEREMI 24:8 Referans Kwoze

JEREMI 43:1

Dan ń Jeremi əda gír de gə̄ malang yá̰a̰ gə̄ malang ń Kɔ́ɔ̄ɓē Nə́ɓā yādə́ ɔr̄ seneé ní, adə̄ i najə̄ gə̄ malang ń Kɔ́ɔ̄ɓē Nə́ɓā yādə́ mērən kədadə́ ní óy anī,

JEREMI 37:17

Mban̄g Sedekias əla gōn tə́ adə̄ reē ba dəjen loo mundə̄ tə́ jəke kem kújə yān tə́ ədan na: Kɔ́ɔ̄ɓē əndā kəla taí tə́ aĺ a? Jeremi ədan na: Ni-əndā kəla taḿ tə́! Ni-əda ɓáý to̰ na: A əlanī jī mban̄g kə́ *Babilon tə́.

JEREMI 24:2

Kan̄ kótə̄ kə́ majə ngá̰ý gə̄ ton̄ kem jáng kə́ kógə̄ḿ tə́, tītə̄ kan̄ kótə̄ kə́ kíjə gə̄ beé. Kan̄ kótə̄ kə́ majaĺ adə̄ i kə́ dum̄ kəsa gə̄ ton̄ kem jáńg kə́ noō tə́ ō.

JEREMI 37:10

Ngé rɔ̄ɔ̄ gə̄ malang kə́ Kalde tə́ ń ənīn̄sí rɔ̄ɔ̄ ní, ká ré ā ī-tetiīdə́ rɔ̄ɔ̄ gə̄gē anī, ngé gə̄ ń ton̄ kə do kum gərāá rɔ̄də́ tə́ kem kújə tandā yādə́ gə̄ tə́ ní, a ḭḭn̄ dɔɔ́ yā kəla hor dɔ ɓē ń toō tə́.

JEREMI 24:5

Kɔ́ɔ̄ɓē Nə́ɓā yā *Israel ɔr̄ najə̄ i tītə̄ ń toō beé: M-ā m-á̰a̰ de kə́ *Juda tə́ gə̄ ń əhɔn̄də́ aw̄n̄ sedə́ kem ɓē yā Kalde gə̄ tə́ ní kə kumḿ kə́ majaá tītə̄ loo ndə̄ngā kan̄ kótə̄ kə́ majə ngá̰ý gə̄ ń noō.

JEREMI 21:10

Kə́ rɔ̄kum tə́ ní, m-ā m̄-tūr̄ rɔ̄ḿ kə̄ rɔ̄ ɓē ń toō tə́ yā rāā yá̰á̰ kə́ majaĺ seneé, ba i yā yá̰á̰ kə́ majə seneé alé. A əlanən̄ jī mban̄g kə́ *Babilon tə́ kadə̄ əla hor dɔn tə́. Najə̄ ń Kɔ́ɔ̄ɓē əda ní n noó.

JEREMI 44:1

Kɔ́ɔ̄ɓē əndā najə̄ ta Jeremi tə́ kadə̄ ɔr̄ kə *Juda gə̄ malang ń aw̄ ndin̄ Ejiptə tə́ adə̄ i kem ɓē kə́ Migədol tə́ ō, Tapanes tə́ ō, Mempis tə́ ō, gō nang kə́ Patəros tə́ ō ní:

1 YÁ̰A̰ GƏ̄ 3:15

Rī ngán Josias gə̄ n toó: Nge kə́ nga tɔ́gə i Yohanan, gidən i Joakim, kə́ nge ko̰ mətá i Sedekias, kə́ nge ko̰ sɔ́ i Salum.

JEREMI 13:7

M-ḭ́ḭ m-āw̄ Opəratə tə́ m̄-ndəle ta kūbə̄ ní ba m-ún loo ń m̄-ɓɔ̄ɔ̄ tū tə́ ní tə́. Banī ta kūbə̄ *lḛ́ḛ ní əɓa mōrō kɔ̄ɔ́ adə̄ majə rāāń yá̰a̰ to̰ alé.