JEREMI 24:1 - Bible sar

¹ Dan ń Nabukodonosor mban̄g kə́ *Babilon əhɔ Yekonia, ngōn̄ Joakim mban̄g kə́ *Juda tə́ ō, de kə́ bo gə̄ kə́ Juda tə́ ō, ngé ger̄ rāā kəla kəja kāgə̄ majə ngá̰ý gə̄ ō, kɔdə̄ gə̄ kə́ ngé rāā kəla gində̄ gə̄ ō Jerusalem aw̄ sedə́ Babilon ní anī, Kɔ́ɔ̄ɓē rāā adə̄ m-á̰á̰ jáng kan̄ kótə̄ jōó kə́ kəndādə́ kadə naā tə́ ta *kújə yā Kɔ́ɔ̄ɓē tə́.

Bibəl ta Sar̄

¹ Dan ń Nabukodonosor mban̄g kə́ Babilon əhɔ Yekonia, ngōn̄ Joakim mban̄g kə́ Juda tə́ ō, de kə́ bo gə̄ kə́ Juda tə́ ō, ngé ger̄ rāā kəla kəja kāgə̄ majə ngá̰ý gə̄ ō, kɔdə̄ gə̄ kə́ ngé rāā kəla gində̄ gə̄ ō Jerusalem aw̄ sedə́ Babilon ní anī, Kɔ́ɔ̄ɓē rāā adə̄ m-á̰á̰ jáng kan̄ kótə̄ jōó kə́ kəndādə́ kadə naā tə́ ta kújə yā Kɔ́ɔ̄ɓē tə́.

JEREMI 24:1 Referans Kwoze

JEREMI 29:2

Ni-əla kə makətūbə̄ ní i dan ń mban̄g Yekonia ō, kó̰o̰n ō, ngé rāā kəla kə́ ndogó mbangāá gə̄ ō, de kə́ bo gə̄ kə́ *Juda tə́ ō, kə́ Jerusalem tə́ ō, de gə̄ kə́ gerə̄n̄ rāā kəla kəja kāgə̄ majə ō, gerə̄n̄ rāā kəla gində̄ majə ō teēn̄neé kɔ̄ɔ́ Jerusalem tə́ ní.

2 YÁ̰A̰ GƏ̄ 36:10

Dan ń ɓāl̄ kə́ kijə ugə̄ anī mban̄g Nabukodonosor əla de gə̄ adə̄ reēn̄ kə Joakin ō, yá̰a̰ gə̄ kə́ kem *kújə yā Kɔ́ɔ̄ɓē tə́ kə́ gātə̄də́ i ngá̰ý gə̄ ō, *Babilon. Ba əndā Sedekias kə́ ngōkó̰o̰ Joakim mban̄g dɔ ɓē kə́ Jerusalem tə́ ō, Juda tə́ ō.

JAKARI 3:1

Kɔ́ɔ̄ɓē rāā adə̄ m-á̰a̰ ngol *ngé tun̄ yá̰a̰ gə̄ ń i Yesua ní. Ni-ra kə njan kə́ dɔɔ́ no *de kə́ dɔ rā̰ tə́ yā Kɔ́ɔ̄ɓē tə́. *Sətan ń i nge kəndā najə̄ dɔ de gə̄ tə́ ní, ra dɔ jī ko̰ Yesua tə́, yā kəndań najə̄ dɔn tə́.

AMOS 7:7

Yá̰á̰ ń Kɔ́ɔ̄ɓē rāā adə̄ m-á̰a̰ā̰ gō yá̰a̰ gə̄ ń noō tə́ ní n toó: Ni-ra i kə njan kə́ dɔɔ́ kadə ndogə̄ mbal̄ kógə̄ḿ tə́ ō, əhɔ kəla kógə̄ḿ kə́ gində̄ pəlo̰ i ta tə́ jīn tə́ ō.

AMOS 7:4

Yá̰á̰ ń Kɔ́ɔ̄ɓē Nə́ɓā rāā adə̄ m-á̰a̰ā̰ ɓáý to̰ ní n toó: Ni sāā gān̄g sarya kógə̄ḿ kə horoó. Loo təngā rāā adə̄ man̄ kə́ gíŕ nángāá iī kɔ̄ɔ́ ō, loo təngā ní əla hor dɔ ɓē kə́ *Israel tə́ ō.

AMOS 7:1

Yá̰á̰ ń Kɔ́ɔ̄ɓē Nə́ɓā rāā adə̄ m-á̰a̰ā̰ ní n toó: Ni-ndi a rāā i yim̄ gə̄. I dan ń əjan̄ mu kə́ ta kəga dɔ kə́ tām̄ yā mban̄g tə́ oy á mu tél a əɓa gogə́ ní.

AMOS 3:7

Yá̰á̰ ń Kɔ́ɔ̄ɓē Nə́ɓā sāā rāā ní, ni a rāā yá̰á̰ ní kanjə̄ kɔjə ngé kəla yān gə̄ ń i *ngé koō ta gə̄ ní alé i tītə̄ ń noō ō.

EJEKIEL 19:9

Nin̄ ənīnən̄ kem ngōn̄ kújə́ kə́ rāān̄ kə gindīí tə́ ō, do̰ō̰nən̄ kə gində̄ kə́ ta ruguú ō, ba aw̄n̄ seneé rɔ̄ mban̄g kə́ *Babilon tə́. Nin̄ ənīnən̄ kújə dəngáyá yā kadə̄ deē oō ndūn dɔ mbal̄ gə̄ kə́ *Israel tə́ to̰ alé.

2 MBAN̄G 24:10

Dan ngeé n noō tə́ ní ngol áskar gə̄ yā mban̄g Nabukodonosor ɔyn̄ ngé rɔ̄ɔ̄ kə́ *Babilon gə̄ reēn̄neé kənī ɓē kə́ Jerusalem rɔ̄ɔ̄ tə́. Nin̄ gīrən̄ gidə ɓē kə́ Jerusalem.

IJAI 13:1

Najə̄ kə́ dɔ *Babilon tə́ ń Ijai kə́ ngōn̄ Amots ənge kem yá̰á̰ ń ni a̰ā̰ tə́ ní.

JEREMI 27:20

dɔ yá̰a̰ gə̄ malang ń Nabukodonosor, mban̄g kə́ Babilon ɔy alé dan ń əhɔ Yekonia, ngōn̄ Joakim, mban̄g kə́ *Juda tə́ aw̄ seneé Babilon tə́, naā tə́ kə ngār kə́ Juda tə́ gə̄ malang ō, kə́ Jerusalem tə́ gə̄ ō ní.

JEREMI 28:4

M-ā m̄-tél kə Yekonia, ngōn̄ Joakim, mban̄g kə́ Juda tə́ ō, de kə́ Juda tə́ gə̄ malang ń əhɔn̄də́ aw̄n̄ sedə́ *Babilon tə́ ní ō, yā reē sedə́ loo ń toō tə́ gogə́ tɔdɔ̄ m̄-tetə njúkə yā mban̄g kə́ Babilon kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 29:1

Jeremi kə́ *nge koō ta Jeremi ndi Jerusalem ba ndang makətūbə̄ əlań adə̄ *kum kɔɔ̄ gə̄ malang kə́ dɔ dán de gə̄ ń əhɔn̄də́ aw̄n̄ sedə́ dɔ nang kə́ rang tə́ ní ō, əlań adə̄ *ngé tun̄ yá̰a̰ gə̄ ō, *ngé koō ta gə̄ ō, gír de gə̄ malang ń Nabukodonosor əhɔdə́ Jerusalem aw̄ sedə́ *Babilon tə́ ní ō.

JEREMI 37:1

Mban̄g Sedekias, ngōn̄ Josias ndi dɔ kōr̄ kāgə̄ mbang tə́ gotə Konia, ngōn̄ Joakim tə́. Nabukodonosor mban̄g kə́ *Babilon tə́ əndān adə̄ o̰o̰ ɓē kə́ *Juda

JEREMI 13:19

Ta ɓē gə̄ kə́ Negeb i kə́ kutə̄ kɔ̄ɔ́, deē kógə̄ḿ kə́ reē yā teē gətóo. Aw̄n̄ kə de kə́ *Juda tə́ malang dɔ ɓē kə́ rang tə́. I kəhɔ de gə̄ kə taá malang kaw̄ sedə́ dɔ ɓē kə́ rang tə́ dɔ gúú tə́.

EJEKIEL 17:4

Ni tētə̄ ta tél kāgə̄ sédər kógə̄ḿ. Gān̄g ta jīn kə́ ngāl̄ ngá̰ý dan madə̄ gə̄ tə́ aw̄ń dɔ nang kógə̄ḿ tə́. De kə́ dɔ nang ní tə́ gə̄ i ngé rāā kəla mang yá̰a̰ gātəń kə̄ kété gə̄. Ni-aw̄ udə ta jīn ní kem ɓē kógə̄ḿ kə́ de kə́ tū tə́ gə̄ i ngé rāā gātə̄ gə̄.