JEREMI 23:8 - Bible sar

⁸ A ədan̄ na: Kɔ́ɔ̄ɓē ń ɔr̄ ngán Israel gə̄ kɔ̄ɔ́ dɔ nang kə́ mbɔ́r ɓē kə́ ko̰ó̰ tə́ ō, kem ɓē gə̄ malang ń ni tə̄ndā tḭ̄ḭ̄də́ tū tə́ tə́ ní ō, ba tél reē sedə́ kadə̄ ndin̄ dɔ nang yādə́ tə́ ō ní, ni-ndi kə kumneé noō. Najə̄ ń Kɔ́ɔ̄ɓē əda ní n noó.

Bibəl ta Sar̄

⁸ A ədan̄ na: Kɔ́ɔ̄ɓē ń ɔr̄ ngán Israel gə̄ kɔ̄ɔ́ dɔ nang kə́ mbɔ́r ɓē kə́ ko̰ó̰ tə́ ō, kem ɓē gə̄ malang ń ni tə̄ndā tḭ̄ḭ̄də́ tū tə́ tə́ ní ō, ba tél reē sedə́ kadə̄ ndin̄ dɔ nang yādə́ tə́ ō ní, ni-ndi kə kumneé noō. Najə̄ ń Kɔ́ɔ̄ɓē əda ní n noó.

JEREMI 23:8 Referans Kwoze

EJEKIEL 34:13

M-ā m̄-teē sedə́ kɔ̄ɔ́ kem ɓē kə́ rang gə̄ tə́ ō, m-ā m-ɔ́sə njadə́ naā tə́ ō, ba m-ā m̄-tél yā kaw̄ sedə́ gogə́ kem ɓē yādə́ tə́. M-ā m-āw̄ sedə́ dɔ mbal̄ bo gə̄ kə́ *Israel tə́ tə́ ō, kum wól loo gə̄ tə́ ō, kem loo kə́ majə ngá̰ý gə̄ kə́ kem ɓēé tə́ ō.

SOPONI 3:20

Kum mbang ngeé noō tə́ ní, m-ā m̄-rāāsí kadə̄ ī-tél ī-reēī gogə́. m-ā m-ɔ́sə dɔsí naā tə́. M-ā m̄-tūr̄ yá̰á̰ ń rāāsí ní kɔ̄ɔ́ kə̄ ta kumsí tə́ beē. M-ā m̄-rāā kadə̄ rīsí a ɓār̄ ō, m-ā m̄-rāā kadə̄ a rɔyn̄sí ō, dan gír de gə̄ malang kə́ dɔ nang tə́ tə́. I Kɔ́ɔ̄ɓē n ɔr̄ najə̄ ní.

EJEKIEL 39:28

Dan ń mā m-ɔ́sə dɔ *Israel gə̄ kə̄ naā tə́ dɔ nang yādə́ tə́ anī, m-ā m-ə́ya̰ deē kógə̄ḿ kadə̄ na̰y kem ɓē gə̄ ń m̄-tə̄ndā m̄-tḭ̄ḭ̄də́ tū tə́ ní tə́ alé. Kum mbang ngeé ń noō tə́ ní, Israel gə̄ a gerə̄n̄ kadə̄ Kɔ́ɔ̄ɓē, Nə́ɓā yādə́, i mā.

EJEKIEL 37:25

Ā ī-ndiī kem ɓē ń m-ādə̄ nge kəla yāḿ Jakob tə́ ní, loo ń kaasí gə̄ ndin̄ tū tə́ kété tə́ ní. Ā ī-ndiī noó i kə́ njɔ́ḿ gə̄ tə́, sḭḭ̄ gə̄gē, ngáńsí gə̄ gə̄gē, ngán kaasí gə̄ gə̄gē, kaa gugə̄sí gə̄ gə̄gē. Ā ə́ngeī ngār kə́ tītə̄ nge kəla yāḿ Dabid i kə́ njɔ́ḿ gə̄ tə́.

EJEKIEL 36:24

M-ā m-ɔ̄r̄sí kɔ̄ɔ́ dan nápar de gə̄ tə́ ō, m-ā m-ɔ́ýsí kem ɓē gə̄ ń ī-ndiī tū tə́ ní tə́ yā kɔsə njasí naā tə́ ba reē sesí gogə́ dɔ nang yāsí tə́.

JEREMI 23:3

Mā m-ā m̄-kán̄ nja gotə yá̰a̰ kul̄ yāḿ gə̄ ń m̄-tə̄ndā m̄-tḭ̄ḭ̄də́ kə̄ gō ɓē gēé ní naā tə́ malang. M-ā m̄-tél yā reē sedə́ gogə́ dɔ mu kə́ mbōl̄ tə́. A ojən̄ naā ngá̰ý.

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā *Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

JEREMI 8:3

Gotə de gə̄ malang kə́ gír kaa kə́ majaĺ ń toō tə́, adə̄ i ngé gə̄ ń teēn̄ ta yo tə́ loo malang ń m̄-tə̄ndā m̄-tḭ̄ḭ̄də́ tū tə́ ní, a ndə̄ngān̄ i koy ba i ndi kə kumuú alé. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní ń noó.

JEREMI 16:15

Kɔ́ɔ̄ɓē ń rāā adə̄ ngán Israel gə̄ teēn̄ kem ɓē kə́ mbɔ́r ɓē kə́ ko̰ó̰ tə́ ō, kem ɓē gə̄ malang ń tə̄ndā tḭ̄ḭ̄də́ tū tə́ ní ō ní na ndi kə kumneé noō. Tɔdɔ̄ m-ā m̄-tél yā reē sedə́ dɔ nang ń m-ādə̄ kaadə́ gə̄ ní tə́ rɔ̄kum. Najə̄ ń Kɔ́ɔ̄ɓē əda ní n noó.

JEREMI 29:14

ba m-ā m̄-rāā kadə̄ ə́ngemī. Najə̄ ń Kɔ́ɔ̄ɓē əda ní n noó. M-ā m̄-rāā kadə̄ ī-tél ī-ndiī gogə́ majə tītə̄ kə́ kété ō, m-ā m̄-teē sesí kɔ̄ɔ́ dan napár de gə̄ tə́ malang ō, kə gō loo gə̄ malang ō ń m̄-tə̄ndā m̄-tḭ̄ḭ̄sí tū tə́ ní yā kɔsə dɔsí naā tə́. M-ā m̄-tél yā reē sesí gogə́ loo ń m-ādə̄ əhɔn̄sí tū tə́ ba aw̄n̄ sesí ní. Najə̄ ń Kɔ́ɔ̄ɓē əda ní n noó.

JEREMI 30:3

Kem ndɔ̄ gə̄ ń a reēn̄ noō tə́ ní m-ā m̄-tél yā kənda Israel ō, *Juda ō ń i gír deē yāḿ gə̄ ní kijə. M-ā m̄-tél yā reē sedə́ gogə́ kem ɓē ń m-ādə̄ kaadə́ gə̄ ō, nin̄ a əngen̄ yá̰a̰ ndəbā tə́ ō ní. Najə̄ ń Kɔ́ɔ̄ɓē əda ní n noó.

JEREMI 30:10

Ḭ̄, nge kəla yāḿ Jakob, ī-lōō ɓōĺ, *Israel ī-lōō kə ndebə. M-ā m̄-taāī kɔ̄ɔ́ jī ɓē kə́ sa̰y gə̄ tə́ ō, m-ā m̄-gān̄g dɔ ngán kaaí gə̄ dɔ nang ń aw̄n̄ sedə́ tū tə́ ní tə́ ō. Jakob a tél yā reē, ni a ənī kemən mámák yā ndiń. Ni a ndi jəke ō, deē a a̰ȳ ndílən to̰ aĺ bátə́ ō. Najə̄ ń Kɔ́ɔ̄ɓē əda ní n noó.

JEREMI 31:8

M-ā m-ḭ́ḭ sedə́ dɔ nang kə́ mbɔ́r ɓē kə́ ko̰ó̰ tə́ ō, ta ngóy dɔ nang tə́ ō, yā reē kɔsə dɔdə́ naā tə́. A télən̄ yā reē naā tə́ malang kə ngé kum tɔ̄ɔ̄ gə̄ ō, ngé tə́sō motə gə̄ ō, dəyá̰ kə́ ndān̄ ngán gə̄ ō, kó ndōō gə̄ ō adə̄ i kósə de kə́ ngá̰ý gə̄ n a ɔsən̄ dɔdə́ naā tə́ ní.

JEREMI 32:37

M-ā m-ḭ́ḭ sedə́ kə gō ɓē gə̄ malang ń m̄-tə̄ndā m̄-tḭ̄ḭ̄də́ tū tə́ kə wōngōó ō, wōn̄g kə́ ngá̰ý ō, kə́ al̄ naā ngá̰ý ō ní yā kɔsə dɔdə́ naā tə́. M-ā m̄-tél yā reē sedə́ gogə́ loo ń toō tə́ ō, m-ā m-ə̄ndādə́ kadə̄ ndin̄ laā kanjə̄ kadə̄ yá̰á̰ kógə̄ḿ a̰ȳ ndíĺdə́ ō.

EJEKIEL 28:25

Najə̄ ń Kɔ́ɔ̄ɓē Nə́ɓā ɔr̄ ní n toó: Ngán *Israel gə̄ ń m̄-tə̄ndā m̄-tḭ̄ḭ̄də́ dan gír de gə̄ tə́ ní, m-ā m-ɔ́sə njadə́ kə̄ naā tə́. I tītə̄ ń noō n m-ā m-ɔ́jəń gotə nápar de gə̄ kadə̄ mā i Nə́ɓā kə́ *táĺ ní. Ngán Israel gə̄ a ndin̄ dɔ nang yādə́ tə́, dɔ nang ń m-ādə̄ nge kəla yāḿ Jakob ní.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, *Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

JEREMI 16:14

Najə̄ ń de gə̄ ədan̄ ngándáńg na Kɔ́ɔ̄ɓē kə́ nge rāā kadə̄ ngán *Israel gə̄ teēn̄ kem ɓē kə́ Ejiptə tə́ kɔ̄ɔ́ na ndi kə kumneé noō ní, de gə̄ a ton̄ dan kəda tə́ to̰ alé, ba á̰a̰ī kem ndɔ̄ gə̄ ń a reēn̄ noó tə́ ní a ədan̄ na:

EJEKIEL 36:35

Adə̄ de gə̄ a ədan̄ na: Ɓē ń toō ń i kə́ nujə kɔ̄ɔ́ ní, tél to tītə̄ ndɔr̄ kə́ Eden beé. Ɓē gə̄ ń télən̄ i kɔkərɔ kə́ kán̄ dɔ naā tə́ bing gə̄ ní, ɓē gə̄ ń i kə́ nujə kɔ̄ɔ́ gə̄ ō, de gə̄ əya̰n̄ kɔ̄ɔ́ ō ní, tél rāān̄ gogə́ rang ō, de gə̄ tél ndin̄ kemeé gogə́ ō.

MISE 7:15

Ɔ́jə́jí yá̰a̰ rāāí gə̄ kə́ ton̄ dáńg, tītə̄ ń ī-rāań kété, dan ń ī-teēń sejí kɔ̄ɔ́ kem ɓē kə́ Ejiptə tə́ ní!