JEREMI 23:19 - Bible sar

¹⁹ Á̰a̰ī nél ń əla kə tɔ́gɔ́ noō i wōn̄g yā Kɔ́ɔ̄ɓē kə́ ngá̰ý n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

Bibəl ta Sar̄

¹⁹ Á̰a̰ī nél ń əla kə tɔ́gɔ́ noō i wōn̄g yā Kɔ́ɔ̄ɓē kə́ ngá̰ý n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

JEREMI 23:19 Referans Kwoze

JEREMI 30:23

Á̰a̰ī néĺ ń əla kə tɔ́gɔ́ noō. I wōn̄g yā Kɔ́ɔ̄ɓē n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

JEREMI 25:32

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Yá̰á̰ kə́ to kum kaȳ aĺ ɔr̄ gō gír de gə̄ tə́ kə gō naá. Néĺ kə́ bo ngá̰ý əla ta ngóy dɔ nang gə̄ tə́.

AMOS 1:14

M-ā m-ə́la hor dɔ ɓē yādə́ kə́ Raba tə́ tə́. Adə̄ a o̰o̰ kújə yān kə́ majə ngá̰ý gə̄ ndɔ̄ rɔ̄ɔ̄ tə́, dan ń de gə̄ a urnə̄ń kɔĺ rɔ̄ɔ̄ tə́ ní, dan ń nél man̄ a əlań ndɔ̄ kedə man̄ kə́ ngá̰ý tə́ ní.

IJAI 21:1

Najə̄ yā dəla loo kə́ kadə bā bo tə́ ngɔr. Madə̄ ba̰ā̰ ḭḭ dəla loo tə́ reē, ḭḭ i kem ɓē kógə̄ḿ kə́ adə̄ de gə̄ ɓōĺ tə́ n reē, tītə̄ néĺ kə́ əla kə tɔ́gɔ́, kə́ ənda gō nang kə́ Negeb mān̄ beé.

Gōsə̄ najə̄ gə̄ 10:25

Nél balway mān̄ anī nge kem ndul gətóo kɔ̄ɔ́, banī de kə́ súmūú i ngəra kújə́ kə́ ra ngan̄g.

JAKARI 9:14

Loo ń noō tə́ Kɔ́ɔ̄ɓē a teē hɔy dɔdə́ tə́ dɔɔ́ ō, kum gərā yān a teē tītə̄ tel̄ man̄ beé ō. Kɔ́ɔ̄ɓē Nə́ɓā a kɔ̄ŕ bərúnjə. Man̄ kə́ a edə kə néĺ kə́ əla kə ngangá ngá̰ý ń a ḭḭ dām̄ mbɔ́r ɓē kə́ geleé tə́ yā reē ní, ni a reēń.

JEREMI 4:11

Kem ndɔ̄ gə̄ ń noō tə́ ní, de gə̄ a ədan̄ gír de gə̄ ń toō ō, Jerusalem ō na: Nél kə́ təngā piling əla dɔ loo kə́ kḭḭ kə̄ dɔɔ́ gə̄ tə́ ō, kem dəla loo tə́ ō, aw̄ kum kə̄ dɔ gír deē yāḿ gə̄ tə́. Ni-aw̄ i kə̄ tó yá̰á̰ tə́ aĺ ō, kɔy tə́ aĺ ō.

IJAI 40:24

Ɓārə́n̄ rīdə́ i ngɔr ɓáý, ndin̄ i ngɔr ɓáý, əlan̄ ngəradə́ aĺ ɓáý, anī Kɔ́ɔ̄ɓē tóódə́ kə koō kə́ tan tə́ kɔ̄ɔ́ ɓá. Anī nin̄ tutən̄ ō, nél man̄ kə́ əla kə tɔ́gɔ́ ɔydə́ tītə̄ mu beé aw̄ sedə́ kɔ̄ɔ́ ō.

Gōsə̄ najə̄ gə̄ 1:27

Tɔdɔ̄ ndɔ̄ kógə̄ḿ tə́ yá̰á̰ kə́ to kum kaȳ aĺ a teē dɔsí tə́ tītə̄ nél man̄ kə́ əla kə tɔ́gɔ́ beē ō, ɓōĺ a rāāsí tītə̄ kə́ sḭḭ̄ i kum nél balway tə́ beé ō, sōl̄ ō, wur kɔl ō, a taān̄ tɔ́gə́sí kɔ̄ɔ́.

PĀ GƏ̄ 58:9

Ādə̄ ton̄ tītə̄ kotəró ń ɔr ndɔl gōn tə́ a njə̄rāń ní! Ādə̄ a̰a̰n̄ kum mbang aĺ tītə̄ ngōn̄ kə́ kɔr̄ beé!

JEREMI 51:1

Najə̄ ń Kɔ́ɔ̄ɓē əda ní n toó: M-ā m̄-rāā kadə̄ néĺ kə́ nge nujə loo əla dɔ *Babilon tə́ ō, dɔ de kə́ Kalde gə̄ tə́ ō.

EJEKIEL 1:4

Yá̰á̰ ń m-á̰a̰ā̰ ní n toó: Néĺ kógə̄ḿ kə́ bo ḭḭ dām̄ mbɔ́r ɓē kə́ ko̰ó̰ tə́ a reē kə kil̄ man̄ kə́ il̄ ngá̰ý ō, tel̄ man̄ gə̄ teēn̄ tū kil̄ man̄ ní tə́ ō. Loo kə́ unjə̄ kow gīr̄ gidə kil̄ man̄ ní. Banī ngaadan kil̄ man̄ ní i hor kə́ a o̰o̰ ō, ndə́lē tītə̄ lɔ́ŕ kə́ kəla horoó adə̄ kərē beé ō.

JAKARI 7:14

m̄-rāā adə̄ nin̄ aw̄n̄ kə̄ dan gír de gə̄ kə́ nin̄ gerə̄n̄də́ kété aĺ tə́. I tītə̄ ń noō n de gə̄ nujənə̄ń ɓē yādə́ gotədə́ tə́, dan ń nin̄ aw̄n̄ kɔ̄ɔ́ tə́ ní. Ɓē yādə́ ní, de kə́ aw̄ tū tə́ gətóo ō, de kə́ ḭḭ tū tə́ reē gətóo ō. Ɓē kə́ majə asə naā beé, nin̄ rāān̄ adə̄ tél loo kə́ nujə sák sák kə́ ra dɔ naā tə́ bing.

JEREMI 25:31

Kōn ɓār̄ bátə́ ugə̄ ta ngóy dɔ nang tə́, tɔdɔ̄ Kɔ́ɔ̄ɓē nējə̄n̄ naā najə̄ tə́ kə nápar de gēé, ni-rāā sarya kə de gēé kógə̄ḿ kógə̄ḿ. Əya̰ de gə̄ ń najə̄ i dɔdə́ tə́ ní adə̄ oyn̄ yo kaskar. Najə̄ ń Kɔ́ɔ̄ɓē əda ní n noó.

JEREMI 30:24

Wōn̄g kə́ ngá̰ý yā Kɔ́ɔ̄ɓē a tetə alé, bátə́ kadə̄ yá̰a̰ gə̄ ń núm̄ kemən tə́ yā rāā ní udə gírí majə. Ndɔ̄ ń tə́ anī, sḭḭ̄ ā ī-gerī kum ɓáý.

EJEKIEL 13:13

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Kem wōn̄g yāḿ kə́ ngá̰ý tə́ ní, m-ā m̄-rāā kadə̄ nél man̄ kə́ bo ngá̰ý a əla kə tɔ́gɔ́ ngá̰ý ō, m-ā m̄-rāā kadə̄ man̄ a edə ngá̰ý ō. Kɔ̄sə̄ a tə́sō kə ngangá ngá̰ý yā nujə yá̰a̰ malang kɔ̄ɔ́.