JEREMI 22:6 - Bible sar

⁶ Najə̄ ń Kɔ́ɔ̄ɓē əda dɔ kújə yā mban̄g kə́ *Juda tə́ ní toó: Ká ré ī-toń i tītə̄ Galaad aláa i tītə̄ jam mbal kə́ Liban tə́ tām̄ yāḿ tə́ gə̄gē anī, m-ā m̄-rāāī kadə̄ ī-tél dəla loo ō, ɓē kə́ de gə̄ ndin̄ kemeé alé ō, kanjə̄ ɓōĺ rɔ̄ḿ loon tə́.

Bibəl ta Sar̄

⁶ Najə̄ ń Kɔ́ɔ̄ɓē əda dɔ kújə yā mban̄g kə́ Juda tə́ ní toó: Ká ré ī-toń i tītə̄ Galaad aláa i tītə̄ jam mbal kə́ Liban tə́ tām̄ yāḿ tə́ gə̄gē anī, m-ā m̄-rāāī kadə̄ ī-tél dəla loo ō, ɓē kə́ de gə̄ ndin̄ kemeé alé ō, kanjə̄ ɓōĺ rɔ̄ḿ loon tə́.

JEREMI 22:6 Referans Kwoze

IJAI 6:11

m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

PĀ GƏ̄ 107:34

I ni n i nge rāā kadə̄ dɔ nang kə́ teē yá̰a̰ tél dɔ nang kə́ teē yá̰a̰ aĺ, sɔɔ̄ń kem ndul yā de gə̄ kə́ ndin̄ tū tə́ ní.

MISE 3:12

Ɓá tā banī *Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń *kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

IJAI 27:10

Ɓē ń ngɔ̄mə̄n̄ majə ngá̰ý ní, deē i kemeé to̰ alé. Kemən i karī ō, əya̰nən̄ kɔ̄ɔ́ tītə̄ dəla loo beé ō. Ngán man̄g gə̄ a reēn̄ ko̰ó̰ i loo ń noō tə́ ō, a ɔrə̄n̄ koō i loo ń noō tə́ ō, əsan̄ mbī túpə́ kámbə gə̄ ō.

JEREMI 26:18

Mise *nge koō ta kə́ Moreset tə́ ɔr̄ najə̄ ɓāl̄ yā Ejekias, mban̄g kə́ *Juda tə́, əda gír de gə̄ malang kə́ Juda tə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: A ndɔrə̄n̄ ɓē kə́ *Siyo̰ tītə̄ loo ndɔr̄ loo beé ō, Jerusalem a tél ndəbā ɓē kə́ gájə́ yá̰á̰ kə́ tū tə́ gə̄ ra dɔ naā tə́ bing ō, mbal̄ kə́ *kújə yā Kɔ́ɔ̄ɓē tə́ a tél loo kə́ kḭḭ kə̄ dɔɔ́ kə́ mu taā dɔ ō.

JEREMI 9:11

Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

JEREMI 7:34

M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a ɓār̄ kem ɓē gə̄ kə́ *Juda tə́ to̰ aĺ ō, kum róbə kɔsə gə̄ kə́ Jerusalem tə́ to̰ aĺ ō. Tɔdɔ̄ ɓē a tél loo kə́ nujə sák sák.

TA KƏLA 37:25

ba tél ndin̄ nang tə́ a əsan̄ yá̰a̰. Nin̄ unən̄ kumdə́ kə̄ dɔɔ́ anī, a̰a̰n̄ ɓūtə̄ ngán Ismael gə̄ kə́ ngé njə̄rā mbā gə̄. Ḭḭn̄ Galaad a reēn̄. Jámbal yādə́ gə̄ ətōn̄ nō kāgə̄ kə́ kotə majə gə̄ kə́ rīdə́ na i adəragantə ō, bomə ō, ladanum ō, yā kaw̄ń kə̄ Ejiptə tə́.

JEREMI 22:24

Tītə̄ ń m̄-ndiń kə kumḿ noō, ká ré Konia, ngōn̄ Joakim, mban̄g kə́ *Juda tə́, i tə́rá yá̰á̰ kə́ kəndā jī ko̰ḿ tə́ gə̄gē anī, m-ā m-ɔ̄rə̄n kɔ̄ɔ́.

JEREMI 21:14

M-ā m̄-rāāsí yá̰á̰ kə́ tōr̄ kə gō yá̰a̰ rāāsí gə̄. M-ā m-ə́la hor dɔ kāgə̄ kújə́ kə́ ngá̰ý gə̄ yā mban̄g tə́. A o̰o̰ yá̰a̰ gə̄ malang ń gīr̄ gidə ní

JEREMI 21:11

Ə́dá gíŕ kojə yā mban̄g kə́ *Juda tə́ na: Ōōī najə̄ yā Kɔ́ɔ̄ɓē.

JEREMI 4:20

De gə̄ əgan̄ kɔŕ ədan̄ na: Loo nujə ba tél nujə ɓáý to̰ sák sák. Rɔ̄kum, ɓē kə taá malang i kə́ nujə kɔ̄ɔ́. Gérger yāḿ nujə gidə kógə̄ḿ, kújə tandā yāḿ gə̄ nujən̄ kum mbang kógə̄ḿ beé.

PĀ KƏ́ MAJƏ 5:15

Njan gə̄ i mbal̄ máŕbər kə́ ra ngāl̄ ɓururu ba ndin̄ dɔ bir̄ njadə́ gə̄ kə́ rāān̄ kə́ lɔ́ŕ kə *unjə̄ njáý njáý. Á̰a̰n ɓáa to tītə̄ mbal̄ Liban beé. Ni to tayā tītə̄ kāgə̄ sédər gə̄ beé.

NDŪ NAJƏ̄ 3:25

Ə́ya̰m̄ ādə̄ m̄-teē bā Jurdḛ, ādə̄ m-āw̄ m-á̰a̰ dɔ nang kə́ majə kə́ mbalá ń noō ō, mbal̄ kə́ Liban tə́ gə̄ ō.

TƏ́DA 32:1

Yá̰a̰ kul̄ yā de gə̄ kə́ gír ɓē yā Ruben tə́ ō, kə́ gír ɓē yā Gad tə́ ō i ngá̰ý. Nin̄ a̰a̰n̄ kadə̄ dɔ nang kə́ Yajer ō, kə́ Galaad ō, majə tām̄ yā yá̰a̰ kul̄ gə̄ tə́,

PĀ KƏ́ MAJƏ 4:1

Ī-mandə ngá̰ý, madə́, ī-mandə ngá̰ý! Ta kumií majə tītə̄ dér dum gír kūbə̄ ń ī-seĺ ta kumií tə́ ní. Nənga dɔí to tītə̄ kósə bə̄yā̰ gə̄ kə́ risən̄ dɔ mbal̄ Galaad tə́ láẃ ngá̰ý kum kə̄ nang tə́ beē.

JEREMI 50:12

Rɔ̄ kó̰ó̰sí sɔlə̄n ngá̰ý, nge ń ojəsí ní wōn̄g rāān ngá̰ý. I ni n i ta tɔ̄l̄ ta nápar de gə̄ ní: Adə̄ ni i dəla loo ō, loo kə́ mángá ō, loo kə́ kə̄sāá ō.

JAKARI 11:1

Sḭḭ̄ mbal̄ bo gə̄ kə́ Liban, ī-teēī ta róbə yāsí gə̄ ō, ādə̄ hor o̰o̰ kāgə̄ sedər yāsí gə̄ ō!

IJAI 37:24

Mā ń i Kɔ́ɔ̄ɓē ní, ī-tájə̄m̄ kə ta kūl̄ najə̄ kə́ ə̄ndā ta ngé kəla yāí gə̄ tə́. Ḭ̄ ə́da na: Mā Senakerib, m-āl̄ dɔ mbal̄ bo gə̄ tə́ dɔɔ́ kə púsə rɔ̄ɔ̄ yāḿ gə̄ kə́ ngá̰ý, m-āw̄ bátə́ m-ūgə̄ dɔ mbal̄ Liban tə́ dɔɔ́. Kāgə̄ sédər yān gə̄ kə́ majən̄ tɔȳ madə̄ gə̄ ní m̄-tə́gādə́ kɔ̄ɔ́ ō, kāgə̄ sipəres yān gə̄ kə́ majən̄ tɔȳ madə̄ gə̄ ní m̄-tə́gādə́ ō. Mbal̄ bo yān kə́ ngāl̄ tɔȳ madə̄ gə̄ ní, m-āw̄ m-ūgə̄ tū tə́ ō, ku kāgə̄ yān kə́ majə tɔȳ madə̄ gə̄ ní, m-āw̄ m-ūgə̄ tū tə́ ō.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

JEREMI 8:22

Bəto kə kāgə̄ kə́ yā rāā ta do tə́ gətóo Galaad i mbée a? Nge rāā de gə̄ mo̰y gətóo noó a? I tām̄ rí tə́ á rɔ̄ gír deē yāḿ gə̄ əsō naā tə́ aĺ ní?