JEREMI 22:30 - Bible sar

³⁰ Kɔ́ɔ̄ɓē ɔr̄ najə̄ i tītə̄ ń toō: Ī-ndangiī najə̄ kə́ dɔ deē ń toō tə́! I de kə́ nujə kɔ̄ɔ́. I ngōn̄ kə́ dəngam kə́ kəla rāān teēn yá̰á̰ tə́ aĺ bátə́ dan ń ndiń kə kumneé ní. Dan ngán kaaí gə̄ tə́ ní, nge kə́ kal kógə̄ḿ kə́ a asə ndi dɔ kōr̄ kāgə̄ mbang yā Dabid tə́ ō, kə́ a asə ko̰o̰ ɓē dɔ *Juda tə́ ō ní gətóo.

Bibəl ta Sar̄

³⁰ Kɔ́ɔ̄ɓē ɔr̄ najə̄ i tītə̄ ń toō: Ī-ndangiī najə̄ kə́ dɔ deē ń toō tə́! I de kə́ nujə kɔ̄ɔ́. I ngōn̄ kə́ dəngam kə́ kəla rāān teēn yá̰á̰ tə́ aĺ bátə́ dan ń ndiń kə kumneé ní. Dan ngán kaaí gə̄ tə́ ní, nge kə́ kal kógə̄ḿ kə́ a asə ndi dɔ kōr̄ kāgə̄ mbang yā Dabid tə́ ō, kə́ a asə ko̰o̰ ɓē dɔ Juda tə́ ō ní gətóo.

JEREMI 22:30 Referans Kwoze

JEREMI 36:30

Ɓá anī mā Kɔ́ɔ̄ɓē m-ə́da najə̄ ń toō dɔ Joakim mban̄g kə́ *Juda tə́: Ni a ənge deē kógə̄ḿ kə́ kadə̄ a ndi dɔ kōr̄ kāgə̄ mbang yā Dabid tə́ gotən tə́ alé. Nīnə́n a to kum mbang tə́ kadaá ō, kum kūl̄ tə́ ndɔ̄ɔ́ ō.

PĀ GƏ̄ 94:20

Yá̰á̰ kə́rēý ɓoosí naā tə́ kə ngé gān̄g sarya gōtə́ aĺ gə̄ ń noō a? Nin̄ əgan̄ rɔ̄də́ gidə *ndū najə̄ tə́ a rāān̄neé de gə̄ yá̰á̰ kə́ tōr̄ gə̄.

JEREMI 10:21

Ngé ngɔ̄m̄ yá̰a̰ kul̄ gə̄ i mbóo de gə̄, nin̄ sāān̄ Kɔ́ɔ̄ɓē alé. I tām̄ ń toō tə́ n gerə̄n̄ rāā kəla kə gōó aĺ ō, usədə́ dɔ yá̰a̰ kul̄ gə̄ tə́ aĺ ō ní.

JEREMI 2:37

Loo ń noō tə́ ḭ̄ ā ī-kán̄ jīí dɔí tə́ yā teēń. Rɔ̄kum, Kɔ́ɔ̄ɓē mbātə́ ngé gə̄ ń ə̄nī kemií ādə̄də́ mámák ní kɔ̄ɔ́. I beé n ā ī-teēń kum tə́ ní alé.

JEREMI 22:2

ā ə́da na: Ḭ̄ mban̄g kə́ *Juda tə́ ń ī-ndi dɔ kōr̄ kāgə̄ mbang yā Dabid tə́ ní ō, sḭḭ̄ ngé rāā kəla yān gə̄ ō, sḭḭ̄ gír deē yān gə̄ ń ī-mānī kə ta róbə gə̄ ń toō ō ní, ōōī najə̄ yā Kɔ́ɔ̄ɓē.

JEREMI 29:32

Semaya kə́ Nehelam tə́ ō, ngánən gə̄ ō, ngán kaan gə̄ ō ní, deē kógə̄ḿ dandə́ tə́ kə́ kadə̄ ənge loo ndiń dan gír de gə̄ ń toō tə́ yā rāań rɔ̄nel̄ dɔ yá̰á̰ kə́ majə gə̄ ń m-ā m-ādə̄ gír deē yāḿ gə̄ ní a gətóo. Ni sə̄lā i de gə̄ kadə̄ mbātə́n̄ najə̄ ta Kɔ́ɔ̄ɓē tə́ aĺ a? Najə̄ ń Kɔ́ɔ̄ɓē əda ní n noó.

JEREMI 52:10

Mban̄g kə́ Babilon mēr̄ tə́jā míndə́ ngán Sedekias gə̄ ta kumən tə́. Ni adə̄ tə́jān̄ míndə de kə́ bo gə̄ malang kə́ *Juda tə́ Ribəla tə́ ō.

Makətūbə̄ yā Job 18:19

Ngōnən kə́ gír kojə yān tə́ kə́ yā kaw̄ kə ta ndo̰neé kum kə̄ kété gotən tə́ a gətóo ō, dan de gə̄ malang kə́ kem kújə yān tə́ ní, deē kógə̄ḿ kə́ yā teē a gətóo ō.