JEREMI 22:29 - Bible sar

²⁹ Dɔ nang yāḿ, dɔ nang yāḿ, ōō najə̄ yā Kɔ́ɔ̄ɓē.

Bibəl ta Sar̄

²⁹ Dɔ nang yāḿ, dɔ nang yāḿ, ōō najə̄ yā Kɔ́ɔ̄ɓē.

JEREMI 22:29 Referans Kwoze

NDŪ NAJƏ̄ 32:1

Dɔ rā̰, ī-nēl̄ mbīí ōoń najə̄ kɔrə̄ḿ. Dɔ nang, ōō yá̰a̰ gə̄ ń m-ā m-ə́dá ní.

MISE 1:2

Sḭḭ̄ gír de gə̄ malang, ōōī! Ḭ̄ dɔ nang ō, de kə́ dɔ nang tə́ gə̄ ō, ī-nēlī mbīsí! Kɔ́ɔ̄ɓē Nə́ɓā a ndi loo yān kə́ *táĺ tə́ yā kəndāń najə̄ dɔsí tə́.

JEREMI 6:19

Dɔ nang, ī-nēl̄ mbīí ōoń. Mā, m-ā m̄-rāā kadə̄ yá̰á̰ kə́ to kum kaȳ aĺ əsō dɔ gír de gə̄ ń toō tə́, i yá̰á̰ kə́ teē tū kəla rāādə́ gə̄ tə́. Nin̄ nēlə̄n̄ mbīdə́ oōnneé najə̄ kɔrə̄ḿ alé, kídə̄n̄ *ndū najə̄ yāḿ gə̄.

IJAI 34:1

Sḭḭ̄ nápar de gə̄, ī-ndɔ́tī kə̄ ngɔr ōōiń najə̄, sḭḭ̄ de kə́ kem ɓēé gə̄, ī-nēlī mbīsí! Ādə̄ dɔ nang kə yá̰a̰ malang kə́ tū tə́ oō najə̄! Ādə̄ dɔ rā̰ ō dɔ nang ō, yá̰a̰ malang kə́ teē tū tə́ ō oōn̄ najə̄!

NDŪ NAJƏ̄ 31:19

Ngɔlaā ní ī-ndangiī kum najə̄ gə̄ kə́ tū pā ń toō tə́ tām̄ yāsí tə́. Ḭ̄ Moijə, ā ī-ndóō ngán *Israel gə̄. Ā ə̄ndā kumií gírí kadə̄ ndóō gerə̄n̄, kadə̄ pā ń toō tél najə̄ kə́ kum tə́ yāḿ kə̄ no ngán Israel gə̄ tə́.

NDŪ NAJƏ̄ 4:26

Ré ī-rāāī yá̰á̰ kə́ majaĺ kə́ beé gə̄ anī, m-ə́dásí ɓōólaā m-ādə̄ gān̄g ō, dɔ rā̰ nin̄ kə dɔ nang i kə́ kum tə́ yāḿ gə̄ ō. Ā ī-gətóoī kɔ̄ɔ́ kə̄ ta jī tə́ beē dɔ nang ń ā ə́ngeī gidə bā Jurdḛ kə́ dām̄ kə́ nú tə́ ní. Ā ī-ndiī tū tə́ dan i ngá̰ý aĺ n ā ī-gətóoīneé kɔ̄ɔ́ malang ní.

EJEKIEL 37:4

Loo ń noō tə́ ni ədam̄ na: Ɔ̄r̄ najə̄ kə kə̄ngā gə̄ ń noō tītə̄ *nge koō ta kógə̄ḿ ə́dádə́ na: Sḭḭ̄ ń i kə́ tutə kɔ̄ɔ́ gə̄ ní, ōōī najə̄ yā Kɔ́ɔ̄ɓē!