JEREMI 22:26 - Bible sar

²⁶ Ḭ̄ ō, kó̰o̰ kojií ō ní, m̄-ɓōkə́sí dɔ nang kə́ rang ń ojən̄sí tū tə́ aĺ ní tə́. Ā óyiī i tū tə́ noō.

Bibəl ta Sar̄

²⁶ Ḭ̄ ō, kó̰o̰ kojií ō ní, m̄-ɓōkə́sí dɔ nang kə́ rang ń ojən̄sí tū tə́ aĺ ní tə́. Ā óyiī i tū tə́ noō.

JEREMI 22:26 Referans Kwoze

2 MBAN̄G 24:15

Ba mban̄g Joakin ō, kó̰o̰n ō, nə̄yá̰n gə̄ ō, ngol áskar yān gə̄ ō, ngār gə̄ kə́ *Juda ō ní, ni ɔydə́ Jerusalem aw̄ sedə́ *Babilon.

IJAI 22:17

Ɔ́jəń na ḭ̄ i de kə́ ngan̄g. I beé ní Kɔ́ɔ̄ɓē a ənda yā kənī ta kaw̄ sa̰y. Ni a ɓírī kə kə̄lá,

2 MBAN̄G 24:8

Dan ń Joakin ndi mban̄g, ɓālə̄n i kutə gidə i sɔ́sɔ́. Ni-o̰o̰ ɓē Jerusalem i nāā mətá. Rī kó̰o̰n na i Nehusta, i ngōn̄ Elnatan kə́ Jerusalem.

JEREMI 10:18

tɔdɔ̄ najə̄ ń Kɔ́ɔ̄ɓē əda ní n toó: Ń toō ní m-ā m̄-tə̄ɓā de kə́ kem ɓēé gə̄ kɔ̄ɔ́, ba njaḿ i gōdə́ tə́ ngɔr kadə̄ a̰ȳn̄ naā alé.

JEREMI 13:18

Ə́da mban̄g ō, kó̰o̰ mban̄g ō na: Ī-ndiī dɔ dā̰ nang tə́! Jākā mbang kə́ dɔsí tə́ ń majə ngá̰ý ní teē əsō kɔ̄ɔ́.

JEREMI 16:13

M-ā m-ɔ́ýsí dɔ nang ń toō tə́ yā tə́nīsí dɔ nang kə́ rang kə́ sḭḭ̄ gə̄gē kaasí gə̄gē ī-gerī aĺ tə́. Loo ń noō tə́, ā ī-ndɔ̄yī nə́ɓā yā tə̄rā gə̄ ndɔ̄ɔ́ ō, kadaá ō. Ba ā ə̄ndāī kemsí dɔḿ tə́ kadə̄ m̄-dḭḭ̄sí to̰ alé.

JEREMI 22:27

Adə̄ ā ī-téliī yā kaw̄ gogə́ dɔ nang ń ngur kaw̄ tū tə́ rāāsí ngá̰ý ní tə́ to̰ aĺ bátə́.

JEREMI 28:4

M-ā m̄-tél kə Yekonia, ngōn̄ Joakim, mban̄g kə́ Juda tə́ ō, de kə́ Juda tə́ gə̄ malang ń əhɔn̄də́ aw̄n̄ sedə́ *Babilon tə́ ní ō, yā reē sedə́ loo ń toō tə́ gogə́ tɔdɔ̄ m̄-tetə njúkə yā mban̄g kə́ Babilon kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 29:2

Ni-əla kə makətūbə̄ ní i dan ń mban̄g Yekonia ō, kó̰o̰n ō, ngé rāā kəla kə́ ndogó mbangāá gə̄ ō, de kə́ bo gə̄ kə́ *Juda tə́ ō, kə́ Jerusalem tə́ ō, de gə̄ kə́ gerə̄n̄ rāā kəla kəja kāgə̄ majə ō, gerə̄n̄ rāā kəla gində̄ majə ō teēn̄neé kɔ̄ɔ́ Jerusalem tə́ ní.

JEREMI 44:14

De kə́ a ndi kə kumneé aláa de kə́ a teē ta yo tə́ dan gotə Juda gə̄ tə́ ō, ngé gə̄ ń reē ɓɔ̄ɔ̄n̄ rɔ̄də́ Ejiptə tə́ ō ní a gətóo. De kə́ a tél yā kaw̄ gogə́ kem ɓē kə́ Juda tə́ ń nin̄ gírə̄n̄ tél kaw̄ ndi ɓē kemeé ní a gətóo. Nin̄ a télən̄ yā kaw̄ kemeé alé, banī i ngé teē ta yo tə́ kə́rēý gə̄ tá ngóy.

2 MBAN̄G 25:27

Əhɔn̄ Joakin mban̄g kə́ *Juda aw̄n̄ seneé Babilon. Ni rāā ɓāl̄ kutə mətá gidə i sīrí Babilon. Kem ɓāl̄ kə́ nge ko̰ kutə mətá gidə i sīrí tə́, kə ndɔ̄ kə́ nge ko̰ kutə jōó gidə i sīrí yā nāā kə́ nge ko̰ kutə gidə i jōó anī, Ewil Merodak mban̄g kə́ Babilon rāā kem ndaa seneé. Ni ɔrən dəngáyá kem ɓāl̄ ń ndiń mban̄g tə́ ní.

2 MBAN̄G 25:29

Ni-adə̄n ta róbə kɔr̄ kūbə̄ dəngáy rɔ̄n tə́ kɔ̄ɔ́ ō, əla gír ndɔ̄ ń noō tə́ ní Joakin a əsa yá̰a̰ i ta kum mban̄g kə́ Babilon tə́ ō.

2 MBAN̄G 25:30

I beé n mban̄g adə̄ń Joakin yá̰a̰ kəsa kə dɔ ndɔ̄ gə̄ malang ń Joakin ndiń kə kumneé ní.