JEREMI 22:18 - Bible sar

¹⁸ Tā anī najə̄ ń Kɔ́ɔ̄ɓē əda sɔɔ̄ dɔ Joakim kə́ ngōn̄ Josias, mban̄g kə́ *Juda tə́ ní n toó: Pā yo ń na: I yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəngam, i yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəyá̰ i yá̰á̰ kə́ to kum kaȳ aĺ kə́ ba̰ý beé, kɔ́ɔ̄ḿ. i yá̰á̰ kə́ to kum kaȳ aĺ kə́ ba̰ý beé, de kə́ bo ní deē a nōōnneé alé.

Bibəl ta Sar̄

¹⁸ Tā anī najə̄ ń Kɔ́ɔ̄ɓē əda sɔɔ̄ dɔ Joakim kə́ ngōn̄ Josias, mban̄g kə́ Juda tə́ ní n toó: Pā yo ń na: I yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəngam, i yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəyá̰ i yá̰á̰ kə́ to kum kaȳ aĺ kə́ ba̰ý beé, kɔ́ɔ̄ḿ. i yá̰á̰ kə́ to kum kaȳ aĺ kə́ ba̰ý beé, de kə́ bo ní deē a nōōnneé alé.

JEREMI 22:18 Referans Kwoze

JEREMI 16:6

Kem ɓē ń toō tə́ ní, de kə́ bo gə̄ ō, de kə́ dūú gə̄ ō a oyn̄ mbak. Deē a dubə̄də́ aĺ ō, a un pā yo dɔdə́ tə́ aĺ ō, a əja rɔ̄n kə doó najə̄ yādə́ tə́ aĺ ō, a dəsā dɔn aĺ ō.

1 MBAN̄G GƏ̄ 13:30

Ni-ənī nīń ní i kem bəlo ɓádə yān nəkɔ́ tə́. Nōōn̄ yo ədan̄ na: A ngōkó̰ó̰ḿ!

JEREMI 22:10

Ī-nōōī deē ń oy kɔ̄ɔ́ ní alé. Əhɔī ndoō tām̄ yān tə́ alé. Ba deē ń a aw̄ i mbéé ní ī-nōōniī ba ī-tél ī-nōōniī ɓáý to̰. tɔdɔ̄ ni a tél yā reē gogə́ kem ɓē kojən tə́ to̰ alé.

JEREMI 16:4

Ɓō a rāādə́ bátə́ yā tɔ̄l̄də́. Deē a nōōdə́ aĺ ō, dubə̄də́ aĺ ō, a télən̄ bū loo dɔ dā̰ nang tə́ ō, a oyn̄ yo kaskar ō, yo ɓō ō. Nīńdə́ a téĺ yá̰a̰ kəsa yā yel̄ kə́ no rā̰ tə́ gə̄ ō, dā̰ kə́ dɔ nang tə́ gə̄ ō.

JEREMI 34:5

Ā óy i kə kem sɔl̄ lɔmɔɔ́. A róōn̄ yá̰á̰ kə́ kotə majə tām̄ yāí tə́ tītə̄ ń róōn̄neé adə̄n̄ kaaí gə̄ ń ndin̄ dɔ kōr̄ kāgə̄ mbang tə́ o̰o̰n̄neé ɓē kété noí tə́ ní ō. A unən̄ pā nōō yo dɔí tə́ a ədan̄ na: Kɔ́ɔ̄ḿ, i yá̰á̰ to kum kaȳ aĺ kə́ ba̰ý beé! Kə́ rɔ̄kum tə́ ní najə̄ kɔrə̄ḿ n noó. Najə̄ ń Kɔ́ɔ̄ɓē əda ní n noó.

2 YÁ̰A̰ GƏ̄ 35:25

Jeremi *nge koō ta rāā pā kógə̄ḿ nōoń Josias. Əla gír ndɔ̄ ń noō tə́ bátə́ ɓōólaā ní, gōsə̄ pā kə́ dəngam gə̄ ō, kə́ dəyá̰ gə̄ ō, malang a ɔrə̄n̄ i najə̄ yā Josias kem pā nōō rɔ̄ yādə́ gə̄ tə́, tɔdɔ̄ tél i jī bēl̄ loo rāā yá̰á̰ kə́ dɔ nang kə́ *Israel tə́ kɔ̄ɔ́. Ndangən̄ pā gə̄ ní i kem makətūbə̄ pā nōō rɔ̄ gə̄ tə́.

2 SAMUEL 1:26

Ngōkó̰ó̰ḿ Jonatan, wurəḿ ɔləm̄ ngá̰ý, tɔdɔ̄ o̰o̰m̄ tɔdɔ̄í. Táŕ ń ī-tárəm̄ ní nelə̄m̄ ngá̰ý tɔȳ tár yā dəyá̰ gə̄.

2 MBAN̄G 23:6

Ni un kāgə̄ ɓesə̄ *Asera kem *kújə yā Kɔ́ɔ̄ɓē tə́ aw̄ń gidə ɓē kə́ Jerusalem tə́ ndágá adə̄ róōn̄ horoó wól loo kə́ Sedəron tə́. Róōn̄ kāgə̄ ɓesə̄ Asera ní ba ɔyn̄ būn ɓōkə́n̄ dɔ ɓádá ń kə́nə̄n̄ nīń kósə de gə̄ kemeé tə́ ní.

2 MBAN̄G 23:36

Dan ń Joakim ndi mban̄g ní ɓālə̄n i kutə jōó gidə i mí. Ni-o̰o̰ ɓē ɓāl̄ kutə gidə i kógə̄ḿ kem ɓē kə́ Jerusalem tə́. Rī kó̰o̰n na i Jebuda, i ngōn̄ Pedaya kə́ Ruma.

2 MBAN̄G 24:6

Dan ń Joakim oy ní, i ngōnən Joakin n o̰o̰ ɓē gotən tə́ ní.

2 YÁ̰A̰ GƏ̄ 36:5

Dan ń Joakim ndi mban̄g ní ɓālə̄n i kutə jōó gidə i mí. Ni-o̰o̰ ɓē Jerusalem ɓāl̄ kutə gidə i kógə̄ḿ. Ni-rāā yá̰á̰ kə́ majaĺ ta kum Kɔ́ɔ̄ɓē Nə́ɓā yān tə́.

JEREMI 22:12

Tɔdɔ̄ ni a oy loo ń de gə̄ əhɔnən̄ aw̄n̄ seneé tū tə́ ní tə́ ō, a a̰a̰ ɓē ń toō to̰ aĺ ō.

1 YÁ̰A̰ GƏ̄ 3:15

Rī ngán Josias gə̄ n toó: Nge kə́ nga tɔ́gə i Yohanan, gidən i Joakim, kə́ nge ko̰ mətá i Sedekias, kə́ nge ko̰ sɔ́ i Salum.

JEREMI 21:11

Ə́dá gíŕ kojə yā mban̄g kə́ *Juda tə́ na: Ōōī najə̄ yā Kɔ́ɔ̄ɓē.

JEREMI 36:30

Ɓá anī mā Kɔ́ɔ̄ɓē m-ə́da najə̄ ń toō dɔ Joakim mban̄g kə́ *Juda tə́: Ni a ənge deē kógə̄ḿ kə́ kadə̄ a ndi dɔ kōr̄ kāgə̄ mbang yā Dabid tə́ gotən tə́ alé. Nīnə́n a to kum mbang tə́ kadaá ō, kum kūl̄ tə́ ndɔ̄ɔ́ ō.