JEREMI 22:10 - Bible sar

¹⁰ Ī-nōōī deē ń oy kɔ̄ɔ́ ní alé. Əhɔī ndoō tām̄ yān tə́ alé. Ba deē ń a aw̄ i mbéé ní ī-nōōniī ba ī-tél ī-nōōniī ɓáý to̰. tɔdɔ̄ ni a tél yā reē gogə́ kem ɓē kojən tə́ to̰ alé.

Bibəl ta Sar̄

¹⁰ Ī-nōōī deē ń oy kɔ̄ɔ́ ní alé. Əhɔī ndoō tām̄ yān tə́ alé. Ba deē ń a aw̄ i mbéé ní ī-nōōniī ba ī-tél ī-nōōniī ɓáý to̰. tɔdɔ̄ ni a tél yā reē gogə́ kem ɓē kojən tə́ to̰ alé.

JEREMI 22:10 Referans Kwoze

JEREMI 22:11

Rɔ̄kum, najə̄ ń Kɔ́ɔ̄ɓē əda dɔ Salum, ngōn̄ Josias, mban̄g kə́ *Juda ń ndi mban̄g gotə bɔbə̄n Josias tə́ ō, teē kɔ̄ɔ́ loo ń toō tə́ i ngɔr ɓáý ō ní n toó: Ni a tél yā reē gogə́ to̰ alé.

KOHELET 4:2

M-á̰a̰ kadə̄ de gə̄ ń oyn̄ kɔ̄ɔ́ ní, rɔ̄də́ nel̄də́ tɔȳ yā ngé gə̄ ń ndin̄ kə kumdə́ ní.

NŌŌ RƆ̄ 4:9

De gə̄ ń oyn̄ yo kaskar ní, yādə́ i sótə́ tɔȳ yā ngé gə̄ ń oyn̄ yo ɓō á ndəlēn̄ ngandəra najə̄ kōō kə́ gətóo ndɔrɔ́ tə́ ní.

IJAI 57:1

Ngé gə̄ ń oōn̄ ta Nə́ɓā ní, tɔ̄lə̄n̄də́ kɔ̄ɔ́ ō, deē kógə̄ḿ kə́ usən dɔ tə́ gətóo ō. A̰á̰ā̰, ngé gə̄ ń oōn̄ ta Nə́ɓā ní gətóon̄ kɔ̄ɔ́, sɔɔ̄ń kem ndul yā de kə́ majaĺ gə̄.

2 MBAN̄G 22:20

Adə̄ m-ā m-ə́ya̰ī kadə̄ óy āw̄ gō kaaí gə̄ tə́ kə kem kə́ sɔl̄ lɔmɔɔ́. A əlanī ɓádá kanjə̄ kadə̄ á̰á̰ yá̰á̰ kə́ to kum kaȳ aĺ gə̄ malang ń m-ā m̄-reēń dɔ ɓē kə́ Jerusalem tə́ ní. Hilkia ngol *ngé tun̄ yá̰a̰ gə̄ nin̄ kə madə̄n gēé tél reē ədan̄ mban̄g Josias najə̄ ń *nge koō ta kə́ dəyá̰ tūr̄ ədadə́ ní.

Najə̄ kə́ Majə yā Jeju ń Luk ndang ní 23:28

Jeju tél tūr̄ kumən kə̄ rɔ̄ dəyá̰ gə̄ ní tə́, ba ədadə́ na: Dəyá̰ kə́ *Jerusalem gə̄, ī-nōōmī mā alé, ba ī-nōōī rɔ̄sí sḭḭ̄ kɔ́ gə̄ ō, ngáńsí gə̄ ō.

JEREMI 22:18

Tā anī najə̄ ń Kɔ́ɔ̄ɓē əda sɔɔ̄ dɔ Joakim kə́ ngōn̄ Josias, mban̄g kə́ *Juda tə́ ní n toó: Pā yo ń na: I yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəngam, i yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəyá̰ i yá̰á̰ kə́ to kum kaȳ aĺ kə́ ba̰ý beé, kɔ́ɔ̄ḿ. i yá̰á̰ kə́ to kum kaȳ aĺ kə́ ba̰ý beé, de kə́ bo ní deē a nōōnneé alé.

2 YÁ̰A̰ GƏ̄ 36:4

Gō tə́ anī ni-əndā Eliakim kə́ ngōkó̰o̰ Joakajə mban̄g dɔ ɓē ko̰o̰ kə́ Juda tə́ ō, dɔ ɓē kə́ Jerusalem tə́ ō, ba tūr̄ rīn kɔ̄ɔ́, əndā na i Joakim. Ba un ngōkó̰o̰n Joakajə aw̄ seneé Ejiptə tə́.

JEREMI 16:7

Deē a gān̄g ta mápa yā kadə̄ nge kəhɔ ndoō yā sɔlə̄ń kemən najə̄ ngeen de kə́ oy tə́ aĺ ō, deē a ndējə̄n kópə sɔl̄ kem najə̄ yā bɔbə̄n deē aláa kó̰o̰n de kə́ oy tə́ aĺ ō.

JEREMI 25:27

Ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel əda ní n toó: Ā̰yī ādə̄ rāāsí ō, ī-tōmbī ō, ī-teē ī-tə́sōī kanjə̄ kadə̄ ḭ́ḭī dɔɔ́ ō, dan ń a á̰a̰ī kaskar ń m-ā m-ə́la dɔ dáńdə́ tə́ ní.

JEREMI 28:4

M-ā m̄-tél kə Yekonia, ngōn̄ Joakim, mban̄g kə́ Juda tə́ ō, de kə́ Juda tə́ gə̄ malang ń əhɔn̄də́ aw̄n̄ sedə́ *Babilon tə́ ní ō, yā reē sedə́ loo ń toō tə́ gogə́ tɔdɔ̄ m̄-tetə njúkə yā mban̄g kə́ Babilon kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 42:18

Rɔ̄kum, najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Tītə̄ ń wōn̄g yāḿ ō, wōn̄g kə́ ngá̰ý yāḿ ō rāāmə̄nneé dɔ de kə́ Jerusalem tə́ gə̄ ní, wōn̄g kə́ ngá̰ý yāḿ a rāām̄ dɔsí tə́ i tītə̄ ń noō ō, dan ń ā ūgīneé Ejiptə tə́ ní. Sḭḭ̄ ā ī-téliī i yá̰á̰ kə́ nujə sák sák kɔ̄ɔ́ ō, kə́ túbə ō, ndɔ̄ĺ ō i dɔ tə́, kə́ de gə̄ kídə̄n̄ ō, kə́ to rɔ̄sɔl̄ ō.

JEREMI 44:14

De kə́ a ndi kə kumneé aláa de kə́ a teē ta yo tə́ dan gotə Juda gə̄ tə́ ō, ngé gə̄ ń reē ɓɔ̄ɔ̄n̄ rɔ̄də́ Ejiptə tə́ ō ní a gətóo. De kə́ a tél yā kaw̄ gogə́ kem ɓē kə́ Juda tə́ ń nin̄ gírə̄n̄ tél kaw̄ ndi ɓē kemeé ní a gətóo. Nin̄ a télən̄ yā kaw̄ kemeé alé, banī i ngé teē ta yo tə́ kə́rēý gə̄ tá ngóy.

EJEKIEL 24:16

Ḭ̄ ngōn̄ deē, dəyá̰ ń ka̰a̰n nelī ngá̰ý ní, m-ā m̄-taān̄ jīí tə́ kɔ̄ɔ́ i taā kə́ rétə́ ngá̰ý. Ā ī-rāā yon aĺ ō, ā ī-sɔ̄ḿ aĺ ō, ā ī-nōō aĺ ō.

2 MBAN̄G 23:29

I kem ɓāl̄ ko̰o̰ ɓē yān tə́ n *Parao̰ Neko, mban̄g kə́ Ejiptə, aw̄ń kə ngé rɔ̄ɔ̄ yān gēé kum kə̄ bā Opəratə tə́ yā kaw̄ dḭḭ̄ń mban̄g kə́ Asiri ní. Mban̄g Josias gḛy kɔgə̄ de kə́ Ejiptə tə́ gə̄ mān̄, adə̄ dan ń *Parao̰ a̰a̰n Megido ní tɔ̄lən.

JEREMI 22:27

Adə̄ ā ī-téliī yā kaw̄ gogə́ dɔ nang ń ngur kaw̄ tū tə́ rāāsí ngá̰ý ní tə́ to̰ aĺ bátə́.