JEREMI 21:5 - Bible sar

⁵ I mə̄kɔ́ n m-ā m̄-rɔ̄ɔ̄sí ní, kə tɔ́gə jīḿ kə́ ra dɔsí tə́ dɔɔ́. M-ā m̄-rɔ̄ɔ̄sí kə wōngōó, i wōn̄g kə́ to ɓōĺ ngá̰ý ō.

Bibəl ta Sar̄

⁵ I mə̄kɔ́ n m-ā m̄-rɔ̄ɔ̄sí ní, kə tɔ́gə jīḿ kə́ ra dɔsí tə́ dɔɔ́. M-ā m̄-rɔ̄ɔ̄sí kə wōngōó, i wōn̄g kə́ to ɓōĺ ngá̰ý ō.

JEREMI 21:5 Referans Kwoze

IJAI 63:10

Banī nin̄ mbātə́n̄ najə̄, rāān̄ Ndílən kə́ *táĺ adə̄ rɔ̄n nelə̄n aĺ. Adə̄ Kɔ́ɔ̄ɓē tél i madə̄ ba̰ā̰də́ kógə̄ḿ ō, ni udə kə̄ loo rɔ̄ɔ̄də́ tə́ ō.

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā , banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

Teē Ngán Israel gə̄ 6:6

Adə̄ m̄-mērī kədadə́ najə̄ ń toō: Mā i Kɔ́ɔ̄ɓē. M-ā m-ɔ̄r̄sí ta kəla ngámbá tə́ ō, ta kəla ɓəlo tə́ jī de kə́ Ejiptə gə̄ tə́ ō kɔ̄ɔ́. M-ā m-ə́ndádə́ kə tɔ́gə́ḿ ń yá̰á̰ kə́ dum̄ tan gətóó ní kadə̄ a ɓōlə́n̄ ō, m-ā m̄-taāsí jīdə́ tə́ yā kəya̰sí dɔɔ́ ō.

JEREMI 32:17

Á Kɔ́ɔ̄ɓē Nə́ɓā, i ḭ̄ n ī-rāā dɔ rā̰ ō, dɔ nang ō, kə ta kūl̄ tɔ́gí kə́ ngá̰ý ɔ́jəń tɔ́gí kə̄ ndágá ní. Yá̰á̰ kə́ dum̄ tɔ́gí gətóo.

JEREMI 6:12

I de kə́ rang gə̄ n a ndin̄ kem kújə yādə́ gə̄ tə́ ní. Ndɔr̄ yādə́ gə̄ a télən̄ i ndɔr̄ yā de kə́ rang gə̄ ō, I de kə́ rang gə̄ n a ɓīīn̄ kə nə̄yá̰də́ gēé ō ní. M-ə́la jīḿ kə̄ dɔ de kə́ kem ɓēé gə̄ tə́. Najə̄ ń Kɔ́ɔ̄ɓē əda ní n noó.

IJAI 9:17

A̰á̰ā̰, kem ndul i yá̰á̰ kə́ o̰o̰ loo tītə̄ hor kə́ o̰o̰ kōn̄ kə́ tayā tayā gə̄ beé. Hor ní əhɔ túpə kámbə gə̄ kə́ kem ku kāgə̄ gə̄ tə́ ō, rāā adə̄ sa hor kə́ ra kə ngālāá ɓururu ḭḭ ta kaw̄ dɔ rā̰ tə́ ō.

Teē Ngán Israel gə̄ 9:15

Nə́ngētə́ n-əla jīn n-əndasí na i kə mo̰y ngāl̄bɔ̄gīí anī, īkɔ́ *Parao̰ gə̄gē, gír deē yāí gə̄ gə̄gē na ā ī-gətóoī dɔ nang tə́ laā kɔ̄ɔ́.

JEREMI 32:37

M-ā m-ḭ́ḭ sedə́ kə gō ɓē gə̄ malang ń m̄-tə̄ndā m̄-tḭ̄ḭ̄də́ tū tə́ kə wōngōó ō, wōn̄g kə́ ngá̰ý ō, kə́ al̄ naā ngá̰ý ō ní yā kɔsə dɔdə́ naā tə́. M-ā m̄-tél yā reē sedə́ gogə́ loo ń toō tə́ ō, m-ā m-ə̄ndādə́ kadə̄ ndin̄ laā kanjə̄ kadə̄ yá̰á̰ kógə̄ḿ a̰ȳ ndíĺdə́ ō.

IJAI 10:4

Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 9:12

Kɔ́ɔ̄ɓē ənda gír deē yān gə̄, banī *Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

NDŪ NAJƏ̄ 4:34

Aké nə́ɓā kógə̄ḿ nāā kɔr̄ deē yān gə̄ kɔ̄ɔ́ ɓá jī madə̄ ba̰ā̰də́ gə̄ tə́ kə ta kūl̄ yá̰a̰ nāā gə̄ ō, yá̰a̰ kɔjə gə̄ ō, yá̰á̰ kə́ yáā gə̄ ō, rɔ̄ɔ̄ kə́ rɔ̄ɔ̄ de gə̄ ō, kə jīn kə́ ngan̄g ngá̰ý ń əla kə̄ dɔɔ́ ní ō, kə yá̰á̰ kə́ to ɓōĺ ngá̰ý gə̄ ō, kɔ̄ɔ́ ɓá tītə̄ ń Kɔ́ɔ̄ɓē Nə́ɓā yāsí rāań adə̄ á̰a̰ī Ejiptə tə́ ní a?

NDŪ NAJƏ̄ 4:23

Ī-lōōī kadə̄ dɔsí ndígə̄nal *madə̄ naā ń Kɔ́ɔ̄ɓē Nə́ɓā yāsí əhɔ sesí ní ba kḭḭ rāā ɓesə̄ gə̄ ō, tɔ́sə̄ yá̰a̰ rāā ndíĺ yá̰a̰ gə̄ ń ni ɔgə̄sí rāā tə́ ní ō.

JEREMI 36:7

Majanī ndɔ̄ȳ yādə́ a ugə̄ ta kum Kɔ́ɔ̄ɓē tə́ ō, nin̄ kógə̄ḿ kógə̄ḿ a tūrə̄n̄ yá̰a̰ rāādə́ kə́ majaĺ gə̄ ō, tɔdɔ̄ wōn̄g ō, wōn̄g kə́ ngá̰ý ō ń Kɔ́ɔ̄ɓē rāā kə gír de gə̄ ń toō ní to ɓōĺ ngá̰ý.

JEREMI 37:10

Ngé rɔ̄ɔ̄ gə̄ malang kə́ Kalde tə́ ń ənīn̄sí rɔ̄ɔ̄ ní, ká ré ā ī-tetiīdə́ rɔ̄ɔ̄ gə̄gē anī, ngé gə̄ ń ton̄ kə do kum gərāá rɔ̄də́ tə́ kem kújə tandā yādə́ gə̄ tə́ ní, a ḭḭn̄ dɔɔ́ yā kəla hor dɔ ɓē ń toō tə́.

NŌŌ RƆ̄ 2:3

Ni-ɔr̄ tɔ́gə Israel malang kɔ̄ɔ́ kə wōngōó ngá̰ý. Tél kə jīn kə́ ko̰ó̰ kə̄ gogə́ ta kum madə̄ ba̰ā̰n tə́. Əla hor dɔ ɓē yā Jakob tə́ adə̄ o̰o̰ loo gīr̄ gidə.

EJEKIEL 5:8

I tām̄ najə̄ ń noō tə́ n Kɔ́ɔ̄ɓē Nə́ɓā ɔr̄ najə̄ tītə̄ ń toō beé əda na: Sḭḭ̄ de kə́ Jerusalem gə̄, m-ā m-ə́ndásí. M-ā m-ún sarya gāngə̄ḿ yā rāań yá̰a̰ kem ɓēé ta kum nápar de gə̄ tə́.

EJEKIEL 39:3

Gō tə́ anī m-ā m-ə́ndaī: M-ā m̄-tetə ga̰ gərā yāí kə́ jī gelií tə́ kɔ̄ɔ́ ō, m-ā m̄-rāā kum gərā yāí gə̄ kə́ jī ko̰í tə́ kadə̄ teē tə́sōn̄ nang tə́ kɔ̄ɔ́ ō.