JEREMI 2:36 - Bible sar

³⁶ Tītə̄ ń ḭ̄kɔ́ ī-rāā ādə̄ de gə̄ kídīnī sɔɔ̄ ń dɔ hál koō naā loo mundə̄ tə́ yāí gə̄ ní, rɔ̄í a sɔlī ngá̰ý Ejiptə tə́ ō, Asiri tə́ ō.

Bibəl ta Sar̄

³⁶ Tītə̄ ń ḭ̄kɔ́ ī-rāā ādə̄ de gə̄ kídīnī sɔɔ̄ ń dɔ hál koō naā loo mundə̄ tə́ yāí gə̄ ní, rɔ̄í a sɔlī ngá̰ý Ejiptə tə́ ō, Asiri tə́ ō.

JEREMI 2:36 Referans Kwoze

JEREMI 31:22

Ngōmandə kə́ nge túy taā kem yān, ā ɔ̄r̄ rɔ̄í kə̄ gogə́ yā ndi kə kérí tītə̄ de kə́ mbóo i bátə́ rə́ngáý tə́? Kɔ́ɔ̄ɓē əndā yá̰á̰ kə́ kijə dɔ nang tə́. De kə́ dəyá̰ *nong dəngam.

OJEE 5:13

Epəraim ger̄ kadə̄ ni i mo̰y ō, *Juda ger̄ kadə̄ ni-ənge do ō. Loo ń noō tə́ Epəraim tūr̄ rɔ̄n kə̄ rɔ̄ Asiri tə́, ni-əla de gə̄ rɔ̄ mban̄g kə́ bo kə́ ɓē ngeé ń noō tə́. Banī mban̄g ní asə rāā kadə̄ rɔ̄sí ngáā aĺ ō, asə rāā kadə̄ do yāsí edə̄ aĺ ō.

OJEE 12:1

Kɔ́ɔ̄ɓē əda na: Gír deē yā *Epəraim gə̄ sorə̄n̄ gīr̄nəń gidəḿ. A̰á̰ā̰, *Israel gə̄ ɓír̄mə̄n̄ kə gól̄ looó. Deē yā *Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.

JEREMI 2:23

I ba̰ý á ī-nāā kəda na: Yá̰á̰ kə́ yḛr tákə̄m̄ aĺ ō, m̄-ngɔ̄də̄ gō ɓesə̄ *Baal gə̄ tə́ aĺ ō ní? Á̰a̰ kəla rāāí kə́ kem wól loo tə́, ḭ̄kɔ́ ī-ger̄ yá̰á̰ ń ī-rāā ní. Kó̰ó̰ jámbal kə́ nge dáȳ dɔɔ́ kanjə̄ kɔr̄ koō.

2 YÁ̰A̰ GƏ̄ 28:16

Dan ngeé ń noō tə́ ní mban̄g Akaj əla de gə̄ rɔ̄ mban̄g kə́ Asiri tə́ yā dəjen̄ kadə̄ reē kə dḭḭ̄n.

OJEE 14:3

Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

OJEE 10:6

A unən̄ ngōn̄ man̄g yā kaw̄ seneé dɔ nang kə́ Asiri tə́ ō. A adə̄n̄ mban̄g kə́ bo kə́ dɔ nang ngeé ń noō tə́ ngōn̄ man̄g ní kadə̄ karī tə́. A télən̄ kə *Epəraim kə̄ nang tə́, a̰á̰ā̰, rɔ̄ *Israel a sɔlə̄n najə̄ yā yá̰a̰ gə̄ ń ni núm̄ rāā tə́ ní.

OJEE 7:11

*Epəraim to i tītə̄ déŕ kə́ mbóo beé. Ni gír̄ yá̰a̰ alé. Ni ɓāŕ Ejiptə ba gō tə́ anī, ni aw̄ dɔ nang kə́ Asiri tə́.

EJEKIEL 29:7

Dan ń nin̄ ndə̄nān̄ rɔ̄də́ rɔ̄í tə́ anī, ḭ̄ ī-tetə kɔ̄ɔ́. Ḭ̄ ādə̄də́ do kār̄ bɔ̄gə̄də́ tə́ ō, ḭ̄ ɔ̄r̄ tɔ́gə́də́ kɔ̄ɔ́ ō.

NŌŌ RƆ̄ 5:6

J-əla jījí i kum kə̄ rɔ̄ Ejiptə tə́ ō, rɔ̄ Asiri tə́ ō tá jə-gədeń yá̰a̰ j-əsa adə̄ ndān̄jí.

NŌŌ RƆ̄ 4:17

Jḭḭ tā anī, kumjí roō kɔ̄ɔ́ loo ngóō ta de kə́ yā kadə̄ reē dḭḭ̄jí tə́. Jə-nda loo ngɔ̄m̄ loo yājí gə̄ tə́ jə-ngóoń ta reē nápar de kə́ tɔ́gə́də́ asə kajəjí aĺ gə̄.

JEREMI 37:7

Najə̄ ń mā Kɔ́ɔ̄ɓē, Nə́ɓā yā *Israel m-ə́dá ní n toó: Najə̄ ń ā ə́daī mban̄g kə́ *Juda tə́ ń əlasí rɔ̄ḿ tə́ ní n toó: Ɓūtə̄ ngé rɔ̄ɔ̄ gə̄ yā *Parao̰ ń ḭḭn̄ Ejiptə tə́ ba reēn̄ yā dḭḭ̄sí ní tél aw̄n̄ gogə́ ɓē yādə́ tə́ kɔ̄ɔ́.

JEREMI 2:33

Tītə̄ ń ḭ̄ ɔ́ĺ ngá̰ý loo njə̄rā tə́ yā sāań táŕ ní, kə́ rɔ̄kum tə́ ḭ̄ āw̄ mbóńg ādə̄ tɔ̄l̄ deē ndérī kɔ̄ɔ́.

JEREMI 2:18

Ngɔlaā ní i rí n nelī ngá̰ý kum róbə́ kə́ Ejiptə tə́, kadə̄ āw̄ ā̰ȳ man̄ bā kə́ Nil tə́ ní? I rí n nelī ngá̰ý kum róbə́ kə́ Asiri tə́, Kadə̄ āw̄ ā̰ȳ man̄ kə́ bāá ní?

IJAI 20:5

Ngé gə̄ ń ənīn̄ kemdə́ mámák adə̄n̄ ɓē kə́ Etiopi, aláa ɔjən̄ rɔ̄də́ najə̄ rāā kə́ ɓē kə́ Ejiptə a rāā sedə́ tə́ ní, ɓōĺ a rāādə́ ō, rɔ̄də́ a sɔl̄də́ ō.

JEREMI 46:12

Nápar de gə̄ oōn̄ najə̄ rɔ̄sɔl̄ yāí, tɔdɔ̄ kɔŕ yāí taā dɔ nang. Nja go̰ rɔ̄ɔ̄ kógə̄ḿ tə́gā yā madə̄n adə̄ teē tə́sōn̄ jōó mbak.

EJEKIEL 16:28

Ájə́ba ń ī-rāā kété ní tɔ̄l̄ ɓōí alé, adə̄ ī-rāā ájə́ba kə de kə́ Asiri gə̄ ɓáý. Nge ń noō gə̄gē ní asiī aĺ ɓáý.

JEREMI 22:20

Āl̄ dɔ mbal̄ Liban tə́ ba ə́ga kɔŕ. Ādə̄ ndūí ɓār̄ taā dɔ loo kə́ Basan tə́. Ə́ga kɔŕ ādə̄ ndūí ɓār̄ kə̄ loo gə̄ tə́, tɔdɔ̄ ngé sāāí gə̄ malang ní gír yādə́ gān̄g kɔ̄ɔ́.

JEREMI 22:22

Nél ɔy ngé kulīí gə̄ malang aw̄ sedə́ kɔ̄ɔ́ ō, əhɔn̄ ngé sāāí gə̄ aw̄n̄ sedə́ dɔ ɓē kə́ rang tə́ ō. Kə́ rɔ̄kum tə́ ní, rɔ̄í a sɔlī ō, a ndaanī ō, najə̄ yā ngé *nong yāí gə̄ malang tə́.