JEREMI 2:25 - Bible sar

²⁵ Ī-dəba aĺ anī, ā ī-tél de kə́ nge njə̄rā da njan karī ō, kem míndí a tutə ō. Banī ə́da na: Yá̰á̰ kə́ yā rāā to̰ gətóo! Nelə̄m̄ kə mbā gēé ō, m̄-ndigə ngɔ̄də̄ gōdə́ tə́ ō.

Bibəl ta Sar̄

²⁵ Ī-dəba aĺ anī, ā ī-tél de kə́ nge njə̄rā da njan karī ō, kem míndí a tutə ō. Banī ə́da na: Yá̰á̰ kə́ yā rāā to̰ gətóo! Nelə̄m̄ kə mbā gēé ō, m̄-ndigə ngɔ̄də̄ gōdə́ tə́ ō.

JEREMI 2:25 Referans Kwoze

NDŪ NAJƏ̄ 32:16

Israel gə̄ rāān̄ yá̰á̰ kə́ majaĺ gə̄ ngá̰ý adə̄n̄neé Kɔ́ɔ̄ɓē wōn̄g ō. Nin̄ ndɔ̄ȳn̄ ɓesə̄ gə̄ adə̄ tōr̄ Kɔ́ɔ̄ɓē sedə́ ngá̰ý ō.

JEREMI 18:12

Banī nin̄ ədan̄ na: Yá̰á̰ kə́ yā rāā to̰ gətóo. Jḭḭ, j-a j-un i gō yá̰á̰ ń jə-gír̄ yā rāā ní ō, náā nəkɔ́ ɓáa a rāā dɔ ngan̄g kə́ al̄ naā kə̄ non tə́ ō.

JEREMI 3:13

Majə kadə̄ ī-gēr̄ gō majaĺ ń ī-rāā ní. I Kɔ́ɔ̄ɓē Nə́ɓā yāí n ī-mbātə́n ní. ī-ndi gotə kógə̄ḿ alé ba ī-tə́lá halí naā tə́ kə nə́ɓā kə́ mbā gēé kə gír kāgə̄ kə́ mbōl̄ gə̄ malang. Sḭḭ̄ ōōī ndūḿ alé. Najə̄ ń Kɔ́ɔ̄ɓē əda ní n noó.

Makətūbə̄ ń Pol ndang adə̄ Rom gə̄ ní 8:24

Tɔdɔ̄ ajən̄jí kɔ̄ɔ́ ɓá, banī kajə ní i kajə kə́ kadə̄ j-əndaī kemjí dɔ tə́ ɓáý. Tá yá̰á̰ ń deē əndā kemən dɔ tə́ ní ré a̰a̰ kɔ̄ɔ́ anī, ni a əndā kemən dɔ tə́ to̰ alé. I náā n i nge kəndā kemən dɔ yá̰á̰ kə́ ni-a̰a̰ kɔ̄ɔ́ ɓá tə́ ní?

NŌŌ RƆ̄ 4:4

Kəndā man̄ rāā ngōn̄ kə́ ta mba tə́ adə̄ ndo̰o̰n labə̄ ngaān tə́. Ngán gə̄ nōōn̄ najə̄ yá̰a̰ kəsa tə́ banī deē sḛ́ý kə́ adə̄də́ gətóo.

JEREMI 14:10

Kɔ́ɔ̄ɓē ɔr̄ najə̄ kə gír de gə̄ ń toō i beé: Rɔ̄kum, nin̄ ndigən̄ i dáȳ dɔɔ́, nin̄ gírə̄n̄ gō tóo njadə́ tə́ alé. Nin̄ rāān̄ yá̰á̰ kə́ nel kem Kɔ́ɔ̄ɓē alé, adə̄ ngɔlaā ní ni ter̄ kemdə́ dɔ yá̰á̰ kə́ gōtə́ aĺ yādə́ gə̄ tə́ ō. əndadə́ tām̄ majaĺ ń rāān̄ tə́ ní ō.

JEREMI 13:22

Ī-dəje rɔ̄í najə̄ ə́da na: I tām̄ rí tə́ á yá̰á̰ ń toō rāām̄ ní? I tām̄ yá̰á̰ kə́ gōtə́ aĺ ngá̰ý ń ī-rāā tə́ ní n de gə̄ sa̰ā̰n̄neé kūbə̄ kə́ ta gírí tə́ kə̄ dɔɔ́ ō, ɓīīn̄neé seí dɔ gúú tə́ ō ní.

IJAI 57:10

Ḭ̄ ī-ngatə́rā ngá̰ý, banī ngatə́rā yāí ní rāā adə̄ kɔr rāāī. Banī ḭ̄ ə́da najə̄ ń toō alé: I yá̰á̰ kə́ kanjə̄ kumən! Ḭ̄ ī-téĺ ə́ngé tɔ́gə gogə́ rang, loo ń noō tə́ kɔr ń rāāī ní ḭ̄ ī-tetən rɔ̄ɔ̄.

IJAI 2:6

Kɔ́ɔ̄ɓē, ḭ̄ ə́yá̰ gír deē yāí gə̄ ń i kojə yā Jakob ní kɔ̄ɔ́. I tām̄ yā yá̰á̰ ń toō tə́: Kɔdə̄ sāā gə̄ kə́ ḭḭn̄ gír ɓē tə́ taān̄ loo kem ɓē yān tə́. Kutə ngé ka̰a̰ yá̰á̰ kə́ dɔ rā̰ tə́ gə̄ i ngá̰ý tītə̄ yā ngé kə́ ɓē Pilistin gēé. Gír deē yāí gə̄ rāān̄ gātə̄ kə tə̄rā gēé.

2 YÁ̰A̰ GƏ̄ 28:22

Dan ń yá̰a̰ tɔȳń dɔ Akaj ngá̰ý gə̄gē ní, ni to dan rāā yá̰á̰ kə́ gōtə́ aĺ tə́ kə Kɔ́ɔ̄ɓē

NDŪ NAJƏ̄ 28:48

Kɔ́ɔ̄ɓē a əla kə madə̄ ba̰ā̰í gēé kadə̄ ī-rāā kəla yādə́ kə ɓōó ō, kə kəndā maná ō, kə rɔ̄í kə́ karīí ō, kə yá̰a̰ malang kə́ ndoōī ō. A ənī njúkə gində̄ míndí tə́ bátə́ kadə̄ ī-gətóoń.

Najə̄ kə́ Majə yā Jeju ń Luk ndang ní 16:24

Loo ń noō tə́ ní un ndūn kə̄ dɔɔ́ ngá̰ý, ədań na: Bɔbə́ḿ Abəraham, á̰a̰ kum tō ndoō yāḿ, ba ə́la Lajar kadə̄ əla ta ngōn̄ jīn kum man̄ tə́, reē sɔlə̄ń ta ndo̰ḿ, tɔdɔ̄ rɔ̄ḿ tōrə̄m̄ ngá̰ý kum hor ń toō tə́.

Najə̄ kə́ Majə yā Jeju ń Luk ndang ní 15:22

Banī bɔbə̄n əda ngé kəla yān gə̄ na: Ī-reēī kə kūbə̄ kə́ majə mān̄ madə̄ gēé láẃ, ə́laī rɔ̄n tə́ ō, ə́laī kulūm̄ ta ngōn̄ jīn tə́ ō, ī-tə́laī sākə̄rā njan tə́ ō.

OJEE 2:3

Ə́daī ngákó̰ó̰sí kə́ dəngam gə̄ na: Sḭḭ̄ i gír deē yāḿ gə̄ ō, ngákó̰ó̰sí kə́ dəyá̰ gə̄ na: Sḭḭ̄ i Kó tár gə̄ ō.

JEREMI 44:17

J-a jə-rāā yá̰a̰ malang ń j-ənī ndūjí yā rāā ní, adə̄ i róō *yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, i tə́te kasə nang tə́ kadə̄n ō, tītə̄ ń jḭḭ kɔ́ gə̄ ō, kaají gə̄ ō, mban̄g yājí gə̄ ō, de kə́ bo yājí gə̄ ō jə-rāań kem ɓē gə̄ kə́ *Juda tə́ ō, dɔ kə̄lá róbə gə̄ kə́ Jerusalem tə́ ō, j-əsań yá̰a̰ adə̄ ndān̄ kemjí ō, jə-ndi majə kanjə̄ kadə̄ yá̰á̰ kə́ to kum kaȳ aĺ rāājí ō.

JEREMI 2:31

Sḭḭ̄ de kə́ kōnīí laā gə̄, ə̄ndāī ma̰y najə̄ yā Kɔ́ɔ̄ɓē. Mā m̄-tél dəla loo tām̄ yā *Israel tə́ a? Aké ɓē yā loo kə́ ndɔ̄ɔ́ kə́ risə til nding a? I tām̄ rí tə́ á ngé kə́ dan gír deē yāḿ gə̄ tə́ ədan̄ na: Jḭḭ j-aw̄ loo nəkɔ́ ń jə-gḛy kaw̄ tū tə́ ní ō, Jḭḭ j-a jə-tél j-aw̄ rɔ̄í tə́ to̰ aĺ ō ní?

JEREMI 13:21

I rí n ā ə́da dan ń de gə̄ a reēn̄ rāāī yá̰á̰ kə́ to kum kaȳ aĺ tə́ ní. I īkɔ́ n ī-ndóōdə́ loo ko̰o̰ ɓē dɔí tə́ ní aĺ a? Rɔ̄kum, rɔ̄í a tōrī tītə̄ yā dəyá̰ ń a rāā kem ní.

JEREMI 22:20

Āl̄ dɔ mbal̄ Liban tə́ ba ə́ga kɔŕ. Ādə̄ ndūí ɓār̄ taā dɔ loo kə́ Basan tə́. Ə́ga kɔŕ ādə̄ ndūí ɓār̄ kə̄ loo gə̄ tə́, tɔdɔ̄ ngé sāāí gə̄ malang ní gír yādə́ gān̄g kɔ̄ɔ́.

NŌŌ RƆ̄ 1:2

Ni nōō ba tél nōō dan ndɔ̄ɔ́, man̄ nōō nɔ̄l̄ kumən malang. Dan ngé sāān gə̄ tə́ malang ní, nge kə́ asə sɔl̄ kemən gətóo. Dɔ madə̄ njə̄rān gə̄ malang ndigə̄nal dɔn tə́ kɔ̄ɔ́. Nin̄ télən̄ madə̄ ba̰ā̰n gə̄.

EJEKIEL 20:32

Sḭḭ̄ ə́daī na ī-ndigiī kəto tītə̄ gotə nápar de gə̄, tītə̄ de gə̄ kə́ ɓē kə́ rang gə̄ tə́. Ə́daī na ī-ndigiī rɔȳ kāgə̄ gə̄ kə mbal̄ gə̄. Banī yá̰á̰ ń ī-gírī ní a rāā yá̰a̰ alé.

OJEE 2:5

Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ *Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ . M-ā m̄-rāā kadə̄ kəndā man̄ tɔ̄lən.

MALASI 3:14

Ní, najə̄ ń ə́daī ní n toó: Rāā kəla kadə̄ Nə́ɓā, i yá̰á̰ kə́ kanjə̄ kumən. Yá̰a̰ gə̄ ń ni-əda kadə̄ yā rāā ní, jḭḭ jə-ngɔ̄m̄. Jḭḭ j-əndā yo ta kum Kɔ́ɔ̄ɓē kə́ bo kə́ tɔ́gən i ngá̰ý tə́, banī i yá̰á̰ kə́ kanjə̄ kumən!

2 YÁ̰A̰ GƏ̄ 28:23

Ni tun̄ yá̰a̰ adə̄ nə́ɓā gə̄ kə́ Damas ń tetənən̄ rɔ̄ɔ̄ ní ba əda na: Nə́ɓā gə̄ yā mban̄g Aram gə̄ dḭḭ̄n̄də́, adə̄ i nin̄ n m̄-tun̄ yá̰a̰ m-ādə̄də́ kadə̄ dḭḭ̄mə̄n̄neé ní.

JEREMI 22:21

M-ɔ̄r̄ najə̄ seí dan ń usiīneé dɔ yá̰a̰ tə́ aĺ ní. ba ī-tél ə́da na: m̄-gḛy koō ngōn̄ najə̄ sḛ́ý aĺ bátə́. I yá̰á̰ ń noō n ī-rāā kə ngōn̄ dūúí bátə́ ɓōólaā ní. Ḭ̄ ōō najə̄ yāḿ nja kógə̄ḿ alé.