JEREMI 2:21 - Bible sar

²¹ Mā m-ə̄ndāī, adə̄ ī-to tītə̄ *kāgə̄ nduú kə́ majə ngá̰ý, tītə̄ kāgə̄ kə́ majən to tayā. I ba̰ý á ī-tél kāgə̄ nduú kə́ deē ger̄ aĺ ō, kə́ kanə̄n gə̄ majən̄ aĺ ō ní.

Bibəl ta Sar̄

²¹ Mā m-ə̄ndāī, adə̄ ī-to tītə̄ kāgə̄ nduú kə́ majə ngá̰ý, tītə̄ kāgə̄ kə́ majən to tayā. I ba̰ý á ī-tél kāgə̄ nduú kə́ deē ger̄ aĺ ō, kə́ kanə̄n gə̄ majən̄ aĺ ō ní.

JEREMI 2:21 Referans Kwoze

IJAI 5:4

Yá̰a̰ malang kə́ tām̄ yā ndɔr̄ *kāgə̄ nduú tə́ ní m̄-rāā. Yá̰á̰ kə́ dɔ nge ń noō tə́ ɓáý kə́ kadə̄ m̄-rāā tām̄ yān tə́ gətóo. m̄-ndi m-ā m̄-ngóō i ta kan̄ nduú kə́ majə, banī ndɔr̄ *kāgə̄ nduú yāḿ teē i kə kan̄ nduú kə́ masə̄ n adə̄m̄ ní. Ní, i tām̄ yā rí tə́?

Teē Ngán Israel gə̄ 15:17

Kə́ ngɔr ń toō tə́ ní Kɔ́ɔ̄ɓē, ā āw̄ sedə́ i kə̄ dɔ mbal̄ yāí tə́ yā kaw̄ kəndādə́ tū tə́. I loo ń ə̄ndā dɔ danaá yā kadə̄ ī-ndi tū tə́, yā kadə̄ īkɔ́ ī-rāā *loo kə́ táĺ yāí tū tə́ ní.

JA̰A̰ 15:1

Mā i *kāgə̄ nduú kə́ rɔ̄kum, ba Bɔbə́ḿ i nge ndɔr̄ kāgə̄ nduú ní.

PĀ GƏ̄ 44:2

Nə́ɓā, yá̰á̰ kə́ to rī ɓār̄ gə̄ ń ī-rāā kété jóo ɓāl̄ yā kaají gə̄ tə́ ní, bɔbə̄jí gə̄ ənīn̄jí gotə, adə̄ j-oō kə mbījí.

PĀ GƏ̄ 80:8

Nə́ɓā kə́ bo kə́ tɔ́gən i ngá̰ý, ī-tél ī-reē sejí gogə́, á̰á̰jí kə kumií kə́ majaá, anī j-a j-ajə.

NDŪ NAJƏ̄ 4:37

Nəkɔ́ teē sesí kɔ̄ɔ́ dɔ nang kə́ Ejiptə tə́ kə ta kūl̄ tɔ́gən kə́ ngá̰ý tɔdɔ̄ ni tár kaasí gə̄ ō, gə̄rasí sḭḭ̄ ngán kaadə́ gə̄ ní.

Najə̄ kə́ Majə yā Jeju ń Luk ndang ní 20:9

Anī Jeju un kūjə́ najə̄ ń toō əda ngán Israel gə̄: Deē kógə̄ḿ əndā *kāgə̄ nduú gə̄ kem ndɔr̄ yān tə́, ba əndā ngé ndɔr̄ gə̄ ta tə́ kadə̄ a̰ā̰n̄ gō ō, adə̄nən̄ kanə̄n ō, ba aw̄ mbā kə́ gō ngāl̄ ngá̰ý.

MARK 12:1

Gō tə́ anī Jeju ɔr̄ najə̄ sedə́ kə kūjə́ najá əda na: Deē kógə̄ḿ əndā *kāgə̄ nduú gə̄ kem ndɔr̄ yān tə́ ba əndā ndogə̄ mbal̄ gīrəń gidə ō, ndēr̄ bəlo kadə̄ mbə́reń kan̄ kāgə̄ nduú ō, rāā kújə ngɔm̄ kə́ ngāl̄ ɓururu kum kə̄ dɔɔ́ ta ndɔr̄ ní tə́ ō, əndā ngé ndɔr̄ gə̄ ta tə́ kadə̄ a̰a̰n̄ gō ō, adə̄nən̄ kan̄ nduú ō, ba aw̄ mbā tə́.

NDŪ NAJƏ̄ 32:32

Kāgə̄ nduú yādə́ teē i dan kāgə̄ nduú gə̄ kə́ Sodom tə́, teē i kem ndɔr̄ gə̄ kə́ Gomor tə́. Kan̄ *kāgə̄ nduú yādə́ gə̄ i kan̄ gə̄ kə́ yá̰á̰ kə́ yā yḛl deē i tū tə́. Dɔ bəra nduú yādə́ gə̄ i dɔ bəra nduú kə́ katə̄ kárárá gə̄.

MATIYE 21:33

Ōōī kūjə́ najə̄ kə́ rang ɓáý to̰. Kɔ́ɔ̄ loo kógə̄ḿ ndɔr̄ *kāgə̄ nduú ba əndā ndogə̄ mbal̄ gīrəń gidə ō, ndēr̄ bəlo kə́ yā mbə́reń kan̄ kāgə̄ nduú kemeé ō, rāā kújə ngɔm̄ kə́ ngāl̄ ɓururu kum kə̄ dɔɔ́ kemeé ō, ba adə̄ ngé ndɔr̄ kāgə̄ nduú gə̄ kadə̄ a̰a̰n̄ gō ō, adə̄nən̄ kan̄ nduú ō, ba aw̄ mbā tə́.

IJAI 61:3

Nin̄ əhɔn̄ ndoō i najə̄ yā *Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə *kɔsə gɔn yā Kɔ́ɔ̄ɓē beé.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

IJAI 41:8

Banī ḭ̄ *Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.

IJAI 1:21

Ɓē kə́ ra dɔ ndūn tə́ ń toō rāā i ba̰ý n télń dəyá̰ kə́ nge rāā ájə́ba ní? Kété ní, de gə̄ ɓōlə́n̄ gidə yá̰á̰ kə́ súmūú kem ɓē kə́ Jerusalem tə́ ō, i de kə́ gōtə́ gə̄ n ndin̄ kem ɓēé ní ō. Ba ngɔlaā ń toō i ngé tɔ̄l̄ de gə̄ n taān̄ loo kem ɓēé ní.

JOJUE 24:31

Ngán Israel gə̄ rāān̄ kəla yā Kɔ́ɔ̄ɓē dan ń Jojue ndiń kə kumneé ní tə́. Nin̄ rāān̄ kəla yā Kɔ́ɔ̄ɓē gō yo Jojue tə́ dan ń *kum kɔɔ̄ yādə́ gə̄ ń a̰a̰n̄ kəla kə́ bo gə̄ ń Kɔ́ɔ̄ɓē rāā tām̄ yā ngán *Israel gə̄ tə́ ní ndinə̄ń kə kumdə́ ní ō.

NŌŌ RƆ̄ 4:1

I rí n rāā yá̰a̰! Lɔ́r ń i yá̰á̰ kə́ ndə́lē pir pir ō, i gində̄ kə́ majə páráńg ō ní, kumən oy a? I rí n rāā yá̰á̰ á mbal̄ kə́ *táĺ gə̄ ton̄ kógə̄ḿ kógə̄ḿ kə gō kadə̄ róbó ní?

TA KƏLA 32:28

Deē ní dəjen na ké rīn na i rí wa. Anī Jakob tél ədan na rīn na i Jakob.

TA KƏLA 18:19

m̄-gə̄rān i tām̄ kadə̄ əndā dɔ ngánən gə̄ tə́ ō, dɔ ngán kaan gə̄ tə́ ō, kadə̄ unən̄ róbə yāḿ, kadə̄ háĺdə́ i gōtə́ ō, súmūú ō, yā kadə̄ m̄-rāań yá̰á̰ ń m-ə̄nī míndə́ḿ yā rāā kadə̄n ní.

IJAI 27:2

Ndɔ̄ ngeé ń noō tə́ ní, ənī pā tām̄ yā *kāgə̄ nduú kə́ kasən nel̄ ngá̰ý tə́.

JEREMI 11:17

I Kɔ́ɔ̄ɓē kə́ bo kə́ tɔ́gən i ngá̰ý ń əndāī ní n, ɓāŕ yá̰á̰ kə́ yá̰á̰ kə́ to kum kaȳ aĺ kadə̄ reē dɔí tə́, najə̄ majaĺ ń de kə́ *Israel tə́ gə̄ ō, kə́ *Juda gə̄ ō rāān̄ tə́ ní. Nin̄ rāān̄ yá̰á̰ kə́ majaĺ seneé tɔdɔ̄ róōn̄ yá̰á̰ kə́ tun̄ gə̄ adə̄n̄ *Baal.

PĀ GƏ̄ 80:9

Kāgə̄ nduú ń ɔ̄rən Ejiptə tə́ ní, ḭ̄ ī-tə̄ɓā nápar de gə̄ kɔ̄ɔ́ ba ī-téĺ ə́hɔn rang.

JEREMI 5:10

Ālī dɔ ndogə̄ mbal̄ yān gə̄ tə́ ō, ī-nujiī loo ō, banī ī-nujiī loo sák sák kə taá malang alé. Ī-tɔ́rī ta jī *kāgə̄ nduú kə́ kemeé gə̄ kɔ̄ɔ́ na i yá̰a̰ yā Kɔ́ɔ̄ɓē alé.

JEREMI 11:16

Rī ń Kɔ́ɔ̄ɓē əndā dɔí tə́ ní n toó: *Kāgə̄ olibə kə́ to mbōl̄ ngándáńg ō, balsáá ngá̰ý kə ta kūl kanə̄n gə̄ kə́ majə páráńg ō. Kɔ́ɔ̄ɓē əla hor ādə̄ o̰o̰ mbīn gə̄ ō, de gə̄ tétə̄n̄ ta jīn gə̄ ō i dan ń kōō yá̰a̰ a ɓārəń kə ngangá ngá̰ý ní tə́.

EJEKIEL 15:2

Ḭ̄ ngōn̄ deē, *kāgə̄ nduú majə tɔȳ gotə kāgə̄ kə́ rang gə̄ a? Ta jīn gə̄ majən̄ tɔȳ ta jī kāgə̄ kə́ rang gə̄ kə́ kem ku loo tə́ a?