JEREMI 2:17 - Bible sar

¹⁷ Majə yá̰á̰ ń noō kə́ tām̄ yāí tə́ i rí, Ré ngá̰ý a i mbātə́ kə́ ī-mbātə́ Kɔ́ɔ̄ɓē Nə́ɓā yāí, Kum mbang ń ni i nge ndɔ́rī ta róbə́ ní tə́ aláa?

Bibəl ta Sar̄

¹⁷ Majə yá̰á̰ ń noō kə́ tām̄ yāí tə́ i rí, Ré ngá̰ý a i mbātə́ kə́ ī-mbātə́ Kɔ́ɔ̄ɓē Nə́ɓā yāí, Kum mbang ń ni i nge ndɔ́rī ta róbə́ ní tə́ aláa?

JEREMI 2:17 Referans Kwoze

JEREMI 4:18

I hálí ō, kəla rāāí gə̄ ō n reēn̄ kə yá̰a̰ gə̄ ń noō kə̄ dɔí tə́ ní I yá̰á̰ ń kem ndul yāí ojə adī ní n noó. I yá̰á̰ kə́ atə̄ rɔ̄kum ba aw̄ bátə́ ɔtə̄ ngarā̰ kemií tə́.

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

OJEE 13:9

Ngɔlaā ní, *Israel, ḭ̄ i kə́ nujiīn̄ sák sák kɔ̄ɔ́! Kété ní mə̄kɔ́ kə kérə́ḿ m-ásə dḭḭ̄.

PĀ GƏ̄ 107:7

Ni-rāā adə̄ unən̄ róbə́ kə́ aw̄ súmūú dɔ ɓē kə́ de gə̄ ndin̄ kemeé tə́.

PĀ GƏ̄ 77:20

Ḭ̄ ī-njar róbə yāí kum bā bo tə́, ī-rāā loo kə́ yā mānəń dan ɓūl̄ man̄ tə́ ō, de kə́ a̰a̰ gō tóo njaí gətóo ō.

IJAI 1:4

I yá̰á̰ kə́ to kum kaȳ aĺ kə́ ba̰ý beē! Sḭḭ̄ nápar de gə̄ kə́ najə̄ i dɔdə́ tə́ gə̄, gír de gə̄ kə́ najə̄ tɔ̄l̄ deē i ngá̰ý dɔdə́ tə́ gə̄! Sḭḭ̄ i gír de kə́ ngé ngān̄g róbə gə̄, ngáń kə́ nujə kɔ̄ɔ́ gə̄! Sḭḭ̄ ə́ya̰ī Kɔ́ɔ̄ɓē kɔ̄ɔ́, usəsí dɔ Nə́ɓā kə́ *táĺ yā Israel tə́ alé. Sḭḭ̄ ī-tūrī gidəsí tan tə́ kɔ̄ɔ́.

PĀ GƏ̄ 136:16

Ni-njə̄rā kə gír deē yān gēé kem dəla loo tə́, tɔdɔ̄ kem majə yān to ngándáńg.

Makətūbə̄ yā Job 4:8

Yá̰á̰ ń m-ə̄ndā ma̰ȳ m-á̰a̰ā̰ majə ní n toó: I ngé ndɔr̄ yá̰á̰ kə́ gōtə́ aĺ gə̄ ō, i ngé dubə̄ yá̰á̰ kə́ tōr̄ gə̄ ō n a əjan̄ yá̰á̰ kə́ gōtə́ aĺ gə̄ ō, yá̰á̰ kə́ tōr̄ gə̄ ō ní.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

NDŪ NAJƏ̄ 32:19

Dan ń Kɔ́ɔ̄ɓē a̰a̰ yá̰á̰ ń ngán *Israel gə̄ rāān̄ ní anī, ni kídə̄də́. Ngánən kə́ dəngam gə̄ ō, kə́ dəyá̰ gə̄ ō, rāān̄ yá̰a̰ adə̄ wōn̄g rāān sedə́ ngá̰ý.

NDŪ NAJƏ̄ 32:10

Kɔ́ɔ̄ɓē ənge gír deē yān gə̄ i kem dəla loo tə́, loo kə́ tal̄ gə̄ a nōn̄ tū tə́ tə́. Ni-a̰a̰ gōdə́ ō, ɔjədə́ yá̰a̰ ō, Ni-ngɔ̄m̄də́ tītə̄ loo ngɔ̄m̄ kumən beé ō.

TƏ́DA 32:23

Ba ré ī-rāāī tītə̄ ń noō aĺ anī ī-rāāī i yá̰á̰ kə́ majaĺ kə Kɔ́ɔ̄ɓē, ba majə kadə̄ ī-gerī majə na najə̄ a əsō dɔsí tə́.

JEREMI 5:25

I majaĺ yāsí gə̄ n rāān̄ adə̄ yá̰a̰ a̰a̰ gō naā aĺ ní ō, i yá̰á̰ kə́ gōtə́ aĺ yāsí gə̄ n utə̄n̄ ta róbə́ yá̰á̰ kə́ majə gə̄ ń noō ō ní.

JEREMI 13:22

Ī-dəje rɔ̄í najə̄ ə́da na: I tām̄ rí tə́ á yá̰á̰ ń toō rāām̄ ní? I tām̄ yá̰á̰ kə́ gōtə́ aĺ ngá̰ý ń ī-rāā tə́ ní n de gə̄ sa̰ā̰n̄neé kūbə̄ kə́ ta gírí tə́ kə̄ dɔɔ́ ō, ɓīīn̄neé seí dɔ gúú tə́ ō ní.

JEREMI 19:4

Tɔdɔ̄ əya̰mə̄n̄ kɔ̄ɔ́, nin̄ rāān̄ loo ń toō adə̄ tél to rim kɔ̄ɔ́. Róōn̄ *yá̰a̰ ndējə̄ gə̄ horoó tū tə́ adə̄n nə́ɓā kə́ rang gə̄ kə́ nin̄ kɔ́ gə̄ ō, kaadə́ gə̄ ō, mban̄g kə́ Juda tə́ gə̄ ō gerə̄n̄də́ alé. Ɓōkə́n̄ mósə ngán gə̄ kə́ najə̄ gətóo dɔdə́ tə́ gə̄ nang tə́ adə̄ taā loo ní.

JEREMI 44:3

Tɔdɔ̄ nin̄ rāān̄ yá̰á̰ kə́ majaĺ, róōn̄ *yá̰a̰ ndējə̄ gə̄ adə̄n̄ nə́ɓā kə́ rang gə̄ ń i ɓesə̄ gə̄ ní adə̄mə̄n̄neé wōn̄g. Ndɔ̄yə̄n̄ nə́ɓā gə̄ kə́ nin̄ gə̄gē sḭḭ̄ gə̄gē kaasí gə̄ gə̄gē ī-gerī gíŕdə́ alé.

EJEKIEL 39:24

m̄-tūr̄ gidəḿ kɔ̄ɔ́ tadə́ tə́ ō, yá̰á̰ ń m̄-rāā sedə́ ní sɔɔ̄ń i dɔ yá̰a̰ rāādə́ kə́ yḛr gə̄ ō, yá̰a̰ rāādə́ kə́ gōtə́ aĺ gə̄ ō.

2 YÁ̰A̰ GƏ̄ 15:2

teē tə́nī ta Asa ba ədan na: Mban̄g Asa ō, *Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō.

Makətūbə̄ yā Job 34:27

Tɔdɔ̄ nin̄ gḛyn̄ kun gōn to̰ alé, əya̰n̄ gō róbə yān gə̄ malang kɔ̄ɔ́.

Gōsə̄ najə̄ gə̄ 15:10

Deē ń əya̰ róbə́ kə́ súmūú kɔ̄ɔ́ ní, a əndanən̄ ngá̰ý. Deē ń gḛy kadə̄ deē ndángə̄n aĺ ní a oy.

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.

MISE 1:5

Yá̰a̰ ń noō rāā yá̰a̰ i tɔdɔ̄ gír deē yā Jakob gə̄ mānə̄n̄ dɔ *ndū najə̄. Tɔdɔ̄ ɓē ko̰o̰ kə́ *Israel tə́ ra dɔ ndūn tə́ alé. I náā n i nge kɔsə kə gír deē yā Jakob gə̄ ta mān̄ dɔ *ndū najə̄ ní? Má i ɓē kə́ Samari wa ḿ? I náā i nge nge kɔsə kə gír deē yā *Juda gə̄ ta rɔȳ nə́ɓā kə́ rɔ̄kum aĺ gə̄ ní? Má i ɓē kə́ Jerusalem wa ḿ?