JEREMI 2:13 - Bible sar

¹³ Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

Bibəl ta Sar̄

¹³ Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

JEREMI 2:13 Referans Kwoze

JA̰A̰ 4:14

Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

JA̰A̰ 7:37

Ndɔ̄ tɔ̄l̄ ta nāā yā kújə́ kámbə gə̄ i ndɔ̄ bo nāā. Ndɔ̄ ń noō tə́ ní, Jeju ra kə njan kə́ dɔɔ́, ba əga kɔŕ ngá̰ý na: Deē ń kəndā rāān anī, ādə̄ kɔ́ɔ̄ reē rɔ̄ḿ tə́ ō, a̰ȳ man̄ ō.

JEREMI 17:13

Kɔ́ɔ̄ɓē, ḭ̄ ń *Israel gə̄ əndān̄ kemdə́ dɔí tə́ ní, de gə̄ malang ń əya̰nī kɔ̄ɔ́ ní rɔ̄də́ sɔl̄də́ ngá̰ý. Ngé gə̄ ń ɔrə̄n̄ rɔ̄də́ rɔ̄ḿ tə́ kɔ̄ɔ́ ní tadə́ a tḭ̄ḭ̄, tɔdɔ̄ nin̄ əya̰n̄ Kɔ́ɔ̄ɓē ń i ngəra kajə ní kɔ̄ɔ́.

JEJU TEĒ KUM JA̰A̰ 21:6

Ba əda ɓáý to̰ na: I kə́ rāā kɔ̄ɔ́ ɓá. Mā i Alpa ō, Omega ō, ta kəla gír ō, ta tɔ̄l̄ ta ō. Deē ń kəndā man̄ rāān anī, m-ā m-ādə̄n man̄ kə́ teē ta kəɓan tə́ karī, kadə̄ ré a̰ȳ anī, ndi kə kumneé.

PĀ GƏ̄ 36:9

Nin̄ əsan̄ yá̰á̰ kə́ nel̄ gə̄ kə́ kem kújə yāí tə́ adə̄ ndān̄də́ ō, ādə̄də́ yá̰á̰ kə́ nel̄ yāí gə̄ kə́ ngá̰ý tītə̄ man̄ bā beé ní adə̄ a̰ȳn̄ ō.

JEJU TEĒ KUM JA̰A̰ 22:1

Gō tə́ anī, *de kə́ dɔ rā̰ tə́ ní ɔjəm̄ man̄ bā kógə̄ḿ kə́ deē a̰ȳ anī a ndi kə kumneé. Bā ní kumən unjə̄ yáŕ yáŕ tītə̄ bətēl̄ kəristal beé ō, teē i tū kōr̄ kāgə̄ mbang yā Nə́ɓā tə́ ō, yā Ngōn̄ Batə̄ tə́ ō.

IJAI 55:2

Yá̰a̰ kəsa kə́ ə́sa anī ul̄ rɔ̄í ní, úń nar ādə̄ gírí i tām̄ rí tə́? Yá̰á̰ kə́ ə́sa anī ndānī aĺ ní, ī-njə́ɓā rɔ̄í najə̄n tə́ i tām̄ rí tə́? Ōōī najə̄ yāḿ majə, anī ā ə́ngeī yá̰á̰ kə́ majə gə̄ yā kəsa, ā ī-nāāī yá̰á̰ kə́ nel̄ gə̄.

JEJU TEĒ KUM JA̰A̰ 22:17

Ndíl ō, dəyá̰ *nong ō ədan̄ na: Ī-reē! Deē ń oō ní, ādə̄ əda na: Ī-reē! Ba deē ń kəndā rāān anī, ādə̄ reē ō. Deē ń ndigə anī, man̄ ń a rāā kadə̄ deē ndi kə kumneé ní, ādə̄ kɔ́ɔ̄ taā karī ō.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

JEREMI 2:11

Napár de gə̄ kə́ mbélə̄n̄ gíŕ nə́ɓā gə̄ ndin̄ noó a? Tá nin̄ i nə́ɓā gə̄ aĺ gə̄gē ɓáý. Banī gír deē yāḿ gə̄ ní, nin̄ a̰a̰n̄ kɔsə gɔn yāḿ gerə̄n̄ majə, ɓá tā ba nin̄-mbélə̄n̄ gírə́ḿ kə nə́ɓā kə́ rang gə̄ kə́ asən̄ rāā yá̰a̰ tām̄ yādə́ tə́ alé.

2 PIYER 2:17

Ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō ton̄ i tītə̄ ta kəɓa man̄ kə́ man̄ gətóo tū tə́ beē ō, ton̄ i tītə̄ kil̄ man̄ gə̄ kə́ nél man̄ ɔr̄də́ kɔ̄ɔ́ beé ō. Nə́ɓā ngɔ̄m̄ loo kə́ risə til nding tām̄ yādə́ tə́.

JEREMI 2:17

Majə yá̰á̰ ń noō kə́ tām̄ yāí tə́ i rí, Ré ngá̰ý a i mbātə́ kə́ ī-mbātə́ Kɔ́ɔ̄ɓē Nə́ɓā yāí, Kum mbang ń ni i nge ndɔ́rī ta róbə́ ní tə́ aláa?

JEREMI 1:16

M-ā m̄-gān̄g sarya yāḿ dɔdə́ tə́ sɔɔ̄ń dɔ yá̰á̰ kə́ gōtə́ aĺ gə̄ ń rāān̄ ní: Nin̄ mbātə́mə̄n̄ kɔ̄ɔ́, nin̄ róōn̄ *yá̰a̰ ndējə̄ gə̄ adə̄n̄ nə́ɓā kə́ rang gə̄, nin̄-*ɔsən̄ nodə́ nang tə́ no yá̰á̰ kə́ nin̄ kɔ́ gə̄ rāān̄ kə jīdə́ tə́ rɔȳn̄neédə́.

KOHELET 2:26

A̰á̰ā̰, deē ń nelə̄n seneé ní ni-adə̄n kum kedə̄ ō yá̰a̰ ger̄ ō, rɔ̄nel̄ ō. Banī ni-adə̄ nge rāā majaĺ kəla k ɔsə nja yá̰a̰ kə̄ naā tə́ ō, kán̄ yá̰a̰ kə̄ dɔ naā tə́ ō, yā kadə̄ deē ń nel̄ Nə́ɓā seneé ní. Nge ń noō i yá̰á̰ kə́ kanjə̄ kumən ō, i ngɔ̄də̄ gō nél yā kəhɔn ō.

JEREMI 15:6

I ḭ̄ n ə́yam̄ kɔ̄ɔ́ ō, ī-tūr̄ gidií taḿ tə́ kɔ̄ɔ́ ō ní. M-ə́la jīḿ kə̄ dɔí tə́ kadə̄ m̄-nujə seí. Kɔr asəm̄ ta tə́gā taḿ tə́.

IJAI 63:8

Ni-ɔr̄ najə̄ yā de gə̄ yā *Israel, əda na: Nin̄ i gír deē yāḿ gə̄, i ngánə́ḿ gə̄, nin̄ a gól̄mə̄n̄ aĺ ō, kété ni i nge kajədə́.

IJAI 5:13

I tām̄ najə̄ ń toō tə́ ń Kɔ́ɔ̄ɓē əda najə̄ ń toō ní: A ɔyn̄ gír deē yāḿ gə̄ yā kaw̄ sedə́ dɔ ɓē kə́ rang tə́, tɔdɔ̄ nin̄ ndigən̄ ger̄ yá̰á̰ kógə̄ḿ alé. De kə́ bo gə̄ a oyn̄ yo ɓō ō, kósə de gə̄ a oyn̄ yo kəndā man̄ ō.

IJAI 1:3

Man̄g ger̄ kɔ́ɔ̄n ō, kərō ger̄ loo ń kɔ́ɔn a adə̄n yá̰a̰ kəsa tū tə́ ní ō. Banī *Israel ger̄ yá̰á̰ kógə̄ḿ alé, gír deē yāḿ gə̄ gerə̄n̄ najə̄ alé.

KOHELET 2:11

Banī m̄-tél m̄-tūr̄ rɔ̄ḿ kə̄ rɔ̄ kəla gə̄ malang ń m̄-rāādə́ kə jīḿ ní tə́ ō, kə̄ rɔ̄ kəla ń rāān tōr̄ rɔ̄ḿ ngá̰ý ní tə́ ō. M-á̰a̰ kadə̄ yá̰a̰ gə̄ ń noō malang i yá̰á̰ kə́ kanjə̄ kumən tītə̄ loo ngɔ̄də́ gō nél yā kəhɔn beé. Deē a ənge yá̰á̰ kógə̄ḿ gírí dɔ nang tə́ laā alé.

KOHELET 1:2

Kohelet ń i nge kɔjə ngé kán̄ naā gə̄ najə̄ ní, əda na: Yá̰a̰ malang kumən gətóo, yá̰a̰ malang kumən gətóo, yá̰a̰ malang i yá̰á̰ kə́ kumən gətóo.

1 SAMUEL 12:10

Loo ń noō tə́ kaasí gə̄ nōōn̄ kə̄ dɔ Kɔ́ɔ̄ɓē tə́ kadə̄ rāā sedə́ ɓáý to̰, ədanən̄ na: Kɔ́ɔ̄ɓē, jə-rāā yá̰a̰ majə alé. J-əya̰ī kɔ̄ɔ́ ba jə-rāā ɓesə̄ Baal gə̄ ō, ɓesə̄ Astarte gə̄ ō. Ba ngɔlaā ré ī-gān̄g dɔjí jī madə̄ ba̰ā̰jí gə̄ tə́ anī j-a jə-rāā kəla yāí.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, *ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

KOHELET 4:4

Mā m-á̰a̰ kadə̄ kəla malang ō, kəndā kə́ de gə̄ əndān̄ rɔ̄də́ ta kəla yādə́ tə́ rāān̄ adə̄ majə ō, i kəndā naā nii. I yá̰á̰ kə́ kanjə̄ kumən tītə̄ ngɔ̄də̄ gō nél yā kəhɔn beē.

JEREMI 2:26

Tītə̄ ń rɔ̄ nge ɓogə kə́ əhɔnən̄ dɔ ɓogə yá̰á̰ tə́ sɔlə̄n ní, de kə́ *Israel tə́ gə̄ rɔ̄də́ sɔl̄də́ i beé ō, nin̄ ō, mban̄g yādə́ gə̄ ō, de kə́ bo yādə́ gə̄ ō, *ngé tun̄ yá̰a̰ yādə́ gə̄ ō.

KOHELET 2:21

Tɔdɔ̄ á̰a̰ā̰, kadə̄ deē rāā kəla yān kə kum kedēé ō, kə ger̄ yá̰á̰ ō, kəla ní teē majə ō, ɓáa i de kə́ rang kə́ rāā kəla ní aĺ n nge rāā kəla ní a adə̄n kan̄ kəla yān ní ní, nge ń noō i yá̰á̰ kə́ kumən gətóo ō, i majaĺ kə́ bo ngá̰ý ō.

KOHELET 1:14

M-á̰a̰ kəla malang ń de gə̄ a rāān̄ dɔ nang tə́ laā ní. Banī kumən gətóo ō, i ngɔ̄də̄ gō nél yā kəhɔn ō.

NGÉ SARYA 10:13

Banī sḭḭ̄ ə́ya̰mī kɔ̄ɔ́ i yā rāań kəla kadə̄ ɓesə̄ gə̄. I tām̄ najə̄ ń noō tə́ n m-ā m-ájə́sí gogə́ to̰ aĺ ní.

MISE 6:3

Ni ədan na: Sḭḭ̄ gír deē yāḿ gə̄, m̄-rāā i rí sesí? Yá̰á̰ ń m̄-rāā sesí á kɔr rāańsí ní i rí? Ī-tūr̄mī najə̄ tə́!

MISE 2:8

Banī Kɔ́ɔ̄ɓē ədasí sḭḭ̄ na: Háĺ ń sḭḭ̄ ā ī-rāāī kə́ gír deē yāḿ gēé ní, i tītə̄ yā madə̄ ba̰ā̰ gə̄. Ngé gə̄ ń télən̄ ta rɔ̄ɔ̄ tə́ ō, njə̄rān̄ loo yādə́ kanjə̄ sōl̄ yá̰á̰ kógə̄ḿ ō ní, sḭḭ̄ ī-táāī kūbə̄ yādə́ gə̄ kə́ dɔ madə̄ gə̄ tə́.

JEREMI 18:14

Néjə kə́ Liban tə́ ḭḭ dɔ mbal̄ kə́ bembeé gə̄ tə́ nja kógə̄ḿ adə̄ á̰a̰ī a? Man̄ kə́ sɔl̄ lɔm ń i sa̰y ō, a nūgə́ ō ní deē a mbātə́ a?

JEREMI 5:26

Tɔdɔ̄ de kə́ najə̄ i dɔdə́ tə́ gə̄ i dan gír deē yāḿ gə̄ tə́, nin̄ umə̄n̄ loo tītə̄ ń nge kəyā gūmbə̄ əyāń gūmbə̄ ō əhɔń de gə̄ ō ní.

KOHELET 12:8

Kumən gətóo, nge kɔjə ngé kán̄ naā gə̄ najə̄ əda na: I yá̰á̰ kə́ kumən gətóo, yá̰a̰ malang ní kumən gətóo.

JA̰A̰ 4:10

Jeju tél ədan na: Nə́ngētə́ ī-ger̄ yá̰á̰ ń Nə́ɓā a adə̄ de gə̄ karī ní ō, deē ń gədeī man̄ kadə̄ n-a̰ȳ toó ō anī, i ḭ̄ n ā ī-gəden man̄ ní. Ba man̄ ń ni a adī ní i man̄ kə́ a rāā deē kadə̄ ndi kə kumneé .

JA̰A̰ 4:11

Dəyá̰ ní ədan na: Kɔ́ɔ̄ɓē, yá̰a̰ kuȳ man̄ yāí gətóo ō, bəlo man̄ i kə́ rúu ō ní, loo ń ā ḭ́ḭ kə man̄ kə́ a rāā deē kadə̄ ndi kə kumneé tū tə́ ní i rá?

NDŪ NAJƏ̄ 31:16

Kɔ́ɔ̄ɓē əda Moijə na: Ā óy yā kaw̄ gō kaaí gə̄ tə́, ba gír de gə̄ ń toō a ḭḭn̄ gotií tə́ yā rāā ɓesə̄ gə̄ ń i nə́ɓā yā tə̄rā gə̄ ń ndin̄ dɔ nang ń nin̄ a aw̄n̄ kə̄ tū tə́ ní. Nin̄ a əya̰mə̄n̄, adə̄ a gāngə̄n̄ *madə̄ naā ń m-ə́hɔ sedə́ ní kɔ̄ɔ́.

IJAI 12:3

Ā ɔ́diī man̄, ta kəɓa man̄ gə̄ yā kajə tə́, i kə rɔ̄nelēé.

JEREMI 14:3

Ngol gə̄ əlan̄ de kə́ yá̰a̰ aĺ gə̄ kɔdə maná. Nin̄ ugə̄n̄ ta bəlo man̄ tə́ anī, əngen̄ man̄ alé, adə̄ tél reēn̄ gogə́ kem yá̰a̰ karī. Gerə̄n̄ yá̰á̰ kə́ yā rāā aĺ ō, dɔ kumdə́ tə́la naā ō, urə̄n̄ wak ō.

JEREMI 19:4

Tɔdɔ̄ əya̰mə̄n̄ kɔ̄ɔ́, nin̄ rāān̄ loo ń toō adə̄ tél to rim kɔ̄ɔ́. Róōn̄ *yá̰a̰ ndējə̄ gə̄ horoó tū tə́ adə̄n nə́ɓā kə́ rang gə̄ kə́ nin̄ kɔ́ gə̄ ō, kaadə́ gə̄ ō, mban̄g kə́ Juda tə́ gə̄ ō gerə̄n̄də́ alé. Ɓōkə́n̄ mósə ngán gə̄ kə́ najə̄ gətóo dɔdə́ tə́ gə̄ nang tə́ adə̄ taā loo ní.

EJEKIEL 47:1

Ni-tél reē seḿ kum kə̄ ta róbə́ kə́ yā kudəń kem kújə yā Kɔ́ɔ̄ɓē tə́. Anī m-á̰a̰ man̄ a əɓa nang tə́ ta *kújə yā Kɔ́ɔ̄ɓē tə́ dām̄ kə́ gír ɓē tə́, tɔdɔ̄ ta *kújə yā Kɔ́ɔ̄ɓē ní ra i dām̄ kə́ gír ɓē tə́. Man̄ ní əɓa nang tə́ dām̄ kújə yā Kɔ́ɔ̄ɓē kə́ dām̄ mbɔ́r ɓē kə́ ko̰ó̰ tə́ ba mān̄ aw̄ dām̄ *loo tun̄ yá̰á̰ kə́ dām̄ mbɔ́r ɓē kə́ geleé tə́.

JAKARI 13:1

Kum mbang ngeé ń noō tə́ ní, man̄ kógə̄ḿ kə́ əɓa nang tə́, a nūgə́ yā tə́goń yá̰a̰ rāā kə́ gōtə́ aĺ gə̄ ō, yá̰á̰ kə́ yḛr gə̄ ō, yā de gə̄ kə́ kem kojə yā Dabid tə́ ō, yā de kə́ Jerusalem gə̄ ō.

2 MBAN̄G 22:17

De kə́ Jerusalem gə̄ əya̰mə̄n̄ kɔ̄ɔ́, nin̄-tunə̄n̄ yá̰a̰ adə̄n̄ nə́ɓā gə̄ ń i ɓesə̄ gə̄ ní. Yá̰a̰ malang ń nin̄ rāān̄ ní adə̄m̄ wōn̄g. Ba wōn̄g ń rāām̄ kə ɓē ń toō ní i wōn̄g kə́ ngá̰ý adə̄ a dəba alé.

IJAI 1:4

I yá̰á̰ kə́ to kum kaȳ aĺ kə́ ba̰ý beē! Sḭḭ̄ nápar de gə̄ kə́ najə̄ i dɔdə́ tə́ gə̄, gír de gə̄ kə́ najə̄ tɔ̄l̄ deē i ngá̰ý dɔdə́ tə́ gə̄! Sḭḭ̄ i gír de kə́ ngé ngān̄g róbə gə̄, ngáń kə́ nujə kɔ̄ɔ́ gə̄! Sḭḭ̄ ə́ya̰ī Kɔ́ɔ̄ɓē kɔ̄ɔ́, usəsí dɔ Nə́ɓā kə́ *táĺ yā Israel tə́ alé. Sḭḭ̄ ī-tūrī gidəsí tan tə́ kɔ̄ɔ́.

EJEKIEL 14:5

I tītə̄ ń noō n najə̄ yāḿ a əsōń kem ngán *Israel gə̄ ń əya̰mə̄n̄ kɔ̄ɔ́ ba aw̄n̄ sa̰y najə̄ yā nə́ɓā yādə́ kə́ rɔ̄kum aĺ gə̄ tə́ ní.