JEREMI 19:9 - Bible sar

⁹ M-ā m̄-rāā kadə̄ əsan̄ dā̰ ngáńdə́ kə́ dəngam gə̄ ō, kə́ dəyá̰ gə̄ ō. A əsan̄ dā̰ naā dɔ dáńdə́ tə́ dan wur kɔl tə́ ō, kə sōlōó ō, dan ń madə̄ ba̰ā̰də́ kə́ ngé ndə̄ngādə́ yo gə̄ a utə̄n̄də́ ní.

Bibəl ta Sar̄

⁹ M-ā m̄-rāā kadə̄ əsan̄ dā̰ ngáńdə́ kə́ dəngam gə̄ ō, kə́ dəyá̰ gə̄ ō. A əsan̄ dā̰ naā dɔ dáńdə́ tə́ dan wur kɔl tə́ ō, kə sōlōó ō, dan ń madə̄ ba̰ā̰də́ kə́ ngé ndə̄ngādə́ yo gə̄ a utə̄n̄də́ ní.

JEREMI 19:9 Referans Kwoze

IJAI 9:20

Gír ɓē yā Manase ənī gír ɓē yā *Epəraim rɔ̄ɔ̄ ō, gír ɓē yā Epəraim ənī gír ɓē yā Manase rɔ̄ɔ̄ ō, nin̄ jōó mbak rɔ̄ɔ̄n̄ gír ɓē yā yā *Juda ō. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

NŌŌ RƆ̄ 4:10

Dəyá̰ gə̄ ń i de gə̄ kə́ kadə̄ kumdə́ o̰o̰də́ ngá̰ý ní ndīrə̄n̄ ngán kemdə́ gə̄ kə jīdə́. Ngáńdə́ gə̄ télən̄ i yá̰a̰ kəsa yādə́, tɔdɔ̄ ngōmandə ń rāā rɔ̄n i gír deē yāḿ gə̄ tə́ ní, əsō tétə̄ rárák kɔ̄ɔ́.

LEBI GƏ̄ 26:29

Ā ə́saī ngán kemsí gə̄.

EJEKIEL 5:10

Kó̰ó̰ ngán gə̄ kə bɔbə̄ ngán gə̄ a əsan̄ ngáńdə́ gə̄ kem ɓēé ō, ngán gə̄ a əsan̄ ngé kojədə́ ō. M-ā m-ún sarya gāngə̄ḿ yā rāań yá̰a̰ sesí ō, gotə de gə̄ ń teēn̄ ta yo tə́ ní m-ā m̄-tə̄ndā yā tḭ̄ḭ̄də́ kə̄ loo gə̄ tə́ ō.

NŌŌ RƆ̄ 2:20

Á̰a̰ā̰, Kɔ́ɔ̄ɓē, á̰a̰ā̰ majə ké i náā n ī-rāān beé toō wa. Ní, kə dəyá̰ gə̄ kə əsan̄ ngán kemdə́ gə̄ ń i ngáń kə́ majə asə naā beé gə̄ ní a? Ní, kə de gə̄ kə tɔ̄lə̄n̄ *ngé tun̄ yá̰a̰ gə̄ ō, *ngé koō ta gə̄ ō, kem *loo kə́ táĺ yā Kɔ́ɔ̄ɓē tə́ kɔ̄ɔ́ a?

JEREMI 13:14

M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

2 MBAN̄G 25:3

Ɓō i ngá̰ý kem ɓēé. De gə̄ əngen̄ yá̰á̰ kə́ yā kəsa to̰ alé. Kə ndɔ̄ nāā kə́ nge ko̰ ndōhó yā nāā kə́ nge ko̰ sɔ́ anī,

JEREMI 38:9

Ni ədan na: Kɔ́ɔ̄ḿ mban̄g, i yá̰á̰ kə́ majaĺ ngá̰ý n de gə̄ ń toō rāān̄ kə Jeremi *nge koō taá ní. Nin̄ ənīnən̄ kem bəlo ta man̄ ndī tə́. Ɓō a tɔ̄lən kemeé, tɔdɔ̄ mápa gətóo kem ɓē.