JEREMI 19:3 - Bible sar

³ Ā ə́da na: Mban̄g kə́ *Juda tə́ gə̄ ō, sḭḭ̄ de gə̄ ń ī-ndiī Jerusalem tə́ ní ō, ōōī najə̄ yā Kɔ́ɔ̄ɓē. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel əda ní n toó: M-ā m̄-rāā kadə̄ yá̰á̰ kə́ to kum kaȳ aĺ əsō dɔ loo ń toō tə́. Adə̄ deē nəkɔ́ ń oō najə̄n anī a jənga.

Bibəl ta Sar̄

³ Ā ə́da na: Mban̄g kə́ Juda tə́ gə̄ ō, sḭḭ̄ de gə̄ ń ī-ndiī Jerusalem tə́ ní ō, ōōī najə̄ yā Kɔ́ɔ̄ɓē. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: M-ā m̄-rāā kadə̄ yá̰á̰ kə́ to kum kaȳ aĺ əsō dɔ loo ń toō tə́. Adə̄ deē nəkɔ́ ń oō najə̄n anī a jənga.

JEREMI 19:3 Referans Kwoze

1 SAMUEL 3:11

Kɔ́ɔ̄ɓē əda Samuel na: M-ā m̄-rāā yá̰á̰ kógə̄ḿ dan *Israel gə̄ tə́ kə́ kadə̄ náā nəkɔ́ ń a oō anī ndílən a a̰ȳ.

JEREMI 17:20

Ā ə́dádə́ na: Mban̄g kə́ *Juda tə́ gə̄ ō, de kə́ kem ɓē kə́ Jerusalem tə́ gə̄ ō, sḭḭ̄ malang ń ī-mānī kə ta róbə gə̄ ń toō ō ní, ōōī najə̄ yā Kɔ́ɔ̄ɓē.

JEREMI 6:19

Dɔ nang, ī-nēl̄ mbīí ōoń. Mā, m-ā m̄-rāā kadə̄ yá̰á̰ kə́ to kum kaȳ aĺ əsō dɔ gír de gə̄ ń toō tə́, i yá̰á̰ kə́ teē tū kəla rāādə́ gə̄ tə́. Nin̄ nēlə̄n̄ mbīdə́ oōnneé najə̄ kɔrə̄ḿ alé, kídə̄n̄ *ndū najə̄ yāḿ gə̄.

IJAI 28:19

Ni a mān̄ dəloí kə ndɔ̄ gə̄ malang, a mān̄ kadaá ō ndɔ̄ɔ́ ō. Kə dɔ mānən gə̄ malang ń noō ní, ni a ɔysí yā kaw̄ sesí. Dan ń de gə̄ a gerə̄n̄ kum najə̄ yān anī, ɓōĺ a tɔ̄l̄də́ kɔ̄ɔ́.

JEJU TEĒ KUM JA̰A̰ 2:29

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

MATIYE 10:18

A aw̄n̄ sesí rɔ̄ ngé ko̰o̰ ɓē gə̄ tə́ ō, rɔ̄ mban̄g gə̄ tə́ ō, najə̄ yāḿ mā tə́, kadə̄ ā ɔ̄rī najə̄ kə́ kum tə́ ādīdə́ ō, ādī nápar de kə́ rang gə̄ ō.

JEREMI 13:18

Ə́da mban̄g ō, kó̰o̰ mban̄g ō na: Ī-ndiī dɔ dā̰ nang tə́! Jākā mbang kə́ dɔsí tə́ ń majə ngá̰ý ní teē əsō kɔ̄ɔ́.

PĀ GƏ̄ 110:5

Kɔ́ɔ̄ɓē i dɔ jī ko̰í tə́: Ni rējə̄ mban̄g gə̄ ndɔ̄ ń wōn̄g rāānneé tə́ ní.

PĀ GƏ̄ 102:15

O̰o̰ ngé kəla yāí gə̄ tɔdɔ̄ mbal̄ kəndā kújə́ kə́ tū tə́ gə̄ ngá̰ý, bū loo kə́ ndəbā ɓē kə́ *Siyo̰ tə́ gə̄gē kumdə́ o̰o̰də́ tɔdɔ̄ ngá̰ý.

PĀ GƏ̄ 2:10

Ɓá anī sḭḭ̄ mban̄g gə̄, ɔ́jiī kadə̄ sḭḭ̄ i de kə́ ger̄ kum najə̄ gə̄! Ngé gān̄g sarya kə́ dɔ nang tə́ gə̄, ādə̄ ɔjə̄n̄sí!

JEREMI 19:15

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ ní əsōn̄ dɔ Jerusalem tə́ ō, dɔ ɓē gə̄ malang ń ni-o̰o̰ ɓē dɔ tə́ ní ō, tɔdɔ̄ nin̄ rāān̄ dɔ ngan̄g ō, mbātə́n̄ koō najə̄ yāḿ gə̄ ō.

JEREMI 35:17

I tām̄ən ń toō tə́ n Kɔ́ɔ̄ɓē kə́ tɔ́gən i ngá̰ý, Nə́ɓā yā *Israel ɔr̄ najə̄ i tītə̄ ń toō beé ní: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ sɔɔ̄ dɔ *Juda ō sɔ̄ɔ̄ dɔ de gə̄ malang ń ndin̄ Jerusalem tə́ ō ní rāā yá̰a̰, tɔdɔ̄ m-ɔ̄r̄ najə̄ sedə́ ba oōn̄ aĺ ō, m̄-ɓāŕdə́ ba ndigən̄ ɓār̄ taḿ tə́ aĺ ō.

JEREMI 18:11

Ngɔlaā ní ɔ̄r̄ najə̄ kə de kə́ *Juda tə́ gə̄ ō, kə de gə̄ ń ndin̄ Jerusalem tə́ ní ō, ə́dádə́ na: Najə̄ ń Kɔ́ɔ̄ɓē əda ní n toó: Á̰a̰ī, m̄-nóm̄ yá̰á̰ kə́ to kum kaȳ aĺ yā rāā sesí. m̄-gír̄ rāā yá̰á̰ kógə̄ḿ sesí. Ī-tūrī hálsí kógə̄ḿ kógə̄ḿ ba ə́ya̰ī yá̰a̰ kə́ majaĺ gə̄ kɔ̄ɔ́. Rɔ̄kum, ī-rāāī ādə̄ pā njə̄rāsí majə ō, kəla rāāsí majə ō.

JEREMI 25:29

M-ā m-ə́la kə yá̰á̰ kə́ to kum kaȳ aĺ dɔ de gə̄ tə́. M-ə́la gír i dɔ ɓē ń rīḿ ɓār̄ dɔ tə́ ní sḭḭ̄ a ī-teēī kum tə́ karī a? Njaḿ gē ā ī-teēī kum tə́ alé. Tɔdɔ̄ m-ā m̄-rāā kadə̄ de kə́ dɔ nang tə́ gə̄ malang oyn̄ yo kaskar. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

JEREMI 44:3

Tɔdɔ̄ nin̄ rāān̄ yá̰á̰ kə́ majaĺ, róōn̄ *yá̰a̰ ndējə̄ gə̄ adə̄n̄ nə́ɓā kə́ rang gə̄ ń i ɓesə̄ gə̄ ní adə̄mə̄n̄neé wōn̄g. Ndɔ̄yə̄n̄ nə́ɓā gə̄ kə́ nin̄ gə̄gē sḭḭ̄ gə̄gē kaasí gə̄ gə̄gē ī-gerī gíŕdə́ alé.

EJEKIEL 7:5

Yá̰á̰ ń mā Kɔ́ɔ̄ɓē Nə́ɓā m-ə́dá ní ń toō: Á̰a̰ī, yá̰á̰ kə́ to kum kaȳ aĺ a reē noó, i yá̰á̰ kə́ to kum kaȳ aĺ kə́ deē a̰a̰ jóo aĺ ɓáý!