JEREMI 19:2 - Bible sar

² Gō tə́ anī, ī-teē kum kə̄ wól loo kə́ Ben Hinom ń i ta róbə yā jóo man̄ kə́ tɔ̄ɔ̄ gə̄ tə́ ní kadə̄ ə̄nī mbēr̄ najə̄ gə̄ ń m-ā m-ə́daī ní loo ń noō tə́.

Bibəl ta Sar̄

² Gō tə́ anī, ī-teē kum kə̄ wól loo kə́ Ben Hinom ń i ta róbə yā jóo man̄ kə́ tɔ̄ɔ̄ gə̄ tə́ ní kadə̄ ə̄nī mbēr̄ najə̄ gə̄ ń m-ā m-ə́daī ní loo ń noō tə́.

JEREMI 19:2 Referans Kwoze

JOJUE 15:8

Tél un gō wól loo kə́ Ben Hinom kə gō kadə mbal̄ yā Yebus gə̄ kə́ dām̄ mbɔ́r ɓē kə́ geleé tə́ ń ɓē kə́ *Jerusalem i tū tə́ ní, gō tə́ anī teē dɔ mbal̄ ń deē ra wól loo kə́ Hinom tə́ anī i kə̄ dām̄ kə́ no ɓē tə́ ō, deē ra wól loo yā Repay gə̄ tə́ anī, i ta ngóy wól loo yā Repay gə̄ tə́ kə̄ dām̄ mbɔ́r ɓē kə́ ko̰ó̰ tə́ ō ní.

2 MBAN̄G 23:10

Mban̄g rāā adə̄ majaĺ tákə̄ loo kə́ Topet ń ra kum wól loo kə́ Ben Hinom tə́ ní adə̄ de gə̄ róō ngáńdə́ kə́ dəngam gə̄ ō kə́ dəyá̰ gə̄ ō, horoó kadə̄ ɓesə̄ Molok ɓáý to̰ alé.

JEREMI 32:35

Rāān̄ loo kə́ ḭḭ kə̄ dɔɔ́ gə̄ tām̄ yā ɓesə̄ *Baal tə́ wól loo kə́ Ben Hinom tə́, yā tɔ̄lə̄ń ngáńdə́ kə́ dəngam gə̄, kə kə́ dəyá̰ gə̄ dɔ tə́ yā kadə̄ ɓesə̄ Molok. I yá̰á̰ kə́ m-ə́dádə́ kadə̄ rāān̄ aĺ ō, i majaĺ kə́ to ɓōĺ ngá̰ý kə́ m̄-gír̄ mēr̄ ngán *Juda gə̄ rāā kadə̄ nin̄ ndɔmə̄n̄neé ta róbə aĺ ō.

2 YÁ̰A̰ GƏ̄ 33:6

Ni-aw̄ bátə́ tɔ̄l̄ ngánən kə́ dəngam gə̄ ba tun̄də́ wól loo kə́ Ben Hinom tə́. Ni-rāā mbōlí kə́ tayā tayā gə̄ ō, rāā kəga kə́ tayā tayā gə̄ ō, aw̄ ndḛḛ̄ sāá ɓē kɔdə̄ sāā gə̄ tə́ ō. Ni-rāā yá̰á̰ kə́ nel̄ Kɔ́ɔ̄ɓē aĺ gə̄ ngá̰ý adə̄ wōn̄g rāā Kɔ́ɔ̄ɓē seneé.

2 YÁ̰A̰ GƏ̄ 28:3

Ni-rāā yá̰á̰ kə́ yḛr kum gə̄ yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ ba əya̰ń loo adə̄ ngán Israel gə̄ ní: Róō kajaja wól loo kə́ Ben Hinom tə́ ō, róō ngánən kə́ dəngam gə̄ horoó ō.

KƏLA RĀĀ 20:27

Tɔdɔ̄ m-ɔ́jə́sí yá̰a̰ malang ń Nə́ɓā əndā dɔ danaá kété kɔ̄ɔ́ ní kanjə̄ mundə̄sí yá̰á̰ kógə̄ḿ.

KƏLA RĀĀ 5:20

Āw̄ ī-raī kem *kújə yā Kɔ́ɔ̄ɓē tə́ ba ɔjiī ngán *Israel gə̄ najə̄ malang kə́ dɔ ndi kə kumuú ń toō tə́.

MATIYE 10:27

Najə̄ ń m-ə́dásí kum til tə́ ní, ə́daī loo kə́ kadaá tə́ ō, najə̄ ń kɔdə̄n̄ ta mbīsí tə́ ní, ə̄nīī kə́ mbēr̄ tə́ dɔ kújə tə́ dɔɔ́ ō.

JONAS 3:2

Ḭ́ḭ dɔɔ́ āw̄ ɓē bo kə́ Ninibə tə́. Ə́dan najə̄ ń m-ə̄ndā taí tə́ ní.

JEREMI 26:2

Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-ra ndágə loo kə́ gīr̄ gidə *kújə yā Kɔ́ɔ̄ɓē tə́, ba ə́da najə̄ gə̄ malang ń m-ə́daī dɔ de gə̄ ń ndin̄ kem ɓē gə̄ kə́ Juda tə́ á ɔsən̄ nodə́ nang tə́ kem kújə yā Kɔ́ɔ̄ɓē tə́ ní, kanjə̄ kɔr̄ kumən kógə̄ḿ kə̄ gogə́.

JEREMI 11:6

Kɔ́ɔ̄ɓē ədam̄ na: Āw̄ ə̄nī mbēr̄ najə̄ gə̄ ń toō malang kem ɓē gə̄ kə́ *Juda tə́ ō, dɔ kə̄lá róbə gə̄ kə́ Jerusalem tə́ ō. Ōōī najə̄ kə́ dɔ *madə̄ naā ń toō tə́ ō, ī-rāāī yá̰á̰ ń najə̄ ngeé ń toō mēr̄sí rāā ní ō.

JEREMI 7:2

Ī-ra ta *kújə yā Kɔ́ɔ̄ɓē tə́, ə̄nī mbēr̄ najə̄ ń toō ə́da na: Sḭḭ̄ de kə́ *Juda tə́ gə̄ malang ń údiī kə ta róbə gə̄ ń toō yā *kɔsə nosí nang tə́ rɔȳń Kɔ́ɔ̄ɓē ní, ōōī najə̄ yā Kɔ́ɔ̄ɓē.

JEREMI 3:12

Āw̄, ə̄nī mbēr̄ ń toō dām̄ mbɔ́r ɓē kə́ ko̰ó̰ tə́ ə́da na: *Israel kə́ nge túy taā kem yān, ī-tél ī-reē tā. Najə̄ ń Kɔ́ɔ̄ɓē əda ní n noó. Ndíĺsí a a̰ȳ ta kumḿ tə́ to̰ alé. Rɔ̄kum, mā i de kə́ sew. M-ā m̄-rāā wōn̄g sesí kə́ njɔ́ḿ gə̄ tə́ alé. Najə̄ ń Kɔ́ɔ̄ɓē əda ní n noó.

JEREMI 1:7

Kɔ́ɔ̄ɓē ədam̄ na: Ī-lōō kəda na: Mā i ngōn̄ ngá̰ý ɓáý. Loo malang ń m-ə́laī tū tə́ ní, āw̄ tū tə́, yá̰a̰ malang ń m-ādī ndūḿ kadə̄ ə́dá ní, ā ə́dá yá̰á̰ ní.

NEHEMI 3:29

Deē ń rāā kəla kadə *ngé tun̄ yá̰a̰ gə̄ tə́ ní i Sadok kə́ ngōn̄ Imer. Ni-ra i loo kə́ sɔɔ̄n̄ ta naā kə kújə yānneé tə́ n rāań kəla ní. Deē ń rāā kəla kadən tə́ ní i Semaya kə́ ngōn̄ Sekania. I ni n i nge ngɔ̄m̄ ta róbə́ kə́ dām̄ kə́ gír ɓē tə́ ní.

JEREMI 18:2

Ḭ́ḭ dɔɔ́ āw̄ ɓē kɔdə̄ jóo. M-ā m-ɔ̄r̄ najə̄ yāḿ seí i ɓēé looneé.