JEREMI 19:13 - Bible sar

¹³ Kújə́ kə́ Jerusalem tə́ gə̄ ō, *Juda tə́ gə̄ ō, a télən̄ yá̰á̰ kə́ yḛr tītə̄ loo kə́ Topet tə́. Rɔ̄kum, kújə gə̄ ń noō malang ń de gə̄ róōn̄ *yá̰a̰ ndējə̄ gə̄ ndágə loo gə̄ kə́ dɔ tə́ tə́ adə̄n̄ tə́yō̰ gə̄ ō, tə́ten̄ kasə nang tə́ tū tə́ adə̄n̄ nə́ɓā kə́ rang gə̄ ō ní, a télən̄ yá̰á̰ kə́ yḛr.

Bibəl ta Sar̄

¹³ Kújə́ kə́ Jerusalem tə́ gə̄ ō, Juda tə́ gə̄ ō, a télən̄ yá̰á̰ kə́ yḛr tītə̄ loo kə́ Topet tə́. Rɔ̄kum, kújə gə̄ ń noō malang ń de gə̄ róōn̄ yá̰a̰ ndējə̄ gə̄ ndágə loo gə̄ kə́ dɔ tə́ tə́ adə̄n̄ tə́yō̰ gə̄ ō, tə́ten̄ kasə nang tə́ tū tə́ adə̄n̄ nə́ɓā kə́ rang gə̄ ō ní, a télən̄ yá̰á̰ kə́ yḛr.

JEREMI 19:13 Referans Kwoze

JEREMI 32:29

Kalde gə̄ ń ənīn̄ ɓē ń toō rɔ̄ɔ̄ ní a udən̄ kemeé. A əlan̄ hor dɔ tə́ yā róōnəń naā tə́ kə kújə gə̄ ń de gə̄ róōn̄ *yá̰a̰ ndējə̄ gə̄ kə́ tām̄ yā *Baal tə́ ō, tə́ten̄ kasə adə̄n̄ nə́ɓā kə́ rang gə̄ ō, dɔ tə́ dɔɔ́ adə̄ wōn̄g rāām̄ ní. Kɔ́ɔ̄ɓē ɔr̄ najə̄ i tītə̄ ń noō.

2 MBAN̄G 23:12

Ni tɔ̄ɔ̄ *loo tun̄ yá̰a̰ gə̄ ń mban̄g kə́ *Juda gə̄ rāān̄ dɔ kújə́ kə́ dɔɔ́ yā Akaj tə́ ní kɔ̄ɔ́ ō, tɔ̄ɔ̄ *loo tun̄ yá̰a̰ gə̄ ń Manase rāādə́ ndágə loo kə́ gīr̄ gidə kújə yā Kɔ́ɔ̄ɓē kə́ jōó gə̄ kə́ ta *kújə yā Kɔ́ɔ̄ɓē tə́ ní kɔ̄ɔ́ ō. Ni ɔydə́ loo ní tə́ kɔ̄ɔ́ ba ɓōkə́ būdə́ kum wól loo kə́ Sedəron tə́.

SOPONI 1:5

Ngé kal̄ dɔ kújə́ dúŕ dur gə̄ tə́ yā ndɔ̄yń tə́yō̰ gə̄ ní, m-ā m̄-rāādə́ kadə̄ nin̄ a gətóon̄ kɔ̄ɔ́. Ngé gə̄ ń a rɔȳmə̄n̄ ō, a túbən̄ kə nə́ɓā Milkom ō ní, m-ā m̄-rāādə́ kadə̄ nin̄ a gətóon̄ kɔ̄ɔ́.

JEREMI 7:18

Ngán gə̄ ɔyn̄ kīr̄ ō, bɔbə̄də́ gə̄ unjə̄n̄ hor ō, dəyá̰ gə̄ ló̰ȳn̄ ndujə̄ ō yā rāań mápá kə́ kə yibīí yā kadə̄ Mban̄g kə́ dəyá̰ kə́ dɔ rā̰ tə́. Sḭḭ̄ ī-téteī kasə nang tə́ ādī nə́ɓā kə́ rang gə̄ ādə̄mīneé wōn̄g.

NDŪ NAJƏ̄ 4:19

Ī-lōōī kənī kumsí kə̄ dɔɔ́ ka̰a̰ń mbang ō, nāā ō, tə́yō̰ gə̄ ō, ɓūtə̄ yá̰a̰ gə̄ kə́ dɔ rā̰ tə́ malang ō, ba kəya̰ rɔ̄sí kadə̄ gólə̄n̄sí kadə̄ *ɔ́siī nosí nang tə́ nodə́ tə́ ō, ī-rāāī kəla ādīdə́ ō. Tɔdɔ̄ háĺ yá̰a̰ rāā kə́ tītə̄ ń noō ní, Kɔ́ɔ̄ɓē Nə́ɓā yāsí adə̄ i gír de kə́ rang gə̄ malang ń ndin̄ dɔ nang tə́ ní.

JEREMI 44:18

Ba jóo nəkɔ́ ń toō ń jə-lōō gír róō yá̰a̰ ndejə̄ gə̄ tə́ yā kadə̄ Mban̄g kə́ dəyá̰ kə́ dɔ rā̰ tə́ ō, jə-lōō gíŕ tə́te kasə tə́ nang tə́ kadə̄n ō, jə-nal̄ yá̰a̰ malang ō, j-oy yo kaskar ō, yo ɓō ō.

PĀ GƏ̄ 79:1

Pā yā Asap. Nə́ɓā, nápar de gə̄ taān̄ loo dɔ nang yāí tə́. Nin̄ rāān̄ adə̄ kújə́ kə́ *táĺ yāí téĺ kújə́ kə́ yḛr ō, nin̄ nujən̄ ɓē kə́ Jerusalem sák sák kɔ̄ɔ́ ō.

PĀ GƏ̄ 74:7

Nin̄ əlan̄ hor dɔ *loo kə́ táĺ yāí tə́ tétə̄n̄ kújə ndií nang tə́ kɔ̄ɔ́ ō, rāān̄ adə̄ tél loo kə́ yḛr ō.

2 MBAN̄G 23:10

Mban̄g rāā adə̄ majaĺ tákə̄ loo kə́ Topet ń ra kum wól loo kə́ Ben Hinom tə́ ní adə̄ de gə̄ róō ngáńdə́ kə́ dəngam gə̄ ō kə́ dəyá̰ gə̄ ō, horoó kadə̄ ɓesə̄ Molok ɓáý to̰ alé.

KƏLA RĀĀ 7:42

Banī Nə́ɓā tūr̄ gidən tadə́ tə́ kɔ̄ɔ́, ba əya̰də́ adə̄ ndɔ̄ȳn̄ tə́yō̰ gə̄ kə́ dɔ rā̰ tə́, tītə̄ ń ndangən̄neé kem makətūbə̄ yā *ngé koō ta gə̄ tə́ ní. Ndangən̄ na: Sḭḭ̄ ngán *Israel gə̄, dan ń ī-ndiīneé kem dəla loo tə́ ɓāl̄ kutə sɔ́ ní, ī-tɔ̄lī dā̰ gə̄ ī-ndējə̄mī ō, ādə̄mī yá̰á̰ kə́ ndējə̄ gə̄ ō a?

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ *yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə *nduú gə̄ ō loo gə̄ ní tə́ adə̄mə̄n̄neé wōn̄g.

JEREMI 52:13

Ni-əla hor dɔ *kújə yā Kɔ́ɔ̄ɓē tə́ ō, kújə yā mban̄g tə́ ō, dɔ kújə gə̄ malang kə́ kem ɓē kə́ Jerusalem tə́ tə́ ō. Mandang ní, ni tə́la hor i dɔ kújə yā de kə́ bo gə̄ tə́.

2 MBAN̄G 23:14

Ni tɔ̄ɔ̄ mbal̄ kə́ kudə dɔɔ́ gə̄ kɔ̄ɔ́ ō, tə́gā kāgə̄ ɓesə̄ kə́ yā ɓōĺ gidə gə̄ kɔ̄ɔ́ ō, ba kán̄ kə̄ngā de gə̄ gotoó.

KƏLA RĀĀ 10:9

Teē kə ndɔ̄ kə́ noō dan ń nin̄ i róbó ɓáý á əndān̄ dɔ ɓē kə́ Jope ngɔr ní anī, Piyer al̄ dɔ kújə́ dúŕ duruú dɔɔ́ dan kadə ndaá yā ndɔ̄ȳ Nə́ɓā.

2 MBAN̄G 17:16

Nin̄ mbātə̄ń rāā gō míndə gə̄ ń Kɔ́ɔ̄ɓē Nə́ɓā yādə́ əndā dɔdə́ tə́ kadə̄ rāān̄ ní malang, ba rāān̄ duĺ man̄g gə̄ jōó kə gində̄ kə́ nō horó tām̄ yādə́ tə́. Nin̄ udən̄ ɓesə̄ *Asera ō, ɔsən̄ nodə́ nang tə́ no tə́yō̰ gə̄ malang kə́ dɔ rā̰ tə́ ō, rāān̄ kəla adə̄n̄ ɓesə̄ *Baal ō.

JEREMI 8:2

A ɓōkə́n̄də́ kum mbang tə́ ō, nāā ndaá ō, ta kum kɔýyo̰ gə̄ tə́ ō. I yá̰a̰ gə̄ ń nin̄ tárən̄də́ ō, rāān̄ kəla adə̄n̄də́ ō, unən̄ gōdə́ ō, aw̄n̄ koō tadə́ tə́ ō, əsōn̄ kə̄ nang tə́ nodə́ tə́ rɔȳn̄də́ ō ní. De gə̄ a kánə̄n̄ kə̄ngā gə̄ ń toō yā dubə̄ alé, a télən̄ i yedə̄ yá̰a̰ dɔ nang tə́.

JEREMI 19:12

I yá̰á̰ ń noō n m-ā m̄-rāā kə loo ń noō ní ō kə de gə̄ ń ndin̄ kemeé ní ō. M-ā m̄-rāā ɓē ń toō kadə̄ to tītə̄ Topet. Najə̄ ń Kɔ́ɔ̄ɓē əda ní n noó.

IJAI 22:1

Najə̄ yā wól loo kə́ deē a̰a̰ yá̰a̰ tū tə́. Sḭḭ̄ de kə́ Jerusalem gə̄, i tām̄ rí tə́ á sḭḭ̄ malang ālī dɔ kújə gə̄ tə́ dɔɔ́ ní?