JEREMI 18:22 - Bible sar

²² Ādə̄ de gə̄ oōn̄ kōō kɔŕ wur kɔl kə́ ɓār̄ ɓēé loodə́, dan ń ā ə́la kə de gēé kadə̄ teēn̄ rétə́ gēé kə̄ rɔ̄də́ tə́ ənīn̄də́ rɔ̄ɔ̄ ɔyn̄neé yā kɔýń yá̰a̰ yādə́ gə̄ ní. Tɔdɔ̄ nin̄ ndērə̄n̄ bəlo gīrə̄n̄neé gidəḿ yā kəhɔm̄ń ō, ənīn̄ réng gír njaḿ tə́. kanjə̄ kadə̄ m̄-ger̄ gō ō.

Bibəl ta Sar̄

²² Ādə̄ de gə̄ oōn̄ kōō kɔŕ wur kɔl kə́ ɓār̄ ɓēé loodə́, dan ń ā ə́la kə de gēé kadə̄ teēn̄ rétə́ gēé kə̄ rɔ̄də́ tə́ ənīn̄də́ rɔ̄ɔ̄ ɔyn̄neé yā kɔýń yá̰a̰ yādə́ gə̄ ní. Tɔdɔ̄ nin̄ ndērə̄n̄ bəlo gīrə̄n̄neé gidəḿ yā kəhɔm̄ń ō, ənīn̄ réng gír njaḿ tə́. kanjə̄ kadə̄ m̄-ger̄ gō ō.

JEREMI 18:22 Referans Kwoze

JEREMI 6:26

Sḭḭ̄ gír deē yāḿ gə̄, ə́laī kūbə̄ kəhɔ ndoō rɔ̄sí tə́. Ī-wángə̄lāī kum bumbə́rú tə́. Əhɔī ndoō tītə̄ loo rāā ndoō ngōn̄ kə́ dəngam kə́ kal kógə̄ḿ beē kə́ oy. Ī-nōōī rɔ̄sí kə wur katāá. Tɔdɔ̄ nge nujə loo a teē sejí rétə́ gēé.

PĀ GƏ̄ 140:5

Kɔ́ɔ̄ɓē, ī-ngɔ̄mə̄m̄ ādə̄ m-ə̄sō kem jī de kə́ nge kem ndul tə́ alé. Ādə̄ m-ə̄sō kem jī de kə́ nge rāā yá̰a̰ kə dɔ́nɔ́ tə́ alé. Nin̄ gírə̄n̄ i rāām̄ kadə̄ m-ə̄sō ngóy.

SOPONI 1:16

Ndɔ̄ ngeé ń noō tə́ ní, deē a oō kōō áskar gə̄ loo kɔ̄ŕ bərúnjə́ tə́ ō, loo túr̄ kɔĺ rɔ̄ɔ̄ tə́ ō, dɔ ɓē gə̄ kə́ ndogə̄ mbal̄ gə̄ gīrə̄n̄ gidədə́ gə̄ tə́ ō, dɔ kújə́ ngɔ̄m̄ ɓē yādə́ gə̄ kə́ ngāl̄ ɓururu kum kə̄ dɔɔ́ gə̄ tə́ ō.

MATIYE 22:15

Tā anī *Parijiyḛ gə̄ aw̄ oōn̄ naā dɔ loo kəhɔ Jeju tə́ kə najə̄ kə́ tan tə́.

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

JEREMI 18:20

Deē a əga kə̄rā majə kə yá̰á̰ kə́ majaĺ a? Tɔdɔ̄ nin̄ ndērə̄n̄ bəlo kadə̄ m-ə̄sō kemeé kadə̄ gír yāḿ gān̄g. Ādə̄ əga kemií dɔḿ mā ń m̄-rā ta kumií tə́ m-ɔ̄r̄ najə̄ seí tām̄ yādə́ tə́ ō, m̄-tūr̄ ta wōn̄g yāí kə́ ngá̰ý dɔdə́ tə́ kɔ̄ɔ́ ō ní.

JEREMI 4:31

M-ōō nōō rɔ̄ kə́ tītə̄ yā dəyá̰ kə́ a rāā kem ō, m-ōō kɔŕ kə́ tītə̄ yā dəyá̰ kə́ a ojə ngōn̄ kem mandən ō. I kɔŕ ngōmandə kə́ *Siyo̰, koō gāngən. Ni ɔy jīn kə̄ dɔɔ́. Mā i kə rɔ̄ ndoó. M-ā m-óy sɔɔ̄ń ndéý kə́ al̄ naā yā ngé tɔ̄l̄ de gə̄.

IJAI 10:30

Sḭḭ̄ de kə́ Galim gə̄, ə́gaī kɔŕ! Ḭ̄ Layisa, á̰á̰ já̰já̰ dɔ rɔ̄í tə́! Ḭ̄ Anatot, ī-dal najə̄!

PĀ GƏ̄ 38:12

Madə̄ taḿ gə̄ ō, ngé njə̄rā seḿ gə̄ ō, a̰a̰n̄ do gə̄ kə́ rɔ̄ḿ tə́ anī télən̄ kə gidədə́ ō, ngééḿ gə̄ ran̄ sa̰y ō.

PĀ GƏ̄ 119:85

Ngé kɔjə rɔ̄ gə̄ ndērə̄n̄ bəlo noḿ tə́, nin̄ kídə̄n̄ *ndū najə̄ yāí.

JEREMI 5:26

Tɔdɔ̄ de kə́ najə̄ i dɔdə́ tə́ gə̄ i dan gír deē yāḿ gə̄ tə́, nin̄ umə̄n̄ loo tītə̄ ń nge kəyā gūmbə̄ əyāń gūmbə̄ ō əhɔń de gə̄ ō ní.

JEREMI 20:16

Ādə̄ yá̰á̰ ń rāā ɓē gə̄ ń Kɔ́ɔ̄ɓē ɓéngə̄lēdə́ nang tə́ kɔ̄ɔ́ kanjə̄ ndə̄ngā rɔ̄n ní rāā deē ń noō. Ādə̄ əgan̄ kɔŕ dḭḭ̄ naā ta mbīn tə́ kə ndɔ̄ý ō, ādə̄ əgan̄ kɔŕ rɔ̄ɔ̄ ta mbīn tə́ dan kadə ndaá ō.

PĀ GƏ̄ 140:6

Ngé kɔjə rɔ̄də́ gə̄ əyān̄ gūmbə̄ noḿ tə́, ənīn̄ kəla ō, ənīn̄ réng ō, yā kəhɔm̄neé. Nin̄ əyān̄ gūmbə̄ kadə róbə́ tə́ yā kəhɔm̄neé.

PĀ GƏ̄ 142:4

Dan ń tɔ́gə́ḿ ur̄ wak kɔ̄ɔ́ ní, loo ń m-ā m-āw̄ kə̄ tū tə́ ní ḭ̄ ī-ger̄. Əyān̄ gūmbə̄ dɔ róbə́ ń m-úń tə́ ní.