JEREMI 17:22 - Bible sar

²² Sḭḭ̄ ā ī-teēī kə yá̰á̰ kə́ kɔȳ gə̄ kə́ kem kújə yāsí gə̄ tə́ ndágá ndɔ̄* sabat tə́ alé, tītə̄ ń m-ə̄nań ndūḿ kaasí gə̄ ní.

Bibəl ta Sar̄

²² Sḭḭ̄ ā ī-teēī kə yá̰á̰ kə́ kɔȳ gə̄ kə́ kem kújə yāsí gə̄ tə́ ndágá ndɔ̄ sabat tə́ alé, tītə̄ ń m-ə̄nań ndūḿ kaasí gə̄ ní.

JEREMI 17:22 Referans Kwoze

EJEKIEL 20:12

M-ādə̄də́ ndɔ̄ *sabat ō. Nge ń noō i yá̰á̰ kə́ to dɔ dáńjí tə́ kadə̄ əgań kemdə́ dɔ tə́ kadə̄ mā Kɔ́ɔ̄ɓē m-ə̄ndādə́ kə rī kəla yāḿ.

IJAI 58:13

Tītə̄ ń toō: Ī-mbātə́ rāā kəla ndɔ̄ *sabat tə́, ndɔ̄ ń noō ń i ndɔ̄ kə́ kɔr̄ kam̄ tām̄ yān tə́ ní, ə̄ndā kumií gíŕ yá̰a̰ yāí gə̄ tə́ ndɔ̄ ń noō tə́ alé. Ī-ɓāŕ ndɔ̄ *sabat na i ndɔ̄ rɔ̄nel̄. Ī-ɓāŕ ndɔ̄ yā Kɔ́ɔ̄ɓē na i ndɔ̄ kə́ yā ɓōĺ gidə ō, ī-ɓōĺ gidə ndɔ̄ ní kə mbātə́ rāā kəlaá ō, kə mbātə́ kəndā kumií gíŕ yá̰a̰ gə̄ tə́ ō, kə mbātə́ kɔr̄ najə̄ kə́ dan gān̄g aĺ ō.

Teē Ngán Israel gə̄ 23:12

Ā ī-rāā kəla yāí ndɔ̄ mehḛ́, ba kə ndɔ̄ kə́ nge ko̰ sīrí anī ā ī-rāā kəla alé, kadə̄ man̄g yāí nin̄ kə kərō yāí taān̄neé koō ō, kadə̄ ngōn̄ nge kəla yāí nin̄ kə tə̄rā kə́ nge namāá ɔrə̄n̄neé koō ō.

JEJU TEĒ KUM JA̰A̰ 1:10

Ndíĺ Nə́ɓā reē dɔḿ tə́ ndɔ̄ yā Kɔ́ɔ̄ɓē tə́, əhɔm̄ adə̄ m̄-ger̄ gōn, anī m-ōō ndū deē kógə̄ḿ ɓār̄ ngá̰ý tītə̄ kōō bərúnjə beé gōḿ tə́,

Najə̄ kə́ Majə yā Jeju ń Luk ndang ní 23:56

Gō tə́ anī tél aw̄ rāān̄ loo yibə̄ kə́ kotə majə ngá̰ý gə̄ kə́ yā rāā dɔ nīń tə́, kə yibə̄ ítər gə̄, əndān̄. Ndɔ̄ *sabat tə́ ɓá anī, nin̄-ɔrə̄n̄ koō tītə̄ ń *ndū najə̄ ədań ní.

Najə̄ kə́ Majə yā Jeju ń Luk ndang ní 6:5

Jeju ədadə́ ɓáý to̰ na: Ngōn̄ deē i kɔ́ɔ̄ ndɔ̄ *sabat.

EJEKIEL 22:8

De gə̄ a kídə̄n̄ i yá̰á̰ kə́ kɔr̄ kəndā tām̄ yāḿ tə́ ō, a kídə̄n̄ i ndɔ̄ *sabat ń i ndɔ̄ kə́ kɔr̄ tām̄ yāḿ tə́ ní ō.

LEBI GƏ̄ 23:3

Ā ī-rāāī kəla ndɔ̄ mehḛ́, ba ndɔ̄ kə́ nge ko̰ sīrí i ndɔ̄ *sabat. Ndɔ̄ ń noō tə́ ā ī-kánī naā yā rɔȳ Kɔ́ɔ̄ɓē. Ā ī-rāāī kəla kə́rēý alé. Loo malang ń ā ī-ndiī tū tə́ ní, ā ɔ̄rī koō ndɔ̄ ń noō tə́ tām̄ i ndɔ̄ *sabat yā Kɔ́ɔ̄ɓē.

LEBI GƏ̄ 19:3

Ī-ɓōlíī ndíĺ kó̰ó̰sí gə̄ ō, bɔbə̄sí ō, ī-ngɔ̄mī ndɔ̄ *sabat yāḿ gə̄ ō. Mā i Kɔ́ɔ̄ɓē Nə́ɓā yāsí.

NEHEMI 13:15

Dan ngeé ń noō tə́ ní m-á̰a̰ *Juda gə̄ loo mbə̄sā kan̄ *kāgə̄ nduú tə́ kə njadə́ ndɔ̄ *sabat tə́, i loo mbə́rē kan̄ kāgə̄ nduú gə̄ tə́. Ngé kə́rēý gə̄ ətōn̄ dɔ do̰ō̰ kōō gémē gə̄ ō, ɔyn̄ kasə *nduú gə̄ ō, kan̄ kāgə̄ nduú gə̄ ō, kótə̄ gə̄ ō, yá̰a̰ kə́ rang kə́ tayā tayā gə̄ ō, gidə kərō gə̄ tə́ aw̄n̄neé Jerusalem ndɔ̄ *sabat tə́. m̄-kɔ̄l̄ sedə́ ndɔ̄ kigə yá̰a̰ yādə́ gə̄ tə́.

JEREMI 17:24

Ré sḭḭ̄ ōōī najə̄ kɔrə̄ḿ kə́ rɔ̄kum tə́ ō, ī-rāāī ādə̄ de gə̄ ətōn̄ yá̰á̰ kə́ kɔȳ gə̄ mānə̄n̄neé ta róbə gə̄ ń toō tə́ ndɔ̄ *sabat tə́ aĺ ō, ī-ɓōlíī gidə ndɔ̄ sabat ō, ī-rāāī kəla ndɔ̄ ngeé ń noō tə́ aĺ ō anī,

JAKARI 1:4

Ī-lōōī ndájə̄ kaasí gə̄. Kété ní, m-ə̄ndā ɓār̄ yāḿ ta *ngé koō ta gə̄ tə́ adə̄ ɓārə́n̄də́, ədan̄ na: Ī-lōōī gíŕ háĺsí kə́ majaĺ tə́ ō, gíŕ yá̰a̰ rāāsí gə̄ kə́ majaĺ tə́ ō. Banī nin̄ oōn̄ najə̄ yāḿ aĺ ō, usədə́ dɔḿ tə́ aĺ ō.