JEREMI 17:20 - Bible sar

²⁰ Ā ə́dádə́ na: Mban̄g kə́ *Juda tə́ gə̄ ō, de kə́ kem ɓē kə́ Jerusalem tə́ gə̄ ō, sḭḭ̄ malang ń ī-mānī kə ta róbə gə̄ ń toō ō ní, ōōī najə̄ yā Kɔ́ɔ̄ɓē.

Bibəl ta Sar̄

²⁰ Ā ə́dádə́ na: Mban̄g kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, sḭḭ̄ malang ń ī-mānī kə ta róbə gə̄ ń toō ō ní, ōōī najə̄ yā Kɔ́ɔ̄ɓē.

JEREMI 17:20 Referans Kwoze

JEREMI 19:3

Ā ə́da na: Mban̄g kə́ *Juda tə́ gə̄ ō, sḭḭ̄ de gə̄ ń ī-ndiī Jerusalem tə́ ní ō, ōōī najə̄ yā Kɔ́ɔ̄ɓē. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel əda ní n toó: M-ā m̄-rāā kadə̄ yá̰á̰ kə́ to kum kaȳ aĺ əsō dɔ loo ń toō tə́. Adə̄ deē nəkɔ́ ń oō najə̄n anī a jənga.

EJEKIEL 2:7

Sɔɔ̄ń dɔ ngan̄g yādə́ ní, ká nin̄ oōn̄ najə̄ yāí aáā, oōn̄ najə̄ yāí aĺ aáā, yá̰á̰ ń m-ā m-ə́daī ní, ə́dádə́.

JEREMI 22:2

ā ə́da na: Ḭ̄ mban̄g kə́ *Juda tə́ ń ī-ndi dɔ kōr̄ kāgə̄ mbang yā Dabid tə́ ní ō, sḭḭ̄ ngé rāā kəla yān gə̄ ō, sḭḭ̄ gír deē yān gə̄ ń ī-mānī kə ta róbə gə̄ ń toō ō ní, ōōī najə̄ yā Kɔ́ɔ̄ɓē.

JEJU TEĒ KUM JA̰A̰ 2:29

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

MISE 3:1

Ba mā m-ə́dásí na: I beé ɓá ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ń i ngé gān̄g sarya yā gír de gə̄ yā *Israel ní, ōōī. Yá̰á̰ ń i yá̰á̰ kə́ gōtə́ ní, i sḭḭ̄ n i ngé ger̄ gə̄ ní wa ḿ?

AMOS 4:1

Sḭḭ̄ dəyá̰ kə́ Samari gə̄ ń ī-boōī lútə́ lútə́ tītə̄ kó̰o̰ man̄g gə̄ kə́ Basan ní, ōōī najə̄ ń toō: Sḭḭ̄ ī-rējī ngé ndoō gə̄ kə yá̰a̰ rāāsí kə́ gōtə́ aĺ ō, ī-tə́nāī ngé rɔ̄ tō ndoō gə̄ nang tə́ ō, ba ə́daī ngaasí gə̄ na: Ī-reē kə yá̰a̰ ka̰yā̰á̰ tā!

OJEE 5:1

Kɔ́ɔ̄ɓē əda na: Sḭḭ̄ *ngé tun̄ yá̰a̰ gə̄, ōōī majə, sḭḭ̄ ngār gə̄ yā *Israel gə̄, ī-nēlī mbīsí, ba sḭḭ̄ de kə́ ndogó mbangāá gə̄, ī-teēī mbīsí! Majə kadə̄ ī-gāngī sarya kə́ gōtə́. Ɓá tā banī sḭḭ̄ ə́hɔī de gə̄ kə gūmbūú Misəpa. Sḭḭ̄ ī-selíī réńg nodə́ tə́ dɔ mbal̄ Tabor tə́.

EJEKIEL 3:17

Ḭ̄ ngōn̄ deē, m-ə̄ndāī i nge kum̄ loo tə́ tām̄ yā ngán *Israel gə̄ tə́. Ā ōō najə̄ kɔrə̄ḿ ō, ā ī-tāā ngán *Israel gə̄ yā kadə̄m̄ ō.

JEREMI 13:18

Ə́da mban̄g ō, kó̰o̰ mban̄g ō na: Ī-ndiī dɔ dā̰ nang tə́! Jākā mbang kə́ dɔsí tə́ ń majə ngá̰ý ní teē əsō kɔ̄ɔ́.

JEREMI 17:19

Kɔ́ɔ̄ɓē ɔr̄ najə̄ i tītə̄ ń toō beé: Āw̄ ī-ra ta róbə́ kə́ bo ń mban̄g kə́ *Juda tə́ gə̄ a udən̄neé kem ɓēé ō, teēn̄neé ō ní. Āw̄ ī-ra ta róbə́ kə́ Jerusalem gə̄ tə́ malang.

JEREMI 19:4

Tɔdɔ̄ əya̰mə̄n̄ kɔ̄ɔ́, nin̄ rāān̄ loo ń toō adə̄ tél to rim kɔ̄ɔ́. Róōn̄ *yá̰a̰ ndējə̄ gə̄ horoó tū tə́ adə̄n nə́ɓā kə́ rang gə̄ kə́ nin̄ kɔ́ gə̄ ō, kaadə́ gə̄ ō, mban̄g kə́ Juda tə́ gə̄ ō gerə̄n̄də́ alé. Ɓōkə́n̄ mósə ngán gə̄ kə́ najə̄ gətóo dɔdə́ tə́ gə̄ nang tə́ adə̄ taā loo ní.

JEREMI 21:11

Ə́dá gíŕ kojə yā mban̄g kə́ *Juda tə́ na: Ōōī najə̄ yā Kɔ́ɔ̄ɓē.