JEREMI 17:10 - Bible sar

¹⁰ I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.

Bibəl ta Sar̄

¹⁰ I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.

JEREMI 17:10 Referans Kwoze

1 SAMUEL 16:7

Banī Kɔ́ɔ̄ɓē əda Samuel na: Ī-lōō ka̰a̰ gidən kə́ ndágá kə́ majə ō, ka̰a̰ ngālən kə́ ngá̰ý ō. Tɔdɔ̄ m̄-gērān alé. Najə̄ ń toō i najə̄ ka̰a̰ yá̰á̰ ń kə́ deē ndul tə́ alé. De gə̄ a a̰a̰n̄ i gidə deē ndágá banī Kɔ́ɔ̄ɓē a a̰a̰ i kem deē.

Makətūbə̄ ń Pol ndang adə̄ Rom gə̄ ní 8:27

Banī nge ń i nge kəndā ma̰ȳ yá̰á̰ kə́ kem de gə̄ tə́ ní, nəkɔ́ ger̄ yá̰á̰ ń Ndíl gḛy ní. Tɔdɔ̄ yá̰á̰ ń Ndíl dəje tām̄ yā de gə̄ yā Nə́ɓā tə́ ní, a dəje i tītə̄ ń kem Nə́ɓā nəkɔ́ ndigəń ní.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

JEREMI 11:20

Kɔ́ɔ̄ɓē kə́ bo kə́ tɔ́gən i ngá̰ý, ḭ̄ ń ó̰o̰ ɓē kə háĺ kə́ gōtə́ ō, ḭ̄ ń i nge kəndā ma̰ȳ gír̄ yā deē ō, ngaran̄g kem deē ō ní, ī-dal ba̰ā̰ dɔdə́ tə́ ādə̄ m-á̰a̰ā̰, tɔdɔ̄ m-ə́ya̰ rɔ̄ḿ i kem jīí ḭ̄ tə́.

JEREMI 32:19

Nə́ɓā kə́ nge ger̄ kadə̄ kɔjə ngá̰ý ō, nge ger̄ rāā yá̰á̰ ngá̰ý ō, ə̄ndā kumií gíŕ hál de gə̄ tə́ malang ō, ə̄ndā njadə́ kógə̄ḿ kógə̄ḿ kə gō hál rāādə́ gēé ō, yá̰a̰ rāādə́ gēé ō.

JEREMI 20:12

Kɔ́ɔ̄ɓē kə́ bo kə́ tɔ́gən i ngá̰ý, ḭ̄ ń ā ə̄ndā ma̰ȳ de kə́ súmūú ō, ā á̰á̰ gír̄ yā de gə̄ ō, ngarā̰ kemdə́ ō ní, ādə̄ m-á̰a̰ ba̰ā̰ ń ā ī-rāā sedə́ ní, tɔdɔ̄ m-ə́ya̰ najə̄ yāḿ i kem jīí ḭ̄ tə́.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

JEJU TEĒ KUM JA̰A̰ 22:12

Á̰a̰ā̰, m-ā m̄-reē ngɔr. Yá̰á̰ ń kadə̄ m-ə̄ndań nja de gə̄ kógə̄ḿ kógə̄ḿ sɔɔ̄ń kəla rāādə́ gə̄ ní, m-ā m̄-reēń jīḿ tə́.

MATIYE 16:27

Tɔdɔ̄ Ngōn̄ Deē a reē kə *deē yān kə́ dɔ rā̰ tə́ gə̄ ō, kə *kɔsə gɔn yā Bɔbə̄n ō. Loo ń noō tə́ ni a əgā de gə̄ kógə̄ḿ kógə̄ḿ malang ɔjəń dɔ yá̰a̰ rāādə́ gə̄.

PĀ GƏ̄ 62:12

Nə́ɓā əda najə̄ kógə̄ḿ, i kum najə̄ jōó n m-ōō ní, kə́ kógə̄ḿ na: Tɔ́gə i yā Nə́ɓā ō,

Gōsə̄ najə̄ gə̄ 17:3

Loo kə́ yā nō gində̄ arjā̰a̰ tū tə́ i noó ō, loo kə́ yā nō lɔ́ŕ tū tə́ i noó ō, banī i Kɔ́ɔ̄ɓē n i nge nāā ngarā̰ kem de gə̄ ní.

JEJU TEĒ KUM JA̰A̰ 20:12

Anī m-á̰á̰ de kə́ koy gə̄, kə́ tɔgə gə̄ ō, kə́ dūú gə̄ ō, ran̄ kə njadə́ dɔɔ́ ta kōr̄ kāgə̄ mbang ní tə́. Teēn̄ kem makətūbə̄ gə̄, banī makətūbə̄ kə́ rang ń i makətūbə̄ ndi kə kumuú ní, i kə́ teē kem ō. Ba gāngə̄n̄ sarya dɔ de kə́ koy gə̄ tə́ sɔɔ̄ń kəla rāādə́ gə̄, kə gō yá̰a̰ gə̄ ń ndangən̄ kem makətūbə̄ gə̄ tə́ ní.

2 YÁ̰A̰ GƏ̄ 6:30

ḭ̄ ń ī-ndi dɔ rā̰ tə́ ní, ōō ndūjí loo ń ī-ndi tū tə́ ní tə́. Ī-mā̰ȳ rɔ̄í dɔdə́ tə́ ba ī-rāā yá̰á̰ ń majə kadə̄ ī-rāā sedə́ ní kógə̄ḿ kógə̄ḿ kə dɔdə́ gēé sɔɔ̄ń háĺdə́ tām̄ ī-ger̄ kemdə́. Tɔdɔ̄ i ḭ̄ kógə̄ḿ beē n i nge ger̄ kem de gə̄ ní.

JA̰A̰ 2:25

Ni sāā kadə̄ deē ədan najə̄ kə́ dɔ deē tə́ alé, tɔdɔ̄ ni-ger̄ yá̰á̰ kə́ kem deē tə́.

JEREMI 21:14

M-ā m̄-rāāsí yá̰á̰ kə́ tōr̄ kə gō yá̰a̰ rāāsí gə̄. M-ā m-ə́la hor dɔ kāgə̄ kújə́ kə́ ngá̰ý gə̄ yā mban̄g tə́. A o̰o̰ yá̰a̰ gə̄ malang ń gīr̄ gidə ní

PĀ GƏ̄ 7:9

Kɔ́ɔ̄ɓē, nge gān̄g sarya yā nápar de gə̄, ī-gān̄g sarya yāḿ sɔɔ̄ń yá̰a̰ rāāḿ kə́ gōtə́ ō, najə̄ kə́ gətóo dɔḿ tə́ ō!

Makətūbə̄ ń Pol ndang adə̄ Rom gə̄ ní 6:21

Ní, nge ń noō teēsí i yá̰á̰ rí gə̄? Sḭḭ̄ i kə rɔ̄sɔlɔ̄ɔ́ tū tə́ ɓōólaā, tɔdɔ̄ yá̰a̰ gə̄ ń ə́ngeī ní ta tɔ̄l̄ tadə́ i yo.

1 YÁ̰A̰ GƏ̄ 29:17

Nə́ɓā yāḿ, m̄-ger̄ kadə̄ ḭ̄ i nge kəndā ma̰ȳ kem deē ō, nge ndigə háĺ kə́ súmūú ō. Adə̄ i kə kem kə́ súmūú n m̄-ndējīneé yá̰a̰ malang ń noō kə gō kem ndigə yāḿ ní. Ba ɓōólaā gír deē yāí gə̄ ń kánə̄n̄ naā á ran̄ laā ní, m-á̰á̰də́ loo rāā tə́ tītə̄ yāḿ kə rɔ̄nelēé ō.

MISE 7:13

Gotə loo kə́ rang gə̄ a télən̄ i dəla loo, najə̄ kem ndul yā de gə̄ ń ndin̄ tū tə́ ní tə́.

MATIYE 6:4

yā kadə̄ yá̰á̰ ń ādə̄n ní toń loo mundə̄ tə́ jəke. Anī Bɔbí ń i nge ka̰a̰ yá̰á̰ kə́ rāā loo mundə̄ tə́ jəke ní a əndā njaí.

KƏLA RĀĀ 1:24

Gō tə́ anī nin̄ malang ndɔ̄ȳn̄ Nə́ɓā ədan̄ na: Kɔ́ɔ̄ɓē, ḭ̄ ń i nge ger̄ kem de gə̄ malang ní, ɔ́jə́jí deē ń ī-gə̄rān dan de kə́ jōó gə̄ ń toō tə́

1 MBAN̄G GƏ̄ 8:39

ḭ̄ ń ī-ndi dɔ rā̰ tə́ ní ī-nēl̄ mbīí ōońdə́, ī-mā̰ȳ rɔ̄í dɔdə́ tə́, ī-rāā yá̰a̰ kə deē kógə̄ḿ kógə̄ḿ sɔɔ̄ń dɔ kəla rāān, tām̄ ḭ̄ ī-ger̄ kem de gə̄ i īkɔ́ ngóy n ī-ger̄ kem de gə̄ malang ní.

PĀ GƏ̄ 44:21

Ré kété ní dɔjí ndígə̄nal rī Nə́ɓā yājí ō, jə-sə́ra jījí kə̄ rɔ̄ nə́ɓā kógə̄ḿ kə́ mbā tə́ ō anī,

KOHELET 9:3

Kadə̄ yá̰á̰ kə́ kógə̄ḿ beē rāā de gə̄ malang tū yá̰a̰ malang ń de gə̄ a rāān̄ tə́ dɔ nang tə́ ní i yá̰á̰ kógə̄ḿ kə́ majaĺ. I yá̰á̰ ń noō n rāā adə̄ ngam i ngá̰ý kem ngán kaa Adam gə̄ tə́ ō, mbóo i kemdə́ tə́ dan ndidə́ kə kumdə́ tə́ ō ní. Ba gō tə́ anī a oyn̄ i mbéé ngóy.

IJAI 59:18

Yá̰á̰ ń de gə̄ asən̄ kənge ní, ni a téləń yā kadə̄də́. Wōn̄g yān i tām̄ yā ngé rɔ̄ɔ̄ seneé gə̄ tə́, ndéy i tām̄ yā madə̄ ba̰ā̰n gə̄ tə́, ɓē kə́ sa̰y gə̄ gə̄gē i tām̄ yādə́ tə́.

JEREMI 12:13

De gə̄ dubə̄n̄ gémē, ba əjan̄ i kōn̄ ngar̄. De gə̄ rāān̄ kəla ɔrən̄, ba yá̰á̰ kə́ teēdə́ yá̰á̰ tə́ gətóó bátə́. Ādə̄ rɔ̄sí sɔl̄sí tām̄ kɔr kə́ to kə̄ dɔsí tə́. I wōn̄g kə́ ngá̰ý yā Kɔ́ɔ̄ɓē n rāā yá̰á̰ ní.

EJEKIEL 11:5

Loo ń noō tə́ Ndíĺ Kɔ́ɔ̄ɓē əhɔm̄, ba ədam̄ na kə m-ə́da najə̄ ń toō: Najə̄ ń Kɔ́ɔ̄ɓē əda ní n toó. Sḭḭ̄ *Israel gə̄, najə̄ ń ɔ̄rī ní m̄-ger̄ ō, m̄-ger̄ gír̄ yāsí ō.

EJEKIEL 14:5

I tītə̄ ń noō n najə̄ yāḿ a əsōń kem ngán *Israel gə̄ ń əya̰mə̄n̄ kɔ̄ɔ́ ba aw̄n̄ sa̰y najə̄ yā nə́ɓā yādə́ kə́ rɔ̄kum aĺ gə̄ tə́ ní.

Makətūbə̄ yā Job 34:11

Tɔdɔ̄ ni a əndā nja deē i kə gō kəla rāān gēé ō, yá̰á̰ ń ni-rāā kə de gēé kógə̄ḿ kógə̄ḿ ní, i kə gō kəla rāādə́ gēé ō.

PĀ GƏ̄ 7:10

Ī-ɗogə́rō ta kəla yā ngé kem ndul gə̄! Ī-mbūsə̄ de kə́ súmūú adə̄ ra ngan̄g! Tɔdɔ̄ nge ger̄ gír̄ kə́ kem deē tə́ i Nə́ɓā kə́ súmūú.

PĀ GƏ̄ 44:22

Nə́ɓā ń i nge ger̄ yá̰á̰ kə́ to loo ɓɔ̄ɔ̄ tə́ kem de gə̄ tə́ ní a a̰a̰ aĺ a?

Gōsə̄ najə̄ gə̄ 12:14

Deē asə kənge yá̰a̰ kə ta kūl̄ najə̄ kɔrə̄n tītə̄ ń deē a əngeń yá̰á̰ gír kəla rāān tə́ ní.

JEREMI 23:2

I tām̄ ń toō tə́ n najə̄ ń Kɔ́ɔ̄ɓē Nə́ɓā yā *Israel əda ngé kul̄ yá̰á̰ gə̄ ń i ngé ngɔ̄m̄ gír deē yāḿ gə̄ ní n toó ní: Sḭḭ̄ əya̰ī yá̰a̰ kul̄ yāḿ gə̄ kɔ̄ɔ́ adə̄ aw̄n̄ kə̄ loo gə̄ tə́. Ba mā m-ə̄ndā kumḿ gíŕsí tə́ yā kəndasí tām̄ yá̰a̰ rāāsí kə́ gōtə́ aĺ gə̄ tə́. Najə̄ ń Kɔ́ɔ̄ɓē əda ní n noó.