JEREMI 15:5 - Bible sar

⁵ I náā n a a̰a̰ kum tō ndoō yāí tā, Jerusalem? I náā n a nōō ndoōí? I náā n a njə́ɓā rɔ̄n ta dəje kōōí?

Bibəl ta Sar̄

⁵ I náā n a a̰a̰ kum tō ndoō yāí tā, Jerusalem? I náā n a nōō ndoōí? I náā n a njə́ɓā rɔ̄n ta dəje kōōí?

JEREMI 15:5 Referans Kwoze

IJAI 51:19

Yá̰á̰ kə́ to kum kaȳ aĺ gə̄ əhɔn̄ naā i jōó jōó n teēn̄neé dɔí tə́ ní: Yá̰a̰ rāā kə́ kə dɔ́nɔ́ ō nujə loo ō, ɓō ō rɔ̄ɔ̄ ō. Banī i náā n a nōōī ní? I náā n a tél kə kəndā kem dɔ tə́ yā kadī gogə́ ní?

NAHUM 3:7

Loo ń noō tə́ de gə̄ malang ń a a̰a̰īn̄ ní, a a̰ȳn̄ naā kə kɔrɔ́ tadə́ tə́: Nujən̄ ɓē kə́ Ninibə kɔ̄ɔ́! I náā ń kumən a o̰o̰n tām̄ yān tə́ ní? Ɓē kə́ Ninibə, ngé kəla go̰ kemií tə́ gə̄ ní, deē a əngedə́ i rá tām̄ yāí tə́?

JEREMI 21:7

Gō yá̰a̰ ń noō tə́ anī, m-ā m-ə́la Sedekias mban̄g kə́ *Juda tə́ ō, ngé rāā kəla yān gə̄ kə́ kem ɓē ń toō tə́ ń a teēn̄ ta mo̰y ngāl̄bɔ̄gīí tə́ ní ō, ta kaskar tə́ ō, ta ɓō tə́ ō ní, jī mban̄g kə́ *Babilon tə́ ō, jī madə̄ ba̰ā̰də́ gə̄ tə́ ō, jī ngé ndə̄ngādə́ yo tə́ ō. Mban̄g kə́ Babilon a tɔ̄l̄də́ kə kaskar kə́ ta kataá kanjə̄ ɓōĺ gō jīn ō, a a̰a̰ kum tō ndoō yādə́ aĺ ō, kumən a o̰o̰n sedə́ aĺ ō. Najə̄ ń Kɔ́ɔ̄ɓē əda ní n noó.

PĀ GƏ̄ 69:20

Ī-ger̄ kadə̄ tájə̄mə̄n̄ ō, rɔȳmə̄n̄ aĺ ō, əlan̄ rɔ̄sɔl̄ kə́ ngá̰ý dɔḿ tə́ ō, madə̄ kɔ̄lə̄ḿ gə̄ ḭḭ ran̄ noḿ tə́ malang ō.

JEREMI 16:5

Rɔ̄kum, Kɔ́ɔ̄ɓē ɔr̄ najə̄ i tītə̄ ń toō beé: Údə kem kújə́ kə́ de gə̄ kánə̄n̄ naā kemeé yā nōoń yo tə́ alé. Āw̄ loo rāā yá̰a̰ kūjə́ kə́ loo nōō yo gə̄ tə́ aĺ ō. Ādə̄ kumií o̰o̰ī kə de gə̄ ń noō aĺ ō, tɔdɔ̄ m-ā m̄-tél yā taā ndi lɔm yāḿ jī gír de gə̄ ń toō tə́ ō, m-ā m̄-rāā kem majə sedə́ to̰ aĺ ō, kumḿ a o̰o̰ḿ sedə́ to̰ aĺ ō. Najə̄ ń Kɔ́ɔ̄ɓē əda ní n noó.

JEREMI 13:14

M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

Makətūbə̄ yā Job 19:21

Sḭḭ̄ madə́ḿ gə̄, á̰a̰ī kum tō ndoō yāḿ tə́, á̰a̰ī kum tō ndoō yāḿ tə́, tɔdɔ̄ Nə́ɓā əndam̄.

1 SAMUEL 25:5

anī əla balsáa yān gə̄ kutə kógə̄ḿ rɔ̄ Nabal tə́. Ni-əda balsáa gə̄ ní na: Āwī Karmel rɔ̄ Nabal tə́ āw̄ ī-rāāniī lápə́ya ādə̄mī.

1 SAMUEL 17:22

Dabid usə̄ yá̰á̰ ń ətō ní əya̰ jī nge ngɔ̄m̄ yá̰a̰ gə̄ tə́ ba a̰ȳ ngɔ̄də̄ aw̄ loo ń ngé rɔ̄ɔ̄ gə̄ ran̄ tū tə́ ní tə́. Ni-aw̄ rɔ̄ ngákó̰o̰n gə̄ tə́ ba dəjedə́ na ké ton̄ i ba̰ý wa.

1 SAMUEL 10:4

Nin̄ a dəjenī na ké ī-to karī wa, ba a adə̄nī mápa jōó. Ba ḭ̄ ā ī-taā mápa gə̄ ní jīdə́ tə́.

NGÉ SARYA 18:15

Gō tə́ anī de kə́ mí gə̄ ní ɔtə aw̄ udən̄ kem kújə yā Mika tə́ ba dəjen̄ ngōn̄ Lebi kə́ balsáá ń ndi kemeé ní na kə́ to i ba̰ý wa?

Teē Ngán Israel gə̄ 18:7

Moijə teē tə́nī ta umən, ɔsə non nang tə́ non tə́ ō, əhɔn kə̄ rɔ̄n tə́ ɓirə̄n dagə ō. Rāān̄ naā lápə́ya ba ɔtə aw̄n̄ kújə tandā yā Moijə tə́.

NŌŌ RƆ̄ 1:17

*Siyo̰ ɔy jīn kə̄ dɔɔ́ rāań ɓɔ́, banī de kə́ sɔl̄ kemən gətóo. Kɔ́ɔ̄ɓē adə̄ ndūn ngé rɔ̄ɔ̄ Jakob gə̄ ń ndi gīrə̄n̄ gidən ní kadə̄ ənīnən̄ rɔ̄ɔ̄. Jerusalem tél yá̰á̰ kə́ yḛr dɔ dandə́ tə́.