Biblia Todo Logo
Bib sou entènèt

- Piblisite -




JEREMI 15:14 - Bible sar

14 M-ə́la dɔí gíŕ tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Wōn̄g yāḿ əɓa bup kə́ hor tə́ yā ko̰o̰sí kə́ njɔ́ḿ gə̄ tə́.

Gade chapit la Kopi

Bibəl ta Sar̄

14 M-ə́la dɔí gíŕ tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Wōn̄g yāḿ əɓa bup kə́ hor tə́ yā ko̰o̰sí kə́ njɔ́ḿ gə̄ tə́.

Gade chapit la Kopi




JEREMI 15:14
18 Referans Kwoze  

M-ā m-ɔ́ýsí dɔ nang ń toō tə́ yā tə́nīsí dɔ nang kə́ rang kə́ sḭḭ̄ gə̄gē kaasí gə̄gē ī-gerī aĺ tə́. Loo ń noō tə́, ā ī-ndɔ̄yī nə́ɓā yā tə̄rā gə̄ ndɔ̄ɔ́ ō, kadaá ō. Ba ā ə̄ndāī kemsí dɔḿ tə́ kadə̄ m̄-dḭḭ̄sí to̰ alé.


Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.


A ə́ya̰ ɓē ń m-ādī ní ba ā ɔ̄r̄ rɔ̄í yā ndi kə kérí sa̰y rɔ̄ tə́. M-ā m-ə́la dɔí gír tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Tɔdɔ̄ ī-rāāī ādə̄ wōn̄g yāḿ əɓa hor tə́ bup yā ko̰o̰sí kə́ njɔ́ḿ gə̄ tə́.


Ā ə́hɔ madə̄ ba̰ā̰í gə̄ malang kə jīí. Ā ə́hɔ́ ngé kənīī rɔ̄ɔ̄ gə̄ kə jī ko̰í.


Kɔ́ɔ̄ɓē a əlaī, ḭ̄ ō, mban̄g yāí ń ā ə̄ndā dɔí tə́ ní ō, jī nápar de gə̄ kə́ ḭ̄ gə̄gē, bɔbí gə̄gē ī-gerīdə́ aĺ tə́, kadə̄ ī-rāā kəla adə̄ ɓesə̄ kāgə̄ gə̄ kə ɓesə̄ mbal̄ gə̄ kem ɓē yādə́ tə́.


Kɔ́ɔ̄ɓē a tə̄ndā yā tḭ̄ḭ̄sí kə̄ dan gír de gə̄ tə́ malang. A əla gír i ta ngóy dɔ nang kə́rēý tə́ bátə́ ta ngóy dɔ nang kə́ noō tə́. Loo ń noō tə́ ā ī-rāā kəla yā kadə̄ ɓesə̄ kāgə̄ gə̄, kə ɓesə̄ mbal̄ gə̄ ń i nə́ɓā gə̄ ń ḭ̄ gə̄gē kaaí gə̄ gə̄gē ī-gerīdə́ aĺ ní.


Tɔdɔ̄ Nə́ɓā yājí i hor kə́ a o̰o̰ yá̰a̰.


I beé ní, m-ā m-ɔ́ýsí ba m-ā m̄-mān̄ sesí dɔ ɓē kə́ Damas tə́ yā kaw̄ sesí sa̰y. I Kɔ́ɔ̄ɓē ń əda najə̄ ń noō ní. Rīn na i Nə́ɓā kə́ kɔ́ɔ̄ dɔ rā̰ ō dɔ nang ō.


Mban̄g kə́ Babilon tɔ̄l̄də́ Ribəla, dɔ nang kə́ Hamat tə́. I beé n ɔyn̄neé de kə́ *Juda gə̄ dɔ nang yādə́ tə́ aw̄n̄ sedə́ sa̰y kɔ̄ɔ́ ní.


M-ā m̄-rāā kadə̄ télən̄ yá̰á̰ kɔjə kə́ to ɓōĺ ngá̰ý ta kum ɓē ko̰o̰ gə̄ malang kə́ dɔ nang tə́. M-ā m̄-rāā tītə̄ ń noō i najə̄ yā Manase ngōn̄ Ejekias, mban̄g kə́ *Juda tə́, tām̄ yā yá̰a̰ malang ń ni-rāā Jerusalem tə́ ní.


Ré m-āw̄ kem ndɔr̄ gə̄ tə́ a, i nīń de kə́ oyn̄ yo kaskar gə̄ n ton̄ toó. Ré m-údə kə̄ kem ɓēé a, i ngé gə̄ ń ɓō rāā kumdə́ ndoō tə́ ní n ton̄ toó. Ngé koō ta gə̄ ō, *ngé tun̄ yá̰a̰ gə̄ ō, njə̄rā ɔrə̄n̄ gō loo kem ɓēé kanjə̄ ger̄ kum yá̰á̰ kógə̄ḿ.


De kə́ *Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, *ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.


I tām̄ najə̄ ń toō tə́ n Kɔ́ɔ̄ɓē bə̄gā wōn̄g yān kə́ ngá̰ý dɔdə́ tə́ ō, rāā adə̄ yá̰á̰ kə́ to ka̰ā̰ aĺ ngá̰ý gə̄ ń rɔ̄ɔ̄ a reēń ní, teē dɔdə́ tə́ ō ní. Wōn̄g yān ní əla hor kə̄ loo gə̄ tə́, banī *Israel gə̄ gerə̄n̄ kum alé. Hor o̰o̰ Israel gə̄, banī nin̄ rāān̄ i yá̰a̰ ngōn̄ ndām̄ tə́.


Nápar de gə̄ malang a dəjen̄ najə̄, a ədan̄ na: Kɔ́ɔ̄ɓē rāā kə ɓē ń toō yá̰á̰ kə́ beé i tām̄ rí tə́? I tām̄ rí tə́ á wōn̄g rāān ngá̰ý dɔ tə́ beé?


Kɔ́ɔ̄ɓē a rāā kadə̄ madə̄ ba̰ā̰í gə̄ a tetənī rɔ̄ɔ̄. Ré ún i róbə́ kə́ kógə̄ḿ beē n āw̄ ə̄nińdə́ rɔ̄ɔ̄ anī, ā ī-tél yā ka̰ȳ nodə́ tə́ i kə ta róbə́ kə́ rang gēé gír sīrí. Ā ī-téĺ yá̰á̰ kə́ əga deē kə̄ngā sāā tə́ tām̄ yā ɓē ko̰o̰ gə̄ malang kə́ dɔ nang tə́ ń a a̰a̰n̄ yá̰á̰ ń a rāāī ní tə́.


Swiv nou:

Piblisite


Piblisite