JEREMI 14:3 - Bible sar

³ Ngol gə̄ əlan̄ de kə́ yá̰a̰ aĺ gə̄ kɔdə maná. Nin̄ ugə̄n̄ ta bəlo man̄ tə́ anī, əngen̄ man̄ alé, adə̄ tél reēn̄ gogə́ kem yá̰a̰ karī. Gerə̄n̄ yá̰á̰ kə́ yā rāā aĺ ō, dɔ kumdə́ tə́la naā ō, urə̄n̄ wak ō.

Bibəl ta Sar̄

³ Ngol gə̄ əlan̄ de kə́ yá̰a̰ aĺ gə̄ kɔdə maná. Nin̄ ugə̄n̄ ta bəlo man̄ tə́ anī, əngen̄ man̄ alé, adə̄ tél reēn̄ gogə́ kem yá̰a̰ karī. Gerə̄n̄ yá̰á̰ kə́ yā rāā aĺ ō, dɔ kumdə́ tə́la naā ō, urə̄n̄ wak ō.

JEREMI 14:3 Referans Kwoze

2 SAMUEL 15:30

Dabid un róbə́ kə́ əta tan ta kaw̄ kə̄ dɔ mbal̄ *kāgə̄ olibə gə̄ tə́ i kə nōó kumən tə́. Ni do̰ō̰ kūbə̄ ta kumən tə́ ō, njə̄rā i njan karī ō. De gə̄ malang ń dānə̄nən̄ ní do̰ō̰n̄ kūbə̄ ta kumdə́ tə́ ō, njə̄rān̄ i kə nōó ō.

PĀ GƏ̄ 40:14

Kɔ́ɔ̄ɓē, ɓɔ́ ī-gān̄g dɔḿ! Kɔ́ɔ̄ɓē, ī-reē láẃ ī-dḭḭ̄m̄!

2 MBAN̄G 18:31

Ī-lōōī koō najə̄ kɔr̄ Ejekias, banī ōōī najə̄ ń mban̄g kə́ Asiri ɔr̄ sesí ní, ni-əda na: Ī-téĺ ə̄ndāī najə̄ naā tə́ seḿ, ə́ya̰ī rɔ̄sí kem jīḿ tə́. Loo ń noō tə́ sḭḭ̄ kógə̄ḿ kógə̄ḿ ā ə́saī kan̄ kāgə̄ *nduú yāsí gə̄ ō, ā ā̰yī man̄ kə́ kem bəlo taā man̄ ndī yāsí gə̄ tə́ ō.

AMOS 4:8

De kə́ kem ɓēé gə̄ ḭḭn̄ ɓē kə́rēý tə́ aw̄n̄ ɓē kə́ rang tə́ sāā man̄ ka̰yā̰á̰, banī nin̄ əngen̄ asə tadə́ alé. Ɓá tā banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

JOEL 1:20

Dā̰ kə́ bembeé gə̄gē a tūrə̄n̄ kumdə́ kum kə̄ rɔ̄í tə́, tɔdɔ̄ man̄ gə̄ ḭḭn̄ kɔ̄ɔ́ ō, hor o̰o̰ loo ko̰o̰ dā̰ gə̄ ń i loo kə́ kə̄sāá ní kɔ̄ɔ́ ō.

JEREMI 20:11

Banī Kɔ́ɔ̄ɓē i seḿ tītə̄ go̰ rɔ̄ɔ̄ kə́ tɔ́gən i ngá̰ý. adə̄ nja ngé rāāḿ ndoō tə́ gə̄ a əhɔ nang aĺ ō, asən̄ rāā yá̰á̰ ń a sāān̄ rāā ní aĺ ō. a asən̄ alé, adə̄ rɔ̄də́ a sɔl̄də́ ngá̰ý. I rɔ̄sɔl̄ kə́ a to ta kaw̄ jóo ō, dɔ deē a ndígə̄nal dɔ tə́ aĺ ō.

JEREMI 14:4

Dɔ nang tá̰ā̰ tām̄ man̄ edə alé, ngé ndɔr̄ gə̄ gerə̄n̄ yá̰á̰ kə́ yā rāā aĺ ō, urə̄n̄ wak ō.

PĀ GƏ̄ 109:29

Ādə̄ əlan̄ rɔ̄sɔl̄ kūbə̄ tə́ rɔ̄ ngé tétə̄ najə̄ dɔḿ tə́ gə̄ tə́, ādə̄ selə́n̄ rɔ̄sɔl̄ yādə́ dɔdə́ tə́ tītə̄ kūbə̄ kūl̄ beé!

Makətūbə̄ yā Job 6:20

Banī nin̄ ndə̄ngān̄ rɔ̄də́ tām̄ kəndā kə́ əndān̄ kemdə́ dɔ tə́ tə́: Dan ń reē ugə̄n̄ wól man̄ dɔ mbal̄ tə́ anī, kəndā kem dɔ man̄ tə́ yādə́ ní gotə i rɔ̄sɔl̄.

ESTER 6:12

Gō tə́ anī Mardose tél aw̄ gogə́ ta kújə yā mban̄g tə́. Haman tél aw̄ gogə́ ɓēé kə nāgá. Rɔ̄n ur̄ wak kɔ̄ɔ́. Ni seĺ yá̰a̰ ta kumən tə́ kɔ̄ɔ́ yā kutə̄ń dɔ rɔ̄sɔl̄ yān.

1 MBAN̄G GƏ̄ 17:7

Ugə̄ dan kə́rēý tə́ anī man̄ kə́ wól loo tə́ ní iī kɔ̄ɔ́ tām̄ man̄ kə́ dɔɔ́ edə kem ɓēé alé.

2 SAMUEL 19:4

Nin̄ udən̄ kem ɓēé i jəke tītə̄ ngé rɔ̄ɔ̄ gə̄ kə́ rɔ̄ɔ̄ tetədə́ adə̄ a̰ȳn̄ naā kə rɔ̄sɔlɔ̄ɔ́ beē.

JEREMI 2:37

Loo ń noō tə́ ḭ̄ ā ī-kán̄ jīí dɔí tə́ yā teēń. Rɔ̄kum, Kɔ́ɔ̄ɓē mbātə́ ngé gə̄ ń ə̄nī kemií ādə̄də́ mámák ní kɔ̄ɔ́. I beé n ā ī-teēń kum tə́ ní alé.

JEREMI 3:3

Man̄ kə́ bo ngá̰ý edə alé najə̄ yāí tə́ ō, man̄ kaw̄ ɓēé edə aĺ ō. Ba ḭ̄ ī-to gír rāā ájə́ba tə́ kə̄ noí tə́ kanjə̄ kadə̄ rɔ̄í sɔlí.

JEREMI 15:18

I tām̄ rí tə́ á tápə̄ yāḿ i kə́ dum̄ təgā ō, do yāḿ i kə́ dum̄ kedə̄ ō, dum̄ ta kəga gə̄ malang ō ní. Kə́ rɔ̄kum tə́ ní ḭ̄ ī-tél ī-to i tītə̄ kəɓa man̄ kə́ a gól̄ loo beé ō, kə́ deē asə kəndā kemən dɔ tə́ aĺ beé ō tām̄ yāḿ tə́.

NŌŌ RƆ̄ 4:4

Kəndā man̄ rāā ngōn̄ kə́ ta mba tə́ adə̄ ndo̰o̰n labə̄ ngaān tə́. Ngán gə̄ nōōn̄ najə̄ yá̰a̰ kəsa tə́ banī deē sḛ́ý kə́ adə̄də́ gətóo.

OJEE 2:3

Ə́daī ngákó̰ó̰sí kə́ dəngam gə̄ na: Sḭḭ̄ i gír deē yāḿ gə̄ ō, ngákó̰ó̰sí kə́ dəyá̰ gə̄ na: Sḭḭ̄ i Kó tár gə̄ ō.

JAKARI 14:17

Gír kojə gə̄ kə́ dɔ nang tə́ ní, ré gír de gə̄ kógə̄ḿ kə́ dandə́ tə́ aw̄ Jerusalem rɔȳ mban̄g ń i Kɔ́ɔ̄ɓē kə́ bo kə́ tɔ́gən i ngá̰ý ní tə́ aĺ anī, man̄ a edə dɔ nang yān tə́ alé.

AMOS 4:7

M-ɔ̄gə̄sí man̄, adə̄ man̄ edə dɔsí tə́ alé nāā mətá kété no sāā kōō gə̄ tə́. m̄-rāā adə̄ man̄ edə dɔ ɓē kógə̄ḿ tə́ banī edə dɔ ɓē kə́ rang tə́ alé. M-ādə̄ man̄ edə dɔ ndɔr̄ kógə̄ḿ tə́ banī edə dɔ ndɔr̄ kə́rēý tə́ alé, adə̄ ndɔr̄ ní tutə kɔ̄ɔ́.