JEREMI 14:2 - Bible sar

² *Juda əhɔ ndoō, ɓē yān gə̄ a nujən̄ yā təgā, ton̄ kum tō ndoō ngá̰ý ō, əndan̄ nang ō. Jerusalem əga kɔŕ adə̄ ɓār̄ kə̄ dɔɔ́ dɔɔ́.

Bibəl ta Sar̄

² Juda əhɔ ndoō, ɓē yān gə̄ a nujən̄ yā təgā, ton̄ kum tō ndoō ngá̰ý ō, əndan̄ nang ō. Jerusalem əga kɔŕ adə̄ ɓār̄ kə̄ dɔɔ́ dɔɔ́.

JEREMI 14:2 Referans Kwoze

IJAI 3:26

Loo ń nōō tə́ ɓē kə taá malang a nōō rɔ̄n ō, a əhɔ ndoō ō. Ni a ndi nang tə́ tītə̄ dəyá̰ kə́ tḭ̄ḭ̄ ta yá̰a̰ malang kɔ̄ɔ́ beē.

JEREMI 8:21

m̄-tétə̄ rárák tɔdɔ̄ gír deē yāḿ gə̄ nujən̄ sák sák. m̄-ndi i kum loo kə́ ndul ndí ndí tə́. Mā i dan yá̰á̰ kə́ to kum ko̰ tə́.

1 SAMUEL 5:12

De gə̄ ń oyn̄ aĺ ní yá̰a̰ agə̄də́, adə̄ kɔŕ wur kɔl kə́ kem ɓēé ɓār̄ bátə́ teē dɔ rā̰ tə́.

JAKARI 7:13

adə̄ ni-əda na: Dan ń m̄-dəjedə́ kadə̄ oōn̄ taḿ anī, nin̄ mbātə́n̄ koō najə̄ yāḿ kɔ̄ɔ́. I beé n mā m̄-mbātə́nń koō najə̄ yādə́, dan ń nin̄ dəjen̄ kadə̄ m̄-rāā sédə́ ní.

JEREMI 11:11

I tām̄ ń toō tə́ n najə̄ ń Kɔ́ɔ̄ɓē əda ní n toó ní: M-ā m̄-rāā kadə̄ yá̰á̰ kə́ to kum kaȳ aĺ a reē dɔdə́ tə́ ō, nin̄ a asən̄ teē kum tə́ aĺ ō. A ɓārə́mə̄n̄ kadə̄ m̄-dḭḭ̄də́, ba m-ā m-ōō ndūdə́ alé.

JOEL 2:6

Ɓōĺ kə́ ngá̰ý tɔ̄l̄ gír nápar de gə̄ malang kété nodə́ tə́, ɓōĺ rāā adə̄ ta kumdə́ tūr̄ kɔ̄ɔ́.

JOEL 1:10

Nujən̄ kə ndɔr̄ gēé sák sák kɔ̄ɔ́, dɔ nang əhɔ ndoō. Nujən̄ kə gémēé sák sák kɔ̄ɔ́ ō, kasə nduú kə́ kijə təgā kɔ̄ɔ́ ō, yibə̄ kə́ kijə gətóo kɔ̄ɔ́ ō.

OJEE 4:3

I tām̄ najə̄ ń toō tə́ n loo laa a rāā dɔ nang kə́ kem ɓēé kadə̄ tutə káḿ káḿ ní. De kə́ kem ɓēé gə̄ malang ō, dā̰ kə́ bembeé gə̄ ō, yel̄ kə́ dɔɔ́ gə̄ ō ní, tɔ́gə́də́ a gətóo i ndɔ̄ naā tə́ gidə kógə̄ḿ. Kānjə̄ gə̄ kə́ kum bā bo tə́ gə̄gē a gətóon̄ kɔ̄ɔ́.

NŌŌ RƆ̄ 5:10

Ɓō rāājí al̄ naā adə̄ rɔ̄jí təngā tólóló tītə̄ yá̰á̰ kə́ kəla bəlo púr tə́ beē.

NŌŌ RƆ̄ 2:9

Bápə ta róbə ndogə̄ yān gə̄ dubə̄n̄ nángāá, Kɔ́ɔ̄ɓē tétə̄ gində̄ kutə̄ tadə́ gə̄ ō, nujən̄ ō. Mban̄g yān ō, ngār yān gə̄ ō, i dan nápar de gə̄ tə́, adə̄ *ndū najə̄ gətóo kɔ̄ɔ́. Tá *ngé koō ta yān gə̄gē a Kɔ́ɔ̄ɓē ɔjədə́ yá̰a̰ adə̄ a̰ā̰n̄ aĺ ō.

JEREMI 18:22

Ādə̄ de gə̄ oōn̄ kōō kɔŕ wur kɔl kə́ ɓār̄ ɓēé loodə́, dan ń ā ə́la kə de gēé kadə̄ teēn̄ rétə́ gēé kə̄ rɔ̄də́ tə́ ənīn̄də́ rɔ̄ɔ̄ ɔyn̄neé yā kɔýń yá̰a̰ yādə́ gə̄ ní. Tɔdɔ̄ nin̄ ndērə̄n̄ bəlo gīrə̄n̄neé gidəḿ yā kəhɔm̄ń ō, ənīn̄ réng gír njaḿ tə́. kanjə̄ kadə̄ m̄-ger̄ gō ō.

JEREMI 12:4

Dɔ nang a əhɔ ndoō i bátə́ ta kə́ rá? Mu kə́ ndɔrɔ́ a tutə kɔ̄ɔ́ malang i bátə́ ta kə́ rá? De kə́ kem ɓēé gə̄ ń ədan̄ na Nə́ɓā a̰a̰ yá̰á̰ kə́ ndɔ̄ń tə́ alé ní, kem ndul yādə́ a tɔ̄l̄ dā̰ kə́ bembeé gə̄ ō, yel̄ gə̄ ō yā təgā.

JEREMI 4:28

I tām̄ ń toō tə́ n dɔ nang əhɔ ndoō ní. No rā̰ əga ndul dɔɔ́ nú, tɔdɔ̄ i yá̰á̰ kə́ m-ún ndūḿ dɔ tə́ kɔ̄ɔ́ ɓá, i yá̰á̰ kə́ m̄-nóm̄ rāā i jóo ngá̰ý. M-ā m̄-lōō gírí alé, m-ā m̄-tūr̄ ndūḿ alé.

IJAI 33:9

Ɓē əhɔ ndoō ō, tutə kɔ̄ɔ́ ō. Mbal̄ bo gə̄ kə́ Liban ń əlan̄ rɔ̄sɔl̄ dɔdə́ tə́ ngá̰ý ní, tutən̄ malang kɔ̄ɔ́. Ndágə mbō kə́ Saro̰ tə́ to i tītə̄ dəla loo beé. Kāgə̄ gə̄ gətóon̄ kɔ̄ɔ́ dɔ mbal̄ gə̄ kə́ Basan tə́ ō, dɔ mbal̄ gə̄ kə́ Karmel tə́ ō.

IJAI 24:7

Kasə *nduú kə́ kijə əhɔ ndoō, tɔ́gə *kāgə̄ nduú gətóo kɔ̄ɔ́, ngé gə̄ ń kété kemdə́ nel̄də́ ngá̰ý ní, a nōōn̄ i mbée.

IJAI 24:4

Dɔ nang əhɔ ndoō, ni-əsō ngísə kɔ̄ɔ́, yá̰a̰ malang kə́ dɔ nang tə́ nujə kɔ̄ɔ́, əsō ngísə kɔ̄ɔ́. I kum mbang ń nujənə̄ń dɔ nang ní n nujənə̄ń dɔ rā̰ ō ní.

IJAI 15:5

m̄-ɓāŕ yá̰a̰ kadə̄ dḭḭ̄mə̄n̄ yā rāań kə ɓē kə́ Moab. De kə́ Moab gə̄ a̰ȳn̄ naā bátə́ ugə̄n̄ Soar, aw̄n̄ bátə́ ugə̄n̄ Egəlat Selisiya. Nin̄ alə̄n̄ kadə Luhit tə́ ta kaw̄ dɔɔ́ kə nōó. Nin̄ əgan̄ kɔŕ dɔ róbə́ kə́ Horonaim tə́ ədan̄ na: Yá̰a̰ malang i kə́ nujə kɔ̄ɔ́. I yá̰á̰ kə́ to kum kaȳ aĺ kə́ to ɓōĺ ngá̰ý kə́ ba̰ý beē!

IJAI 5:7

Ndɔr̄ *kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán *Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ *Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

Makətūbə̄ yā Job 34:28

Nin̄ aw̄n̄ bátə́ rāān̄ adə̄ nge ndoō əga kɔŕ adə̄ kɔŕ yān aw̄ ugə̄ rɔ̄n tə́. Tá ni i nge koō kɔŕ yā ngé gə̄ ń rāān kumdə́ ndoō tə́ ní.

1 SAMUEL 9:16

Bírí, kə kum mbang nəkɔ́ ń toō, m-ā m-ə́la kə de kógə̄ḿ kə́ gō nang kə́ Benjamḛ tə́ yā kadī kadə̄ úr yibə̄ dɔn tə́, kadə̄ ni i ngār yā deē yāḿ gə̄ ń i ngán *Israel gə̄ ní ō, kadə̄ ɔr̄ deē yāḿ gə̄ kɔ̄ɔ́ jī Pilistin gə̄ tə́ ō. Tɔdɔ̄ m-á̰á̰də́ ō, nōō yādə́ əsō mbīḿ tə́ ō.

Teē Ngán Israel gə̄ 2:24

Nə́ɓā oō nōō yādə́, anī əga kemən dɔ *madə̄ naā ń ni-əhɔ kə Abəraham ō, Isaak ō, Jakob ō ní tə́.

PĀ GƏ̄ 144:14

Ādə̄ man̄g yājí gə̄ ətōn̄ yá̰a̰ kadə̄ asə ta tə́. Ādə̄ madə̄ ba̰ā̰jí gə̄ taān̄jí loo to̰ aĺ ō, aw̄n̄ sejí ɓəloó to̰ aĺ ō. Ādə̄ deē oō kɔŕ ndágə loo yājí gə̄ tə́ to̰ aĺ ō.

IJAI 24:11

De gə̄ nōōn̄ kasə kə́ kum róbə kɔsə gə̄ tə́, ədan̄ na kasə na gətóo, rɔ̄nel̄ gətóo kɔ̄ɔ́, tə̄ɓān̄ rɔ̄nel̄ kɔ̄ɔ́ kem ɓēé.

JEREMI 12:11

Rāānən̄ adə̄ tél loo kə́ to kum ko̰. I ni n to noḿ tə́ toō, to nōō ngá̰ý ō, to kum ko̰ ō. Ɓē kə taá malang to kum ko̰, ba deē a̰a̰ de kə́ tōrə̄n najə̄n tə́ alé.

JEREMI 46:12

Nápar de gə̄ oōn̄ najə̄ rɔ̄sɔl̄ yāí, tɔdɔ̄ kɔŕ yāí taā dɔ nang. Nja go̰ rɔ̄ɔ̄ kógə̄ḿ tə́gā yā madə̄n adə̄ teē tə́sōn̄ jōó mbak.

NŌŌ RƆ̄ 2:8

Kɔ́ɔ̄ɓē núm̄ kadə̄ kə n-nujə ndogə̄ mbal̄ yā ngōmandə kə́ Siyo̰ kɔ̄ɔ́. A ənī kəlā kə́ yā jɔ̄r̄yɔń gidə loo kadə̄ asə naā ō, a tél kə jīneé karī kanjə̄ nujə loo aĺ ō. Ni-rāā adə̄ loo déw yā ngé rɔ̄ɔ̄ gə̄ ō, ndogə̄ mbal̄ ō, ton̄ ndoō ngá̰ý.

Makətūbə̄ yā Aje 1:11

m̄-rāā ādə̄ man̄ əhɔ laa kem ɓēé: Dɔ ngán mbal̄ gə̄ tə́ ō, dɔ ndɔr̄ kōō gémē tə́ ō, dɔ ndɔr̄ *kāgə̄ nduú gə̄ tə́ ō, dɔ ndɔ̄r̄ *kāgə̄ olibə gə̄ tə́ ō, dɔ ndɔr̄ kə́ rang gə̄ tə́ ō. Deē ndul gə̄ ō, dā̰ gə̄ ō a̰a̰n̄ tápə̄ najə̄ man̄ kə́ əhɔ laa tə́ ō, kəla malang ń ī-rāāī ní udə kɔ̄ɔ́ ō.

JOEL 1:11

Jī ngé ndɔr̄ gə̄ ur̄ wak. Ngé ndɔr̄ *kāgə̄ nduú gə̄, nōōn̄ rɔ̄də́. Kōō gémē ō kōō ɔ́rjə ō nujə kɔ̄ɔ́. Kōō kə́ ndɔrɔ́ nujə malang kɔ̄ɔ́.

JOEL 1:14

Ī-*ndiī ɓō tām̄ yā Nə́ɓā ɔ̄rīineé kam̄sí, ə̄nīī mbēr̄ kán̄ naā kə́ *táĺ, ɔ́siī dɔ *kum kɔɔ̄ gə̄ ō, de gə̄ malang kə́ kem ɓēé ō naā tə́, kem *kújə yā Kɔ́ɔ̄ɓē ń i Nə́ɓā yāsí ní tə́, ba ī-ɓāríī Kɔ́ɔ̄ɓē ādə̄ dḭḭ̄sí.