JEREMI 13:16 - Bible sar

¹⁶ Ɔ́siī gɔn Kɔ́ɔ̄ɓē Nə́ɓā yāsí kété tá kadə̄ ni-əla kə tilií dɔsí tə́ ō, kété tá kadə̄ ī-bḭ́ḭ̄ dɔ mbal̄ gə̄ kə́ til taā dɔdə́ tə́ ō. Ī-ngóōī i loo kə́ unjə̄ kow, ba ni-tūrə̄n adə̄ téĺ ndíl yo ō, kil̄ man̄ kə́ ndul ndí ndí ō.

Bibəl ta Sar̄

¹⁶ Ɔ́siī gɔn Kɔ́ɔ̄ɓē Nə́ɓā yāsí kété tá kadə̄ ni-əla kə tilií dɔsí tə́ ō, kété tá kadə̄ ī-bḭ́ḭ̄ dɔ mbal̄ gə̄ kə́ til taā dɔdə́ tə́ ō. Ī-ngóōī i loo kə́ unjə̄ kow, ba ni-tūrə̄n adə̄ téĺ ndíl yo ō, kil̄ man̄ kə́ ndul ndí ndí ō.

JEREMI 13:16 Referans Kwoze

IJAI 59:9

I tām̄ najə̄ ń toō tə́ n Nə́ɓā rāā yá̰a̰ tām̄ yājí tə́ aĺ ō, gān̄g sarya kə́ gōtə́ adə̄jí aĺ ō ní. J-əndāī kemjí dɔ loo kə́ unjə̄ kow tə́, banī jḭḭ̄ i kum loo kə́ ndul tə́. J-a jə-ngóōī i kə́ kadə̄ loo tīī dɔjí tə́, banī jə-njə̄rāī i ndɔ̄ɔ́.

IJAI 8:22

ba gō tə́ anī a a̰a̰n̄ loo nang tə́. Yá̰á̰ ń nin̄ a əngen̄ ní i wur kɔl ō, i loo kə́ risə til ō, i sōl̄ kə́ to ɓōĺ ngá̰ý ō, i loo kə́ ndul ndí ndḭ́ ō ō, ngóy.

IJAI 60:2

Á̰a̰ā̰, loo kə́ ndɔ̄ɔ́ taā loo dɔ nang tə́ malang, kə́ tuú tu kógə̄ḿ utə̄ dɔ gír de gə̄. Banī Kɔ́ɔ̄ɓē ḭḭ dɔɔ́ dɔí tə́ ō, kɔsə gɔn yān unjə̄ kow dɔí tə́ ō.

IJAI 5:30

Ɓá tā ba ndɔ̄ kógə̄ḿ anī, man̄ a ndán̄g gír de gə̄ ń toō, tītə̄ kōō bā bo kə́ ɓār̄ dan ń nél man̄ a əlań kə tɔ́gɔ́ tə́ ní beē. A a̰a̰n̄ ɓē, banī loo kə́ ndɔ̄ɔ́ ō, wur kɔl ō, a ɓír̄ gidə kɔ̄ɔ́. Kil̄ man̄ gə̄ kə́ ndulən̄ ndí ndí a utə̄n̄ dɔ loo kə́ unjə̄ kow kə́ kadaá kɔ̄ɔ́.

Gōsə̄ najə̄ gə̄ 4:19

Banī háĺ ngé kem ndul gə̄ to i tītə̄ loo kə́ ndɔ̄ɔ́ kə́ ndul ndḭ́ ndḭ́ beē. Yá̰á̰ kə́ to kum róbó ń a rāā yā kəga njadə́ ní, nin̄ asən̄ ka̰ā̰ alé.

JOJUE 7:19

Jojue əda Akan na: Ngōnə̄ḿ, ɔ́sə gɔn Kɔ́ɔ̄ɓē yā Israel ō, ī-ɓōkə́n tɔ̄ȳ ō, ɔ́jəm̄ yá̰á̰ ń ī-rāā ní ba ī-lōō munə̄m̄ yá̰á̰ kógə̄ḿ.

JEREMI 23:12

Ní loo a ndəte sedə́ dɔ róbə yādə́ gə̄ tə́ ō, a ndɔmə̄n̄ kum loo kə́ risə til tə́ ō, a tə́sōn̄ ō. M-ā m̄-rāā kadə̄ yá̰á̰ kə́ to kum kaȳ aĺ əso dɔdə́ tə́, kem ɓāl̄ ń m-ā m-ādə̄ a ɔjəmə̄nneé kəla rāādə́ gə̄ tə́ ní. Najə̄ ń Kɔ́ɔ̄ɓē əda ní n noó.

JEREMI 4:23

M-á̰a̰ loo kə̄ dɔ nang tə́ anī, m-á̰a̰ kadə̄ dɔ ndágə doy ō, yá̰a̰ gətóo tū tə́ ō. M-á̰a̰ loo kə́ no rā̰ tə́ anī, m-á̰a̰ kadə̄ loo kə́ unjə̄ kow gətóo kɔ̄ɔ́ tū tə́.

PĀ GƏ̄ 44:19

J-əya̰ gōí aĺ ō, jə-tɔ̄ kɔ̄ɔ́ dɔ róbə yāí tə́ aĺ ō.

1 SAMUEL 6:5

Ī-rāāī yá̰a̰ gə̄ kə́ ton̄ tītə̄ yá̰á̰ kə́ agə̄ de gə̄ ō, kə́ ton̄ tītə̄ yégə̄ gə̄ ń nujən̄ ɓē yāsí ní ō, ɔ́siīneé gɔn Nə́ɓā yā *Israel gə̄. Majanī a rāā kadə̄ yá̰á̰ kə́ tōr̄ rāāsí ō, rāā nə́ɓā yāsí gə̄ ń i ɓesə̄ yāsí gə̄ ní ō, ɓē yāsí ō, tītə̄ kə́ kété to̰ alé.

Teē Ngán Israel gə̄ 10:21

Kɔ́ɔ̄ɓē əda Moijə na kə əla jīn kə̄ dɔɔ́ kadə̄ loo kə risə til dɔ nang kə́ Ejiptə tə́, til kə́ yā kadə̄ deē a mám̄ i loo tá a njə̄rań.

1 PIYER 2:8

Tá ndangən̄ loo kə́ rang tə́ ɓáý to̰ na: I mbal̄ kə́ əga nja de gə̄, i mbal̄ bo kə́ nge rāā kadə̄ de gə̄ tə́sōn̄. Mbal̄ ní əga njadə́ i tɔdɔ̄ nin̄-mbātə́n̄ taā kem najə̄ yā Nə́ɓā. Tá kété nəkɔ́ gə̄gē ní, əndān̄də́ i kadə̄ yá̰á̰ ń noō rāādə́ ō.

JA̰A̰ 12:35

Anī Jeju ədadə́ na: Loo kə́ unjə̄ kow i dansí tə́ ɓáý. Ī-njə̄rāī dan ń loo kə́ unjə̄ kow i dansí tə́ ɓáý ní, yā kadə̄ loo kə́ risə til əhɔńsí dɔ jīsí tə́ alé. Tɔdɔ̄ deē ń njə̄rā tilií ní, ger̄ loo ń a aw̄ kə̄ tū tə́ ní alé.

NŌŌ RƆ̄ 4:17

Jḭḭ tā anī, kumjí roō kɔ̄ɔ́ loo ngóō ta de kə́ yā kadə̄ reē dḭḭ̄jí tə́. Jə-nda loo ngɔ̄m̄ loo yājí gə̄ tə́ jə-ngóoń ta reē nápar de kə́ tɔ́gə́də́ asə kajəjí aĺ gə̄.

JEREMI 14:19

Ḭ̄ ī-mbātə́ *Juda kə̄ noí tə́ a? Nelī kə *Siyo̰ to̰ aĺ a? I tām̄ rí tə́ á ə́ndájí kə yá̰á̰ kə́ majaĺ kə́ dum̄ təgā beé? Jə-rāā kemjí tə́ kadə̄ rɔ̄jí a ngan̄g ba yá̰á̰ kógə̄ḿ kə́ ngáā gətóo i ɓōĺ n teē kə̄ róbó.

JEREMI 8:15

Jə-ngóōī kadə̄ rɔ̄jí ngan̄g, ba yá̰á̰ kə́ to ngáā gətóo. Jə-ngóōī kum mbang kə́ kadə̄ rɔ̄jí ngangə̄ń, ba i ɓōĺ n rāājí ní.

KOHELET 11:8

Ré deē ndi kə kumneé ɓāl̄ ngá̰ý anī, ādə̄ rāā rɔ̄nel̄ kem ɓāl̄ gə̄ ń noō tə́ malang, banī ādə̄ əga kemən dɔ tə́ na ndɔ̄ kə́ majaĺ gə̄ i ngá̰ý ō, yá̰a̰ malang kə́ a reē ɓáý i yá̰á̰ kə́ kanjə̄ kumən ō.

Makətūbə̄ yā Job 3:5

Ādə̄ loo kə́ ndul ō, loo kə́ risə til nding kə́ ɓádá ō, dəjen̄ ndɔ̄ ní ba taān̄. Ādə̄ kil̄ man̄ kə́ ndul ndí ndḭ́ i dɔ ndɔ̄ ní tə́! Ādə̄ loo kə́ risə til nding əla ɓōĺ kemən tə́!

PĀ GƏ̄ 107:10

Ngé kə́rēý gə̄ ndin̄ i kum til tə́ kem jī yo tə́, nin̄ i dan kum ko̰o̰ tə́ ō, tṵ́ṵ̄n̄də́ i kə kəlā gindīí ō.

PĀ GƏ̄ 107:14

Ni teē sedə́ kɔ̄ɔ́ kum til tə́ ō, taādə́ jī yo tə́ ō, gán̄g kəlā gə̄ ń tṵ́ṵ̄n̄neédə́ ní kɔ̄ɔ́ ō.

JEREMI 2:6

Nin̄ mbātə́n̄ kəda na: Kɔ́ɔ̄ɓē ń teē sejí kɔ̄ɔ́ kem ɓē kə́ Ejiptə tə́ ō, ni i nge ɔr̄ nojí kem dəla loo tə́ ō, dɔ nang kə́ i kə̄sā gə̄ ō, i mbḛ̄ gə̄ ō n i tū tə́ ō, kem ɓē kə́ loo laa ō, ndíl yo ō, i tū tə́ ō, kem ɓē ń deē kógə̄ḿ kə́ mān̄ tū tə́ gətóo ō, kem ɓē ń deē kógə̄ḿ kə́ ndi tū tə́ gətóo ō ní i rá?

JEREMI 6:21

I tām̄ ń toō tə́ n najə̄ ń Kɔ́ɔ̄ɓē əda ní n toó ní. m̄-tə́ndā gīgə̄ gə̄ no gír de gə̄ ń toō tə́, kadə̄ tə́gādə́ kadə̄ bḭ́ḭ̄n̄ ba tə́sōn̄. Bɔbə̄ ngōn̄ ō, ngōn̄ ō a bḭ́ḭ̄n̄ naā tə́ mbak. Madə̄ ɓē naā gə̄ ō, madə̄ naā gə̄ ō, a oyn̄.

JEREMI 50:6

Gír deē yāḿ gə̄ télən̄ batə̄ gə̄ kə́ tadə́ tḭ̄ḭ̄. Ngé kul̄də́ gə̄ rāān̄də́ adə̄ ndómə̄n̄, rāān̄də́ adə̄ dáyə̄n̄ kə̄ dɔ mbal̄ gə̄ tə́. Nin̄ ḭḭn̄ dɔ mbal̄ kə́ bo gə̄ tə́ aw̄n̄ dɔ ngán mbal̄ gə̄ tə́, kanjə̄ kadə̄ əga kemdə́ dɔ gong yādə́ gə̄ tə́.

EJEKIEL 21:15

Ɔlən̄ tan i yā tɔ̄ləń de gə̄, Usən̄ kaskar ní i yā kadə̄ ndə́lē pipir.

EJEKIEL 34:12

Loo ń ré nge ngɔ̄m̄ yá̰a̰ kul̄ gə̄ ra dan ɓūtə̄ yá̰a̰ kul̄ gə̄ kə́ tə̄ndān̄ naā tḭ̄ḭ̄n̄ kə̄ loo gə̄ tə́ anī, ni a̰a̰ gō batə̄ yān gə̄. M-ā m-á̰a̰ gō yá̰a̰ kul̄ yāḿ gə̄ i tītə̄ ń noō ō. M-ā m-āw̄ gō batə̄ gə̄ tə́, loo malang ń nin̄ aw̄n̄ tū tə́ ní tə́, yā kaw̄ gān̄g dɔdə́. M-ā m̄-njə̄rā kum kə́ tuú tū tə́ ō, kum loo kə́ risə til tə́ ō, yā kaw̄ń gōdə́ tə́.

EJEKIEL 36:15

Ndū gə̄ ń nápar de kə́ rang gə̄ a tájə̄n̄sí ní ō, lur ń nin̄ a lurən̄sí ní ō ní, ā ōōī to̰ alé. Tɔdɔ̄ dɔ nang yāsí a tɔ̄l̄ ngáńsí gə̄ to̰ alé. Najə̄ ń Kɔ́ɔ̄ɓē Nə́ɓā əda ní n noó.

AMOS 4:13

I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.

AMOS 5:18

Ngé gə̄ ń tə́gān̄ tadə́ sétə́ loo ngóō ndɔ̄ yā Kɔ́ɔ̄ɓē tə́ ní, yá̰á̰ kə́ to kum kaȳ aĺ i tām̄ yādə́ tə́! Ndɔ̄ yā Kɔ́ɔ̄ɓē ngeé ń toō ní, i rí tām̄ yāsí tə́? I ndɔ̄ kə́ loo kə́ tū tə́ unjə̄ kow a? I beé alé: I ndɔ̄ kə́ loo kə́ tū tə́ ndul ndí ndḭ́!

PĀ GƏ̄ 29:2

Ɔ́siī gɔn Kɔ́ɔ̄ɓē ō, ī-tɔ̄yī rīn ō. Ɔ́siī nosí nang tə́ non tə́ ndágə *loo kə́ táĺ yān tə́.

IJAI 59:10

Jə-njə̄rāī kə gō kadə ndogə̄ mbalá kum kə̄ kété tītə̄ ngé kum tɔ̄ɔ̄ gə̄ beé. Jə-sāāī róbə yājí tītə̄ de gə̄ kə́ kumdə́ a̰a̰ loo unjə̄ ngá̰ý aĺ beē. Jə-də́bāī dan kadaá tītə̄ kə́ loo tíbə kɔ̄ɔ́ beē. Rɔ̄jí ngan̄g májə́ májə́, banī jə-toī tītə̄ de kə́ koy kɔ̄ɔ́ gə̄.

JOEL 2:2

I ndɔ̄ kə́ ndul ndí ndí ō, risə til nding ō. I ndɔ̄ yā kil̄ man̄ gə̄ ō, yā kil̄ man̄ kə́ ndul kíndíńg kíndíńg ō. Gír de kə́ ngá̰ý gə̄ ō, ngangə̄n̄ ngá̰ý gə̄ ō, tə̄ndān̄ naā tḭ̄ḭ̄n̄ kə̄ dɔ mbal̄ gə̄ tə́, tītə̄ ta gír loo kə́ atə wororo beé. I gír de gə̄ kə́ deē a̰a̰də́ nja kógə̄ḿ aĺ ɓáý ō, kə́ deē a a̰a̰də́ gogə́ to̰ aĺ i kə́ bátə́ gə̄ tə́ ō, bátə́ ɓāl̄ yā gír kojə gə̄ kə́ ndɔ̄ń tə́ tə́.