JEREMI 13:13 - Bible sar

¹³ anī ā ə́dádə́ na: Najə̄ ń Kɔ́ɔ̄ɓē əda ní n toó: M-ā m̄-rāā kadə̄ kasə a rāā de gə̄ malang kə́ kem ɓē ń toō tə́ ō, a rāā mban̄g gə̄ kə́ gír yā Dabid tə́ ń ndin̄ dɔ kōr̄ kāgə̄ mbang yān tə́ ní ō, *ngé tun̄ yá̰a̰ gə̄ ō, *ngé koō ta gə̄ ō, de gə̄ malang kə́ kem ɓē kə́ Jerusalem tə́ ō.

Bibəl ta Sar̄

¹³ anī ā ə́dádə́ na: Najə̄ ń Kɔ́ɔ̄ɓē əda ní n toó: M-ā m̄-rāā kadə̄ kasə a rāā de gə̄ malang kə́ kem ɓē ń toō tə́ ō, a rāā mban̄g gə̄ kə́ gír yā Dabid tə́ ń ndin̄ dɔ kōr̄ kāgə̄ mbang yān tə́ ní ō, ngé tun̄ yá̰a̰ gə̄ ō, ngé koō ta gə̄ ō, de gə̄ malang kə́ kem ɓē kə́ Jerusalem tə́ ō.

JEREMI 13:13 Referans Kwoze

IJAI 63:6

Dan ń wōn̄g rāām̄ ngá̰ý ní m̄-rējə̄ gír de gə̄. m̄-rāā adə̄ wōn̄g yāḿ rāādə́ kə́ kasə tə́ ō, m̄-ɓōkə́ mósə́də́ nang tə́ ō.

IJAI 51:17

Jerusalem, ī-ndól̄, ī-ndól̄! Ḭ́ḭ ī-ra dɔɔ́! Kɔ́ɔ̄ɓē rāā adə̄ ā̰ȳ kasə kə́ kem kópə wōn̄g yān tə́. Ḭ̄ ā̰ȳ i malang, adə̄ ḭḭ̄ noí.

PĀ GƏ̄ 75:8

Tɔdɔ̄ i Nə́ɓā n i nge gān̄g sarya ní. Ni-tél kə nge kə́rēý kə̄ nang tə́ ō, tél un nge kə́ noō dɔɔ́ gogə́ ō.

PĀ GƏ̄ 60:3

Nə́ɓā ḭ̄ ī-mbātə́jí, ī-tə̄ndā ī-tḭ̄jí kə̄ loo gə̄ tə́. I wōn̄g n rāāī ní ba úńjí dɔɔ́ gogə́ rang.

HABAKUK 2:16

Ba sḭḭ̄, a rāān̄sí kadə̄ rɔ̄sí a sɔl̄sí banī a rɔȳn̄sí i mbée alé! Ta i dɔsí tə́ kadə̄ sḭḭ̄ ā̰yī yá̰á̰ ní ba ɔ́jiīń de gə̄ rɔ̄sí kə́ karī! Kɔ́ɔ̄ɓē a ra sesí ta ka̰ȳ yá̰á̰ kə́ kem kópə wōn̄g yān tə́. Kadə̄ rɔȳ ń rɔȳn̄sí ní, tél i rɔ̄sɔl̄ kə́ əlan̄ dɔsí tə́.

JEREMI 51:7

Kopə lɔ́r ń Kɔ́ɔ̄ɓē əhɔ kem jīn tə́ ní, i Babilon. Kasə kə́ kemeé rāā de gə̄ malang kə́ dɔ nang tə́. Nápar de gə̄ a̰ȳn̄ kasə *nduú yān, bátə́ adə̄ gerə̄n̄ kum najə̄ to̰ alé.

JEREMI 25:27

Ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel əda ní n toó: Ā̰yī ādə̄ rāāsí ō, ī-tōmbī ō, ī-teē ī-tə́sōī kanjə̄ kadə̄ ḭ́ḭī dɔɔ́ ō, dan ń a á̰a̰ī kaskar ń m-ā m-ə́la dɔ dáńdə́ tə́ ní.

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə *nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

JEREMI 51:57

M-ādə̄ de kə́ bo yān gə̄ ō, kum kɔ̄ɔ́ yān gə̄ ō, ngé ko̰o̰ ɓē yān gə̄ ō, ngé rāā sarya yān gə̄ ō, go̰ rɔ̄ɔ̄ yān gə̄ ō, kasə *nduú adə̄ rāādə́. Nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ ō. I Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda najə̄ ń noō ní.

IJAI 51:21

I beé ní, ḭ̄ ɓē kə́ kumií tō ndoō, ōō najə̄ ń toō: Yá̰a̰ rāāí kə́ kasə tə́, banī i kasə *nduú n rāāī ní alé.

IJAI 29:9

Ādə̄ ɔr kumsí ō, ī-ndiī kanjə̄ kəda yá̰a̰ ō. Ī-téliī ngé kum tɔ̄ɔ̄ gə̄ ō, ī-ndiī kanjə̄ ka̰a̰ loo ō. Ādī kasə rāāsí, ba i kanjə̄ ka̰ȳ kasə nduú. ī-bḭ́ḭ̄ḭ̄ sitə sitə, ba i kanjə̄ ka̰ȳ kasə.

JEREMI 13:12

Ḭ̄ ā ɔ̄r̄ najə̄ ń toō sedə́. Najə̄ ń Kɔ́ɔ̄ɓē Nə́ɓā yā Israel əda ní n toó. De gə̄ ā ɓōkə́n̄ kasə *nduú kadə̄ rosə kem jóo malang. Ba ré tél ədan̄ na: Jə-ger̄ majə kadə̄ a ɓōkə́n̄ kasə nduú kadə̄ rosə kem jóo malang,

JEREMI 25:29

M-ā m-ə́la kə yá̰á̰ kə́ to kum kaȳ aĺ dɔ de gə̄ tə́. M-ə́la gír i dɔ ɓē ń rīḿ ɓār̄ dɔ tə́ ní sḭḭ̄ a ī-teēī kum tə́ karī a? Njaḿ gē ā ī-teēī kum tə́ alé. Tɔdɔ̄ m-ā m̄-rāā kadə̄ de kə́ dɔ nang tə́ gə̄ malang oyn̄ yo kaskar. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.