JEREMI 13:10 - Bible sar

¹⁰ Gír de kə́ ngé kem ndul gə̄ ń mbātə́n̄ koō najə̄ yāḿ ba rāān̄ dɔ ngan̄g kə̄ nodə́ tə́ ō, ngɔ̄də̄n̄ gō nə́ɓā kə́ rang gə̄ tə́ yā ndɔ̄ȳdə́ ō, ɔsən̄ nodə́ nang tə́ nodə́ tə́ rɔȳn̄də́ ō ní, ādə̄ tél ton̄ tītə̄ ta kūbə̄ do̰ō̰ ɓōdə̄ ń toō ń majə rāań yá̰a̰ to̰ alé ní.

Bibəl ta Sar̄

¹⁰ Gír de kə́ ngé kem ndul gə̄ ń mbātə́n̄ koō najə̄ yāḿ ba rāān̄ dɔ ngan̄g kə̄ nodə́ tə́ ō, ngɔ̄də̄n̄ gō nə́ɓā kə́ rang gə̄ tə́ yā ndɔ̄ȳdə́ ō, ɔsən̄ nodə́ nang tə́ nodə́ tə́ rɔȳn̄də́ ō ní, ādə̄ tél ton̄ tītə̄ ta kūbə̄ do̰ō̰ ɓōdə̄ ń toō ń majə rāań yá̰a̰ to̰ alé ní.

JEREMI 13:10 Referans Kwoze

JEREMI 16:12

Sḭḭ̄ tā anī ī-rāāī yá̰a̰ majaĺ tɔȳ yā kaasí gə̄ ɓáý. Náā nəkɔ́ ɓáa rāā dɔ ngan̄g kə́ dum̄ kəda ta tə́ kə̄ non tə́ ba ōōī najə̄ yāḿ alé.

JEREMI 9:14

I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel, ɔr̄ najə̄ tītə̄ ń toō beé ní: M-ā m-ādə̄ gír de gə̄ ń toō man̄ ngəra kāgə̄ kə́ katə̄ kárárá ō, man̄ kə́ yḛl kum ō kadə̄ a̰ȳn̄.

TƏ́DA 14:11

Kɔ́ɔ̄ɓē əda Moijə na: I ndɔ̄ kə́ rá tə́ n a asə gír de gə̄ toō mbātə́m̄ ní? m̄-rāā yá̰á̰ kə́ yáā gə̄ malang kə́ ɔjən̄ tɔ́gə́ḿ kə̄ ndágá dɔ dáńdə́ tə́, ba i rə́ngáý tə́ n a ənīn̄ kemdə́ yā kadə̄m̄ ní?

KƏLA RĀĀ 7:51

Sḭḭ̄ i ngé dɔ ngan̄g gə̄, ngarān̄g kemsí ō, mbīsí ō, i kə́ kutə̄ kɔ̄ɔ́. Sḭḭ̄ i ngé mbātə́ najə̄ kə́ ta *Ndíĺ kə́ Táĺ tə́ kə dɔ ndɔ̄ gə̄ tītə̄ yā kaasí gə̄.

JEREMI 13:7

M-ḭ́ḭ m-āw̄ Opəratə tə́ m̄-ndəle ta kūbə̄ ní ba m-ún loo ń m̄-ɓɔ̄ɔ̄ tū tə́ ní tə́. Banī ta kūbə̄ *lḛ́ḛ ní əɓa mōrō kɔ̄ɔ́ adə̄ majə rāāń yá̰a̰ to̰ alé.

JEREMI 3:17

Kem ndɔ̄ gə̄ ń noō tə́ ní, a ɓārə́n̄ Jerusalem na i ‹Kōr̄ kāgə̄ mbang yā Kɔ́ɔ̄ɓē›. Nápar de gə̄ malang a a̰ȳn̄ kum kə̄ rɔ̄n tə́ najə̄ yā rī Kɔ́ɔ̄ɓē ń əndān̄ dɔn tə́ ní. A ton̄ gír rāā dɔ ngan̄g yādə́ kə́ majaĺ al̄ naā tə́ to̰ alé.

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán *Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

JEREMI 16:4

Ɓō a rāādə́ bátə́ yā tɔ̄l̄də́. Deē a nōōdə́ aĺ ō, dubə̄də́ aĺ ō, a télən̄ bū loo dɔ dā̰ nang tə́ ō, a oyn̄ yo kaskar ō, yo ɓō ō. Nīńdə́ a téĺ yá̰a̰ kəsa yā yel̄ kə́ no rā̰ tə́ gə̄ ō, dā̰ kə́ dɔ nang tə́ gə̄ ō.

JEREMI 11:18

m̄-teē dɔ yá̰á̰ ń a nómə̄n̄ yā rāā sedə́ tə́ ní, dan ń Kɔ́ɔ̄ɓē rāā adə̄ m̄-ger̄ gō ō, m̄-ger̄ kum ō ní.

JEREMI 8:5

Jerusalem, i tām̄ rí tə́ á gír de gə̄ ń toō tūrə̄n̄ gidədə́ kɔ̄ɔ́ taḿ tə́ ō, túyn̄ taā kem yādə́ kə̄ nodə́ tə́ kanjə̄ kadə̄ asədə́ ō ní? Nin̄ gólə̄n̄ rɔ̄də́ kə̄ nodə́ tə́ ba mbātə́n̄ tél dɔ njadə́ tə́.

JEREMI 5:23

Banī gír de gə̄ ń toō kemdə́ ngan̄g ngá̰ý ō, mbātə́n̄ najə̄ ngá̰ý ō. Nin̄ ɔrə̄n̄ rɔ̄də́ kə̄ gogə́ ō, aw̄n̄ kɔ̄ɔ́ ō.

IJAI 3:24

Sēē yá̰á̰ kə́ ndum a otə kum gotə ítər gə̄ ō, kəlā kə́ karī a un gotə ndāŕ kəhɔ ɓōdə̄ ō. Dɔ kə́ dəsā a un gotə dɔ kə́ tūmə̄n tə́la naā ngá̰ý ō, kūbə̄ kəhɔ ndoō kə́ rāā kə sákə̄ kə́ ndo̰ō̰ huyuyu a un gotə kūbə̄ kə́ majə ngá̰ý kə́ gātə̄n i ngá̰ý ō. Tə́re rɔ̄sɔl̄ a un gotə majə kə́ rɔ̄ deē majə ō.

KOHELET 11:9

Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

PĀ GƏ̄ 78:8

Ɓáa nin̄ a ton̄ tītə̄ kaadə́ gə̄ alé. Kaadə́ gə̄ i ngé dɔ ngan̄g gə̄ ō, ngé mbātə́ najə̄ gə̄ ō, ngé kem jōó gə̄ ō, ngé ra dɔ ndūdə́ tə́ kə Nə́ɓāá aĺ gə̄ ō.

JEREMI 7:6

ī-rāāī kum nge nam̄ ɓē ō, ngōn̄ hal ō, nge ngaa koy ō ndoō tə́ alé. Ī-ɓōkíī mósə́ kə́ kanjə̄ najə̄ dɔn tə́ nang tə́ loo ń toō tə́ alé, ī-ngɔ̄dī gō nə́ɓā kə́ rang gə̄ alé na sōgə́ yá̰á̰ kə́ to kum kaȳ aĺ əsō dɔsí tə́.

JEREMI 9:6

I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé ní: M-ā m̄-nōōdə́ horoó ō, m-ā m-ə̄ndā ma̰ȳdə́ ō. Tɔdɔ̄ m-ā m-ə́ndá gír deē yāḿ gə̄ najə̄ kem ndul yādə́ tə́.

JEREMI 11:10

Nin̄ tél rāān̄ majaĺ yā kaadə́ gə̄ ń mbātə́n̄ koō najə̄ yāḿ gə̄ ní. Ngɔ̄də̄n̄ gō nə́ɓā kə́ rang gə̄ tə́ ō, ndɔ̄ȳn̄də́ ō. I beé n de gə̄ kə́ *Israel tə́ ō, kə́ *Juda tə́ gə̄ ō gāngə̄n̄neé *madə̄ naā ń m-ə́hɔ kə kaadə́ gēé ní.

JEREMI 20:4

Tɔdɔ̄ najə̄ ń Kɔ́ɔ̄ɓē əda ní n toó: Á̰a̰ā̰, m-ā m-ādə̄ yá̰á̰ kə́ to ɓōĺ ngá̰ý a əsō dɔí īkɔ́ tə́ ō, madí gə̄ tə́ ō. Madə̄ ba̰ā̰də́ gə̄ a tɔ̄lə̄n̄də́ kə kaskaraá kadə̄ ā á̰a̰ā̰ kə kumií. M-ā m-ə́la de kə́ *Juda tə́ gə̄ jī mban̄g kə́ *Babilon tə́. A əhɔdə́ dɔ gúú tə́ yā kaw̄ sedə́ Babilon ō, a tɔ̄l̄də́ kə kaskaraá ō.

JEREMI 22:21

M-ɔ̄r̄ najə̄ seí dan ń usiīneé dɔ yá̰a̰ tə́ aĺ ní. ba ī-tél ə́da na: m̄-gḛy koō ngōn̄ najə̄ sḛ́ý aĺ bátə́. I yá̰á̰ ń noō n ī-rāā kə ngōn̄ dūúí bátə́ ɓōólaā ní. Ḭ̄ ōō najə̄ yāḿ nja kógə̄ḿ alé.

JEREMI 23:17

Nin̄ nāān̄ kəda ngé gə̄ ń kídə̄n̄ najə̄ yā Kɔ́ɔ̄ɓē ní na, Kɔ́ɔ̄ɓē əda na: Yá̰a̰ malang a njə̄rā majə tām̄ yāsí tə́. Nin̄ ədan̄ náā nəkɔ́ ń a rāā dɔ ngan̄g kə̄ non tə́ ní na: Yá̰á̰ kə́ to kum kaȳ aĺ a əsō dɔí tə́ alé.

JEREMI 35:15

m̄-to dan kəla ngé kəla yāḿ gə̄ ń i *ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

JEREMI 44:5

Nin̄ oōn̄ najə̄ yādə́ aĺ ō, nēlə̄n̄ mbīdə́ yā tūrəń hál kem ndul yādə́ aĺ ō, lōōn̄ gíŕ róō *yá̰a̰ ndējə̄ gə̄ tə́ yā kadə̄ nə́ɓā kə́ rang gə̄ aĺ ō.

JEREMI 44:16

Ɔ̄r̄ najə̄ sejí i kə rī Kɔ́ɔ̄ɓēé ɓá tā ba j-a j-oō najə̄ yāí alé.

JEREMI 7:13

Dan ń sḭḭ̄ ī-rāāī yá̰a̰ gə̄ ń toō malang ō, m-ɔ̄r̄ najə̄ sesí kə̄ nja naā tə́ ba ī-mbātíī koō ō, m̄-ɓārsí ba ī-mbātíī ndigə ō ní,

JEREMI 9:13

ba rāān̄ dɔ ngan̄g kə̄ nodə́ tə́ ō, əhɔn̄ gō ɓesə̄ *Baal gə̄ tītə̄ ń kaadə́ gə̄ ndóōn̄neédə́ ní ō.